رواية معا للابد الفصل الخامس5والسادس6بقلم الاء سيد
-بحده: انت لعبت فـ عداد عمرك لما فكرت تيجي عليا اتشاهد عـ روحك ولا اقولك ابقى اتشاهد عـليك انا
وفـ نهاية كلامه خرجت رصاصه صوتها سمع فـ أرجاء المصنع ومعاها صراخ ورده..... بس لحظه كدا دا عبده لسه قاعد مكان والصدمه كانت من نصيب الراجل التاني وهو شايف عبده بيشيل الرصاصه الي خبطت فـ راسه وبيقلبها فـ ايديه وهو بيبصله ببرود واستهزاء
-بصدمه وعدم استيعاب: ايه.... ايه.. ايه ازاي
عبده بضحكة سخريه وهو بيقوم من مكانه مُتجه ناحية الراجل: ازاي... ازاي.. زي الناس "وميل عـ ودنه وهمس بـ استهزاء" اصلك راجل كروديا مع إني اكسف اقول عليك راجل
بعد عنه وبـ حركه سريعه حط ايديه ورا رقبة الراجل وبـ الأيد التانيه حطلو الرصاصه فـ بقه وخبط راسه فـ الحيطه وأردف بسخريه: معلش ياكروديا كان نفسي تبقى رصاصه بحق وحقيقي بس بما انك كروديا فـ جاي تخلص عليا برصاص فستك
الراجل استوعب الأمر وحاول يضرب عبده بوكس بس عبده كان أسرع وهو بيتفادى الضربه وبيلف ايديه حوالين رقبة الراجل وبحركه سريعه لف رجله حوالين رجل الراجل و وقعه فـ الأرض وهو بيسدد ليه بوكس ورا التاني ونظراً للفرق الجسماني بينهم فـ عبده جسمه رياضي طويل والراجل التاني جسمه ضعيف فـ كان من السهل جداً إن عبده يتغلب عليه بسهوله جداً
عبده بحده وهو بيضربه بوكس: جاي لحد هنا برجليك ليه مش قولتلك مش عايز المح خلقتك حتى لو بـ الصدفه
الراجل بتعب وهو بينزف دم من أنفه: جاي اخد حقي منك بعد رميتي فـ السجن 8شهور بسببك
عبده بحده: وأنا الي كنت قولتلك تسرقني وتحط ايدك فـ ايد عدوي لا ومش بس كدا دا انتَ كنت بتخطط لـ قتلي كمان أنا لولا أمك الست الطيبه كنت سيبتك فـ السجن لحد مـَ تعفن دا انت تحمد رينا إنها جت على 8شهور مش مؤبد
عـ أثر صوت الرصاصه وصوت عبده العالي كان في ناس كتير اتجمعت قصاد المكتب واحد منهم اتجه ناحية عبده وهو بيشيله من فوق الراجل وبيقول: عبده خلاص كدا سيبو وانا هكلم البوليس وهو يتصرف معاه
عبده: لا مفيش بوليس ولا غيره خُده المخزن وانا هتصرف معاه
ـــــــــــــــــــــــــلا إلا الله محمد رسول اللهـــــــــــــــــ
فـ الجهاز وخصوصا فـ مكتب مالك قاعد ومركز فـ الورق الي قدامه واذا بفجأه الباب بيتفتح بهمجيه
مالك وهو لسه عيونو فـ الورق: انا قولت كام مره يا زفت في باب تخبط عليه قبل مـ تدخل
غيث بمرح: فـ ايه يا لوكه دا انا مش حد غريب وبجديه سامح قالي انك عايزني
مالك:اترزع وخد شوف دا وبيديلو ورق
غيث : فـ ايه الورق
مالك:اقرأ وانت تعرف
بعد مرور دقايق
غيث:يا ولاد الـ ايه دول شياطين مش بشر
مالك:امجد بعد م خسر ملايين ف العمليه الي فاتت قرر يلعب بالنار الي هتحرقو هو وكل الي معاه
غيث:انت ناوي ع ايه بالظبط يا ابن الشرقاوي انا مش مرتحلك
مالك ببرأءة مصطنعه: اخص عليك ياغيثو انت تعرف عني كدا برضو
غيث بسخريه:كدا بس دا كدا وأبو كدا كمان
مالك بجديه: طب اسمع بقا_________________
غيث:يا ابن الـ إيه دا ابليس يسقفلك
مالك يغرور:هو انا اي حد دا انا مالك برضو
غيث:طبعا يا لوكه
