رواية لعنة اختي والعقرب
الفصل الثاني والعشرون22
بقلم منه محمد
يوم جديد الصبح بدري اسير نايم وجميله دخلت تقعد جنبه تتأمل في وسامته وحنانه الطاغي عليها
اسير فتح عيونه وبصلها: يعني بتشربي شاي ولوحدك
جميله ببتسامه: كنت نايم
اسير اتعدل وميل عليها: قولتي ايه , ايه الاحترام ده كله , ولا انا وداني سمعت غلط ع الصبح
جميله ضحكت: الاحترام اول دليل ع الحب
اسير: يعني طلعتيني باللعب بالالفاظ تمام
جميله قرصت انفه: بحاول اتكلم معاك بالاحترام , لو مش عجبك ارجع زي ما كنت
اسير: ناوليني الشاي
جميله: مش لما تقوم تغسل وشك
اسير بمرح: الاسد مش بيغسل وشه هاتي الشاي
جميله مدتله الكوبايه: اشرب
اسير: شربيني بنفسك
جميله شربته ورجعت شربت مكانه وهو في منتهي السعاده وقالها: انتي عارفه كان جوايا امنيات كتيره نفسي احققها معاكي
جميله ابتسمت بسعاده: وانت عارف الدنيا كان دمها تقيل من قبل ما أقابلك
اسير حاوط وسطها : وانا اي لحظه قلبي عاشها قبل منك ضياع , يا اول بنت هـ موت عليها وابقي نفسي معاها
جميله حطت دماغها ع كتفه : وبقيت معاك
اسير: يعني كسبتك
جميله بدلع لعبت في دقنه : وبقيت في الكفه الطابه وغلاوتك أهي كل شوية بتزيد لها حابة
اسير ضحك وقرص خدها : يابنتي انتي واحدة من غيري لا يمكن تعيشي حياتك
جميله باست خده بعمق وقالت: ده حقيقي , وانا فخوره بنصيبي وحاسه اني هطير
اسير ضمها وسحبها معاه لعالمهم الجميل وبعد وقت جميل بينهم كل حب وعطف ورومانسيه طاغيه جميله اخدت شور وطلعت لبست الاسدال سمعت باب المدخل بيخبط واسير في الحمام اخدت بعضها ونزلت فتحته لقتها قدامها
جميله بفرحه: ميرفت تعالي ادخلي
ميرفت : عامله ايه
جميله باستها: زي الفل
ميرفت: عارفه منمتش طول الليل
جميله بتعجب: ليه
ميرفت: كنت حزينه ع صحبتي الي زي اختي , تتجوز الاول في السر, وبعدين يتعملها فرح وبعدها يتلغي حاجه تحزن بجد
جميله ببتسامه: مش مهم , ربنا كاتب كده ولازم نرضا , مش كده , تعالي نطلع فوق افرجك اوضتي
ميرفت: اكيد خسرتوا فلوس جامده
جميله : اه القاعه والبوفيه
ميرفت مثلت الحزن: حظك غريب , اخدتي واحد مش بتحبيه , ولا فرحتي زي اي عروسه , بس برافو عليكي شكلك مش حزينه عشان الفرح اتلغي
جميله شدتها: تعالي
ميرفت دخلت وشافت الاوضه والحقد ملاها: شكل الاوضه اتجهزت بطريقه حلوه
جميله بفرحه: اه ماما عملتها والده اسير وافهمي بدايه حياتنا الجديده كانت من ليله امبارح شوفتي شبكتي حلوه
ميرفت بغيره: حلوه اوي وشكلها غاليه
اسير خارج من الحمام شافها: ميرفت جيتي امتي عامله ايه
ميرفت بصتله: بخير
جميله: دي زعلانه اوي يا اسير عشان فرحنا اتلغي
اسير: مفيش مشكله اكيد جبتي هديه معاكي
ميرفت: نسييت
اسير ابتسم بخبث وقالها: شايف انك زعلانه بعد ما شوفتي جميله مبسوطه
جميله وشها اتغير: ماتعقل الكلام يا اسير بتقولها ايه
ميرفت برتباك: ليه ازعل جميله صحبتي
اسير برفعه حاجب: والصاحبه الي كنتي بتقولي عنها كلام غلط دايما وقولت لي انها هي وايمن ع علاقه وخطبها بعد قصه حب فاكره
جميله: اسير ايه ده
اسير: ميرفت هتقولك قوللها
ميرفت بلعت ريقها: انا جيت هنا لاني بحبك لكن واضح اسير مش عاجبه عشان كدا بيوقع ما بينا
