رواية لعنة اختي والعقرب
الفصل السابع والعشرون27
بقلم منه محمد
في بيت ذكي
جميله شاورت له: بابا تعال دقيقتين
ذكي قرب منها : نعم
جميله: اسحب لي الشيك ده, وادفع الفاتوره دي, بس ليه المره دي فاتوره الكهرباء كبيره
ذكي ابتسم:اه اصل الكهرباء زادت , وانتي عملتي شغل كتير متتكلميش مع جوزك ع انك دفعتي الفاتوره مش هيبقي شكلي حلو قدامه
جميله: متقلقش ده بينا ليه اقول لـ اسير _ مسكت معدتها_
ذكي ابتسم ابتسامه واسعه: ماشي مالك ياجوجو انتي كويسه
جميله حدفت الشنطه ع الكنبه وطلعت تجري للحمام تستفرغ وابوها دخل وراها قفلها الحنفيه
ذكي سندها: يظهر عشان الجو حر حصلك كدا , تعالي ادخلي افردي جسمك قدام المروحه , وانا هاخد الفلوس من شنطتك ماشي
اسير للاسف هنا دخل وشد منه الفلوس: لايمكن تنسي عادتك
ذكي بعصبيه: ايه الهبل ده
اسيربحده : انا بتكلم بالهبل, لازم تتكسف بتسرق شقي بنتك
ذكي شخط فيه: افهم كنت باخد الفلوس عشان ادفعلها الفاتوره
اسير شدها منه وبص فيها: 4000 ليه فين الفاتوره هعرف حالا
ذكي بيمدهاله وبيشاورله اسير بنرفزه: منا بشوف (دقق) كل دي فاتوره ازاي
ذكي بصله وساكت
اسير بزعيق: ايه مش سامع انا بسالك ليه كل الفاتوره دي
ذكي برتباك: قبل شهرين كان العداد متعطل وصلحته وضافوا الشهرين
اسير رفع حاجب: من شهرين وجميله فاتحه المركز من شهر واحد , فاليه تدفع فاتوره 3 شهور انت الي واجب تدفع مش هي , فين دفتر الحساب فينه طلعه انا مش هسيبك النهارده_ فتح الدرج واخده_ هعرف حالا كل حاجه
ذكي وشه اتخطف وحمو واقف متابع والبنات بيتفرجوا
اسير بصوت مرتفع: ايه ده , ايه المكتوب ده
ذكي: اقراه
جميله طلعت ع الصوت: فيه ايه هنا
اسير: قولها فيه ايه
جميله للبنات : قاعدين تتفرجوا ع العرض قوموا ادخلوا جوه ادخلو, وانت ياحمو ازاي تدخل بدون اذن
حمو بأحراج: ابله جميله
جميله: ارجوك امشي
حمو وشه احمر من الاحراج وبصله وقال: ياكبير انا في الدكان
اسير اتعصب: متبصيش لحمو بصي لـ ابوكي قالك ايه خليني اساعدك الاب المساعد هكون مشغول وهبعد عن اصحاب السوء انا فاكر كويس وهي كمان وانتي دافعتي عنه بستماته شوفي الحسابات راجعي كل حاجه كتبها الضعف
ذكي: عايز تطلعني حرامي قدام بنتي شايف الغلاء كل يوم بيزيد
اسير: ده مش الغلاء الي زاد ده مرض نيتك الموجوده جواك كنت بشتري معاها كل حاجه وفاكر الاسعار كويس اوي عقلي دفتر بيسجل ايه ده الخيط والدنتيلا والزراير ايه الاسعار الخياليه دي