مالك:غور ياض ع مكتبك بلا لوكه قال
غيث بضحك وهو خارج:طب لوكه لوكه لوكه واحلى بيبي كمان
مالك لسه هيقوم وراه كان اختفى وقفل الباب كمان قعد ع الكرسي بيضحك بغلب:اعمل اي صاحبي وبحبك ومضطر استحملك ربنا يديمك ليا
ـــــــــــــــاذكر اللهــــــــــــ
عند مازن قاعد بيذاكر ومندمج فـ المذاكرة فتحت أميره الباب براحه ودخلت من غير صوت لحد مـ وصلت عند مازن وكانت وراه لان مكتبو ف وش الباب الي هو ضهرو للباب فاهمني ؟؟
جت أميره عند ودنو بصوت عالي: توووووووووت
مازن بخضه وحاطط ايدو ع ودانو: ايه ياماا ودني
أميره بضحك: تعيش وتاخد غيرها ياميزو
مازن وهو بيحدف عليها الكتاب: بت غوري من وشي احسن اقوملك
أميره بـ استفزاز: لا قوم وانا اروح اقول لـ ماما يا بتاع ر
قبل مـَ تكمل كان حط ايديه عـ بوقها بغيظ: طب اخرصي بقى
أميره وهي بتشيل ايدو: طب ايدك عـ 500 جنيه وانا هنسى الموضوع كله اتفقنا
مازن وهو بيبصلها بـ شك: مش مطمنلك
أميره وهي بتبصله ببراءة مصطنعه: عيب يا ميزو دا انا اختك. حتى
مازن بسخريه: اختي اه مـ انا عارف
أميره: طب يلاا ايدك عـ الـ 500 جنيه
مازن: مش دلوقتي معييش
أميره ببراءةمزيله: خلاص ياميزو انا اكيد مش هضغط عليك"واكملت بمكر"انا اروح اقول لـ وفاء وهي هتديني
ولفت ولسه هتمشي مازن مسكها من ايديها بغيظ وهو بيقول: ازفتي هديكي
فتح درج المكتب وخرج منه فلوس وقبل مـ يعدهم كانت أميره سحبتهم منو وهي بتقول: عيب عليك الي طلع مينعدش ولا يدخل مكانه تاني
مازن وهو بيمد ايديه ياخد منها الفلوس وهي بتخبيهم ورا ضهرها
مازن بغيظ: هاتي بقى
أميره: لاء دول بقو بتوعي خلاص لإما
مازن بغيظ: عيله مستغله
أميره بـ استفزاز: ثوكرن ياميزو
مازن وهو بيزقها من كتفها: جتك نيله ايه معندكيش اخوات
أميره: لا ياخويا معنديش صح ماما بتقولك يلا علشان تاكل
مازن: جاي يختي ربنا ع الظالم والمفتري
قمر ببرأءه مصطنعة: مالك ياميزو يا حبيبي حد جه عندك
مازن :لا يختي مفيش يلا قدامي
______________________________استغرك ربي وأتوب إليك
فـ مكان تاني اول مره نروحه
$فرح بقت خطر علينا لازم نخلص منها هي واخوها قبل مـ يعرفو حاجه
&هما اكيد عرفو
$لا لو كان حد فيهم عرف كانو قلبو الدنيا وخصوصا احمد انت متعرفش بيحب اختو ازاي
&اهدي كدا علشان العمليه قربت وفرح هنخلص عليها ف اقرب وقت واحمد هيحصلها علطول
$بشر وحقد:واخيرا هرتاح منها
______________________لا حول ولا قوة إلا بالله العلي العظيم
فات أسبوع والأوضاع هاديه نوعاً ما بين مالك وغيث الي بيشتغلو بتركيز وبيخططو لـ حاجه مهمه وعبده الي حابس الراجل الي اتهجم عليه فـ المخزن ومش راضي يسيبهأو يسلمو للبوليس والشخصين المجهولين الي همَ كمان بيخططو لـ حاجه شريره يتخلصو بيها من فرح ومضايقة كريم لـ وعد وهي مش بتسكتلو والبنات بيروحو الجامعه ويومهم عادي وأحمد الي مخبي حاجه عـ فرح وهي ملاحظه دا بس مستنياه يجي هو ويحكيلها ومش عايزه تضغط عليه خصوصاً بعد مـَ صلحها فـ اليوم الي زعقلها فيه لما كانت رايحه عند خالها علي وقالها إن عندو ضغط مذاكره وتدريبات فـ الجامعه مع شغل الشركه بتاع والده وهي اقترحت عليه إنها تمسك معاه بس هو رفض وهي مـَ أصرتش لأنو رافض الموضوع دا من زمان
