رواية محتالة اقتحمت حياتي الفصل السادس6والسابع7بقلم ميرفت سعيد
نور وهي بتقرب منه: عمري ما عملتها مقدرش اخونك ياعصام ولا ابص لحد غيرك لا عمري عملتها ولا هعملها لو فتحت عينك شويه هتعرف اني معملتش كده لا أنا ولا غيث نعمل فيك كده
عصام كان لسه هيتكلم ولكن قطع كلامه رنة فون نور وكان غيث بس طبعا نور مكنتش مسجلاه علشان عصام بس هي حفظت رقمه علشان لو رن وعصام موجود
عصام بنعاس من أثر الشرب: مين اللي بيرن
نور بتوتر: رقم غريب مش هرد عليه تعالي ننام ....نور كنسلت المكالمه وبتتمني لو يعرف انها مع عصام وميرنش تاني وشدت عصام علي السرير وغضته كويس علشان ينام ولسه هتمشي مسك ايديها
عصام بنوم: انتي رايحه فين
نور: هدخل بس الحمام وهاجي انام
عصام وهو بيروح في النوم: متتأخريش عليا
نور : حاضر
نور خدت الفون بتاعها من غير عصام ما ياخد باله ودخلت الحمام ومتردده ترن علي غيث ولا لا وخصوصا أن عصام برا هوا نام فعلا من كتر الشرب ولكن كانت خايفه بس كانت عايزه تعرف هو عايزها في أي معقول بيكلمها علشان هيهربها فكرة أنها ممكن تبعد عن عصام ضيقتها وخصوصا كلامهم النهارده هي عندها امل أنه يتغير وكلامها معاه النهارده أكد لها ده بس لو رن علشان يهربها وهي رفضت وعصام متغيرش هتعمل اي هتكلم معاه وهو بيعذبها ! وحاطت في دماغه فكرة الانتقام حولت أنها ترن علي غيث وتشوفه كان عايزها في أي ورنيت عليه بس مردش اتنهدت بضيق وقفلت الفون وراحت علشان تنام
★★★★★★★★★★★
غيث وروح كانو بياكلوا سوا وغيث سمع صوت فونه بيرن ولكن كان جوه في الاوضه
روح باستغراب : مين بيرن عليك
غيث: وانا ايش عرفني مانا قاعد جمبك اهو
روح بغيظ: تمام ...مش هترد
غيث بعدم اهتمام: لا اخلص اكل الدنيا مش هطير
روح بهدوء: طيب
غيث: روح هو انتي مش واخده بالك من حاجه
روح باستغراب: مش فاهمه مش واخده بالي من اي
غيث بمكر: أننا بعاد اوي عن بعض
روح بتوتر: بعاد ازاي
غيث: اصل انا امبارح قلقت من نومي ملقتكيش جمبي دورت عليكي لقيتك نايمه في اوضة الاطفال مع انك قولتي انك هتتفرجي علي التلفزيون وهتيجي تنامي جمبي اي اللي خلاكي تنامي في اوضة الاطفال
روح بتوتر جامد: معلش ياغيث بس انا تعبانه اليومين دول قولت هنام جمبك واقلقك فاقولت انام في اوضة الاطفال علشان معملش ازعاج وتعرف تنام
غيث بغموض: ياسلام .طيب هعمل نفسي مصدق ....تعبانه مالك بقا
روح بخوف: تعبانه ياغيث عادي
غيث قال كفايه عليها كده النهارده: تمام ماشي انا خلصت
روح : وانا كمان هقوم اغسل المواعين
غيث : اساعدك
روح بابتسامه: لا شكرا .
غيث: في واحده بتشكر جوزها...ولكن قال بعد ما لاحظ توترها: ماشي
غيث دخل الاوضه وروح واقفه مش عارفه تعمل اي علشان تقدر تهرب من غيث النهارده قررت انها تستناه لما ينام وتاخد شنطتها وتمشي
وبالفعل غيث دخل علشان ينام وروح استنته لما راح في النوم خالص وغيرت هدومها من البجامه البيتي الي هدوم خروج وخدت شنطتها وكانت بتمشي براحه علي غيث ميصحاش وبالفعل فتحت الباب و هتخرج ولكن وقفها صوت غيث
غيث: بتعملي اي ياروح
روح بخوف وبتتمني الأرض تنشق وتبلعها :أنا اااا انااا
غيث وهو بيقرب منها: أنتي اي
روح وكأنها فقدت النطق مكنتش عارفه تقول اي
غيث: واخده شنطتك اللي فيها هدومك وبتتسحبي في نص الليل رايحه فين ؟
غيث لما طال سكوتها زعق: انطقي
روح اتنفضت بخوف وقالت بدون وعي:كنت بهرب منك
غيث بهدوء: وبتهربي ليه
روح بخوف: ع علشان ...أاا
غيث: علشان طلعتي فاشله ومعرفتيش توقعيني زي ما عصام طلب منك تقولي له اخباري
نظرت له روح بصدمه ومتكلمتش
غيث بهدوء ماقبل العاصفه: اي فكراني مش هعرف ...........
الفصل السابع
غيث: علشان طلعتي فاشله ومعرفتيش توقعيني زي ما عصام طلب منك تقولي له اخباري
نظرت له روح بصدمه ومتكلمتش
غيث بهدوء ماقبل العاصفه: اي فكراني مش هعرف.