جميله بغضب: اسكت يا اسير انا عطيت بابا بنفسي شيك 5000 ج
اسير بعصبيه وزعيق: بس ما تعرفيش حاجه عن الفاتوره دي 3 شهور ومركز الخياطه اتفتح من شهر فات ده هو ابوكي
ذكي بنرفزه : تمام يعني بنتي تشتغل وتكسب الفلوس لعربيتك يبقي حلو , وانا مقولتلهاش عن فاتوره صغيره بقيت فاسد
جميله صرخت فيهم: اسكتوا لو سمحتم عملتولي فضيحه قدام البنات الي بيشتغلوا شايفين ابويا وجوزي بيتخانقوا وبيتهموا بعض بالكدب وانت لما شوفت بابا بياخد فلوس من شنطتي مش قادر تقولي بينك وبيني ايه الداعي تنشرها ع الملاء وتهين ابويا وتعمل فضيحه
اسير بنفعال: بتقولي ايه بتتعصبي عليا بدل ما تعترفي بغلط ابوكي
جميله : اه لان طول حياتنا سواء امي او انا حافظنا ع احترام البيت ده وقدام البنات عملت فضيحه كدا هيبقي ليا اي احترام
اسير بغيظ : اي احترام بتتكلمي عنه المنطقه كلها شهدت ع جنازه احترام البيت ده في ليله جوزنا
جميله حست انه طعنها بسـ كينه تلمه وهو حط الدفتر ع التربيزه وطوح عليها الفلوس وخرج
جميله بعد الشغل والبيت فضي مسكت الدفتر تراجع الحسابات
ذكي: جوجو اسمعيني يا بنتي
جميله بصتله بغضب: متقوليش يا بنتي متقولش كسـ رت ثقتي مره تانيه لايمكن تتغير
ذكي: قولي كمان ان ابوكي اوحش راجل في العالم انا قلت لك عن فاتوره الكهرباء للشهر ده
جميله: اه بس مقولتليش ان الفاتوره دي بعد تصليح العداد
ذكي: دي قواعد الشركه سواء العداد عطلان ولا شغال ودايما كنت بروح السوق معاكي اشتريت حاجه لنفسي
جميله وقفت قدامه: انا كنت بختار الحاجه انت كنت بتفاصل البياع مش كدا وفي تمن كل حاجه بتاخد عموله ومكنتش اعرف _ جسمها اتهز من كتر العصبيه_ انا وثقت فيك قلت جايز حبك ليا صحي بالغلط وانك اتغيرت لكن زي ما انت
ذكي : عظيم عايزه تحاسبيني بصي كويس هنا ع المبلغ الناقص
جميله جريت دموعها ع خدوها : انا دفعته وفكيت رهان العربيه اما انت سرقتني
ذكي: انا سرقت فاضل اسمع بنتي بتقول عن ابوها حرامي اذا كان جوزك قالها وانتي كمان قولي انا قولت محدش هيبقي جنبي في الحياه وبنتي الي ادعت قبل الجواز انها هتبقي دراعي نسيت واجبها بعد الجواز معطتنيش عربيه لعبه حتي بس دفعت 40 الف لجوزها عادي اخدت مبلغ زي ده , انما لما اخدت منها شويه فكه حصل ايه وقع السقف والله غريبه
جميله قعدت ع الكنبه وفضلت تبكي ع حالها التعيس لحد ما اغمي عليها
..............قصص منه محمد كاتب..............