ــــــــــــــــيا حيّ يا قيوم برحمتك أستغيث أصلح ليّ شأني كله ولا تكلني إلى نفسي طرفة عينـــــــــــــــــــــــــــ
فـ الجامعه البنات كانو لسه خارجين من المحاضره وهمَ بيتنهدو بضيق
فرح بضيق: ياربي يعني هو ملقاش غير النهارده ويقول إمتحان مفاجئ عـ المنهج كلو وكمان امتحان الشفوي بتاع الفاينال الاسبوع الجاي
أميره بضيق مُماثل: مـَ هو كلو بسببك مش انتي الي لما وقفك علشان يسئلك روحتي قولتيلو انت مبتعرفش تشرح يادكتور
فرح بغيظ: هو الي استفزني وبعدين هو المفروض يسئل فـ محاضرة النهارده مش يسئلني فـ محاضره من السنه الي فاتت وبعدين هو مستقصدني علشان يشيلني الماده انا عارفه
روز: يعني هو مستقصدك من فراغ مش من عمايلك خالص
فرح ببراءة مصطنعه: دا انا بسكوته هو انا عملتلو حاجه حازم ابن منصور دا
أميره بسخريه: انتي هتقوليلي مـَ انا عرفاكي ملاااااك
فرح: شوفتي علشان تعرفو اني مزلومه
روز بمرح: بعد مزلومه دي متتكلميش تاني "واكملت بتساؤل" انا نفسي افهم هو مستقصدك ليه كدا مش المفروض انك زي مـ قولتيلي انه يبقى جيران خالك
فرح:احم مـَ هو انا اثلاا مكنتش أعرف كدا وعرفت من خالو إنه يبقى جيرانه من زمان وهو هو نفس الشخص الي كنت برازي فيه واضربو انا واحمد واحنا صغيرين انا نسيتو اثلااا ولما شفتو مكنتش اعرفو ولا فكراه بس هو شكله كدا لسه فاكر
روز: وانتي هتفتكري مين ولا مين دا انتي كنتي بترازي فـ كل خلق الله
فرح بغيظ: خلصنا
أميره: بت انتي تقعدي ساكته خالص علشان انا مش طياقكي
فرح بلامباله: اقعد ولا اقف No Problem صحيح أحمد هو الي هيجبني المسجد النهارده علشان عنده حلقه متعدوش عليا
روز: واانا كمان غيث هيوصلني فـ طريقه
أميره: الله انتو هتسبوني اروح لوحدي
فرح: خلي اخوكي يوصلك او عمو
أميره: لاء مـَ كدا كدا انا عندي مشوار مع مازن فـ هخليه يوصلني
فرح: امال ايه هتسيبوني لوحدي دي محسساني اننا هنسيبك فـ صحرا
أميره:الله بحب أثير الجدل
بعد كام ساعه فـ المسجد كانت البنات موجوده ومعاهم بنات تانيه كتير والشيخه بتكلمهم عن العشره الأوائل من ذي الحجه
الشيخه:هقولكم النهارده عن 10 نصايح لـ عشر ذي الحجة أول حاجه الصيام:
مش تقيله خالص إنك تصومي٩ ايام ، الشيطـ.ـان بس هيحسسك إنها صعبه بس انتي كنتي شجاعه وصومتي رمضان كامل اللي هو ٣ أضعاف ذو الحجه ، فـ متستتقليش للموضوع دي حسنات مضاعفة خسارة تضيعها
طيب نيجي بقى للقيام:
حاولي متسيبش القيام خالص، حتي لو هتصلي ركعتين بعد العشا وتوتِري بركعه برده هتاخدي الثواب، ولو مش قادره النبي ﷺ قال "مَن قرأ آخر آيتين من سورة البقرة كفتاه" العلماء قالوا تكفي المسلم قيام تلك الليلة أو تكفيه السوء في تلك الليلة
طب وقراءة القران :
عندك وقت؟ تقدري تختمي القرآن في ١٠ ايام كل يوم ٣ أجزاء ، بتشتغلي أو بتدرسي "حط نيه لله عشان تاخدي أجر" ، وحاولي تقرائي ماتيسر من القران ، المهم المصحف يتفتح كل يوم ، وافتكر إن الاجر مضاعف اوعى تضيع الفرصه دي.
