رواية عذراء الرعد كامله بقلم بسمه ) جميع الفصول حتى الاخير الخاتمه

رواية الحكايه فيها عشق الفصل الثامن عشر18والتاسع عشر19 بقلم نرمين هاني

 مؤامره مدبره *

يقف آدم امامها ناظر لها بقوة بينما هى تحاول ان تلين قلبه نحوها وبعد حديث طويل من علياء بالتغيير وانها تحبه بشده ولا تستطيع البعد عنه …..!!!

نظر لها آدم ببتسامه وهو يرفع احد حاجبيه قائلا :-

- انا معنديش مانع نرجع لبعض تانى

اتسعت ابتسامتها لتنظر له غير مصدقة ما يقوله لتردف بسعاده :-

- انت بتتكلم جد !!!

ليضع يديه فى جيبه قائلا بثقة وجمود......بس بشرط لو وافقتى هنرجع حالا لو لا يبقى الموضوع انتهى✋

رمقته بتساؤل وهي تقطب حاجبيها بشدة لتردف باهتمام :-

- شرط اى دا !!!!

ادم بجديه.....اولا تقدمى اعتذار لشروق ودا يبقى قدامنا كلنا زى ماهنتيها قدامنا ثانيا هدومك دى تتغير كلها ولبسك يبقى محترم عن كدا رايك اى ؟!!

غضب بشدة لتردف بصوت مرتفع.....انت اتجننت ولا ايه انا اعتذر لواحده زى دى وكمان قدامكم كلكم لا وغير دا كله عايزنى البس خيمه زيها كمان ليه شايفنى سوقية زيها !!!

رمقها بغضب شديد وهو يجز على اسنانه بشده ليردف :-

- عمرك ما هتتغيرى يا علياء

ومن ثم يتركها ليبتعد عنها وهو يزفر بضيق فقد خيل له للحظه انها من الممكن ان تتغير من اجله كما تقول هى دائما !!!

..............................................................................

......... فى الجهه الاخرى.......

تنظر كريمه الى اختها بعد ان طلبت منها يد رقيه لعمار ابنها لتتحدث بصرامة قائله :-

- انا مش موافقه مفيش جواز !!!

عقدت مشيره حاجبيها بذهول لتقول بصوت غاضب :-

- انتى بتقولى ايه انتى بترفضى ابنى !!!

تنهدت كريمه لتحاول السيطرة على انفعالاتها لتقول بجمود :-

- انا بناتى مش لعبه يجى يتقدم للبنت وبعد ما تتخطب يجى يتقدم لاختها تقدرى تقوليلى دا اسمه اى غير واحد فاضى مش لاقيه حاجه يعملها ف بيلعب ببناتى !!!

تنهدت مشيرة لتقول ببتسامه وهي تحاول اقناع اختها :-

- يعنى هو لو عاوز يلعب بيها كان طلب انه يبقى جواز على طول ؟!!

صدمت كريمه من كلام اختها ولكنها مازالت قلقه ولا تعلم لما فقالت لتريحها :-

- هسأل رقيه بس لو رفضت الموضوع هيتقفل خالص !!!

اومأت مشيره براسها لتتمتم مع نفسها :-

- قال ترفض قال هى تلاقى زى عمار فين والله لولا ان شذى اتخطبت ما كنت وافقت على رقيه ابدا تكون مرات ابنى !!!

كريمه وهى تلتفت يمينا ويسارا لترى شروق لتطمئن على عشق ولكن لم تراها كما انها لم ترى ادم ايضا فرفعت يدها لتشير نحو ادهم الذى توجه نحوها فى الحال

كريمه بصوت مرتفع لكي يسمعها.....ازيك ياحبيبى عامل ايه ؟!!

ادهم بابتسامه....الحمد لله انتى اللى عامله ايه واخبار صحتك ؟!!

كريمه....الحمد لله يابنى اومال ادم فين مش شايفاه ؟!!

ادهم.....تقريبا راح يوصل حد للباب

ابتسمت كريمة لتردف بحرج بسيط.....طيب معلش ياحبيبى تدخل الفيلا وتناديلي على شروق اصل انا مش قادره اقوم ومش شايفه حد منهم

ادهم بجديه.....تمام مفيش مشكله هروح اندهلها

وتركها ليتوجه نحو الفيلا لمناداة شروق !!!

بينما نظرت له مشيره باعجاب قائله لها.........مين دا ؟!!😍😮

كريمه...دا ادهم زميل ادم

اتسعت ابتسامتها لتقول بخبث......ومتجوز على كدا بقى ؟!!

لترمقها اختها بغضب قائلة........استغفر الله العظيم ياارب اى دا انا مش رايقالك دلوقت !!!

.....................................................................

.......فى غرفة عمر......

تجلس شروق محتضنه عشق بقوه فهى لا تتخيل حياتها من دونها لتفتح عشقها عيونها بخوف قائله :-

- ماما انا خايفه

لترمقها شروق بحنان قائلة وهي تضمها بشدة :-

- حبيب قلبى متخافيش ياحبيبتى انا معاكى

ضحك عمر ليردف :-

- هى مبتخافش طلعالى بالظبط مش كدا ياعشق ؟!!

اومأت براسها بصمت ومن ثم اردفت وقد شعرت بالجوع :-

- انا كعانه ( انا جعانه )

شروق....حالا وهجيب احلى اكل لاحلى بنوته فى الدنيا ومن ثم نظرت لهم قائله بتحذير :-

- خليكم هنا معاها ومتتحركوش من هنا وانا هجيب اكل ليها واجى

رقيه بمرح....شالله يخليكى يعنى سلكيلي اى حاجه معاكى عشان اشعر بالجوع الشديد😄

عمر......وانا شرحها بالظبط !!!

اومات برأسها فى شرود لتعطى عشق لرقيه وتنزل للاسفل شارده غاضبه تتساءل فى نفسها ماذا يحدث اذا تم اختطافها حقا ؟!! ..... هل هذا ذنب لما فعلته معها بابعادها عن والدها لتشعر بما يشعر به ام ماذا ؟!! لتخبط دون قصد منها فى ادهم الواقف امامها ويراوده شعور غريب لم يستطيع تفسيره عندما دخل من باب الفيلا ؟!!!!

رفعت شروق راسها لتراها فتتحدث بغضب بدون وعى منها :-

- انت تانى ؟!!

رمقها باستفهام.....على فكره انا كنت واقف وانتى اللى دخلتى فيا

حاولت السيطرة على نفسها فربما هو محق فهى كانت شاردة غير منتبهه لتردف بنبرة استهزاء :-

- وحضرتك اى اللى جابك هنا تهت ولا اى ؟ انا على ما اظن ان الحفله بره ايه اللى جابك ورايا بقى ؟!!

رمقها بذهول سريعا ما تحول لغضب شديد ل تتراجع للخلف بتوتر ليتحدث وهو يجز على اسنانه :-

- طنط كريمة عايزه حضرتك بره يعنى متهتش ولا حاجه يا انسه !!!😡

لتنحنى برأسها شاعره بالغضب والضيق من نفسها لما قالته له لترفع رأسها لتعتذر له ولكنها لم تراه امامها !!!

شروق وهى تلتفت حول نفسها لتتمتم قائلة :-

- راح فين عم المريب دا ربنا يستر انا مش مطمنه للراجل دا كل شويه يطلعلي عامل زى عفريت العلبه وشكله يخوف اصلا !!!

لتتنهد وتتوجه نحو كريمة ل تطمئنها على عشق ومن ثم تدخل المطبخ ل تأتي بالطعام لهم وتصعد مرة أخرى ليتناولون الطعام مع بعضهم لتتوجه بعدها إلى غرفتها لتبدل ملابسها بملابس مريحة ومن ثم تصعد الفراش لتضم عشق بقوه و يرودها الشعور بالذنب فهذا شعورها عند اختفائها عنها لدقائق فما شعور والدها وهل يتسائل عنها حقا و هل هى ظلمتها بالبعد عن والدها ام هذا خير لها !!!