في منزل عائله اسير
دخل وهي استقبلته بس قلقانه لـ اسير يدخل ويعمل مشكله فواضح القلق عليها
ايمن: طنط اضايقتي اني جتلكم كدا من غير معاد , بس والله حبيت اشوفك
خيريه ابتسمت في وشه وقالت : لاء عملت الصح, انا ع طول قاعده لوحدي , عيالي كل واحد في مواله طول اليوم
ايمن: اكيد مشاغلهم كتير الله يقويهم
رباب طلعت حطت صنيه الشاي بعنف ودخلت من غير سلام
ايمن مثل الحرج: هو المفروض مسألش , بس الانسه رباب حطت الشاي بغيظ , ومشت فيه حاجه مزعلاها , ولا فيه مشكله ما بينكم
خيريه: مفيش مشكله يابني هي الي حظها وحش المسكينه لما كملت ست سنين امها مـ اتت وبعده ابوها وكبرت في السن ومفيش حد بيتقدم لها ولو حد جه كلهم مش مناسبين ومراه ابني عايزه تعرفها ع الست الي بتشتغل معاها بس رفضت ومن وقتها ضـ اربه البوز شبرين
ايمن: فهمت بس هي عندها حق هي مش تربيزه للعرض عشان يجي حد وتحطيها قدامه
خيريه: يابني جواز الصالونات عرض وطلب والعريس واهله بيشوفه العروسه وبعدها يتفقوا لو عجبتهم
ايمن :بس الانسه رباب حلوه وتربيتها كويسه ليه محدش معلش يقبلها
خيريه: اه فعلا هي اتغيرت للاحسن مع كل ده مستحيل نعاند القدر
ايمن: صح ايه رايك فيا
خيريه ضمت حواجبها : من ناحيه ايه, قصدك تتجوزها
ايمن ابتسم اوي : ايوه طنط انا اعتبرتك في مكان امي مش كدا , مش هخبي عنك حاجه هقولك الحقيقه بصراحه من شهور بابا قرر يجوزني لبنت معرفه بس البنت طايشه شويه مش عاقله مش فاهمه حساسيه العلاقات عشان كدا رفضت الخطوبه وقررت من وقتها اني هتجوز بنت كبيره عاقله ناضجه
خيريه بتعجب: بس انت متعرفش رباب كويس وفيه فرق بينكم في السن هي اكبر منك
ايمن: نبينا اتجوز ستنا خديجه كانت اكبر منه مش كده
خيريه بتنهيده: عليه الصلاه والسلام
ايمن: وديننا معندوش مشكله في الامر ليه احنا نعملها مشكله وبصراحه اكتر رباب عجبتني من اول نظره
خيريه بحيره: ايوه بس لو ابوك اعترض
ايمن: طنط اتكلمي الاول مع رباب وهقنع بابا
خيريه: انت متأكد انك عايز تكمل حياتك مع رباب
ايمن: مائه في المائه وهخليها اسعد واحده في الدنيا انا حسيت انكم اهلي وهكون محظوظ لو قبلتيني اكون زي ابنك بس
رباب ابتسمت من وري الباب: تعيش يامؤمن تقدر تخالي اي عيله تحبك
متعرفش ان ايمن بيحطلها السم في العسل للاسف !!!!
..............قصص منه محمد كاتب...............
قاعده في اوضتها بتقرء قرأن
رباب دخلت بلؤم: اماه اسير وجميله مرجعوش احط الاكل جه معاد علاجك
خيريه قفلت الكتاب: اسني لما يجوا ناكل سوي انا قولتلهم يروحوا للدكتوره زمانهم راجعين رباب
رباب: نعم يمه
خيريه: ايه رايك في مؤمن
رباب: ايه السؤال ه؟
خيريه: هو طلب ايدك مني
رباب وسعت بؤبؤ عيونها ومثلت الدهشه: ايه
خيريه بضحكه: اقسم بالله اتفاجئت زيك لما قال , بس الشهاده لله الشاب كويس بجد, ومحترم وابن ناس زي الجوهره
رباب: ايوه بس اصغر مني
خيريه: مترفضيش يابنتي عشان السن
رباب: واعمل ايه لو عايرني بعد الجواز بسبب سني , لاء
خيريه: انتي عايزه ايه بالظبط يارباب , لاعجبك كدا ولا كده
رباب: مفيش واحده منفسهاش تتجوز يمه
