رواية نور قلبي الفصل الثالث عشر13 والرابع عشر14 بقلم نرمين هاني
ف صباح اليوم التالى
ف المطبخ
اسماء بغيظ و مسكنه.......يعنى عشان نفسى ف البطاطس الشيبسى تخلينى اقف اعملها كدا وانا ف ثانويه عامه ومش فاضيه وسهرانه بدح طول الليل مش حرام عليكى هو انا مش بنتك برضو ياحنون
حنان بضحك......... والنبى لو قعدتى تتكلمى من هنا لبكره انتى اللى هتعمليها برضو
اسماء بمرح........... ههههههه طيب وسعى بقى عشان احط الزيت على النار
حنان........ اتفضلى يالا بس اخلصى عشان نفطر
اسماء......... لا هتستعجلينى كدا يبقى مش هعرف اعمل حاجه اتقلى تخدى حاجه نضيفه
حنان........ ربنا يستر ومتولعيش ف الشقه
اسماء بضحك ومرح ......... عيب عليكى بس بقولك اى وسعى شويه
حنان بستغراب .......... أوسع اروح فين وبعدين هو انا زنقاكى منتى واقفه براحتك اهو
اسماء بتركيز....... لا عشان هحط البطاطس ف الزيت واجرى عشان متلسعش وبضحك....... ولا انتى عايزه تتلسعى بقى انا قولت احذرك
حنان بتعجب...... نعم يااختى هتحطى البطاطس وتجرى
اسماء بمرح ......... ايوا طبعا اومال استنى اما اتلسع
حنان بغيظ........... صبرنى يارب هيحصلى حاجه منها هتشلنى
نور وهى تدخل عليهم............ ههههههههه هتحطى البطاطس وتجرى ههههههههه انتى هبله يابت
حنان بغيظ............ تعالى يانور عشان اختك هتشلنى قوليلها تعملها ازاى اصل كدا مش هنخلص
نور بفخر وذكاء........ بصى ياهبله هانم انتى تحطي الزيت وبعدين تطفى النار وبعد كدا تحطى البطاطس بحيث اى بقا الزيت ميلسعكيش
حنان بستهزاء وغيظ شديد............ يسلام اى الذكاء دا كله
نور بفخر...... احم احم شوفتينى وانا بفكر
اسماء باعجاب........ لا جامده اوووى الفكره دى برافوا عليكى والله
هما خلصوا من هنا وكل واحده فيهم اتلزق ف وشها نفس ذات الطبق البلاستيك
نور واسماء............... هوووووو دا وجريوا
نور بتعجب........... هى معجبهاش الفكره ولا اى
اسماء وهى تتحسس وشها بالم مضحك........... انا عارفه يااختى بس والنبى تسبينى ف حالى دى بوظتلى وشى انا كدا هعنس وربنا وبتفكير..... المشكله بقى ان الطبق دا مبيتكسرش مش عارفه اصرفه ازاى
توفيق....... صباح الخير ياحبايبى مالكو واقفين كدا ليه
نور واسماء ............ صباح النور ياجدو
حنان وهى تضع الطعام............... يالا يابابا عشان تفطر
اسماء بدهشه مضحكه......... انتى لحقتى عملتيها
حنان ....... ماانتى اللى هبله شوية بطاطس هتباتى فيهم اليوم كله
اسماء............ ومالو الله المهم تطلع حلوه وبغمزه لجدها........ تعالى ياجدو دوق دنا اللى عملاها
توفيق بضحك......... ربنا يكون ف عونه اللى هيتجوزك
اسماء بمرح........... دا امه دعياله ياجدو هو انا ف منى اتنين برضو
نور بضحك.......... لا طبعا هى اسماء واحده ولحنان بجديه........ بقولك ياماما انا زمايلى كلمونى عشان نخرج مع بعض ممكن اروح معاهم
حنان بااستغراب.......... زمايلك مين
نور بسعاده.......... صحيح انا مقولتلكيش مش انا قابلت ياسمين صاحبتى اللى سافرت ف ثانوى وطلعت شغاله معايا ف الشركه
اسماء بتذكر...... اه البت القلبوظه دى
نور بغضب.......اتلمى يازفته ولحنان..... بعد اذنك ياماما هروح اقضى اليوم معاهم
حنان بهدوء....... ومالو يابنتى روحى
اسماء بتوسل........ وانا والنبى اروح معاها نفسى اخرج اغير جو بقالى كتير مخرجتش
حنان بااستهزاء....... مش انتى لسه قايله انك ف ثانويه عامه وطول الليل بدحى ومش فاضيه
اسماء بستغراب مصتنع......... انا قولت كدا امتى دا لالالا اكيد بتهيئلك وفقى بقى والنبى يارب الحاج اللى قاعد دا يروح يحج
توفيق بضحك......... يارب يااختى ولحنان....... خلاص خليها تروح مع اختها تغير جو قبل الامتحانات
اسماء وهى تقبل جدها بفرحه.......... ايوا بقا حبيبى ياجدو والله
حنان......... خلاص ماشى بس متتاخروش
اسما بفرح........قشطه
****************************************************
ف الفيلا.....
