رواية لعنة اختي والعقرب
الفصل الرابع والعشرون24
بقلم منه محمد
في غرفه النوم الخاصه فاتحين الباب
جميله مسكت كتب واستماره وقربت منه: حبيبي دي كتب واستماره المدرسه عايزاك تكمل تعليمك
اسير بدهشه: ايه
جميله مبتسمه: انت دعمتني وجه دلوقت دوري
اسير ابتسملها وشدها تقعد ع رجله: ربنا يخليكي ليا
رباب دخلت وجميله قامت من ع رجله واسير هرش في شعره
رباب: ياتري عندك مسكن
جميله: اه ثواني هجبلك
رباب مسكت دماغها بتمثيل متقن واسير اخد باله من وجعها
جميله: خدي
رباب: شكرا
اسير بملامح حزينه: شوفتي وشها زعلانه اوي كل الي قالت ليه اليوم حزاز في نفسي وبيقطع قلبي لما تمـ وت الام بتتغير طعم الحياه والاهتمام , اسمعي لو اختي اتجوزت من عيله كويسه شعور النقص هيخرج من جواها مش كده
جميله: اه طبعا ليه متشوفلهاش حد من الي تعرفهم يكون ابن حلال
اسير: انا , انتي الي هتعملي كدا , مش انا
جميله: انا ازاي مين هتكلم معاه
اسير: المدام اسأليها اكيد عندها قرايب ولا معارف اصحاب اخوات
جميله: ايه
اسير: اصل امي بتجبلها عرسان غريبه, الي ارمل وعنده كوم عيال , والي كبير في السن , وانا مش عايزلها جوازه كده عايزها تتجوز من عيله كويسه
جميله : اسير افهم المدام من عيل غنيه احنا منتقارنش بيهم انا بشتغل هناك ازاي اتكلم عن البيت وبعدين هتفكر اني سويت نفسي بيها وبقيت شخصيه تانيه
اسير بغضب عليها: انتي انانيه
جميله مسكت ايده: انت فاهم كلامي غلط
اسير زق ايدها: لاء مش غلط, انتي كل همك نفسك وبس , حطي نفسك مكان اختي وفكري هتحسي بألم اختي
جميله بهدوء: طب اسمع
اسير سابها وقام طلع بره متعصب منها ع اخره
............قصص منه محمد كاتب...........
رباب كانت بتتسمع ع كلامهم وجريت بسرعه تتصل بأيمن
ايمن مثل عليها: ايه ياربباب كنت يادوب بنام
رباب بعصبيه: لو جميله جابت لي عريس هقول للدنيا اني بحبك , ومش هسكت ابدا, اسير مراته بتشتغل عند ناس تقيله وهو فكر يجوزني
ايمن: استني عندي فكره حطي في ذهن اسير ان مراته بقت ست عامله , وهي تفكيرها انه اقل منها لان الراجل مستحيل يتحمل انه يكون اقل من مراته , وسيبي الباقي عليا هتجوزك في خلال شهرين واجيبك الفيلا هنا
رباب بسعاده: بجد
ايمن بخبث : بجد لكن الاول كل الي عليكي تقربي وتصاحبي مراه ابوكي
رباب :حاضر اعمل زي ما تقول
ايمن : يله حطي دماغك ونامي انا بحبك
رباب : وانا كمان تصبح ع خير
ايمن قعد يفكر لقاه داخل سأله: انت لسه منمتش لحد دلوقت
سعيد: بعد الي سمعته ازاي اقدر انام , قلت مراه ابوكي هو ابو اسير متجوز اتنين
ايمن: ايوه رباب اخته الكبيره
سعيد بنفعال: نهار ابوك اسود, انت اتهفيت في عقلك هتتجوزواحده اكبر منك و,ريني صورتها
ايمن: ليه
سعيد: وريني صورتها لو كانت معاك
ايمن : معايا
سعيد زعق فيه: وريني , هو انا كبرتك عشان تاخد واحده اكبر منك
ايمن فتح الموبيل: دي
سعيد برق بعيونه: دي, اخترت دي , شكلها اكبر من اختي الكبيره, لو خلفت عيال هتبقي ماشيه جنبك امك
ايمن: يعني شايفني مجنون بحبها , انا عملت كل ده لمصلحتي , عايز انتقـ م من جميله
واسير وبس
سعيد قرب منه: ايه خطتك
ايمن: هو انا كملت خطه من غيرك
سعيد ضحك: قولي
.............قصص منه محمد كاتب.................