.......................................................................................................................................................................

......................فى الجنينه...............................

بعد ان انتهت الخطبة وانصرف الجميع ماعدا اصدقاء آدم ليقفوا معه ويحاول اقناعهم بشئ ما ....!!!

ادم بجدية.......بطلو رخامه بقى مفيش خروج من هنا هتباتو هنا النهارده يعنى هتباتو خلينا نسهر سهره حلوه زى زمان والدور اللى تحت محدش بيبات فيه يعنى هنسهر براحتنا

ادهم بجمود وابتسامه شاحبه......لا انا فتحت شقتى القديمه وبعدت اللى ينضفها هروح ابات فيها

رائد........وانا اجرت فيلا صغيره جمبك هنا يعنى خطوتين وابقى هناك

حمزه بمرح........وانا مخطوب دلوقتى هاخد خطيبتى ونتعشى بره مش فاضيكو مستوايا علي عنكم دلوقت😂✋

ادم وهو يرفع احد حاجبيه قائلا بتوعد......هتاخد مين يا أخويا سمعنى ؟!!🤔🤨

رائد بضحك شديد...جالك حمى عسل يا حمبوزو

حمزه وهو يضربه فى كتفه بقوه....اى حمبوزو دى ياض اتظبط لا اظبطك

ادهم بصرامه........مفيش سهر انت تروح عشان تيجى الشركه بدرى تعرفنى مشيت الشغل ازاى ؟!!

حمزه بحزن مصتنع.... انا استاهل ضرب الجزمه انى عازمتكم اصلا يالا من هنا كلكم

ادم......طيب يالا انت بقى اتكل من هنا مش انخطبت انزل من على دماغى بقى

حمزه بصوت انثوى وطريقه كوميديه :-

- كدا برضه يا دومي بعد ما خدت غرضك منى ترمينى كدا اخس عليك اخس😂

شذى من خلفه بذهول...ايه اللى انا سمعاه دا !!😮

حمزه بخضه.....مش انا والله ما انا دا هو ✋😂

الكل........ههههههههههههههههههههههههههههههههههههههه

ادهم وهو يضربه بقوه ويمسكه من ياقة قميصه.....استرجل ياض متبقاش خرع كده ويالا قدامى اوصلك عشان من النجمه تبقى فى الشركه

حمزة وهو يشاور لشذى قائلا....هكلمك فى التليفون وحسبى الله فيكم صحاب تغم

الكل .......هههههههههههههههههههههههههههههههههههههه

لتدخل شذى الفيلا بينما ادم ينظر لرائد قائلا :-

- متبات ياعم هنا ؟!!

رائد......لا ابات فين بقولك اجرت الفيلا اللى جنبك وبعدين متقلقش كل شويه هنطلك هنا

ادم ........ماشى زى ماتحب

اودعه ادم ليدخل الفيلا ليرى الهدوء يعم المكان وكريمه جالسه فى انتظاره فيتوجه نحوها ليجلس بجوارها قائلا :-

- اى اللى مسهرك ياماما ؟!!

كريمه بجديه.....مستنيه اعرف رايك اى ؟!!

رمقها بعدم فهم....فى اى !!!

كريمه......فى موضوع شروق

ابتسم ادم ليردف بهدوء.....تمام انتى لو مكنتيش فتحتى الموضوع كنت هفتحه معاكى اصلا ابقى كلمى شروق وشوفي رايها ايه عشان هي هتلاقيها هتتحرج منى

اتسعت ابتسامتها لتردف بصوت ملئ بالبهجة والسعادة ......بجد دا انا افتكرت هترفض عشان عشق !!!

ادم بجديه.....لا طبعا شروق انسانه كويسه جدا واخلاقها عاليه و حنية الدنيا كلها فيها و بصراحه عمرى ملاقى زيها دلوقتي وعشق من ساعة ماجت هنا وانا بعتبرها بنتى بالظبط بس ياريت هى اللى توافق انا بقالى فتره خايف اكلمها لترفض

ابتسمت كريمة لتربت على كتفه قائلة بحنان :-

- ان شاء الله مش هترفض ياحبيبى ربنا يسعدكم ياارب

ابتسم ليقبلها ممسكا بيدها قائلا :-

- طيب يالا بقى عشان انا هموت وانام

ليقوم بايصالها لغرفتها ومن ثم يتوجه نحو غرفته ليلقى بنفسه على الفراش ليغط فى سبات عميق

.............................................

.......فى غرفة رقيه......

تجلس على الفراش ممسكة بـ دفتر مذكراتها لتدون به بعض الكلمات ..........

عزيزي أنت.

ربما لن تُصدقني إن اخبرتك أنني أكتب لك رسالتي الخامسة و الثلاثون العاجزة تماماً كمثيلاتِها لأن تتخطى حدود يداي وصولاً ليديك ، لكنَ شيئاً ما بداخلي كان يقنعني أنها يومًا ما ستقرأ ، كلها ستقرأ ، و أنه لا بأس مطلقاً بأن أكتبك ، بأن أكتب لك ، و أن لا أكتب سوى عنك .

إنني أصبت بك ، ولا أدعو الله النجاة قط ، كان شعوراً ما يتسللني و أدّعي أنه سيزول ، كان يكبر يوماً تلو الأخر و أدّعي أنني لا أُبالي ، إلى أن وجدتني أُفكر بِك في الثالثة فجراً ، ولا أفكرُ بشيء سواك ، دون سبباً مقنعاً و دون حديثاً مُسبقاً ، تحتلني فقط ، ولا أُدرك أين الخلاص ،

حينها شعرتُ و للمرة الأولى أنه قد يكون هناك شيئاً ما أعظم من عنادي و قواعدي و أفكاري ، يجُرني إليك ، بخُطى ثابتة ، أتجِه برغبتي ، بيقيني و بكامل ثباتي ، إليك ..

ان شيئاً ما بقلبي كان يُخبرني أنني لن أتجاوزك مطلقاً ، و أن عيناك أعظم من أن يتجاوزها قلبُ كخاصتي ، و أن دهشتي بك لا حيلة لها سوى إدعاء أنها لاشيء ، يقيناً بأنها ما كانت هكذا إطلاقاً ، وانني ان حاولت و أدعيت و جاهدتَ و أقسمت ، سأقعُ بِك بكل رغبتي و عنادي في نهاية هذا المطاف .

أنني معك أشعرُ بشيء جديدِ للمرة الأولى ، أفقدُ قُدرتي على وصفه ، كأنني للتوِ قد وجدتُ قلبي يُخبرني أنه هنا ، أنا التي أكترث لعقلي ونضجي ، إتبعتُ قلبي و أخبرته؛ثم ماذا بعد ؟.. كان الشعور أشبهُ بالشيء و اللاشيء ، شيءُ من الحربِ و السلام في آن واحد ، هدوءُ و ضجيجُ في اللحظة ذاتِها ، خوفُ و سكون ، رغبة و رهبةُ ، امل و يأس ، و شيءُ من اللهم هل من مزيد ...

إنني أشعرُ بشيءِ ما ، ذلك الشيء الذي يدفعني إلى أن أبحثُ عنك في كل حين ، ان أكتب لك ، و أن أبتسم دون أسباب مقنعة ❤️

.تغلق دفترها ونضعه جانبا لتتنهد تنهيده حاره ومن ثم تغمض عيونها ل تغط فى سبات عميق

..............................................

......فى اليوم التالى......

تدخل كريمه على ابنتها غرفتها لتراها نائمه على الفراش فتربت على كتفيها قائلة بصوت مرتفع نوعا ما :-

- رقيه !!!

