رواية انتقام ارمله الفصل الثالث3 والاخيربقلم رحاب القاضي
_تاني يوم لبست بسمه هدومها وكانت طالعه من البيت بس راحت لثريا الاول وقالتلها..
بسمه _
بعد اذنك يا حجه ثريا انا رايحه مشوار كده للشؤون عشان اشوف موضوع القبض اللي هاخده بعد ما يوسف الله يرحمه راح...
ثريا _
طيب استني ملك تلبس وتروح معاكي..
ردت ملك علي مامتها وقالت _
لا يا ماما انا مش فاضيه عندي مذاكره كتير والله..
بسمه بهدوء _
خلاص يا حجه ملوش داعي انا هروح وارجع علي طول مسافة السكه...
ثريا بحده ردت عليها وقالتلها _
انا اللي اقول ليه داعي ولا لا، وبعدين انا مش خايفه عليكي انا خايفه تطلعي تعملي حاجه بره تقلل مننا ومن سمعتنا يا بنت الدلاله..
بصتلها بسمه بحزن وردت عليها وقالت _
انا همشي عشان الحق اروح بدري وارجع بدري...
ثريا _
طيب غوري وترجعي قبل معاد الغدا عشان تجهزيه..
مسحت بسمه دموعها وقالت _
حاضر يا حجه ثريا
_نزلت بسمه وقعدت ثريا قلبها مش مطمن، وبعد كام ساعه مجاتش بسمه وثريا فضلت تلف في البيت وسألتها ملك..
ملك _
مالك يا ماما ما تقعدي كده واهدي..
ثريا بضيق _
البت دي اتأخرت كده ليه؟..
ملك _
معرفش تلاقيها بتخلص ورق او حاجه..
ثريا _
حتي لو ابوكي كان جه النهارده في معاده كنت خليته نزل شافها اتاخرت لي او راحت فين...
ملك _
اهو في صوت علي السلم باينله بابا جه..
_ وبعد شويه اتفتح الباب ودخل سيد ومعاه بسمه، واول ما شافتهم ثريا زعقت في بسمه وقالت..
ثريا بحده _
كل ده تأخير يا مقصوفة الرقبه انتي...
حطت بسمه ايدها علي كتف سيد وقالت بخبث _
معلش يا حجه ثريا كنا في مشوار طول شويه، مش تقوليلنا مبروك...
ثريا بخوف سألتهم وهي متعصبه وقالت _
نزلي ايدك يا بت انتي من علي الحج، واباركلك علي ايه، تكونشي الدوله هتكرم المرحومه امك الدلاله....
زعق فيها سيد وقال _
اتلمي يا ثريا واخر مره تقولي كلام زي كده لبسمه مراتي...
لطمت ثريا علي وشها وقالت _
يا نصيبتي مراتك ازاي يعني انت اتجوزت عليا يا سيد ومين ارملة اخويا...
ملك بدموع _
انت ازاي تعمل كده يا بابا، ازاي تتجوز البنت دي اللي اخرها تشتغل عندنا...
بسمه وهي بتمثل الحزن قالت _
يرضيك كده يا حج اللي بتقوله بنتك عليا ده بدل ما يفرحولي...
زعق سيد في ملك وقال _
اخرسي خالص يا ملك ولما تكلمي بسمه بعد كده تكلميها بأدب والا انا اللي هربيكي فاهمه ولا لا...
زعقت ثريا في بسمه وقالت _
امشي ياا بت انتي اقعدي في المطبخ عايزه اتكلم مع الحج شويه...
بسمه بسخريه _
مطبخ ايه بس يا ثريا اللي اقعد فيه ده انا بقيت ست بيت واقعد في اي مكان يعجبني...
ثريا بعصبيه قالت _
ياا بت غوري من. وشي انا عفريت الدنيا كلها بتتنطط قدامي وانا شايفه خلقتك، اتنيلي غوري المطبخ بدل ما اقلع الشبشب وانزل بيه علي دماغك..
بسمه وهي بتتخبي ورا سيد قالت _
شايف يا حج بتقول ايه، انا في حمايتك يا حبيبي...
