رواية معا للابد
الفصل الرابع4
بقلم الاء سيد
فــ بيت جميل وأثاثه راقي تحديداً بقى فـ المطبخ كانت واقفه روز وهدى بيحضرو الأكل وهدى حريصه جداً إنها تعمل الأكل الي بيحبه مالك هي عارفه إنو مش بيحب حاجه فــ الحلويات أو نقدر نقول إنه مش بيحب الحلويات بسبب إن فيها سكر كتير وهو مش بيحب الحاجه المحليه زياده أو حتى المظبوطه لا بيحبها ناقصه سُكر
هدى: روز خلصتي الحواوشي ولا لسه
روز: قربت أخلصه
هدى: طب وكباب الحله تمام
روز: أيوه
هدى: والرز
روز: عــ النار هيتشرب وأوطي عليه
هدى: طب تمام كدا وأنا خلصت البشاميل وحطيتها فــ الفرن كمان خلي بالك عليها عقبال مـَ اشوف السمك المشوي اتأخر ليه ومتنسيش السلطه
روز بتذمر: فـ ايه ياماما كل دا حواوشي وكباب وسمك مشوي وبشاميل وطاجن بطاطس بـ اللحمه وكبده وبسبوسه وجاتو ومهلبيه كل دا علشان سي مالك جاي
هدى بـ ابتسامه: طبعاً لازم كل حاجه بيحبها تبقى موجوده هو بيجي كل يوم
روز بمرح: ياسيدي ياسيدي مبنشوفش منو حاجه الحب دا
هدى: بس يابت وخلصي الي فـ ايدك واعملي السلطه ومتنسيش زودي شطه علشان هو بيحب أي حاجه مشطشطه
روز: حاضر أي أوامر تاني
هدى: لا "وأكملت بتذكر وهي بتضرب عـ جبينها بـ غباء" يحلاوه كنت هنسى عصير الموز بـ لبن الي بيحبه هروح أكلم المطعم واجي اعمله
روز: ياربي
بعد ساعه كان الأكل كلو جاهز وهدى جاهزه ومستنيه وصول مالك وغيث الي اتأخرو والمفروض كانو وصلو من حوالي ساعتين لسه هترن عليهم الباب انفتح ودخل منو غيث وهي جريت حضنته بلهفه واشتياق ودموع
غيث وهو بيضمها بحنان: طب بتعيطي ليه دلوقتي أنا بخير اهو وقدامك
هدى: بعيط علشان وحشتني ياجزمه قديمه
غيث بمرح: طب ليه الشتيمه بس
هدى وهي بتخرج من حضنه وبتمسح دموعها: اهو كدا فين مالك "واكملت بتحذير وهي بترفع صباعها فـ وشه" اوعى يكون مجاش هطربقها عليك انتَ وهو
غيث بضحك: طب وانا ايه ذمبي الله وبعدين متقلقيش هو كان بيركن العربيه وهيعمل مكالمه شغل ضروريه وجاي
هدى: طب اطلع سلم عـ اختك وانا هستنى ابن فاطمه الي مبيزهقش من الشغل دا
مالك وهو بيدخل من الباب المفتوح اصلاً حضن هدى واردف بـ ابتسامه: مالو ابن فاطمه ياهدهد زعلك فـ حاجه قوليلي وانا اكسرلك رقبته
هدى وهي بتضمه ليها: مزعلني دايماً بس وحشني أكتر
مالك بحنان: وانتي وحشاه اووي اووي ياهدهد
هدى بدموع: انا لو كنت وحشاك زي مـَ بتقول مكنتش غيبت الغيبه دي كلها
مالك بيخرجها من حضنه ويمسح دموعها أردف بحنان: اعمل ايه طيب مـَ انتي عارفه الشغل وظروفه
هدى بغيظ: الشغل الي انت بتحبه اكتر من نفسك واكتر من كل حاجه هااا قولتلي
وعـ الجانب الاخر كان غيث طلع لــ روز أوضتها خبط ودخل لما سمعها بـ تئذنله بالدخول لحظات وكانت متشعلقه فـ رقبته وهي بتقول
روز بلهفه وحزن وهي بتضربه عــ ضهره: كدا ياندل كدا أسبوع كامل تغيب عني ومتتصلش حتى غير مرتين تلاته
غيث بمرح: الي يشوفك دلوقتي ميشوفكيش بكره لما هتطرديني وتقوليلي مش طيقاك ارجع شغلك
روز وهي بتخرج من حضنه وبتضربه فـ كتفه: تصدق انك بارد وبعدين دي حاجه ودي حاجه
