رواية زواج بالاحتيال
الفصل السابع7
بقلم جمانه السعيدي
طبعا نهله شريكة بكلشي مادام ساكته
اذن هي شريكه بهاي الجريمه
نهله ....رجعنا البيتنا واني كلش ضايجه على هادي مايستاهل بس مابيدي شي
امي...ننتضر يومين اذا مايطلك اروحله للمجمع واهدده
نهله...يمه ولله خطيه يكسر الخاطر
امي...انجبي اس ولا كلمه ولله إذا سمعتج فاكه حلكح
لو حاجيه كلمه وحده
ماتلومين اله نفسج
انتي متوقعه بس تحجيله راح ياخذج بحضنه ويكول شكرا حبيبتي
راح يكول انتي شريكه بلجريمه وراح يشتكي عليج وعليه
وساعته انام بلسجن ثنيبنه
اسكتي ممنوع تفتحين حلكج بكلمه وحده
مادام كلشي صار بعد اسكتي
وبعد ممنوع اطلعين من اللييت منا لمن نحصل على الطلاك
فهمتي لو لا
نهله...بقينا اربع ايام لا حس ولا خبر
الحد ماجتنا حياة كلش ضايجه وحزينه
امي فتحت الباب وكالت نهله ادخلي جوه ولا اطلعين
حياة...شلونج عيوني ام نهله
امي...الحمد لله
حياة...عيوني اني جايه على شغلة هادي ونهله
امي...شبيهم
حياة...خل ترجع للبيت اكيد راح نلكه حل ترا ماصار هواي مزوجين وعادي هاي الشغله تصير عد اكثر الناس
امي...الله عليج تقبلين هذا الوضع على بتج
شنو ذنبه هاي المسكينه تعيش وياا واحد بكد عمرها مرتين والنوب ماكو زواج حقيقي
شنو النهاية فهميني
حياة...ترا اخوي رجال وماناقصه شي بس الضروف حكمت هيج عادي يتعالج
ترا هو يحبه ومراح ينقص عليه بشي
امي...شنو ماينقص عليه شي غير كون تاخذ حقوقه كامله منه يعني شنو كاعده يمه تاكل وتشرب
قابل احنا ماعدنا اكل وشرب
تريد تكون اسره تريد اطفال
حياة...اي خل ترجع شهر واحد جمانه السعيدي منا لمن يتعالج واذا خلص الشهر سوي الشي الي يعجبج
امي...ولا يوم واحد خل يطلك احسن اني ماعندي بس هاي البنيه ومامستعده اضحي بيه
حياة...ولله حرام عليج يحبه ياامة الاسلام
امي...واني شسوي بهذا الحب الي مأمنه فايدة
طلعت حياة من بيتنا زعلانه على امي وزعلانه على حظ اخوها الوحيد الي مالحكت تفرح بي
عبرن يومين ثانيات وماكو خبر من هادي
اليوم الي بعده امي راحت على هادي للمجمع
بس دخلت وشافه خاف منه مبينه ماعدها خبر زين
هادي...هلو عمه
امي...لا عمه ولا خاله طلك نهله احسن مااجي هنا وافضحك فضيحه كدام أمة محمد
طلكه خليه تشوف حياته وخلينا حبايب
اذا ماتريد مشاكل طلكه
سكت ماعندا اي رد عليه ومايريد يحجي وياها هنا ويعلى صوته والناس تسمع كله
رجعت امي بس تكول هادي صاير وجه اسود وعيونه حمر
وحتى وكفه مايكدر يوكف من القهر
بس شاف اامي ضاج حيل
بعد يومين بلضبط اجت حياة
من الباب ماقبلت تدخل للبيت انطت امي ورقة طلاكي
وراحت
امي ...اي اخيرا همزين خلصنا منهم
نهله...وهسه شراح نسوي بعد الطلاك
امي...ننتقل مكان ثاني من باجر اطلع ادور على سكن جديد
خاف هادي يعرف المشكله ويتعالج ويرجع علينا
خل ننهزم بااسرع وقت ممكن
اليوم الي بعدا امي طلعت ادور على سكن جديد
بغير منطقه اول يوم كلشي مالكت
ثاني يوم هم رجعت ماكو سكن زغير حتى ماندفع ايجار
اكثر
اسبوع يله لكينا مشتمل نضيف بس طابق ثاني
وهم الإيجار معقول
بقينا ندور سياره تنقل غراضنا
اكو رجال اسمه ابو حمزه عندا كيه زغيره كافيه على غراضنا
امي راحت عليهم للبيت بس مالكته جابت رقم تليفونه
واتصلت علي
اتفق ويانا يجي بليل يشيل غراضنا
من عرف احنا بس نسوان ثنيين جاب ابنه وياا حمل الغراض ونتقلنا من هاي المنطقه
وبعد ماعرفت اي شي عن هادي من هاي اللحظه
وصلنا ورتبنا غراضنا جمانه السعيدي بقينا للساعه ثنتين نرتب وبعدين نمنا
من كد التعب
ثاني يوم كعدنا متاخرين تغدينا كبل وامي طلعت تستكشف المنطقه
بعد هي لكت شغله احسن من الخيره
وأسهل واضمن وبيها فلوس هواي
كامت تسئل على الناس الشبعانه بلمنطقه تريدله صيده جديده
اسبوع كامل وهي تطلع وترجع
الحد مااجت بيوم وكالت اكو ناس أمورهم الماديه كلش زينه
وعدهم ولد ثنيين يردون يزوجوهم
واحد خاطب وحده وياا من الكليه
والثاني لازم الشغل كله يبيعون ويشترون بلسيارات