سيد بحده زعق في ثريا وقالها _
طيب فكري بس تعملي كده او تمدي ايدك عليها يا ثريا وانا عليا الطلاق بالتلاته ارميكي بره البيت فاهمه ولا لا؟....
ثريا بدموع _
انا يا حج سيد تقولي كده عشان البت اللي متسواش في سواق النسوان حاجه دي...
بسمه بهدوء ردت عليها وهي حاطه ايدها في نصها وقالت _
فشر يا ثريا ده انا ست واخلي ست في منطقتك كلها، ست تليق تبقي مرات الحج سيد تاخد بالها منه ومن طلباته كويس ولا ايه يا حج..
سيد بهدوء _
ادخلي انتي اوضتك يا بسمه وانا هشوفها عايزه ايه وهاجي وراكي..
بسمه وهي بتمثل الحزن _
لا يا حج انا مقدرش ادخل اوضة المرحوم يوسف واقعد فيها، قلبي رهيف مش هتحمل....
سيد _
اومال عايزه تقعدي فين يا ست البنات؟..
ردت عليه بسمه وهي بتبص لثريا بحقد وقالت _
في اوضتك يا حج وثريا، يوه قصدي الحجه ثريا تقعد هي في اوضة اخوها...
ثريا بعصبيه _
طيب لو خلف فيكي ابوكي حطي رجلك في اوضتي وانا اكسرهالك ايه هو انتي هتصدقي نفسك وتسوقي فيها يا بت انتي..
بسمه وهي بتعمل نفسها خايفه _
الحقني يا حج شايف عايزه تعمل فيا ايه؟..
سيد بحده _
يمين عظيم يا ثريا لو قولتلها كلمه تزعلها او تخوفها تاني لا اكون رامي عليكي يمين الطلاق....
ثريا بغيظ ردت عليه وقالت _
دي بتقولك عايزه تقعد في اوضتي يا حج، اوضتي اللي من عشرين سنه عمري ما نمت براها تيجي حتت بت مفعوصه زي دي وعايزه تطلعني منها..
سيد بعصبيه قالها _
وبعدين معاكي بقي ما البنت قدامك اهي مش قادره تروح تقعد في اوضة المرحوم يوسف وكانت بتبات في المطبخ، دلوقتي بقي الحال اتغير روحي انتي اوضة اخوكي وسبيلنا احنا الاوضه بتاعتي وبعدين هي عروسه جديده ما يصحش تقعد في اوضه صغيره...
بسمه وهي بتبص لثريا بشماته قالت _
هدخل انا بنفسي اطلعلك الحاجه بتاعتك من الاوضه يا ثريا واوديهالك الاوضه التانيه، متتاخرش عليا بقي ياا حج..
_سابتهم بسمه ودخلت الاوضه وثريا فضلت تبكي وقالت لسيد بحزن..
ثريا _
مرات اخويا يا حج تتجوز مرات يوسف اللي كان في مقام ابنك..
رد عليها سيد بضيق وقال _
مبقتش مراته ارملته وتجوزلي، وبصراحه البنت غلبانه ومش حمل اللي انتي كنتي بتعمليه فيها...
زعقت ثريا فيه وقالت _
تقووم تتجوزها عليا، وتخليها تقعد في اوضتي بقي دي اخرتها يا حج، بعد عشرين سنه تتجوز بنت في عمر بنتك وتعمل راسها براسي...
سيد _
انتي السبب انتي اللي جبتيها ليا هنا وانا راجل وهي بنت حلوه وصغير وطبيعي عيني تحبها...
ثريا ببكاء _
جيبتها وقولت اخليها زي بنتنا ملك انا وانت فتتجوزها من ورايا دي اخرة المعروف..
سيد بسخريه قالها _
لا يا شيخه انتي هتكدبي وتصدقي، انتي روحتي جيبتي البت وشغلتيها هنا في البيت عندك انتي وبنتك وقعدتو مرتاحين وده لا يرضي ربنا ولا يرضي حد....
ثريا بغيظ _
بقولك ايه انا مش هقعد معاها في بيت واحد شوفلها اي حته تقعد فيها بعيد عن هنا...
سيد بحده _
لا مينفعش بسمه بتخاف تقعد لوحدها وانا مينفعش اخليها تقعد لوحدها واجي ابات عندك، انا كده مرتاح..