روح بخوف :غيث أنا....
غيث : انتي اي مفكراني اهبل اي واحده تيجي تقولي أنا مراتك أصدقها
روح بدموع وخوف: والله غصب عني عصام استغلني
غيث ببرود: استغلك ازاي
روح حكت له ازاي اتقابلت مع عصام وازاي طلب منها أنها تعلب علي غيث وتقول له أنها مراته
روح ببكاء: بس والله العظيم ماكنت اعرف هو عايز يعرف معلومات عنك ليه مقاليش حتي حاولت اوقعك في الكلام علشان اعرف منك بس خوفت تعرف ....هو اللي طهز كل حاجه ورقة الجواز وكل الكلام اللي قولته هو اللي مرتبه .
غيث كان بينظر لها بغضب بس كان مصدق اللي هي بتقوله
روح بخوف ودموع: غيث
نظر لها غيث بصمت
روح: هتعمل اي
غيث بهدوء: في أي
روح: لما عرفت اني مش ......وبعدين عرفت ازاي مين قالك عصام قالي أنه مرتب كل حاجه
غيث بهدوء: أنا مكنتش فاقد الذاكرة اصلا ياروح
روح بصدمه: اي !!.
غيث: ايوه دي كانت لعبه علي عصام علشان اعرف ناوي علي اي وحتي لو فاقد الذاكرة غبي راح علشان يتفق مع ادهم فكر علي اساس يقول لي اني متجوز واصدقك كان فاكر أن صاحبي هيبعني .
روح : طب وانت بتقولي مش خايف اني اروح أقوله
غيث: لا ما انتي هتروحي تقوله له
روح بتبص له باستغراب : يعني اي عايزني اروح أقوله انك عرفت كل حاجه
غيث : لا هتروحي تقوله له اللي أنا عايز يعرفه
★★★★★★★★★★
تسريع الأحداث بعد شهر
عصام: نور في حفله النهارده واعملي حسابك هتيجي معايا
نور: حفلة اي؟
عصام: عيد ميلاد بنت رجل اعمال بتعامل معاه وهو عزمني فالازم نروح
نور بضيق: لا مش عايزه اروح روح انت
عصام بأمر: الساعه ٨ تكوني جاهزه يانور
نور بغضب: قولت لك......
عصام وهو بيلبس ساعته وخارج: اعتقد انك سمعتي ولو حتي ولقيتك ملبستيش انتي حره ....وخرج
نور نفخت بضيق : اوووف بقا علي تحكماته وتبتص علي التلفون مستنيه اي مكالمه من غيث اللي شكله نساها متصلش عليها من اخر مره
الساعه بقت ٨ وعصام كان مستني نور وهي فعلا خلصت وعصام بص لها بأعجاب بس مابينش وخدها ومشي للحفله وبعد شويه وصلوا لمكان الحفله
نور بضيق: طب انتي حتي علشان هو عزمك وفي ما بينكم شغل أنا جايه ليه انا لا اعرفه ولا اعرف بنته حتي
عصام: ممكن تتعرفي علي مراته وبعدين كل راجل جاي مع مراته هاجي أنا اقف لوحدي
نور بعتاب وحزن: ايوه جاي مع مراته لما يكون بيحبها
عصام اتنهد بضيق وحزن وقال : تعالي معايا نسلم وانيت ادي الهديه للبنت خلينا نخلص ونمشي
نور : مدام مش طابق نفسك جيت ليه
عصام ببرود : قولت ما بينا شغل ويلا بقا بطلي كلام
سلموا مع بعض ونور أدت الهديه للبنت الصغيرة اللي كانت تقريبا عندها ١٠ سنين
نور وهي بتديها الهديه : كل سنه وانتي طيبه ياقمر
البنت ( ايلا) بابتسامه وفرحه: شكرا
نور ببتاسمه: اسمك اي؟
ايلا: ايلا وانت
نور بابتسامه وحب: الله اسمك جميل أنا نور
ايلا: اسمك جميل يانور
نور ضحكت والبنت راحت تلعب وعصام كان واقف بيتكلم مع صاحبه علي الشغل ونور كانت واقفه زهقانه متعرفش حد من الحفله
ايلا: نور
نور : نعم ياحبيبتي
ايلا : ممكن تيجي معايا
نور باستغراب: فين
ايلا: تعالي معايا بس
نور كانت لسه هتقول لعصام ولكن لاحظت أنه مشغول مع صاحبه في الكلام ومش عارفه تقاطعهم
ايلا: يلا يانور
نور بابتسامه وهي بتمشي معايا:طيب احنا رايحين فين
ايلا بطفوله: انتي خايفه من عمو ليزعقلك
نور بتوتر هي فعلا خايفه لو عرف انها مشت من غير ما تقول له هيزعق لها وممكن ميخلهاش تخرج من البيت تاني
نور باستغراب: ايلا احنا خرجنا برا الحفله
ايلا: ايوه في عمو جه وقالي أن أنا اخدك من الحفله واخرجك برا
نور باستغراب: عمو مين ؟
غيث من وراهم: أنا يانور
نور بصدمه: غيث