اسمهم بيت حجي رائد
لازم نشوف فد ترتبب حتى ابنهم هذا يشوفج
يكولون يريد مواصفات خاصه
يريد وحده كلش حلوه
واكيد انتي الي عندج هاي الموصفات
نهله...يايمه هذا شلون ينعجب بيه قابل اروح اشتري منه سياره حتى مااعرف اسوق
امي...لا خل نشوف فد ترتيب بس يشوفج
اني اخلي يموت عليج
بعد شتريدين
بقت امي تخطط شلون هذا المكرود يشوفني ويجي يخطبني حتى نلعب علي نفس اللعبه
امي ماتبطل سوالفه هاي ابد
بقت تسئل امي منا ومنا وتراقب
الحد ماعرفت هو الضهر يرجع للبيت يرتاح شويه
وينام ساعه ويرجع للعمل
جابتلي ملابس محجبات كلش حلوات وكالت انزعي العبايه
فستان يخبل وياا حجاب وجنطه وحذاء
وخليت مكياج خفيف
طلعت فد شي
اخذتني بقيت انتضره لمن طلع سيارته من المعرض
وطلع من هذا الشارع
اتصلت عليه كالت طلع يله الباقي عليج
بس وصل قريب يريد يلوف من هذا لفرع هدا السياره شويه
طلعت علي اني اشرتله اوكف اوكف واني مبين عليه
الخوف
هدا السياره ووكف نزل كال خير اختي اكو شي
نهله...فدوه اكو جماعه صار ساعه يلاحكوني
شافوني استلمت راتب امي
يردون يبوكوني جنت ضامه نفسي منهم
من شافوني اشرتلك ختلو هناك
رحمه الاهلك اوكف اريدهم يرحون وارجع للبيت
اعرف جاي اعطلك
بس هذا عمل انساني
علي...تعاي اني اوصلج البيتكم اصعدي
نهله...مااريد اعطلك
علي...اصعدي الدنيا حاره شلون طلعتي وحدج
نهله...اني ماعندي لا اخ ولا اخت
بس اني وامي وعايشين على هذا الراتب امي مريضه
ومحتاجه علاج واجيت استلم الراتب
شافوني وحدي وبدأ يمشون وراي يردون ياخذون الراتب
كل مااشوف ناس امشي بصفهم
حتى لا يقربون عليه
علي...اصعدي اني اوصلج وين بيتكم
نهله...احنا انتقلنا جديد بهاي المنطقه
صعدت نهله وياا بلسياره وهي كامشه الجنطه بثنتين اديها
على اساس تخاف على الراتب
علي...لا تخافين هسه اوصلج وين ماتردين
نهله...شكرا الله يخليك
الدنيا بعدها بخير مادام امثالك موجودين
علي...شلقصه اذا تحتاجين فلوس هاج هذا كارتي اتصلي
عليه
نهله... تسلم الله يخليك مستوره الحمد لله اني مااطلع دائما امي تخاف عليه
لان الصراحه كل العيون عليه من اطلع شوية هلجمال هذا طاح عليه نقمه
من كلت هاي الكلمتين التفت عليه ونضرلي نضره عجيبه
وكانما يدقق بملامحي
علي...انت صح حلوه وبعدج زغيره لا اطلعين وحدج ابد
نهله...مو كتلك اني مااطلع بس اليوم الضرف حكم عليه
محتاجين الراتب وامي مريضه
نزلت حتى اجيب الراتب
علي....الله يحفظج
نهله...شكرا وصلنا نزلني شكرا جزيلا
علي....تفضلي تدللين
نزلت وصعدت الدرج للمشتمل امي كانت تباوع عليه من الشباك
امي...هااا
نهله...يمه مثقف وحلووو وشهم بس شافني اشرتله وكف
امي...اي وبعد
نهله...كال اي مساعده تحتاجين اني حاضر وانطاني رقم تليفونه
امي...كلش زين بديتي تعرفين أصول اللعبه
يله نتغدا ونخطط للاتصال بليل
نهله...يله
تغدينا وبدينا نحضر الكلام الي راح نحجي وياا بليل
وشلون راح نسحبه
حتى يخطبني ونلعب علي نفس اللعبه
اكيد عندا فلوس وراح يقبل يقدم المهر الي يعجبنا
بليل خليت رصيد ورنيت علي رنه وحده
يمكن ماانتبه
رجعت رنيت علي
رفع التليفون وكال اللووووو
نهله...السلام عليكم
علي...عليكم السلام منو وياي
نهله....اني البنيه الي وصلتني اليوم نهله
علي...اهلا وسهلا هلو شلونج
نهله...الحمد لله
علي...سدي التليفون خاف يخلص رصيدج اني اتصل عليج
سديت التليفون راسا دك
نهله...الووو
علي...شلونج
نهله...الحمد لله بس نحجي بيك اني وامي من الصهر الهسه
علي ...ماسويت شي هذا واجبي
نهله...هاي امي تريد تحجي وياك
علي...يله
امي...شلونك خاله
علي...هله خاله انتي شلونج
امي...الحمد لله الف رحمه على والديك على هلاخلاق
الطيبه اليوم جان ضاعت مني نهله
ولد الحرام هواي
علي...خاله لا تخليه تطلع وحدها وخاصة هيج وقت
امي...اليوم صار عدنا ضرف وطلعت
علي...اذا تحتاجون شي بس دزو عليه تدللون
امي...الف رحمه على والديك يالطيب
علي...تدللون
امي...شكرا تصبح على خير
علي...وانتم من اهل الخير