اسير بحده: انا بوقع بينكم انتي الي خلتيني اخد فكره غلط عن جميله قبل الجواز
ميرفت: همشي
اسير وقف قدامها: لازم الاول تقوليلي قبل ما تمشي انتي فعلا صاحبه جميله بجد ولا عدو ع هيئه صديقه, ياتري قولتي لجميله انك كتبت لي رساله غرام , واعترفتي فيها انك بتحبيني مش حصل
ميرفت: جميله كانت عارفه اني بحبك مش كدا مش انتي كنتي عارفه ومقولتلكيش عن الجواب بس قولت لك كل حاجه
جميله: ايوه هي اتكلمت معايا عنك مرتين انها بتحبك بس معرفش عن الجواب
اسير: انتي قولتي لجميله اني بديكي حاجات ببلاش بس ياتري قولتلها امك كانت بتطلب مني شكك عشان كدا كنت بديكي كل الي تطلبيه , ولما جيت لي الدكان بجاتوه خطوبه جميله قلت لي ايه ان جميله وايمن بينهم علاقه وجميله عملت حوار وضـ ربته عشان يقابل ابوها مش كدا
ميرفت بتوتر وارتباك : ده كدب مقلتش كدا ابدا
اسير وشه تجهم ومسك اعصابه بالقوة: لو مقولتليش ابدا, ليه اتاخدتي كدا ووشك اخضر واصفر , حتي كلامك مش ساندك
جميله بنبره ناشفه :ميرفت عارفه اني بفهم الناس بعد وقت طويل, لكن متعتبرنيش عمياء في ضل الصداقه معرفش بكل ده
ميرفت بتمسك ايدها: اسمعيني
جميله زقت ايدها بغضب: ميرفت امشي واياك توريني وشك مره تانيه امشي
ميرفت دموعها نزلت وبصت لـ اسير الي لف وشه عنها وهي خرجت وجميله قعدت تعيط ع الصداقه المزيفه
اسف ضمها: اسف مكنتش عايز اجرح قلبك اليوم , بس كان لازم تعرفي حقيقتها
جميله: ليه مقولتليش قبل كده
اسير اتنهد: مكنتش بتثقي فيا ازاي هتصدقي كلامي عليها , بنبعد العلاقه الغلط عن حياتنا , وانتي لازم تكوني مبسوطه مش تعيطي
جميله: كانت صاحبتي الوحيده
اسير: مكنتش صاحبتك انسيها ودلوقت هعملك عجه من ايدي
جميله ابتسمت من بين دموعها : العجه هتعملها حلو
اسير قام وقف ومدلها ايده: حلوه زيك
جميله: يله خليني اشوف
اسير مسك ايدها بحنيه : شوفي كويس تعالي معايا المطبخ واتعلمي
............قصص منه محمد كاتب...............
ع الموبيل
ايمن: عامله ايه
رباب: مثلت وجع في قلبي وراقده في السرير
ايمن: يا حبيتي ليه تظلمي نفسك يعني كدا اتحمل غيابك اليوم
رباب: اعمل ايه غصب عني, لازم افضل امثل ليومين , بس انا فعلا قلبي اتأذي , وانا فعلا عيانه
ايمن: يعني نجحتي تلغي فرح اخوكي
رباب بحقد: حصل لغيته
ايمن: والبيت عامل ازاي ,قصدي اخوكي ومراته وامك رد فعلهم
رباب: معرفش انا نجحت ابوظ فرحتهم , ومن ساعه ما رجعت وانا نايمه في السرير وبالنسبه للي حصل هما كان بينهم مسافه واكيد زادت , وتلاقي اسير في الدكان , وجميله كالعاده بتنضف البيت
ايمن: ده حلو جدا وبصراحه لازم الدوله تكرمك ع ادائك , وانا افاجئك
رباب: بجد ايه هي المفاجأه
ايمن: عشاء رومانسي ع ضوء الشموع وهعرض عليكي واسالك تتجوزيني رسمي
رباب: ايه
ايمن :عايز اتجوزك واظن انتي مكسوفه دلوقت
رباب: ده اكيد يعني
ايمن :اوف اتمني لو اقدر اشوف ملامح وشك الجميل
رباب :مش صعب هصورلك نفسي حالا
ايمن: ابعتيها بسرعه هقضي ايام في غيابك, اهو اتصبر بالصوره دي
رباب :ماشي سلام
..........قصص منه محمد كاتب..................