طب والصدقة :
لو عرفت تطلع كل يوم صدقه يبقي يابختك ، ولو معرفتش؟ طلع ياسيدي ولو مره في الأيام الجميله دي ، وياسلام بقي لو شاركت في إطعام.
وأهم حاجه متبطليش تدعي :
اوعى تيأسي ، ادعي بكل حاجه بتتمنياها مفيش حاجه مستحيله على ربنا ، متدعيش بالقليل كرم ربنا مالوش حدود ، ادعي بكل يقين ومتنسيش حبايبك وأموات المُسلمين واعملي قائمة بالدعوات من النهارده بإذن الله.
اذكر ربنا وخلي سبحتك في إيدك طول الوقت :
بتغسلي مواعين ، بتطبخي ، بتروقي الشقه ، في المواصلات، ماشيه في الطريق خلي الذكر دايمًا علي لسانك ونوّع مابين الاستغفار والتكبير والحمد والتسبيح.
وبقدر المستطاع استفيدي بكل السُنن :
- إشربي وانتي قاعده وعلى ٣ مرات.
- أذكار الصباح والمساء
- السحور.
- النوم على وضوء وأذكار النوم.
- قراءة سورة المُلك قبل النوم.
- ١٢ سُنه "ركعتين قبل الفجر ، ٤ قبل الضهر و٢ بعده ، و٢ بعد المغرب و ٢ بعد العشا.
- لو بتحب حد قوله إنك بتحبه في الله.
- عجل بالفطار وأخر في السحور.
- الدعاء بظهر الغيب لغيرك.
- كظم الغيظ.
- التبسُم.
- الكلمة الطيبة
شوفوا حاجات بسيطه إزاي لكِن سُنه وعليها ثواب ومُضاعف بإذن الله في الأيام الجميلة دي
ومش هيبقي نفاق منك أبدًا إنك تصلح نفسك الفتره دي تحديدًا ، ملكش دعوه بكلام الناس وحاول بكل ما أوتيت من جُهد.
تقبّل الله منّا ومنكم صالح الأعمال.
رفعت بنت ايديها وسئلت: هو انا لو مصومتش التسع ايام من ذي
الحجة كدا خلاص مش هدرك فضلهم؟. وكمان ينفع اصوم يوم عرفه من غير مـ اكون صايمه قبله
ج: مين اللي قال إن العبادة مقتصرة على الصوم فقط؟ يستي لو مش قادر تصومي خلاص لا يكلف الله نفسا إلا وسعها، العبادة مش صوم بس وإن كان أفضلها، صلي والتزمي بالسنن والنوافل وأقرا قرآن وسبحي واستغفري وطلعي صدقات لأن الحسنات مضاعفة
قدامك مليون حاجة تعمليها فـ بلاش تيأسي تخلي الشيطان يضحك عليكي إنك مادام مصومتش يبقى خلاص كدا! واه ينفع تصومي عرفة بس من غير ما تكوني صايم اللي قبلهم وتقدري تصومي من النهاردة او بكرة لو قادره مش لازم من اول يوم.
صيام التسع من ذي الحجة مش فرض ولكن أجرها عظيم عند ربنا وايام مُباركة لكن لو مقدرتيش متفقديش الامل وكملي طاعات
بلاش تصعبوا الدنيا على نفسكم والعبادة عمرها ما كانت مقتصرة على شىء واحد.