ثريا بعصبيه _
وانا مش مرتاحه ولا بنتي كمان هتبقي مرتاحه...
سيد بهدوء رد عليها وقال _
مع الوقت تتعودو ما انتو عايشين معاها من زمان...
كمل كلامه بعصبيه وقال _
وحاجه كمان، اقسم بالله يا ثريا لو زعلتيها او خلتيها تعمل حاجه هي مش عايزاها لتكوني متحرمه عليا ليوم الدين..
_خلص كلامه وسابها ودخل اوضته هو وبسمه، وبعدين طلعت بسمه وحطت حاجات ثريا في اوضة يوسف وبصتلها من فوق لتحت وقالت..
بسمه _
الدلاديل بتاعتك كلها عندك اهي يا طنط ثريا، لا صح نسيت انتي بتزعلك كلمه طنط ههههههه..
ــــــــــــــــــــــــــــــــــــــــ
_تاني يوم الصبح صحيت بسمه وطلعت من اوضتها ولقيت ثريا قاعده في الصاله،راحت وقعدت قدامها وحطت رجل علي رجل وقالت...
بسمه _
صباح الخير يا طنط ثريا..
اتنهدت ثريا وقالت _
اللهم طولك يا رح، الخير اتقطع من لما بقينا نصطبح بخلقتك..
ضحكت بسمه وقالتك _
ههههههههه ازاي بس ده سيد. لسه قايلي غير كده جوه...
قامت ثريا وقالت _
انا داخله اوضتي وسيبهالك...
بسمه بحده _
استني عندك الحج بيقولك جهزيله الفطار لحد ما ياخد. حمامه ويطلع...
ثريا بغيظ _
متجهزيه يا بت انتي ولا علي رجلك نقش ابحنه....
ردت عليها بسمه بخبث وقالت _
معلش يا طنط اصل جسمي قاافش عليا وهدخل ارتاح شويه البيت بيتك يا ثريا برضو وعادي لو جهزتي الفطار..
_دخلت بسمه اوضتها وسابت ثريا واقفه متغاظه، وبعدين جهزت ثريا الفطار لجوزها وكمان عنلت الغدا وروقت البيت عشان بسمه كانت نايمه...
_بالليل كان قاعد سيد وثريا وملك وطلعت بسمه وقعدت جنب سيد اللي سألها بحنان...
سيد _
عامله ايه دلوقتي يا بسمه..
بسمه _
الحمد لله يا حبيبي، بس حاسه ان ريقي ناشف وجعانه اووي...
سيد بهدوء _
قومي يا ملك جهزي العشا لبسمه واعمليلها كوباية عصير ساقعه...
ملك بغيظ _
انا يا بابا اعمل لدي اكل...
سيد بحده _
ومالها دي مش كانت بتعملك كل حاجه، اهي تعبت ردي بقي اللي كانت بتعمله ليكي...
قالت بسمه بسرعه _
لا يا سي سيد معلش ملك عندها مذاكره، هنتعب بس طنط ثريا معايا شويه تقومي تجهزيلي الاكل..
زعقت فيها ثريا وقالت _
انتي اتجننتي يا بت انتي عشان تطلبي مني حاجه زي دي...
سيد بحده _
انتي بتزعقيلها ليه ما كانت بتعملكم كل حاجه انتي وبنتك...
ثريا بعصبيه قالتله _
وانت هتشبهني انا للبت دي..
سيد رد عليها بعصبيه وقال _
طيب ايه رئيك ان محدش غيرك يا ثريا هيقوم يعملها الاكل، وبسمه لمدة شهر قدام مش هتعمل حاجه في البيت خاالص..
ملك بغيظ _
اشمعنا بقي يا بابا احنا هنشتغل عندها ولا ايه..
سبد بحده _
عشان هي عروسه وحقها تدلع براحتها...
بسمه بخبث وشماته قالت لثريا ـ
ما يلا يا طنط بقي قومي اصل بصراحه جعااانه اوووي....