في المطبخ اسير بيلعب بالبيض زي الكوره وقالها: قطعي بصل كتير وهوريكي ازاي العجه بتتعمل
جميله لفت وبصتله بتريقه:هو انت كنت شغال في سيرك قبل كده
اسير: الحياه نفسها سيرك بتعملنا حيله جديده كل يوم
جميله: تمام
اسير وهو بيلعب البيض وقع اتكـ سر وجميله فتحت في الضحك وضـ ربته ع كتفه
اسير كشر: مفيش داعي للضحك , هاخد بيضه تانيه ليه تتريقي عليا
جميله كتمت ضحكتها بالعافيه: سوري مش هتريق
اسير: ها خلصتي
جميله: ده كفايه
اسير: لاء حطي شويه
جميله: كفايه دول بضتين
اسير: اتفرجي واتعلمي
جميله: عارفه انك شاطر
اسير: جدا وشوفي طريقتي الخاصه للعجه
رباب قربت وشافت اسير هياكل جميله بنظراته الي كلها حب نـ ار الغيره فيها ولـ عت
جميله بصتله: بص للعجه مش ليا والا هتـ تحرق
رباب حمحمت واسير لف بصلها: رباب
جميله: عامله ايه دلوقت
رباب كشرت في وشهم وقالت : كويسه بتعمل ايه
اسير: كنتي فين, احنا مستنينك تصحي من بدري, شربنا شاي بس عاملك عجه من ايدي النهارده لازم تدوقيها
رباب مكشره جدا: لاء هشرب شاي باللبن بس , مش جعانه
اسير بأهتمام: ليه لازم شاي باللبن بس , انتي لازم تفطري كويس, ولا هتاخدي علاجك ع معده فاضيه جميله اعملي حسابها ع السفره معانا هتابع العجه
خيريه دخلت: ايه ده كدا برضو يا اسير تخلي العروسه تقف تشتغل قبل ما تعملنا الحاجه الحلوه
اسير بمرح: فكري طيب لو وقعت اللبن ع الارض زي المره الي فاتت
جميله ببتسامه: لاء يا ماما الغلطه دي مستحيل تحصل تاني
خيريه: طبعا وكل حاجه تعملها مراه ابني انا مسامحها عليها , دي حبيبتي الدلوعه
جميله بسعاده: هرص الاطباق
خيريه: هو انت بتعمل ايه
اسير: شفتي مراه ابنك بتشتغل , ومش شايفه ابنك شغال
خيريه بضحكه: ايوه قولي بتعمل ايه
اسير: بعمل العجه شوفتي جميله وقعت البيض ع الارض
خيريه: دي مش جميله انت الي كسـ رته يا حبيب امك
.............قصص منه محمد كاتب..............
ع السفره اسير بيطبل من فرحته والسعاده الي فيها
خيريه: هو انتم خرجتوا بالليل متأخر عارفه هتقولي مخرجناش يمه بس بنتي هتقولي
جميله: اسير قالي كان حاجز مكان بعد الفرح وروحنا
خيريه: كنت صاحيه الساعه اربعه مكنتوش لسه رجعتوا امال رجعتوا امتي
اسير : جينا بعد الفجر
رباب بصتلهم ومش متحمله فرحتهم
خيريه: برافو يا حبيبي هتعلم بنتي السرمحه بالليل
اسير: هي اتعلملت التجاره لازم صحوبيتي تأثر عليها
جميله ضحكت اوي ورباب متحملتش فرحه جميله وقامت وخيريه فهمت غيرتها
خيريه: قولي مين الي عمل العجه ومين الي عمل البيض المقلي
جميله: العجه هو الي عملها وكسـ ر بضتين
خيريه ضحكت: بس حلوه اوي ناوليني رغيف كمان
اسير: امسكي يمه
خيريه: متقوليش انك عملت الفول الحلو ده
جميله: لاء الفول ده انا الي عملته
خيريه: انا قلت كده
اسير: اماه ماتيجي نخرج احنا التلاته بالموتسكل
خيريه: لاء يا خويا افرض وقعت لاء
رباب مسكت صنيه الكوبايات ورمتها كلها ع الارض والكل طلع يجري مفزوع
اسير سندها: رباب ايه الي حصل انتي كويسه
رباب: حاسه بدوخه
اسير: قلت لك لازم تفطري كويس
رباب: مش عايزه دخلني اوضتي
اسير وهو خارج بيها: جميله حضري فطار لـ اختي