رقيه وهى مغمضه عيونها قائله بصوت نائم.......نعم ياماما ؟!!

كريمه.........انتى نايمه ؟!!

فتحت رقيه عينيها قائلة بمرح :-

- لاء يا ماما لا سمح الله, ابقى قافله عليا باب الأوضه والنور ومتغطيه وعيني مغمضه يبقي اكيد كنت بموت اكلينيكياً مش نايمه خالص 😂🤔

كريمة......انتى بتستهبلى بقالى ساعه بصحيكي وكل اما اجى اصحيكى الاقيكى نايمه

ضحكت رقيه..... فعلاً ؟ جايه تصحيني لقيتيني نايمه !! يا سبحان الله دي أكيد معجزه 😅

كريمه بغضب......متستهبليش وقومى عايزاكى فى موضوع مهم

لتجلس رقيه قائله باهتمام......استر ياللى بتستر خير يا كرمله فى اى ؟!!

كريمه بهدوء واقتضاب........فى عريس متقدملك موافقه ولا لا ؟!!

ضحكت رقيه لتردف بعدها....اممم لا طبعا ارفضيه من غير تردد ولو جبتيه يبقى تجهزى ريكس وتغذية كويس و اسلاك الكهربا ياريت تعاينيها متقوليليش الكهربا جاية غاليه انتى اللى كل شويه بتدبسينى فى واحد واقفلى الباب سبينى انام عشان سهرت كتير امبارح 😄✋

لتغمض عينيها بعدها وترفع الغطاء على وجهها فى هدوء

كريمه وهى تنزع الغطاء عنها بحده قائله :-

- انتى هبله يا بت انا اصلا مش موافقه عليه و جايه اقولك عشان اعرفهم انك انتى اللى مش موافقه عشان خالتك متزعلش

لتفتح رقيه عينيها غير مصدقة لتقف بسرعه على الفراش قائلة بلهفه :-

- ترجمى اللى قلتيه دا بسرعه احسن احتمال يجرالى حاجه !!!😮

كريمه بغضب.......عمار عايز يتجوزك😑

لترمقها رقيه بذهول و أعين متسعة ثم تسقط مغشيا عليها فى الحال !!!

لطمت كريمه على صدرها بفزع ومن ثم توجهت نحوها بلهفه لتحاول افاقتها الى ان فتحت رقيه عينيها لتردف :-

- انتى قلتى اى قبل ما تشقلب واقطع مايه ونور كدا 😄😲

كريمه بقلق.....انتى كويسه ؟!!

رقيه بفرح...... سيبك منى دلوقتى انتى قلتى ان عمار عايز يتجوزنى ولا دي تهيؤات ولا اى ؟!!🤔😄

لتتذكر كريمه وتنظر إليها بجمود ....لا ومش بس كدا دا عايز جواز علطول كمان من غير خطوبه

رقيه بصدمه وذهول واعين متسعه......كمان لا كدا كتير بجد😱😳

لتسقط مره أخرى مغشيا عليها😳😂

كريمة بفزع....يالهوووى مالك يابت ؟!!

لتحاول افاقتها الى ان فاقت رقيه وجلست ناظره امامها بصدمه تحاول استيعاب ما قالته والدتها ثم نظرت لها قائله :-

- بقولك يا حاجه انتى قلتى اى قبل الشقلبتين اللى فاتو دول 😂🤔

رمقتها كريمة بذهول وغضب......هفضل طول اليوم اعيد فى الكلام انا بقى ... عموما انا هروح اقولها انك مش موافقه ونخلص

لتتوجه نحو الباب لتجد رقيه امامها بسرعه الصاروخ لتفزع وترجع للخلف قائله :-

- يخربيتك هتموتينى 😡

رقيه بلهفه قائله .....اللى فات دا حماده واللى قلتيه دا حماده تانى خالص ترفضى مين بقى يا كركر ؟!!

كريمه.....هرفض عمار انا مش مستريحه للموضوع دا و قلبى مش مطمن نهائى وبعدين انتى مش قلتى مش موافقه عليه ؟!!😏

نظرت لها رقيه بصدمه....انا ؟!! انا انطق الكلمة دى لا موش انا خالص وبعدين انا وانا نايمه غير وانا صاحيه بتاتا 😱🤭

رمقتها بحده....يعني ايه بقى ؟!!!

رقيه.....يعنى لولولولولولى وهتجوز زغرتى معايا يا كركر😍😄

كريمه بصرامه لا تقبل النقاش......مفيش جواز من عمار يارقيه

لتنظر لها بصدمه....تانى كدا معلش😳

كريمه وهى تضع يدها فى خصرها......زى ما سمعتى كده مفيش جواز

ومن ثم تزيحها من امامها خارجه من الغرفه تاركه رقيه تنظر امامها بصدمه وذهول😱

- يعنى يتقدملى وانا ارفضه من غير ما اعرف ولما اعرف اوافق تقوم امى رفضاه يبقى انا مين !! .... يافرحه ما تمت خدتها كركر وطارت😂 🤔

لتدخل عليها شذى لتراها بهذه الحالة فترمقها باستغراب :-

- مالك قاعده كدا ليه ؟!!

لتنظر لها رقيه قائله ببلاهه.....عمار عايز يتجوزنى

شذى بفرح....ايه دا بجد ؟!!

اومات براسها لتقول بضيق....وامك مش موافقه

اختفت ابتسامتها...اى دا بجد ؟!!

رمقتها بغضب......انتى علقتى يابت دا انا هتشل هيجرالى حاجه

ضحكت شذى بشده على منظرها لتتحدث قائله....طيب هتعملى اى ؟!!

رقيه وهى تسير ذهابا وايابا بتفكير ...... لازم اخلى كركر توافق يبقى هنستخدم نقطة ضعفها اسرع وسيله لاقناع اى ست مصريه اصيله😂🤔

شذى بعدم فهم.....اللى هى اى يعنى ؟!!

رقيه وهى تزيحها للخارج قائله....ملكيش دعوه وانتى ويالا هش من هنا عشان انفذ اللى ف دماغى ورايا شغل كتيير

لتخرج شذى وتتوجه للاتصال بحمزه اما رقيه تستعد لتنفيذ خطتها لاقناع والدتها !!!

..............................................

......فى الشركه ..........

تطرق شروق الباب عدة طرقات خفيفه ومن ثم تدلف الى داخل الحجره لتسير بثقه شديده ممسكة ببعض الملفات بيدها قائله بجديه :-

- باشمهندس حمزه الطلبيه دى جت ومحتاجه امضت حضرتك

ليسمع هو صوت مألوف لديه ويظن انه استمع اليه من قبل ليلتف بكرسيه ناظرا اليها بصدمه.....

- انتى بتعملى ايه هنا ؟!!

لترفع شروق انظارها نحوه بصدمه وذهول واعين متسعه لتتحدث بدون وعى قائله :-

- انت بتستهبل ...!!!😱

رمقها بغضب شديد قائلا بصرامة...

- انتى بتقولى اى !!!

ارتجفت قليلا من نظرته ل تحاول السيطره على نفسها قائله وهى تشير بيدها فى اتجاه الباب :-

- اتفضل من هنا بعد اذنك بدل ما اطلبلك الامن✋

رفع احدى حاجبيه ليبتسم من زوايا فمه قائلا :-

- حافظه رقمه ولا تحبى اديهولك ؟!!

ثارت بشده ووجهها اصبح شديد الاحمرار من بروده لتتحدث قائله :-

- على فكره مش عشان صاحب الباشمهندس يحقلك تقعد على مكتبه بالشكل دا او تفضل فى مكتبه وهو مش موجود وزى ماسمعت كدا اتفضل برا

رمقها ببرود وهو يستند بمرفقيه على مكتبه قائلا ببرود......خلصتي ؟!!!