ربنا يهدينا جميعاً.
الفصل السادس
الساعه 11 بـ الليل وعد بتفتح باب شقتها بتعب وبتحاول ترسم عـ وشها ابتسامه هاديه حطت أكياس الأكل الي فـ ايديها عـ طربيزه صغيره واتوجهت لـ البلكونه وهي بتقول بمرح: ايه دا ياصفصف كل دا نوم
صفاء وهي بتقفل المصحف: نوم ايه يابت مـ انا صاحيه قدامك اهو "وكملت بحنان" هو انا اقدر يغمضلي جفن وانتي بره البيت
وعد وهي بتحضنه: ربنا يديمك ليا ياست الكل
صفاء: ويحفظك ليا ياضنايا واشوفك احلى عروسه قادر ياكريم
وعد:طب وليه السيره الغم دي عـ المسا "واكملت بمرح" قومي بقا دا انا جيبالك أكلة سمك إنما ايه تاكلي ايدك كلها وراها مش صوابعك بس
صفاء: وليه المصاريف دي كل شويه يابنتي انتي بتتعبي فـ الشغل حافظي عـ فلوسك وهتيلك بيهم حاجه فـ جهازك
وعد: بقولك ايه ياصفصف تعالي بس ناكل وبعدين نبقى نشوف الاسطوانه الحمضانه بتاع كل مره دي يلا علشان انا واقعه من الجوع صحيح اخدتي العلاج بتاعك ولا
صفاء بكذب: اه اه اخدتو
وعد بشك: تمام بس انتي اخدتي علاج السكر ولا القلب
صفاء بـ ارتباك: هو تحقيق ولا ايه
وعد بهدوء: ولا تحقيق ولا حاجه بس بطمن عليكي مش اكتر
صفاء: طب يلاا ناكل
وعد: هروح اغير وجايه
وعد خرجت من البلكونه وراحت المطبخ تشرب الأول لفت إنتباها علبة دوا مرميه فـ الباسكت مسكتها لقت انه دوا القلب بتاع صفاء خرجت وراحت أوضة صفاء مسكت أكياس العلاج لقت إن فيه نوعين كمان من العلاج ناقصين خرجت وهي ماسكه فـ ايدها إكياس العلاج والعلب الفاضيه وفـ نفس الوقت كانت صفاء دخلت من البلكونه لقت وعد بتبصلها بدموع متحجره وأردفت: هو انتي ليه مُصره تعذبيني معاكي لما العلاج خلص مجبتيش غيره ليه.... طب ليه مقولتليش وانا جبتهولك
صفاء بحزن: مكنتش عايزه اقولك علشان عارفه انو ملهوش لازمه غير اني ازود الحمل عليكي ومش هيمنع قضاء ربنا لما يجي
وعد: ياستي هو انا اشتكتلك؟؟!! قربت منها بعد مـَ حطت العلاج عـ جنب وهي بتمسك ايديها وبتقول برجاء: يا أمي علشان خاطري اهتمي بعلاجك علشاني علشان أنا مليش حد غيرك مُش مستعده أخسرك انتي الي بقيالي فـ الدنيا دي
صفاء حضنتها بدموع وسكتت دقايق مرت وهمَ عـ نفس الوضع لحد مـَ خرجت وعد من حضن صفاء وهي بتقول: هنزل أنا دلوقتي أجيب الدوا بسرعه وجايه
صفاء: ملهوش لزوم يا وعد
وعد: بالله عليكي يا أمي ريحيني
صفاء: طب اقولك تعالي ناكل وارتاحي انتي تعبانه اليوم كله وانا هبقى اجيبو الصبح
وعد بعند: لا هنزل اجيبو دلوقتي وهتاخديه وبعدين ناكل وانا زي الفل يلا سلام عليكم
قالت كدا وهي بتعدل طرحتها وتاخد فلوس زياده واسامي علب العلاج الفاضيه وفـ طريقها لـ باب الشقه ومنه لـ الصيدليه ردت عليها صفاء بتنهيده حزن وهيَ بتقول: وعليكم السلام ورحمة الله وبركاته
وصلت وعد الصيدليه وهي بتُلقي السلام عـ الدكتور الكبير الي واقف