خيريه: ماهو انتي الي بتعمليه في نفسك
رباب بحقد: انا ولا انتم , انتم الي عقدتوني
خيريه بغيظ : احنا مين يا رباب
رباب: بابا الله يرحمه وانتي انا عمري ما كنت طفله عمر ما كان عندي لعبه اللعب بيها عمر ما حد خدني جنبه وحسسني بالعطف والحنان كل حياتي شخط ونطر واوامر كأني عسكري في دوريه
خيريه: متنكريش ان اخوكي بيحاول يعوضك كل ده, واهو جالك نصيبك لحد عندك ومش هيعايرك , لانه لو كان عايز يعمل كده مكنتش طلبك ابدا الشاب محترم ووصلنا من يومين بس , واليوم جه , وهو كمان مفتح اوي لما حطيتي صنيه الشاي بزرجنه اخد باله وفهم من نظره واحده انك زعلانه وكان بيسألني ايه المشكله
رباب: وطبعا قولتيله كل حاجه وهو عطف عليا وقرر يتجوزني
خيريه بشده : محدش غـ بي النهارده عشان يتجوز عطف هو عايز بنت كبيره عاقله ومتعلمه وبنت ناس محترمين , وسألني اعرف رأيك قوليلي
رباب: انتي امي هقبل الي تقوليه
خيريه: حقيقي انا عجبني الواد هتكلم مع اسير
...............قصص منه محمد كاتب.................
اسير رجع البيت حرفيا شـ ايط وع اخره
رباب دخلتله: ليه اتاخرت فين جميله
اسير مكشر: في بيت ابوها
رباب: بيت ابوها لي مأخدتهاش للدكتوره ليه سبتها هناك
اسير: انا عندي صداع ومش طايق نفسي , وكاوتش الموتسكل فرقع وجيت البيت بيها بجرها لحد هنا وانتي نازله عليا اسئله
رباب: الحق عليا اني قلقت هحط اللاكل تعال
اسير: مش هاكل انتي كلي هنام
رباب ابتسمت وشكت انهم متـ خانقين واسير قفل الباب ومسك الموبيل ولنفسه: متصلش مره واحده وسألتني ليه مرجعتش اخدها
اما رباب بترص الاكل وخيريه طلعتلها: رباب ليه مش عامله حساب اخوكي ومراته
رباب: انا وانتي وبس الي هناكل
خيريه: ليه فين اسير وجميله
رباب: جميله مش راجعه واسير مزاجه مش رايق وقفل ع نفسه من جوه
خيريه: ليه جميله مش راجعه
رباب: معرفش سألته قالي في بيت اهلها , ومش هياكل وعنده صداع وهينام
خيريه: خليني اشوفه
رباب مسكت دراعها: اماه واضح كدا انهم اتخانقوا اتصلي واعرفي ومتتكلميش مع مراته بالهداوه حبك ليها بوظها
خيريه: طيب هاتي التلفون من ع السرير هشوف
رباب بخبث: حاضر
خيريه خبطت: اسير افتح الباب
رباب: يمه هو نايم دلوقت خدي اتكلمي مع جميله
خيريه اتصلت : بيرن بس مش بترد
رباب: تلفونها ع طول مشغول مش لينا للهانم واخوها اتصلي بأبوها بدلها واتكلمي معاه يله يمه
خيريه اتصلت وعرفت منه ان جميله دخلت المستشفي وضـ ربت صدرها وصـ وتت
رباب: قالك ايه الراجل ده
خيريه بتخبط جامد ع الباب: جميله تعبت واخدها المستشفي اسير
اسير سمع كدا ونط من ع السرير فتح الباب: حصل ايه لمراتي يمه
خيريه: بيقول بترجع بستمرار واغمي عليها قلت لك جيبها البيت بس انت سبتها واتصلت بيها ابوها الي رد عليا اتصل واسأله في انهي مستشفي النهارده معادها عند الدكتوره ليه مأخدتهاش ليه سبتها هناك
اسير لبس الكوتش واخد مفاتيحه وطار ع الشارع ورباب واقفه فرحانه فيهم بس قربت بحنيه مزيفه تطبطب ع خيريه
خيريه بصتلها ببكاء: معرفش حاله بنتي , ارحمني وريح قلبي يارب, اعمل ايه , واروح فين
...............قصص منه محمد كاتب............