اومأت برأسها عدة مرات لتقول.... ايوا اتفضل نفذ بقى

اشار بيده في اتجاه الباب قائلا بصرامه :-

- تخرجى من الباب دا ومش عايز اشوف وشك فى شركتى تانى

نظرت له ببلاهه غير مستوعبه ما يقوله لتردف :-

- انا مالى ومال شركتك انا !!!!

ثم صمتت لتستوعب ما قاله لتتحدث بعدها بعدم تصديق :-

- انت تقصد ان دى

ليقاطعها هو بصرامة وعينيه توحي بالغضب الشديد......برااا ومش عايز اشوفك هنا تانى سامعه !!!

لتنتفض هى من صوته وتتراجع للخلف ومن ثم تحاول تجميع شجاعتها لتتابع بتحدى :-

- مش من حقك على فكرة !!!

ذهل من حديثها ليقف بطوله الفارع الذي اوضح لها ضئالتها امامه ليتجه نحوها بغضب شديد وهو يجز على اسنانه من هذه الفتاه التى اقتحمت مكتبه بدون اذن منه !!!

ابتلعت ريقها بصعوبه من منظره لتلف نحو الباب مسرعه للهروب من امامه فلا مجال للشجاعه الان امام هذا الوحش !!!

ليمسكها من مرفقيها قبل ان تصل الى الباب لتلتف اليه بغضب وتلقائيه رافعه يدها لأعلى لتنزل بها على وجنتيه بقوه قائله بغضب :-

- انت اتجننت ازاى تمسك ايدى !!!!

اظلمت عيناه بشده واحمر وجهه بغضب لينظر لها غير مستوعب مافعلته لتتراجع شروق للخلف بخوف شديد فيتقدم منها ببطئ مقررا قتلها بين يديه !!!

شروق بخوف وهي ترفع يدها كتحذير :-

- انت اللى مسكت ايدى الاول ولو قربت منى هصوت والم الشركه كلها عليك انا بحذرك🖕

ليدخل حمزه عليهما ناظرا اليهما بذهول لتسرع شروق خلفه قائلة بلهفه :-

- الحقوا ربنا يخليك هيموتنى

ادهم بصوت غاضب مخيف وهو يشير بيده نحو حمزه قائلا :-

- ابعد عنها لتنضرب معاها ثم قال بغضب شديد وهيجان....بقى انتى تعملى فيا انا كدا دا انا هشوهلك وشك دا

رمقها حمزه بفزع وهو يحول بينها وبين صديقه :-

- انتى عملتى اى يخربيتك

شروق بصوت متوتر....ضربته بالقلم بس والله

حمزه وهو ممسك ب ادهم بشده قائلا بلهفه :-

- يخربيتك ولسه واقفه اجرررررى على طول هياكلك

ادهم وهو يبعد حمزه عنه بغضب ولكن حمزه ممسكا به بشده

لتفر شروق هاربة من الشركة باكملها غير مصدقه انها نجت من بين يديه !!!

ادهم وهو يلكم حمزه فى وجهه بقوه ليرتد للخلف بألم.....

ادهم بغضب ...... وحياة اغلى حاجه عندى لدفعها تمن القلم دا غالى بقى انا تضربنى بنت زى دى ؟!!

حمزة وهو يتحسس وجه بألم....انا مال اهلى انا

ثار ادهم بشده مقتربا منه قائلا :-

- مش انت اللى هربتها من ايدى ياحيوان دا انا هطلع عينك من مكانها النهارده

ليفر حمزه هاربا بفزع قائلا....الله يخرب بيتك ياشروق

...........................................................................

.......فى العياده........

تطرق الممرضه الباب طرقات خفيفه ومن تدخل وهى ممسكه ظرف بيدها قائله :-

- الظرف دا وصل لحضرتك يا دكتور فى واحد سابه و مشى

ليأخذه منها ادم و يقلبه بين يديه باستغراب ليتابع وهو ينظر لها

- واحد مين دا !!!

الممرضه...معرفش رضيش يقول اسمه

اشار بيده ليقول....طيب اتفضلى انتى وبعد عشر دقائق دخلى المريض اللى عليه الدور

اومأت براسها لتنصرف بهدوء......

ليفتح ادم الظرف بهدوء ليجد بداخله مجموعه من الصور فينظر لها باهتمام وسريعا ما ارتسمت معالم الصدمه على وجهه غير مصدقا ما يراه ليخرج بغضب شديد قائلا بسرعه....انا ماشى والغى اى كشف النهارده

وينزل ليركب سيارته لـ يقودها بسرعه شديده وهو يحاول استيعاب ما قد رآه للتو !!!

..................................................................................

......فى منزل دينا.........

تضحك علياء بشده قائله.....زمانه دلوقت وصله الصور وهيروح يجيبها من شعرها ويرميها فى الشارع

لتشاركها دينا الضحك.......ههههههههه والله انتى معلمه بس ممكن يكتشف انهم فوتوشوب

علياء.....ومين قالك انهم فوتوشوب الصور حقيقيه مليون فى الميه

رمقتها دينا بذهول قائله.....مش فاهمه ازاى يعنى

علياء...........................................

الفصل التاسع عشر😍😘

* خذلان يليه صدمه *

المجدُ لكلماتنا الساخرة في أكثر اوقاتِنا جَداً ، لهدوئنا العظيم في اكثر اوقاتِنا ضجراً ، لسكوتِنا المُريب في اعظم اوقاتِنا تَعباً ، و لكلِ ما يسعى بأن يُخفي ما نشعُر حقاً .

المجد حقاً لتلك الدمعات التي لم يُدرِكها احداً ، لتلك الكلمات التي عُلقت في حناجِرُنا ، لتلك الصرخات التي دُفِنت بداخِلنا ، لمئات الاحزان التي هزمت ارواحنا ، و لأكوام الاتعاب التي جعلتنا جِبالاً أمامهم.

المجد لنا ..

نحنُ من نتجرع اكواماً من الحزنّ و لا نُبالي ، من نفقد احبابنا ، و ننهزم ؟ فـ نبتسم ، يذهَبُ قريبنا فـ ننكسر ، و نبتسم ، نُلقى في وادٍ مُهمشِ على رصيفٍ جانبٍ داخل عقولهم ، و لا يسعُنا سوى بأن نبتسم.

المجدُ لنا ..

نحنُ من يظُن الجميع بأننا قوهٌ تسيرُ على قدمين ، بأننا جبالاً لا تخضع ابداً ، و أننا أرواحاً لا تعرف طعم اليأس ..

نحنُ من يُحكمُ علينا بالثبات و اليقين ، بالسعاده و الرضا ، بالتفاؤل والأمل ، والقوة بين الحين و الأخر .

المجد لتلك البسمه المنحوته دوماً على ملامِحُنا ، الباقيهُ دوماً ما حييّنا ، المرسومه بكلِ رغبه بـ ان تُخفي اكواماً من المشاعر خلفها..💫..

......................................

.......فى منزل دينا.........

تضحك علياء بشده قائله.....زمانه دلوقت وصله الصور وهيروح يجيبها من شعرها ويرميها فى الشارع

لتشاركها دينا الضحك.......ههههههههه والله انتى معلمه بس ممكن يكتشف انهم فوتوشوب

علياء.....ومين قالك انهم فوتوشوب الصور حقيقيه مليون فى الميه

رمقتها دينا بذهول قائله.....مش فاهمه ازاى يعنى ؟!!!