غيث بضحك وهز بيقلدها: دي حاجه ودي حاجه "واكمل بحنان ومرح وهو بيقرصها من خدها بـ لُطف" بس وحشتيني يا رزه ووحشتني المناكفه معاكي
روز بغيظ وهي بتبعد ايده: قولت مبحبش حد يقرصني فـ خدودي وبلاش رزه دي
غيث بـ استفزاز وهو بيمسك خدودها الاتنين ويقرصهم: ليه بس يارزه مبتحبيش اسم رزه هو وحش رزه يارزه قوليلي بس يارزه
روز وهي بتسحب ايده تعضها بغيظ: قولت بطل تستفزني مبحبش الاسم دا ولا الحركه دي
غيث وهو بيسحب ايده منها بغيظ: ايه مبتكليش لحمه جتك السعاده فـ قلبك عيله هبله
روز بـ ابتسامة نصر وبتطلع لسانها: أحسن احسن
غيث بغيظ: مااشي ياشبر ونص لما افضالك هشعلقك زي الخروف المدبوح "سكت ثواني وبعدين صرخ" عاااااا تلقيهم خلصو الاكل كلو
ونزل جري عـ تحت وروز بتضحك عليه وبتكلم بضحك وسخريه: اكل ايه الي خلص دي هدهد عامله وليمه لـ نص شعب مصر
غيث نزل جري لقي الشغاله بتحضر السفره ومالك وهدى قاعدين بيكلمو فـ الريسبشن قعد معاهم يكلمو شويه بعدين قامو ياكلو فـ جو أُسري لذيذ بين حنان هدى ومشاكسه وهزار بين مالك وغيث
ـــــــــــــــــــــــــــــــــــــــــسبحان الله وبحمده سبحانه الله العظيم ـــــــــــــــــــــــــــــــــــــــــــــــــــــ
فـ محل ملابس كبير شويه فـ منطقه شعبيه واقفه بنت جميله ملامحها بسيطه ورقيقه بيميزها دريس بسيط وطرحه طويله شويه بتبيع لـ واحده من الزباين إلي عايزه تشتري بربع التمن
-ياحاجه حمديه صدقيني مش هينفع الي انتي بتقولي دا.. دا كدا واقع عليا بخساره
حمديه بتهكم: اشحال مـَ كنت جارتك يا وعد ايه هتبعيلي زيي زي الغريب
وعد بزهق: غريب ايه وقريب ايه ياحجه حمديه المحل مش بتاعي علشان ابيع بـ السعر الي انا عيزاه
حمديه بسخريه: مـَ كنتي وافقتي واتجوزتي ابني حمدي اسم الله عليه احسن مـَ انتي واقفه عـ رجلك تناهدي مع الزباين
وعد فـ نفسها بسخريه: اجوز حمدي ابن حمديه ليه من قلة العرسان اجوز واحد ابن امه وكمان نسوانجي
حمديه: ايه يختي رحتي فين كدا
وعد: واقفه معاكي اهو ياحجه مرحتش فـ حته
حمديه: طب ايه هتجيبي العبايه دي عـ 150 زي مـــَ قولتلك
وعد بزهق: ياحجه ارحميني العبايه سعرها 570 عايزه تاخديها بـ 150 حراام عليكي.... طب بصي اقولك انا عـ اول المحل هتلاقي المعلم جلال هو صاحب المحل وحر فيه روحيلو بقى وفاصلي معاه زي مـَ انتي عايزه
حمديه بتهكم: ماشي يا بنت مراد فوتك بعافيه
وعد بضيق: الله يعافيكي
مشيت حمديه و وعد لسه هتكمل شغلها سمعت أكتر صوت بتكرهه فـ حياتها
-بغمزه وقحه: الجميل مضايق ليه
وعد بحده: جميل فـ عينك واتلم يا اسمك ايه انت احسنلك
-بـ ابتسامه وقحه: اسمي كريم وانتي عارفه اسم على مسمى يعني لو وافقتي هنغنغك ياجميل
وعد بحده: طب ورينا عرض كتافك بقى علشان مـ اروحش اقول للحاج الوالد عـ القرف الي انت بتعمله ومضايقتك ليا فـ الرايحه والجايه
كريم وهو بينفخ دخان السيجاره فـ وش وعد: متقدريش علشان ساعتها هقول ان انتي الي بترمي نفسك عليا وصورتين متفبركين يتعلقو فـ المنطقه سمعتك تبقى تحت الأرض وامك يعيني تموت بحسرتها عليكي