وعد: سلام عليكم يادكتور عامل ايه
الدكتور بود: وعليكم السلام ورحمة الله وبركاته انا الحمد لله ياوعد يابنتي اخبارك
وعد: الحمد لله كُنت عايزه العلاج دا
قالت كدا وهي بتقوله اسامي العلاج وهو جاب نوعين بس وأردف: بصي يابنتي دول النوعين الي عندي النوع التالت دا مش نازل السوق بس ممكن تلاقيه فـ صيدلية ابو حمدي علشان هو بيجيب انواع كتير ويخزنها
وعد اتنهدت بضيق وهي مش عايزه تروح هناك بس مُجبره صحة والدتها أهم بصت لـ الدكتور وهي بتقول: تمام يادكتور كدا الحساب كام
الدكتور: خلي عنك خالص دا انتي زي بنتي تمام
وعد: تسلم يادكتور بس قولي الحساب كام
بعد وقت كانت وعد أخدت العلاج ودفعت الحساب وفـ طريقها لـ الصيدليه التانيه وصلت واتنفست بـ ارتياح وهي شايفه الي واقف يبقى ابو حمدي مش حمدي قالتلو عـ اسم العلاج وكان موجود فعلاً اخدته وحاسبت وروحت
ــــــــــــــــــــلا إله إلا اللهــــــــــــــــــ
مالك رجع شقته وهو مُنهك من الشغل وخصوصاً ان كان عندو تدريب للدفعه الجديده رمى مفاتيحه ودخل اخد شاور وبيعمل فنجان او نقدر نقول شوب قهوه اخدو وطلع البلكونه وهو حاطط الهيد فون وبيسمع قصيده أبويا السند والضهر الي مبيملش لـ فارس قطريه.... استرجع ذكرياته مع والده الي أغلبها كان قاسي
Flash Back
لحظة ظهور نتيجة الثانويه العامه وفرحة مالك الكبيره لما جاب 98٠9٪ وإنو أخيراً هيحقق حلمه وهيدخل هندسه معماري بس الي قلب فرحته لـ حزن
نصر والده بسخريه: هندسة ايه الي عايز تدخلها ان شاء الله
مالك: يا بابا دا حلمي من زمان وحضرتك عارف
نصر: بلا حلم بلا كلام فاضي انا هقدملك فـ شرطه
مالك: مش حببها ومش عيزها أنا تعبت السنين الي فاتت دي كلها علشان ادخل كلية هندسه الي بحلم بيها ليل نهار وحضرتك تقولي شرطه
قلم قوي نزل عـ وش مالك من قوته وشه اتعدل لـ الناحية التانيه بيبص بصدمه لـ والده ونصر بيبادله بـ جمود وهو بيقول: شرطه الي مش عجباك دي هي الي انا شغال بيها وبصرف عليك منها وأخر كلام عندي ياتدخل كلية شرطه لإما لا انتَ ابني ولا اعرفك ولا تحضر جنازتي يوم مـ اموت
Back
خرجت منو تنهيدة موجوعه وحزينه وهو بيرجع يفتكر موقف تاني
Flash back
طفل عنده 7 سنين مربوط فـ السرير جوه أوضه ضالمه وبيصرخ الباب انفتح بهمجيه وبنبره حاده: فـ ايه صداع صداع صداع مش عارف اتخمد منك
مالك بـ بكاء: أرجوك ولع النور أنا بخاف
نصر بحده: اخرص ومش عايز اسمع صوتك انت ابن نصر الشرقاوي كلمة بخاف دي مسمعهاش منك أبداً
مالك بـ بكاء: طب أرجوك فُكني وأنا والله مش هعمل حاجه تزعلك خالص
نصر مردش عليه وخرج تاني وسط بُكاء مالك
Back
اتنهد بـ حزن وهو بيسمع باقي القصيده وبيشرب القهوع وعيونه بتبص لـ تحت بلامباله قطع إختلائه بـ نفسه صوت بنت جاي من البلكونه الي جمبه بتقول بمرح: ازيك ياحضرة الظابط