علياء...هفهمك خدت فون شذى وقلبت فيه لقيت صور للحلوه الشريفه دى بشعرها , وهدوم كت وميكب وحاجه مسخرة يعنى فنقلتهم لفونى على طول وظبطهم لا وكمان الحلوه كانت فى حضن ادهم باشا امبارح خدت لها كام لقطه حلوين

دينا......اى التفكير الجامد دا انا افتكرت انك ركبتلها صور بس ما ممكن شذى تقوله وكل تخطيطك دا يبوظ ؟!!!

ضحكت علياء بشده ومن ثم اردفت بمكر :-

- ادم مش هيستنى يسمع لحد وخصوصا لو اتكد ان الصور حقيقية مش فوتوشوب يعنى ست الشيخه هتبات فى الشارع النهارده !!!

ضحكت دينا بخبث.........طيب وخطف عشق ؟!!

علياء بلا مبالاه......لا فركش خلاص مع انك بعتى ولد غبى كان هيودينا فى داهيه الا انها جت بمصلحة كان هيبقى فيها شوشره كتير اما دا تم واحنا بره الموضوع خالص …. وانا كل اللى يهمنى انها تخرج من الفيلا دى وتدفع تمن القلم اللى ادتهولى وادم ساعتها مش هيشوف غيرى انا ويرجعلى بدل ما بيقارنى بالحقيرة دى

سقفت دينا باعجاب......وواوو هو دا

علياء وهى تضع يدها على مقدمة رأسها لتدلكها برفق قائلة بتعب :-

- بقولك اى شوفيلى حته معاكى اصل دماغى هتنفجر

نظر لها دينا بحقد لتتحدث بخبث قائلة :-

- من عنيا يا حبيبتى انتى تؤمرى

لتذهب وتجلب لها المخدرات لتغيب علياء عن كل ماحولها !!!!

....................................................................................

.......فى فيلا ادم.......

تدخل شروق الفيلا بتعب لترى كريمة جالسه وفي احضانها عشق لتبتسم قائله :

- السلام عليكم

رمقتها كريمة بقلق ومن ثم أردفت وهي تنظر لها بدقة :

- وعليكم السلام جايه بدري كده ليه !!! انتى تعبانه ؟!

ضحكت شروق : لا انا تقريبا اترفدت

شهقت كريمه : ليه انتى عملتى اى ؟!!

شروق بغضب : ضربت صاحب الشركه بالقلم الاستاذ كان عايز يمسك ايدى

- ما تسبيه يمسكها يافوزيه الله 😂

تقولها رقيه بمرح وهى تتجه نحوهم ……..

ضحكت شروق بشده......هههههههههههههههههههههه لا يجوز يا اختاه

رقيه وهى تنظر لكريمه بمرح.....سيبك دلوقت تعالى ياكركر عاوزاكى

رمقتها كريمه باستغراب.......خير ؟!!

رقيه ......اكيد خير طبعا هو انا عمرى عملت حاجه مش خير ؟!!

كريمه....طول عمرك😂

ضحكت رقيه قاله بخجل مصطنع :-

- احم بس عشان بؤحرج😌

كريمه بجديه.....طيب روحى دلوقت عشان عايزه اتكلم مع شروق فى موضوع مهم

لتجلس رقيه جوارها بفضول.....اى هه اى قولى ماتتكسفيش هو انا غريبه ولا فتانه لا خالص يبقى قولى على طول 🤔😄

شروق...خير ياعمتو ؟!!!

ابتسمت كريمه وهى تربت على كتفها قائلة :-

- كل خير ياحبيبتى انتى طبعا عارفه ان كل بنت مصيرها الجواز

تصفق رقيه بفرح قائلة بصوت مرتفع :-

- الله ينور عليكى يا كرمله حطى خط على اللى قلتيه دا دا اول المعطيات يالا اللى بعده😄👌

رمقتها كريمة بغضب......لو هتقعدى ماسمعش صوتك فاهمه ؟!!

اومات برأسها عدة مرات لتضع يدها على فمها بهدوء 🤭

كريمه وهى تنظر لشروق مرة أخرى لتتابع حديثها بابتسامة :-

- وطبعا انتى لسه صغيرة وكتير اووى يتمنوكي واكيد عشق محتاجه ل اب ليها

توترت شروق بشده قائله بصوت خافت.....انا مش فاهمه حضرتك تقصدى اى

كريمه......ادم عايز يتجوزك اى رايك يابنتى ؟!!

رقيه بفرح قائلة بصوت مرتفع.....لولولولولولولولى شوفى الافراح بتهل مره واحده ازاى دا عشان قلبك الطيب بس ياكركر عيالك هيتجوزو مع بعض

لترفع كريمه حذائها بغضب لتفر رقيه من امامها بسرعه قائله :-

- طيب خلاص هستنى شويه واطلب الماذون بس متزعليش انتى بس😂😉

زفرت كريمه بغضب لتنظر لشروق المصدومه امامها قائله :-

- اى ياحبيبتى مالك انتى مش موافقه على ادم ؟!!

توترت شروق بشده لتنطق بصعوبه....لا بس انا مش عايزه اتجوز دلوقتى

رقيه من خلفهم بصوت مرتفع.....انا عايزه والله عايزه اتصلى بالمأذون بقى😂😌

لتفزع كريمه بشده وترفع حذائها وتلقيه نحوها بسرعه ليصدم بوجهها بقوه

رقيه وهى تتحسس وجها بألم.....هو كله ضرب ضرب مفيش شتيمه كدا خالص انا اتهزقت فى البيت دا..... ولازم اتجوز واطلع منه و متحاوليش تقنعينى بغير كدا خلاص انا خدت قرارى😂🖕

كريمه بغضب.....انتى عارفه لو مغورتيش من وشى دلوقتى هيحصلك ايه ؟!!

ابتلعت رقيه ريقها بصعوبه قائله وهى تتجه نحو غرفتها :-

- خلاص خلاص انا هدخل اوضتى بكرامتى اول ماتخلصى هجيلك

شروق......بصى ياعمتو لو انا تقلت عليكم انا ممكن اخد عشق وامشى

غضبت كريمه بشده .......انتى هبله يا بت تقلتى ايه وزفت اى انتى عارفه انك زى عيالى بالظبط وبعدين لو مش متأكده ان ادم هيحافظ عليكى مكنتش قولتلك ابدا فكرى كويس وردى عليا !!

اومات شروق براسها لتقف وتقبل راسها قائله....متزعليش منى انا اسفه مقصدش حاجه

كريمه بحنيه.....مش زعلانه ياحبيبتى ربنا يكتبلك الخير يارب

شروق وهى تأخذ عشق من يدها قائله....يارب انا هروح انيم عشق واصلى واشوف عمر بيعمل اى

كريمه وهى تقف لتصعد معها.....وانا هروح اشوف الهبله دى عايزه اى !!!

لتتوجه شروق الى غرفتها وهى تتنهد بحزن فهذا ما كان ينقصها كيف تواجه عمتها بما يدور فى خاطرها كيف تتزوج من رجل يجرحها مره اخرى والاهم من هذا كله اذا فكرت بالزواج يجب اولا مصارحتهم بحقيقة عشق !!!

..................................

تدخل كريمه غرفة رقيه ناظر لها قائله.....اى اللى عايزانى فيه اكيد حاجه مايله زيك !!

ابتسمت بشده قائله......مش ملاحظه حاجه فى الاوضه ياكركر ؟!!

كريمه بعدم فهم....حاجه اي دى ؟!!

لتمسك رقيه يدها وتتوجه نحو دولابها قائله ....افتحي الدولاب وانبهرى

كريمه فتحت الدولاب لتنظر بصدمه قائله :-

- ايه دااا ايه داا ! مين عمل كدا ؟

رقيه بفخر وهى تشير بيدها فى جميع اركان الغرفه لتوضح قائلة :-

- أنا يا كركر اللى رتبت الدولاب…. ومافيش بديهات ع الأرض ولا هدوم ع المكتب أو تحت المخده ، وكمان الكرسي فاضي مافيش عليه بناطيل البيجامات ولا حتي هتلاقي فردة شراب ع أوكرة الباب.....

