رواية العطر السحري الفصل الثالث3 بقلم منه محمد
ظلت تندب حظها منذ ان عادت من الحصه
رنا : اه يا حزني ياني ياما
هاجر : ما خلاص يا اوفر هو يعني كان ايه اللي حصل لكل ده
رنا : بقولك شم البرفيوم لما خبطت فيه
هاجر : يا سلام و ايه المشكله بردو مش فاهمه
رنا : انت مشفتهوش لما اداني الاسكتش بتاعي لما وقع مني
هاجر : عادي يعني و قع منك ف ادهولك مش معني كده انه وقع ف دبابيك خالص يعني، انت بس اللي بتبالغي
__________________________________________________________________________
ف اليوم التالي بالمدرسه قبل بدأ الحصه كانت تجلس في الفصل و هي قلقه
هاجر : مالك يا رنا وشك مخطوف كده ليه ؟
رنا بصوت هامس : بعتلي ادد
هاجر : هو مين ده زياد !!
رنا : لا صاحبه اللي خبطت فيه امبارح
هاجر : طب يلا بركه هو حد لاقي
رنا : انت بتهزري
هاجر : اه بهزر عادي، المهم انت عملتي ايه لما بعتلك ادد
رنا : سيبته كده متعلق و لا قبلته و لا رفضته
هاجر : كده تسيبي الراجل متعلق يا شيخه حرام عليكي
رنا : انت معايا و لا معاه
هاجر : انا مش حد و بعدين انا عارفه انت بتلفي و تدوري علي ايه، عايزه تقولي البرفان سحري و انه هو ف السبب ف كل ده صح
رنا : يعني بتتعرفي ان انا صح
هاجر : لا انا باخدك علي قد عقلك عشان تسكتي و تريحيني
رنا : بقى كده ماشي، المهم مدام اتأكد انه سحري انا لازم اعمل خطه تخليه يشم البرفيوم ده
هاجر و هي تبعث في اظافرها : اي حاجه غير انك تخبطي فيه لاحسن تخبطي ف واحد تاني واحنا مش ناقصين
____________________________________________________________________________
كان يقفن امام البنايه التي فيها السنتر
رنا : بصي بقى احنا هنستا هنا و اول ما يجي هاعمل نفسي برش البرفيوم هارشه عليه بالغلط
هاجر : ما بلاش افكارك الذكيه دي احنا مش ناقصين مشاكل
رنا : متقلقيش، اهو جه
اخرجت زجاجه العطر من حقيبته و تظاهرت بأنها ترشها و لكنه عندما اقترب منها رشته في عينيه بالخطا
زياد بألم : اااه عيني عيني بتحرقني
رنا : يا نصيبتي
هاجر : عمتي الواد
رنا : هانعمل ايه دلوقتي
هاجر : يلا يلا بسرعه و هو مغمض كده قبل ما يشوفنا
ركضوا بسرعه، بينما ظل يتألم و يعرك عينيه حتى اتى إليه اصدقائه قلقين
طارق : مالك مالك يا صاحبي ايه اللي حصل !!
زياد و هو مازال مغمض العينين : في حد رش حاجه علي عيني
طارق : طب تعالى نطلع السنتر عشان تغسل وشك تعالى
ثم امسك به يساعده علي الصعود
___________________________________________________________________________
اختبوا بمكان بعيد قليلاً عن السنتر
هاجر بسخريه : فقعتي عين الكراش لا ده بجد الحب أعمى
رنا : هو ده وقته هزار، تفتكري ممكن يبلغ علينا
هاجر : لا مش للدرجتي يعني، ثم سكتت قليلا تفكر : بس ممكن
رنا : بس ممكن ايه قولي
هاجر : ممكن تعتذر ليه و هو اكيد هيتفهم و مش هاعمل حاجه
رنا بعدم اقتناع : يعني ده منطقي !!
هاجر بسخريه : ده علي اساس يعني اللي عملته ده هو اللي كان منطقي
رنا : اااه طيب