في المستشفي الخاصه
اسير راح عليه مفزوع: فين جميله
ذكي بعصبيه: الي هي فيه بسببك
اسير بنفعال قوي : انا السبب , انت لسه ليك عينك تلومني, بسبب عمايلك الناقصه والضغط والزعل وصلت مراتي لهنا
ذكي: اي عمايل: كل ده حصل بسبب عربيه ابوك , هي اشتغلت ليل مع نهار عشان ترجعهالك مفكرتش في الاكل واشتغلت وبس , وانا كنت بجبلها الفاكهه
اسير نبره كلها احتقار: الفاكهه انت اخدت حقها مشفتش في حياتي اب قـ ذر زيك
ذكي: والله عال عربيه ابوك حلوه وانا قـ ذر الاب القذر جاب مراتك لحد هنا انت غضبت ومأخدتهاش ع بيتك
اسير: وانت بقي عملت معروف دفعت كام للتاكسي قولي وهدهولك دلوقت حالا
ذكي: هخاف واكش لما تحرك رقبتك ( وهو ماشي) كام معروف هترده
اسير لسه هيبوق فيه شاف الدكتوره راح بسرعه عليها: حضره الدكتوره طمنيني
د/ كويس انكم جبتوها في الوقت المناسب والا كان حصل اجهاض
اسير: اجهاض ايه
د/ الحاله حامل وتقريبا في شهر وضغطها كان عالي جدا واخدت برشام مسكن للصداع ع معده فاضيه
اسير: اسف مكنتش اعرف ومراتي مكنتش تعرف انها حامل
د/واضح من حاله المريضه مكنتش فعلا عارفه
اسير: وهي عامله ايه
د/هي كويسه وهتطلع بكره مركبينلها محاليل اهتموا بأكلها هي ضعيفه جدا
اسير: اه اكيد الف شكر
الدكتوره مشت واسير راح دفع حساب المشفي وبياخد انفاسه الفرحانه بالعافيه مش مصدق انه هيبقي اب من حب عمره جميله
خيريه قربت عليه بخوف: اسير طمني الدكتوره كنت بتقولك ايه مالها مراتك عشان يغمي عليها ياولا اتكلم ليه بتاخد انفاسك بالغصب قولي انا مرعوبه عليها
اسير: افرحي يمه هتبقي تيته
خيريه صرخت بفرحه: ايه والنبي
اسير : ضغطها عالي شويه
خيريه : الحمد لله شوفت ( ضـ ربت دماغها) انا كنت غبيه ومفهمتش , قولي ازاي افهم كانت طول الوقت بره البيت , ومعرفش بتاكل ايه بس بقولك من دلوقت , متدخلش في الي هعمله معاها ماشي عن اكلها وشربها هنعمل ايه لو خسرت حياتها
اسير: يمه انا معاكي
خيريه: ماشي
ذكي قرب منهم: مبروك يا ام اسير ومبروك لعوض اسير
اسير: انا رايح لمراتي
ذكي لخيريه: وانا هروح اشتري حلويات بتحبي بلح الشام
خيريه بسعاده: هات اي حاجه هتصل برباب ابلغها يارب انا فرحانه اوي
................قصص منه محمد كاتب..............