وعد الدموع اتجمعت فـ عيونها بس رفضت إنها تنزل وأردفت بحده وقوه: بقولك ايه ياكريم طلعني من دماغك وحل عني احسنلك و وساختك دي تروح تتعامل بيها مع البنات الرخيصه الي شبهك "كملت بسخريه" أصلك عار عـ الرجاله زي مـَ بيقولو راجل فـ البطاقه وفـ الحقيقه سوسن
كريم بعصبيه ولسه هيرفع ايده يضربها سمع صوت والده الي اتكلم بجديه: كريم انت بتعمل ايه هنا مش قولتلك تشوف الرف الي اتكسر علشان تجيب غيره
كريم بخبث: مفيش يا حاج كنت بطمن عـ وعد مـَ هي بنت منطقتي برضو ويتيمه وملهاش سند فـ كنت بشوفها لو عايزه حاجه
جلال بحده: مش عايزه حاجه هيَ "وكمل بـ حنان وهو بيبص لـ وعد" وبعدين وعد مش يتيمه وعد بنتي الي مخلفتهاش وأنا ضهرها وسندها طول مـَ فيا الروح
وعد بـ امتنان: تسلملي ياعم جلال ربنا يطول فـ عمرك
ــــــــــــــــــلا حول ولاقوة الابالله العلي العظيم ــــــــــ
الساعه 1بعد نص الليل نور وفرح قاعدين بيسمعو فيلم كارتون وياكلو فشار بس فرح مش مركزه فـ الفيلم أصلاً وكل الي مركزه فيه أحمد وليه اتعصب عليها بدون سبب هيَ مش زعلانه منو عـ قد مـَ هيَ قلقانه عليه عايزه ترن تطمن عليه وليه لسه مجاش يخدها لحد دلوقتي بس فـ نفس الوقت عِندها منعها هيَ عارفه إن اكيد في حاجه حصلت علشان كدا اتعصب عليها بس فـ نفس الوقت أحمد مبيخبيش عنها حاجه فـ لو فيه حاجه كانت هتبقى عرفاها فضلت فـ تفكيرها وحيرتها فتره وانتهى بـ انها هترن تطمن عليه حتى لو كان هو الغلطان لسه هتفتح فونها وترن عليه لقيت الشاشه بتنور وهو الي بيرن فتحت بسرعه
أحمد بـ ابتسامه: السلام عليكم ورحمة الله وبركاته
فرح: وعليكم السلام ورحمة الله وبركاته
أحمد: اجهزي ياصغنن علشان كلها 5 دقايق واكون عندك
فرح بضيق مصطنع: لاء أنا هبات مع نور
أحمد: لاء أنا جاي اخدك اجهزي وهبقى اجيبك ليها بعدين
فرح بتذمر: وليه إن شاءلله المفروض انا الي اسمع كلامك وانتَ لاء
أحمد بحنان: علشان انا الكبير وانتي بنتي واختي وصحبتي ومقدرش ادخل البيت وانتي مش فيه
فرح: بس
احمد: بت انتي اجهزي واخلصي مش هدادي فيك اليوم كله خالك صاحي ولا نام
فرح بغيظ:بت اما تبتك وخالو صاحي
أحمد: طب انا تحت هركن العربيه وطالع القاكي جاهزه اشطا
وقفل قبل مـَ يسمع ردها وهي بصت لـ الفون بغيظ ونور بصتلها بـ ملل
فرح:قفل فـ وشي ابن قمر قفل فـ وشي
نور: بت اقعدي ساكته خليني اركز فـ الفيلم
فرح وهي بتحدف عليها المخده: بت اما تبتك واتكلم براحتي يا ماما
نور:طب قومي اجهزي يختي واتكلي عـ الله خلي الواحد يسمع بضمير
قبل مـَ فرح ترد سمعو الجرس بيرن قامت اتنفضت من عـ السرير واتكعبلت فـ السجاده وقعت عـ وشها فـ منظر يضحك
نور بضحك: مـَ يقع إلا الشاطر ياشاطر
ـــــــــــــــــــــــأستغفرك ربي وأتوب إليكـــــــــــــــــــــ
الشمس بتلمع فـ السما وفـ مكان اول مره نروحه في حاره شعبيه والناس بتتخانق جاامد دخل واحد وضرب رصاصه ف الهوا الكل وقف خناق وسكتو
-بصوت عالي: في ايه يا شوية غجر عاملين غاغه زي العيال كدا ليه
اتكلم كذا واحد في وقت واحد
$بااااس ايه زريبه اتكلم انت يا راضي ايه الي حصل
راضي:يا معلم عبده من سنتين لما جيت افتح الورشه المعلم هشام قالي نتشارك فيها ونكبرها بدل مـَ تبقى صغيره وجاي دلوقتي عايز يفض الشراكه وياخد نص مليون وقتي تمن نصيبه لإما يبعها اقوله اصبر عليا ادبرلك المبلغ مش راضي وهب فيا