مالك بهدوء: ازيك ياتقى عامله ايه ومامتك عامله ايه
تقى بزعل مصطنع: عــ أساس إنك بتسأل يعني
مالك بضحك مصطنع: اه هندخل بقى فـ بتسأل ومبتسألش قولي عايزه ايه من الاخر
تقى بـ لماضه: بتبقى عسل يا أبيه وانتَ فهمني
مالك: اممم قولي الموضوع علطول
تقى: احم بص في رحله المدرسه عملاها هنروح فيها الأقصر وأسوان ونشوف المعابد والأثار وكدا يعني
مالك: اممم وبعدين
تقى: شوف هي رحله مفيده جداا جداا جداا بس مرات عمك مش راضيه
مالك: وانا كمان مش راضي خلي بالك من مذاكرتك وبعدين انتي لسه صغيره مينفعش تسافري لوحدك وكمان محافظه بعيده كدا بينا وبينها 5 او 6 ساعات عـ الاقل
تقى بغيظ: عفكره انا مش صغيره انا عندي 15 سنه وبعدين مش هسافر لوحدي هيبقى معايا اصحابي والمدرسين وكدا
مالك بـ استفزاز وهو بيقلدها: وكدا
تقى بغيظ: ابيه بقى
مالك: لاء يعني لاء ياتقى الموضوع منتهي
تقى بعيون القطط: طب لو قولت علشان خاطري
مالك بـ رخامه: برضو لاء
تقى بحزن: خلاص مش عايزه حاجه
مالك: مـ تعوزيش أنا الغلطان اني كنت هفضي نفسي فـ يوم و أوديكي كل الاماكن الي عيزاها
تقى بفرحه: بجد طب احلف كدا
مالك بضحك: هبله بس بجد وجد الجد كمان هفضي نفسي فـ يوم واخدك انتي ومامتك ونقضي اليوم كله بره
تقى بفرحه: أحلى أبيه فـ الكون كله يعيش مالك يعيش
ــــــــــــــلاحول ولا قوة الا بالله العلي العظيمـــــــــــ
فرح وهي بتكلم أحمد عـ الفون: ايه يابني مش ناوي تيجي بقى
أحمد: بس يابت مش ناقص صداعك قولت جاي
فرح: طب فينك دلوقتي
أحمد: جاي فـ السكه
فرح: امممم طب بص وانتَ جاي عدي عـ السوبر ماركت وها
أحمد بمقاطعه: استني في سوبر ماركت قصادي اهو هركن العربيه ولما ادخل ابقي قولي الي عيزاه
فرح: ماشي
بعد دقايق
أحمد: هااا ارغي عايزه ايه
فرح: انتَ فـ انهي قسم دلوقتي
أحمد: الألبان
فرح: طب هات 7 او 8 علب زبادي فراوله
أحمد: 7 او 8 علب ليه يختي
فرح: الله انتَ هتبصلي فـ اللقمه ايه الأخ دا
أحمد: أخ فيك بعيد عنك
فرح: ࢪبنا يجازيني خير اني مستحملاك
أحمد بغيظ: يعيني عليكي وانتي عامله نفسك ملاك
فرح بمرح: ربنا يحفظني من الحاقدشين
أحمد: طب اخلصي يختي وقولي عايزه ايه تاني احسن امشي ومجبش حاجه
فرح: تمشي ايه ياحوكش دا انت حبيبي
أحمد: اممم طب اخلصي وقولي
فرح: روح قسم الشيبسيهات
أحمد: اهاا وبعدين
فرح: هات 6 تايجر من الكبير و8شيكا و
أحمد: فرح انتي عازمه حد يابابا ولا ايه
فرح: احم لاء بس اصل انا مشيت الداده قبل مـ تعمل عشا وكدا وانا مكسله اقوم فـ انتَ زي الشاطر هتجيب معاك شويه سناكس وكدا ونعملهم ساندويتشات وناكل
"انا ومحمد اخويا علطول كل لما ابقى مكسله اعمل اكل وماما مش هنا اخليّ يجيب سناكس ونعملها ساندويتشات وناكل يممممم😂"
أحمد: طب مـ تقولي كدا من بدري اقفلي اقفلي وانا هظبطك
فرح: احلى حوكش اساسا