في غرفه جميله اسير باركلها وبيعدلها السرير
اسير: ها كدا كويس ولا ارفعه اكتر
جميله مكشره: كدا كويس
رباب دخلت بكياس وورد: السلامو عليكم
خيريه: وعليكم السلام
رباب مثلت السعاده ورسمت شبح ابتسامه: فضلت طول الليل منمتش وكنت عايزه اجي والله مانمت بعد ما بلغتني امي الخبر الحلو ده ( ناولتلها البوكيه) مبروك يا جميله
جميله: الله يبارك فيكي شكرا ع الورد
رباب: الف مبروك يا اسير يتربي في عزك
اسير: الله يبارك فيكي كويس انك جبتي فطار كنت هسقط من الجوع
رباب: خد السندوتشات ليك ولمراتك رغم زعلانه منها كانت هتخلينا نخسر
جميله: ده بفضل دعاكم
رباب: انا الي كنت بطلب من امي تدعيلك اصل بقالنا كتير مسمعناش خبر يسر
خيريه: رباب عندها حق انا دعيت لله كتير واتوسلت واستجاب الشكر لله
رباب : مرحوش للكشف كمان وجات من عند ربنا
خيريه: الحمد لله اسير اسمع ارجع البيت واشتري خروف ادبـ* حه وفرقه صدقه
اسر :حاضر اشرب شاي واعمل الي تأمريني بيه يا تيته
.............قصص منه محمد كاتب...............
في منزل اسير
خيريه: امسكي
جميله: كفايه مش هاكل الطبق ده كله
خيريه بشخط: تعرفي تسكتي محدش سألك ايه الي يكفي مسمعتيش الدكتوره انتي ضعيفه وعندك انيميا حاده الي ادهولك تاكليه من سكات ومش هتروحي الشغل كل شغلك من البيت استعملي المحمول والبتاع ده الي عامل زي الكتب اسمه ايه اه لاب توب اعملي منه كل حاجه ولو فيه حاجه مهمه اسير ييجبها ويرجع انا بدعي العيل يجي بخير وههتم بيه وانتم اعمله الي تعمله
اسير دخل بيتاوب: اماه اتصدقت بالخروف واشتريت الحاجه الي هتوزعيها
خيريه: ماشي هوزع ع اهل الحته كلها , وابو جميله جاب حلويات كتيره , تعال اقعد جنب مراتك اكلها واهتم بيها , لازم تخلص الطبق ده كله فاهم اكلها هصلي وارجع
اسير قعد جنبها وبصلها : كنت قلقان عليكي
جميله انت مشيت وسبتني
اسير : كان لازم تنادي عليا وتوقفيني
جميله: الاغراب ننادي عليهم , انما الحبايب نتوقع منهم يفضلوا معنا ع اي حال
اسير: أنا كنت متغاظ من ابوكي, ومفقوع منك اكتر , دافعتي عنه كان لازم تقفي معايا بس
جميله قطعته: بابا خدعني وضحك عليا كتير , مقولتش حاجه, وكنت دايما بشوف وبسكت مقدرتش تسيب اختك رغم عارف الي بتعمله , وانا مقدرش اسيب بابا وانا عارفه الي بيعمله دي علاقه الدم يا اسير لايمكن تتقطع
اسير حك قنه بأحراج: انا مضايق من نفسي اكتر ,معقول معرفش انك حامل
جميله اتكت ع اسنانها بغيظ و قالت: هنتقم منك اكيد وهطلع القديم والجديد
اسير بابتسامة مرحة: تفتكري ولد ولا بنت
جميله :معرفش انا بدعي يدينا رحمه ونعمه ونقدر نوفرلهم حياه كريمه وصحه سليمه
اسير : امين , واوعدك مش هتعامل معاكي بالطريقه السخيفه دي تاني لـ اي سبب , جميله انتي اهم حاجه عندي انا لو خسرتك هخسر حياتي كلها
جميله: كداب في اصل وشك
اسير بمرحه المعتاد : اجيبلك لقمه احلفلك عليها , ولا الطـ م ع وشي
جميله : انت لسه شوفت مني حاجه
اسير نغزها بكتفه بكتفها: خلاص بقي ميبقاش قلبك اسود
جميله ضحكت : ماشي يا زبادي
اسير ضحك من اسلوبها : زبادي مقبوله ياحلاوه , مش هتاكليني معاكي
جميله : يعني بزمتك ماكلتش
اسير باس كتفها: اكلت بس اللقمه يبقي ليها طعم من غير ما تبقي جنبي
جميله: بتعرف تاكل عقلي
اسير حرك ايده ع خدها وشعرها ببتسامه :انتي الي تاكلي عقل بلد بحالها , وجبتيني زاحف ع ركبي
جميله ببتسامه واسعه :اونطجي
اسير خطف بوسه وابتسم: هضربك
جميله: وبلطـ جي
اسير اخدها في حضنه : حبيتي وربنا
.................قصص منه محمد كاتب.................