يعنى خليتلك الاوضه فله لا ومش بس كدا والمطبخ كمان غسلتلك المواعين خلتها بروبروق كدا😄😂👌

لتنظر كريمه للاوضه بدقه قائله بعدم تصديق :-

-عملتي كل ده لوحدك من غير ما تنبحي صوتي وأهزئك وشباشبي تطير فِ جميع أركان البيت, حقيقي إتفاجئت, وكمان نضفتي تحت السرير .. شابوه بجد برافو عليكى ياحبيبتى

رقيه بفخر.....لا وبعرف اعمل البطاطس بكل أنواعها والبيض كمان مقلي ومسلوق وكله وقهوه وشاى ونسكافيه وعصاير وسندوتشات جمبه وتونه كمان , عندى قدره خارقه على كدا لا وبجيب مايه فى وسط الاكل عادى😂😌

كريمه وهي ترفع حاجبيها قائلة....كفايا انبهارات كفايه عشان هيجرالى حاجه وبعدين شكلك كدا عاوزه حاجه ! صح ؟ مهو اللى عملتيه دا اكيد مش لله وللوطن يعنى ؟!!

رقيه بحزن مصطنع......فاهمنى غلط دايما على فكره بس المرادى انا فعلا عايزاكى يعنى مش هنعترض بس اهم حاجه تسمعيني بهدوء

لتجلس كريمه على الفراش ناظره لها بابتسامه.....

- طبعا ياحبيبتى متخافيش دوري ك ام أسمعك ونتكلم براحتنا, أنا اُم هاي كلاس ع فكره😄

جلست جوارها بمرح....هاى كلاس جبتى منين الكلمه دى يا كركر التلفزيون دا هيبوظك على فكره ؟!!!

كريمه بحده....اخلصى يابت عايزه اى مش فاضيالك ؟!

رقيه......يعني اتكلم براحتى ومش هتزعقي وتلمي علينا الناس اللى فى الفيلا ولا هلاقى شباشبك فى وشى ؟!!

هزت رأسها رافضه لتتحدث بحنان... يابنتي بقولك هاي كلاس .. كلااااس .. خدي راحتك كلى اذان صاغيه احكى

رقيه......قلقانه الحقيقه بس المهم يعنى انتى قلتى ان كل بنت مسيرها الجواز صح

اومأت برأسها لتتابع هى....وطبعا انا بنت ومسيرى الجواز الاتنين🤘

و زى ما شوفتى اهو ست بيت درجه اولى تنضيف وطبيخ وكله يبقى اتجوز بقى وعمار أولى بمواهبى من الغريب برضه😂🤔

كريمه بغضب.......تانى كدا معلش ؟!!!

رقيه بصرامة........انا موافقه على جوازى من عمار ياماما ودا ابسط حقوقى فى اختيار شريك حياتى ولو موافقتيش هنتحر انا بحذرك اهو🖕

لتضربها كريمه فى كتفها بقوه لتسقط رقيه ارضا.......

رقيه بألم......هاااى كلاس هااى كلاس يعنى مفيش كلام😂👌

كريمه بصوت مرتفع.......تنتحري يابنت الهبله قال شريك حياتى قال انتى عندك مخ اصلا وبعدين موضوع الانتحار دا مش هيدخل عليا شوفته فى مليون فيلم عربى قبل كدا العبى غيرها

ضربت كفا على كف بغيظ لتقول بغضب...

- انا قولت التلفزيونات دى هتبوظ الامهات كلها محدش صدقنى😂

كريمه بحده.....مش انتى بتقولى انك موافقه عليه طبعا موافقتك مهمه حقك طبعا

رقيه بلهفه..........ايوا بقى هتقولى لخالتو امتى بقى تيجى هى وعمار ؟!!

رمقتها كريمه بصرامة.....ويجو ليه ؟!!

زفرت رقيه بنفاذ صبر قائله بمرح....جرا ايه يا حاجه عشان نقرا الفاتحه ونبل الشربات

كريمه .....والله انتى من حقك توافقى وانا من حقى اختار جوز بنتى واوافق عليه برضه

وضعت يدها فى وسها قائله.......يعنى اى بقى ياماما ؟!!

كريمه بجديه....يعنى انا مش موافقه يارقيه

تنهدت رقيه بشده لتردف بحزن....ليه بس ياماما ؟!!

كريمة بهدوء لتحاول اقناعها.....ياحبيبتى انا مش مستريحه للموضوع دا شغلى عقلك شويه دا عايز يتسلى بيكى وانا امك وعارفه مصلحتك

رقيه باعتراض.......لا طبعا يتسلى اى ؟! لعلمك عمار دا قلبه قلب خساية والله وطيب

ترمقها كريمه باستهزاء لتتحدث متسائلة.......وانتى عرفتى منين ان شاء الله ؟!!

رقيه بمرح ضاحكه.......اكيد طبعا من الخسايه 🤔😂

كريمه.....بتهزرى هه بتهزرى عامله فيها دكتوره وخلاص وانتى مفكيش عقل اصلا ؟!!

رقيه بمرح.......لعلمك بقى ياكركر انا لو اتجوزت هعقل والله اسمعى الكلام كتير اووى كانو مجانين كدا ولما اتجوز بقى بقه ثم اشارت بيدها فى اتجاهات مختلفه قائله بتفكير :-

- هو انا مش عارفه بقه اى بس اكيد عقلو يعنى متقلقيش انا عماد مأكدلي😂🖕

نظرت لها كريمه بغضب قائلة وهي ترفع أحد حاجبيها....خليكى مجنونة مش عايزاكى تعقلى بس مفيش جواز

زفرت رقيه لتقترب وتجلس بجوارها قائله :-

- ياماما ما انتى لما اتقدم لشذى وافقتى وبعدين انا بحبه اومال انا برفض العرسان اللى بتتقدملى ليه وافقى بقى يعنى كدا هيبقى كتير عليا بجد

رمقتها كريمة بذهول.....بتحبيه !!!

احنت راسها بحزن.....ايوا ولما اتقدم لشذى اتوجعت اووى عشان خاطرى يا ماما وافقى وهو اكيد مش هيأذينى يعنى وبعدين مش انتى بتقولى عايز جواز على طول يبقى بيتسلى فين بقى لو بيتسلى كان قال خطوبه ؟!!!

كريمه وقد شعرت بحزن ابنتها لتتحدث باعتراض.....ياحبيبتى بس انا

لتقاطعها رقيه .......لا بس ولا هش خليكى جدعه بقى يا كركر وبعدين انا مش هتجوز وهعنسلك عشان تبقى عارفه لو متجوزتوش مش هتجوز

تنهدت كريمه بشده لتقول بهدوء.......ماشى يارقيه بس افتكرى انى مش موافقه عليه ولا مرتاحه للموضوع دا بس انا عمرى مافرضت عليكم حاجه ولما برفضه كدا عشان قلب الأم عمره ما بيكدب يابنتى وبكره تتاكدى بنفسك وتجربى احساسى اما تبقى ام

احتضنتها رقيه بفرحه قائله :-

- حبيبتى يا كركر

ربتت على كتفها بحب قائلة....ربنا يسعدك يابنتي ويخيب ظنى فيه ويطلع يستاهلك

ابتعدت عنها بمرح....يالا بقى قومى اتصلى بيهم خليهم يجو دلوقت ويجيبوا المأذون

كريمه بذهول........دلوقتى اى ومأذون ايه ياهبله انتي ؟!!