_قامت ثريا وجهزتلها الاكل واكلت بسمه وقامت وخلتها تلم الاكل وراها، وفضلت بسمه كام يوم قاعده مرتاحه وخلت ثريا هي اللي تعملها كل حاجه وكانت ديما بتكيدها بتصرفاتها، لحد ما في يوم طلعت بسمه من اوضتها وهي لامه هدومها كلها في شنطتها وقعدت قدام ثريا اللي اول نا شافت الشنطه سالتها بقلق..
ثريا _
ايه ده اللي في الشنطه دي؟..
ردت عليها بسمه بهدوء وقالت _
دي هدومي متقلقيش، انا بس كنت عايزه اسألك سؤال ليه كنتي بتعملي فيا كده انا عملتلك ايه؟..
ثريا بغيظ _
عشان انتي بنت مش متربيه انا كنت عارفاكي علي حقيقتك من لما يوسف الله يرحمه قالي انه عابز يتجوزك، حتي لما عملت معاكي معروف ردتيه بقلة اصل..
ضحكت بسمه بسخريه وقالتلها _
قلة اصل ايه ومعروف ايه اللي عملتيه، لتكوني بتتكلمي هلي الجرسه اللي عملتيها ليا يووم عزا امي او عزا جوزي قدام الناس كلها، ولا تكوني بتتكلمي علي انك جيبتني اشتغل عندك وعند بنتك، انا اللي عملته رد للي انتي عملتيه فيا...
ثريا بحده _
اطلعي بره الشويتين دول وقولي عايزه مني ايه؟..
مسحت بسمه دموعها وقالت _
اما مش عايزه منك حاجه ولا عمري كنت هايزه منك حاجه، كل اللي كنت عايزاه انك تسبيني في حالي بس انتي معملتيش كده، ده انا كرهتيني في حياتي عيشت ايام سودا بسببك...
ثريا بحقد _
ولو اطول اعملك اكتر من كده هعمل بعد ما خطفتي مني جوزي...
بسمه بحده _
انا مخطفتش منك حد، جوزك هو اللي جه لحد عندي وطلب يتجوزني وانا وافقت عشان اغيظك وارد شويه من حقي بس اطمني انا قعدت مع جوزك عشرين يوم ما قربش مني ولا في راجل خلقه ربنا يملي عيني غير جوزي يوسف الله يرحمه...
فرحت ثريا وقالت _
يعني ايه، وانتي لامه هدومك ورايحه فين اصلا...
بسمه _
انا خليت جوزك طلقني وبعت بيت امي يوم منزلت وكمان قدمت علي القبض وهجيب شقه بعيد عن المنطقه واعيش لوحدي بعيد عنكم...
اتملت عينيها دموع وقالت _
انتي كنتي ديما تقولي عليا اني بنت دلاله، بس يا اما كنت بنت دلاله وانتي كنتي بنت اصول، بس انا امي ريتني وعلمتني الاصول اللي انتي متعرفيش عنهم حاجه...
_قالت بسمه كلامها واخدت شنطة هدومها ومشيت، وكانت ثريا فرحانه جدا وجات تدخل عند جوزها لقيته واقف وكان بيسمع كل حاجه، فقربت منه وقالت..
ثريا _
شوفت يا حج البنت اللي انت عملت راسها براسي عملت ايه عشان كنت تصدقني، بس يلا المسامح كريم اهي غارت ورجعنا لحياتنا تاني..
زعق فيها سيد وقال _
انتي ايه شيطانه ايه الجبروت اللي انتي فيه ده...
ثريا بخوف _
ليه بس يا حج بتقول كده؟..
سيد _
طلعتي عين البنت وخلتيها تتحوز واحد في سن ابوها وانا خلتيني ابقي لعبه في ايدها انتي السبب..
ثريا بخوف _
يا حج اا..
زعق فيها وقال بغضب _
اخرسي خالص انتي فاهمه، انا خلاص مش طايق ابص في وشك انا هطلقك وهسيبلك البيت وهروح في اي حته..
ثريا ببكاء _
بعد العمر ده كله يا حج هتطلقني..
سيد _
قولي لنفسك انتي بعد العمر ده كله معرفتيش تاقي ربنا في بنات الناس وتبقي عندك رحمه، ده انتي حتي وصية اخوكي منفذتيهاش...
_قال كلامه وسابها ومشي وهي قعدت علي الارض تبكي وهي ندمانه علي كل اللي عملته...
تمت