قدام مكتب صاحبه الاتليه
ذكي بضجر: اتاخرتي كدا ليه؟
جميله: المدام سافرت بالطياره امبارح لمده شهر
ذكي كشر : ونسيت تمضي الشيك , يعني مش هتاخدي فلوس, انا عارف الناس دول
جميله: لاء سابت لي شيك بـ 25 الف
ذكي ببتسامه واسعه: حلو ده
جميله: وبكره هصرفه واطلع ع ورشه صاحب اسير
ذكي: ليه صاحب اسير
جميله: عرفت ان عربيه اسير متبعتش عايزه افك الرهان واخدها منه
ذكي: اشمعني لما اتفقت تاخدي اوضه عندي زعلتي لكن دلوقت هتديله 25 الف
جميله: مش ب 25 الف 40 الف متنساش انت اخدت الفلوس دي تسدد ديونك
ذكي: وهو اسير عارف
جميله: لاء عيد ميلاده قرب وعايزه اقدمهاله هديه
ذكي بغيظ: هديه بكل الفلوس دي لعيد ميلاده ابن المحظوظه وانا ماحد سائل فيا ولا مهتم بيا اطلبي من صاحب الورشه يوقع انه استلم جزء من الرهن عشان ميرجعش يقول مخدتش حاجه
جميله: ده صاحب اسير ليه ينكر
ذكي: اسير محظوظ لقاه مراته تهتم بيه وانا مش لاقي حد اعيط واتقهر وبس
جميله: اسير فاز بقلبي الاول عشان كدا انا شاركته في كل خطوه بس انت معرفتش تكسب قلبي دايما كنت بتشك فيا
ذكي: طب الموتسكل ده مفكرتيش تشترلي واحد تاني هديه , طيب اقله حطي بنزين 100 ج بس هتدفعي الوفات في عربيه يله اركبي
............قصص منه محمد كاتب..................
اسير صحي من النوم ملقاش جميلته جنبه فضل ينادي عليها وطلع بره الصاله ينادي
رباب قربت منه: حصل ايه
اسير تثاوب: فين جميله
رباب: طلعت من بدري
اسير: طلعت من غير ما تقولي
رباب بخبث: اتعود ع كده من دلوقت , مراتك بقت ست عامله بقي ليها نظام خاص بشغلها لو اهتمت بصحيانك وراحه امي والبيت ازاي هتطلع لقدام , حتي مش شايفه انك لابس القميص الي عليك بقالك يومين , وراحت تشتغل , اقعد افطر هجبهولك
اسير كشر: ملوش لزومه انا هعمل سندوتش لنفسي
رباب اتكت ع كتفه يقعد: انت تقعد وتسمع الكلام , وبعدين مراتك تغفل انما اختك لاء , وجميله محظوظه انك بتحبها ومش بتزعل من عيوبها حتي, البنات الي زي حظهم قليل معندهمش السعاده دي هجبلك الفطار
خيريه طلعت وسحبت كرسي : رباب سابت الافتتاح امبارح ورجعت ع البيت والنهارده جميله طلعت بدري ايه الي بيحصل في البيت قولي فيه خـ ناقه حصلت
اسير: لاء يمه كل حاجه تمام متقلقيش
خيريه: ماشي
رباب جايبه صنيه: ابعد ايدك الشاي
اسير بستغراب: انتي مش رايحه المدرسه
رباب قعدت: بصراحه فكرت اسيب الشغل هقدم استقالتي بكره
اسير: حصل حاجه
خيريه: غريبه اشتغلتي برغبتك وبسهوله كدا هتسبيها
رباب: لاء مش كده , مين فينا بيعيش حياته زي ماهو عايز , لكن مقدرش اغفل عن مسؤليه بيتنا هنا
اسير: اي مسؤليات
رباب: لما اتجوزت جميله قلت هتهتم بأمور البيت وتاخد بالها من امي , بس شايف طول الوقت بره البيت , وامي متقدرش تفضل لوحدها , وتعمل شغل البيت
خيريه: الحمد لله اخيرا افتكرتي امك
رباب: لساني مر لكن قلبي مش اسود , وههتم بيكي طول الوقت كمان , وهجهز الغداء وانتي روحي اشتري القماش الي كان نفسك تجبيه
اسير: هقول لجميله تروح معاها
رباب: مراتك مبقتش مراه تاجر دلوقت , هي عايزه تطلع لفوق , وتبقي ناجحه في سوق العمل زي مديرتها سيبها تشتغل امي تروحي معايا
خيريه بصتلها لانها فاهمه الاعيبها: اه اروح اسير افطر واشرب الشاي
رباب: عملتلك الشاي بالنعناع
استوب ياتري رباب نجحت تحط فاصل بين اسير وجميله رايكم وتعالوا بخطه جديده ودخول ايمن بيت اسير