رقيه بسعاده......عندك حق لازم نتقل برضه احس يقولو انى واقعه ولا حاجه مع انى لا واقعه ولا اى حاجه خالص على فكره😄🤭

ضحكت كريمه......واضح واضح

لتتنهد رقيه بسعادة غير مصدقه ان حب طفولتها سوف يتقدم لها لاغيه عقلها تمام فى التفكير بينما شردت كريمه غير مطمئنة على ابنتها وما سوف يحدث لها على يد ابن اختها وهل هو يحبها حقا ام يريد ان يتلاعب بها !!!!

رقيه قائله بصوت مرتفع فى أذن والدتها....عدى دقيقة بيتهيألى كفايا تقل لحد كدا احسن يفطس مننا ولا ايه رايك يا كرمله ؟!!😂🤔

لتفزع كريمه وتضع يدها على قلبها قائله......تصدقى انا اللى هفطس من عمايلك دى صبرنى على ما ابتليتني يارب😱

......................................

تطرق شروق الباب عدة طرقات خفيه لتدخل على عمر الجالس ممسكا بالسجاره فى يده

شروق وهى تضرب على صدرها بصدمه.....الله يخربيتك انت بتشرب سجاير ياعمر ؟!!

ليقترب منها بلهفه ليكتم فمها ويقوم بغلق الباب قائلا....الله يخرب بيتك هتفضحينى اسكتى

لتزيح يده من على فمها بغضب و تأخذ منه السجاره قائله........افضحك !!! انت اتجننت تشرب سجاير دا لو ادم عرف هيموتك .... انت لازم تبطلها والا والله العظيم هخلى ليلتك سودا فاهم !!!

.................................

يدخل ادم الفيلا وملامح الغضب الشديد واضحه عليه بشده !!!

تراه شذى فتتجه نحوه قائله :-

- فى اى مالك ؟!!!

ادم بملامح غامضه قائلا بجديه...فين شروق ؟!!

شذى باستفهام....ليه فى اى ؟!!

ثار ادم ليقول بصوت مرتفع....انجزى هى فين ؟!!

فزعت شذى ل تتراجع للخلف قائله بتوتر :-

- فوق فى اوضه عمر

لينطلق هو صاعدا الدرج بسرعه شديده وملامح وجهه لا توحى بالخير ابدا !!!

ليقتحم غرفة عمر ليرى الصدمه التى ثبتت قدماه فى أرضية الحجرة !!!

شروق واقفه امامه ممسكه بسجاره فى يدها ناظره له بتوتر وعمر امامها مصدوما

شروق بتوتر.......انا

ليقاطعها آدم بصدمه وهو ينظر للسجاره الموجودة فى يدها قائلا بصوت غاضب مرتفع :-

- انتى بتشربى سجاير كمان !!!😡

ليجتمع كل من بالفيلا حولهم

رمقتهم كريمة باستغراب قائلة........فى اى يا ادم مالك صوتك عالى كدا لييه ؟!!!

ادم بغضب جامح وصوت مرتفع وهو يشير بأصبعه فى اتجاه شروق....الهانم الى فتحتلها بيتى وافتكرتها محترمه وصلنى صور ليها فى حضن واحد وبلبس اخر سفاله وقلة ادب لا ومش بس كدا كمان بتشرب سجاير.... فاضل ايه بقى معملتهوش هه ؟! دا جزاتى انى دخلتك بيتى وعاملتك اكنك واحده منه انا اللى غلطان اللى استئمت واحده زباله زيك تعيش معانا هنا لا وانا اللى ب غبائي كنت عايز اتجوزك هههههههههههه شايفه الغباء دا كدا علياء احسن منك مليون مره على الاقل هي واضحة مابتمثلش الاحترام والادب وهى اصلا حقيره وكمان الله اعلم بنتك اللى بتقولى عليها دى محدش عارف جبتيها منين ولا من مين ؟!!

بينما هو يتحدث كانت شروق تبكى بشده وجسدها يرتعش غير مصدقه مايقوله ولم تستطيع فتح فمها للتحدث من الصدمه

كريمة بحدة وصرامة...........اى اللى بتقوله دا انت اتجننت ازاى تقول على بنت عمك كده ؟!!

آدم بغضب.........متقوليش بنت عمى دى بنت مش محترمه !!!

كريمه بغضب.......اخرس بقى اتاكدت الاول مايمكن اللى فى الصور دا مش حقيقه

ليعطيها ادم الصور قائلا بصرامة وغضب.....اتاكدت !!! دا انا روحت لاكتر من واحد بيفهم كويس فى الفوتوشوب وكلهم اكدوا ان الصور دى حقيقيه

لتنظر كريمه للصور التى فى يدها لترى شروق فى احضان رجل لم تتبين ملامحه وصور اخرى لشروق بملابس قصيره وبشعرها وغيرها لتنظر شروق بصدمة قائله :-

- اى الصور دى يابنتى ؟!!!

ضرب ادم كفا على كف بغضب :-

- برضه هتقولها يابنتى دى متستهلش الكلمه دى منك ياماما دى واحده حقيره وسافله وخاينه للمكان اللى عايشه فيه

انتفضت بفزع والدموع تنهمر على وجنتيها قائلة بصوت باكى غير قادر على التحدث من كثرة شهقاتها

- آآآآ وووالله مااا عملت حاااجه

لتربت عليها رقيه قائلة بحنان :-

-اهدى ياحبيبتى

ثار ادم بشده ليقترب منها ممسكا بشعرها قائلا بغضب :-

- حالا تطلعى من البيت دا و مشوفش وشك تانى فاهمه

اقتربت كريمه بغضب لتبعده عنها قائله بصوت مرتفع :-

- انت اتجننت ؟!! انت اكيد مش وعيك ؟ مين دى اللى تطلع من البيت وازاى تمسكها من شعرها كدا

عمر بتوتر......السجاير دى مش بتاعة شروق

نظرو لهم جميعا بصدمه ليتابع هو وهو يبتلع ريقه بصعوبه قائلا :-

- انا كنت ماسكها وبدرب على مشهد وهى اصلا مطفيه وهى دخلت خدتها منى وكانت فاكره انى بشرب سجاير وكانت بتزعقلى وبعد كدا ادم دخل

لتنظر له كريمه بعتاب.......سمعت يا استاذ اديك ظلمتها

ادم ومازالت عينيه مشتعله بالغضب........والصور كمان ظلمتها فيها ياماما

لتنظر له بتوتر ومن ثم تنظر لشروق التى صوت شهقاتها يؤلم قلبها

- ما تقولى اى الحكايه يابنتى ؟!!

ليعم الصمت ليصدر صوت شهقاتها فقط والكل منتظر تبريرها لهذه الصور فيقطع الصمت ادم بصوت صارم :-

- البنت دى هتمشى من البيت دا حالا انا لحد الان محترم معاها لكن انا ميشرفنيش واحده زى دى تعيش مع اخواتى ويبقو زيها

كريمة بصرامة..........شروق مش هتمشى من هنا يا ادم

ذهل ادم من حديث والدته لينظر لها بغضب :-

- يعنى ايه ياماما هتسيبى واحده زى عايشه وسطينا ؟!!

ثارت كريمة بشدة لتردف بغضب :-

- الوحده دى تبقى بنت عمك غلطت تتعاقب مش تنطرد من البيت وهى ملهاش حد يا استاذ يا محترم ولو مش عاجبك كلامك يبقى انت اللى تطلع من هنا

ادم بصدمه........انا يعنى تخرجينى من بيتى عشانها !!!😮

كريمه بحده.......اما تبقى عايز تطرد بنت عمك اللى ملهاش غيرنا فى الدنيا وترميها فى الشارع تبقى مش ادم ابنى اللى ربيته ابدا ولو فكرت بعقلك هتعرف انى عندى حق فى اللى بقوله

ادم بهيجان وهو يصفق بيده قائلا :-

- ماشى ياماما خليهالك هى بقى وانا ماشى من هنا خالص مش هقدر اقعد مع واحده زى دى فى مكان واحد

لينطلق بعدها خارجا من الغرفه بل من الفيلا باكملها ونيران الغضب مشتعله بداخله بقلب محطم فهو قد بدأ بحبها ولم يتوقع ان تكون بهذا الشكل وبهذه الاخلاق !!!