عبده: الكلام دا حصل يامعلم هشام
هشام: ايوه حصل بس انا محتاج الفلوس ضروري
عبدو بصله بنظره مُطوله وبعدين قال: يلا كل حي يروح مكانه الحوار انفض وانتو الاتنين يامعلمين تعالو ورايا
بعد وقت
فـ مصنع الخشب بتاع عبده وبالتحديد فـ مكتبه كان قاعد ورا المكتب وقدامه راضي وهشام
عبدو: ينفع الي حصل دا يا معلمين بقا معلمين كبار زيكو يتخانقو ويفرجو عليهم الي يسوا والي ميسواش يصح الي انتو عملتوه دا
راضي:يا معلم هو الي بدأ .. دا مش عايز يصبر عليا لما ادبرله جزء من المبلغ
هشام بضيق: اصبر لحد امتى لما اشوف ابويا مات قصاد عيني
عبده بـ استغراب: ليه مالو الحاج رزق
هشام: تعبان جدا ومحتاج عمليه مستعجله ب300 الف والدكتور مش راضي يعملها غير لما يتحط حسابها كامل في المستشفى
راضي:لو كنت قولتلي كدا مكنتش هتأخر عليك وانت عارف ان الحاج رزق زي ابويا ويمكن اكتر دا هو الي مربيني
هشام: مـَ انا قولتلك ان محتاجهم ضروري علشان كدا هفك الشراكه
راضي:والله مـَ يحصل انت تاخد الي عايزو وانا هحاول ادبرهم بسرعه والشراكه تفضل زي ما هيا
هشام: تسلم يا صاحبي بس مش حابب اتقل عليك
راضي: عيب عليك لما تقول كدا من امتى وفي بينا التفرقه دي الي معايا معاك والله ازعل
هشام : ربنا يحفظك ياصحبي
عبده : طب وايه لزمتها الخناقه من الاول وفُرجة الناس عليكو مـَ كنتو اتكلمتوا بهداوه من الاول
هشام: معلش يا معلم خوفي عـ ابويا كان عمياني
وبعد شويه من الكلام الي قلب لهزار هشام وراضي مشيو وقعد عبده يشتغل شويه وفونه رن
عبدو: السلآم عليكم ورحمة الله وبركاته عامله ايه ياحببتي
ورده: وعليكم السلام ورحمة الله وبركاته الحمد لله يا بوده انت عامل ايه
عبدو :الحمد لله وحشتيني يا وردتي بابا عامله ايه والواد يزن
ورده:كلنا بخير يا حبيبي نقصنا وجودك
عبدو: غصب عني والله مـَ انتي عارفه الشغل بقى
ورده بغيظ: كان عليك بـ ايه من دا كلو بس نقول ايه فـ دماغك الناشفه دي
عبدو بضحك:بحبه ي أمي الله
ورده: حبه ياخويا حبه حد حاشك عقبال م اشوفك وانت بتحب وتتجوز كدا واشيل عيالك
عبدو بمرح: قولي يا وردتي قولي من غير مقدمات مين العروسه المرادي
ورده بضحك: حبيبي انتي يا فهمني الدكتوره لينا بنت نهله صحبتي ايه رأيك فيها بنت جميله ومتلعمه ومؤدبه
عبدو وهو بيكمل: وأخلاق واحترام وحلاوه وايه تاني اه وشطاره ايه ورده اسطوانة كل مره
ورده: ورده فعينك ياجزمه وبعدين مالها اسطوانتي انت بس شوف البت وقول رأيك وان شاء الله افرح بيكو
عبدو: قولي بقا انك عايزه تخلصي مني طب هل يرضيكي اني اتجوز وواحده غيرك تيجي وتاخدني منك
ورده: دا على اساس انك معايا كل يوم يخويا جتك نيله واه ارضى
عبده بضحك: حنان الأم دا يا أخي ملهوش مثيل
قبل مـَ ورده ترد باب المكتب اتفتح بـ همجيه ودخل واحد رفع المسدس فـ وش عبده وأردف بحده: انت لعبت فـ عداد موتك لما جيت عليا ودلوقتي اتشاهد عـ روحك ولا اقولك مش مهم هبقى اتشاهد عليك
وخرجت رصاصه سمعت فـ أرجاء المصنع ومعاها صراخ ورده
باااااس شطبنا النهارده😂