قاعده في الصاله تعد العلب الي هتوزعها ع اهل المنطقه
رباب: اتكلمتي مع اسير
خيريه: هو انا لقيت وقت , جاب مراته من المستشفي, وبعدها راح يجيب الدواء, ودبـ ح الخروف, واشتري الجاتوه, وهوزعه بنفسي
رباب بأمر: وزعي بعدين بعد ما تتكلمي مع اسير
خيريه اتعصبت عليها : انتي حصلك ايه , ليه متسعجله , مش لما مؤمن يكلم ابوه الاول ونعرف الرد
رباب: انتي بعد ما دخلتي الموضوع في دماغي, ان مؤمن طلب ايدي , ولما وافقت وقلت الايام الحلوه جايه تقوليلي مستعجله
خيريه بحزم: انا قلت هتكلم, دلوقت قومي حطي فرختين بلدي وحطي في شوربتها لسان عصفور لمراه اخوكي
رباب بضجر: هقوم ماهي دي حياتي , لما تيجي فرحتي تدخل حاجه تخص اسير
خيريه بنفعال: حصلك ايه يابت , مش كنتي بتلحي عليا ان جميله مش حامل , وياتري مبتخلفش وعقيمه , ونفسي اوي ادلل عيال اسير اهي طلعت حامل ليه مضايقه
رباب خبت غيرتها وقالت: مش مضايقه يمه , بقولك اتكلمي معاه, لاني عارفه انه هيطلع القطط الفطسانه في العلاقه دي , وعايزه اطمن
خيريه بهدوء: اطمني اسير لايمكن يعمل حاجه , انا كبيره البيت وامك, لما يتكلم مؤمن مع ابوه ويرد هعزمهم بنفسي ماشي
رباب :ماشي
خيريه: يله قومي اعملي الاكل
.............قصص منه محمد كاتب............
في يت ايمن قاعدين بياكلوا موبيله رن
ايمن بص فيه: خيريه بتتصل اكيد هتسأل هرد
سعيد بتحذير: اياك
ايمن: بابا عماله تتصل اكيد مستنيه الرد
سعيد: ليه متسربع لازم يكون الانتظار قاتل دايما , الام تقول لبنتها ان مؤمن مردش , وبعد كده البت تتصل بيك بس انت برضو متردش لازم يعرفوا جايز الاب مش موافق وانتهت العلاقه افهم هيحترموا القرار كل ما يطول الانتظار , ولحد ما تحط خاتم الخطوبه في ايدها ميعرفش اسير احنا مين
ايمن: بس يا بابا لما ابلغ امها انك موافق هتبلغ ابنها واسير هيسأل علينا اكيد
سعيد بمكر ودهاء: عندي خطه جهنميه لحد ما يعرف احنا مين , حتي لو سأل انا اصلا غيرت نشاط تجارتنا ودخلت في شراكه تجاره عربيات , وانت هتتكلم عن الشغل الجديد وهما ميعرفوش رشيد جدك , و اسم سعيد يعرفه اسير لكن رشيد لاء فهمت
ايمن ابتسم: سعيد انا كنت بقول عليا ذكي , ده انت طلعت ابو الاذكياء