اما شروق فهى اصبحت تبكي وترتجف بشده لتضمها رقيه بحزن قائله :-

- اهدى يا شروق بقى عشان نعرف اى حكاية الصور دى !!!

كريمه بحده......سبوها دلوقت واما تهدى هنتكلم وانت ياعمر حسابك معايا بعدين

تزمر عمر قائلا....انا مالى انا الله هو اى حاجه تجبوها عليا هى اللى دخلت تزعق من غير ماتسمع

لترفع رقيه يدها عاليا لتنزل بها على عنقه بقوه قائلا :-

- جايب سجاير البيت ياحيوان !!

ابتعد عنها ليضع يده على عنقه بالم....الله يخرب بيت ايدك يا شيخه دى ايد دى ولا مرزبة اعوذ بالله

لتنطلق شروق الى غرفتها والدموع تنهمر من عينيها وكلمات ادم تتردد فى اذنها ليتألم قلبها بشده

لترمي نفسها على الفراش دافنه وجهها به وتبكى بشدة شهقاتها تتعالى فى أرجاء الحجرة

..........................

كريمه بحزن.......كل واحد يروح اوضته وبكره انا ليا كلام تانى مع شروق واللى عايز ياكل ينزل ياكل انا داخله اوضتى وتركتهم لتتوجه نحو غرفتها

شذى بذهول.....اى اللى بيحصل دا معقول ؟!!

رقيه باعتراض.....اكيد فى حاجه غلط مش ممكن شروق اللى دايما تكلمنا اننا نقرب من ربنا تكون اخلاقها بالشكل دا ابدا

اومأ عمر براسه مؤكدا......عندك حق بس المشكله فى ادم دا اول مره يسيب البيت كدا

شذى.....هيهدى وهيرجع اكيد وانا هتصل بحمزة يروحله

رقيه.....تمام ربنا يستر

عمر وشذى....يارب

..............................

فى الشركه

يفتح حمزه باب المكتب ليطل برأسه قائلا بخوف :-

- ادخل ولا هنضرب انا وشى ورم والموضفين كلهم بيضحكوا عليا يعنى شكلى بقى فانلة قصادهم كلهم

ليخفى ادهم ضحكته قائلا بجديه....تعالى

يدخل حمزه ويجلس قائلا بمرح وغمزه....قولى بقى ياحلو شروق علمت عليك ليه ؟!!

اضلمت عيناه بشدة قائلا بصرامة......انا عايزك تقولى كل حاجه تعرفها عن البنت دى

حمزه بجديه......لا بقولك ايه شروق ملهاش زى بصراحه بقالها شهر شغاله معايا مشوفتش منها اى حاجه وحشه وكل الناس هنا بتحترمها واكيد انت عملتلها حاجة عشان تتصرف كدا !!!

ادهم بحده........عملتلها حاجة الاستاذه كانت عايزه تطلبى الأمن يرموني بره

ضحك حمزه بشده........ههههههههههههههههههه ياخساره طيب ومطلبتهمش ليه

نظر له ادهم نظره اخرسته ليتنهد قائلا......مش عايز اسمع لك صوت انا مش ناقصك

حمزه.......طيب عملت ايه فى موضوع عشق لسه مفيش اخبار

تنهد بالم لتمتلئ عينيه بالدموع ولكنه يحاول حبسها بقوه ليقول بصرامه وصوت متالم :-

- مفيش اى اخبار عنها انا حتى مش عارف اذا كانت عايشه ولا لا

لينظر له حمزه باسى قائلا...ان شاء الله تبقى عايشه وترجعلك تانى

ادهم....ازاى انت بتقنعني ب اى شهر ونص بدور عليها ومفيش اى اثر نهائى ولا حتى امل بسيط امشى وراه انا بموت كل ثانيه وانا مش عارف هى حالها اى انا تعبت بجد انا مبعرفش انام بالليل كل ما بنام فرح تجيلى فى الحلم تلومني بعنيها انى ضيعت بنتنا ومحافظتش عليها

حمزه بشفقه .........متعملش فى نفسك كدا يا ادهم انت مش شايف حياتك بقت عامله ازاى ؟!!

لينظر له ادهم بقوه عندما لاحظ نظراته ويردف.......مالى ما انا كويس يالا قوم شوف شغلك احنا مش بنلعب هنا

رمقهه حمزه بذهول لتحوله هذا........يخربيتك انت بتتحول كدا ازاى ؟!!

يقف ادهم بجديه ليأخذ الجاكت الخاص به قائلا....

- ملكش فيه انا ماشى ورايا مشوار مهم سلام

تابعه حمزه بحزن قائلا...ربنا يهديك يا ادهم وترجع زي ماكنت

ليقاطع شروده إتصال شذى فيرد عليها بمرح......

- حبيب قلبى اخبارك يا موزتى

شذى .........الحقنى يا حمزه مصيبه

ليفزع حمزة قائلا..........هى جوازه منيله انا عارف حصل ايه تانى ؟!!

شذى.........مش وقته دلوقتي روح شوف ادم فين عشان ساب البيت ومشى

حمزه.........طيب اهدى ياحبيبتى انا هدور عليه لحد مالقيه وهتصل اطمنك متقلقيش

شذى......تمام

اغلق هاتفه ليتوجه الى خارج الشركه وهو يحاول الاتصال ب ادم الى ان رد عليه بصوت غاضب قائلا :

- عايز اى يازفت ؟!!

حمزه وهو يصعد سيارته قائلا :

- انت فين ياعم انت ؟!!

- فى الشارع !!

حمزه ضاحكا......فى الشارع بقيت متسول خلاص طيب حصلنى على شقتى وانا جايلك حالا سلام

واغلق هاتفا ليتوجه نحو شقته ليرى ماذا حدث لصديقه !!!

................................................................

فى المساء

وبعد ان نام الجميع تجلس شروق على فراشها وعشق ناظره لها بحزن

شروق لنفسها........انا لازم امشى من هنا مش هينفع اسببلهم مشاكل اكتر من كدا ولا ابعد ادم عن والدته حتى لو كنت مظلومه مش هقدر اعيش معاهم وانا بخدعهم كفايا لحد كده

لتربت عشق على يدها قائله :

- هو انتى زحلانه ليه

شروق وهى تقبلها قائله........مش زعلانه ياحبيبتى بس احنا لازم نمشى من هنا

عشق.......موش هنيجى تانى

شروق وهى تحملها بهدوء قائله.......هنيجى ان شاء الله ياحبيبتى بس متعمليش صوت عشان محدش يصحى

اومأت براسها بصمت لتمسك شروق شنطه ملابسها وتفتح الباب ببطء لتنزل الدرج وتتوجه للخروج من الفيلا بحذر حتى خرجت منها لتسمع صوت خلفها قائلا بصرامه :-

- كنتى فاكره انى ممكن انام وانا ليا حق عندك حالا هدفعك تمن الالم اللى ادتهولى ياشروق !!!

لتلفت هى بصدمه وهي تبتلع ريقها بصعوبة ناظرة اليه بفزع :-

ليلفت انتباهه الطفله الموجوده على يدها فينظر لها بصدمه غير مصدقا مايراه قائلا بصوت مرتجف

- ع..ش...ق

             الفصل العشرون من هنا

لقراءة باقي الفصول من هنا

 

تعديل المقال