فارس وهو ينزل من على السلالم ويتوجه للسفره
فارس بغيظ....... صباح الخير
امينه بدهشه....... صباح النور غريبه صاحى بدرى يعنى
فارس بغيظ........... هو ف حد يدبس التدبيسه دى وينام
امينه بضحك........ ههههههههههههههه
فارس بغضب....... بتضحكى مش انتى السبب ف كل دا
امينه.......... وانا مالى جاسر السبب انا ذمبى اى وبهدوء..... وبعدين يارا بنوته حلوه وشكلها بتحبك الف مبروك وبخبث..... ونشوف لجاسر واحده تانيه البنات كتير
فارس بغضب........ نعم مين دى اللى حلوه انا اتجوز يارا دى لزقه دى قارفانى ف الكليه
امينه بغضب.......... مالها يارا شيك وحلوه وامها صاحبتى ومن مستوانا عايز اى تانى اكتر من كدا
فارس بضيق....... مبطيقشاش عارفه يعنى اى مبطيقهاش ودى لزقه مش هعرف اخلع منها الا بمعجزه
جاسر وهو يتوجه نحوهم...... صباح الخير مالكو صوتكو عالى ليه
امينه....... صباح النور مفيش حاجه اقعد يالا افطر
ترررررن ترررررن
يرن جرس الفيلا
امينه باستغراب......... مين اللى هيجى دلوقتى
يارا وهى تتوجه نحوهم........ هااااى
فارس باستغراب........ نعم انتى بتعملى اى هنا
يارا وهى تجلس بجانب فارس......... ازيك ياانطى
امينه ......... الحمد لله يابنتى
فارس بغيظ...... هو اى اللى ازيك انتى بتعملى اى هنا
يارا بدلع........ جايه اخدك عشان تفسحنى ياحبيبى
فارس بتعجب واستهزاء........ نعم يااختى
يارا ببتسامه ودلع......... الله مش خطيبى والنهارده كمان مفيش محاضرات يعنى فاضى بقا
جاسر بخبث...... صح طبعا المفروض تفسحها مش خصيبها
فارس لامينه بغيظ........... قابلى بقا
امينه بضحك.......... طيب متفسحها مش خطيبها ياحبيبى
فارس بغضب........ هو اى اللى خطيبها وفسحها انتو مالكو ف اى
يارا ......... مالك بس يابيبى مين اللى مزعلك
فارس بغيظ....... ابعدوا البت دى عنى انا بقولكم اهو انا مش ناقص شلل
يارا بحزن مصتنع........ كدا برضو طيب انا زعلانه منك
فارس بفرح.......... زعلانه بجد احلفى انك زعلتى
يارا........ اه والله زعلت بس هسامحك بقا عشان انت حبيبى
فارس بصدمه وغيظ شديد .........هتشل والله العظيم هتشل لالالا كدا كتير انا ماشى سلام ومشى
يارا وهى تجرى وراه....... فارس استنى ياحبيى يافارس الله
جاسر بضحك...... هههههههه ولامينه بتحذير........ اللى حصل امبارح ميتكررش تانى
امينه بتوتر....... هو اى اللى حصل
جاسر بغضب.......... انتى فاكرانى معرفتش اللى كنتو عايزين تعملوه ولا اى وبتصميم........ قولتلك مش هتجوز سبينى على راحتى خلصنا بقا ولاخر مره بقول لو دا حصل تانى هتشوفى رد فعل مش هيعجبك ياماما عنئذنك
امينه لنفسها بتصميم....... هيحصل ياجاسر هفضل اجبلك عرايس لحد اما تحب تانى وترجع زى الاول
******************************************************
ف مكان اخر
شخص 1....... الو ف اخبار جديده
شخص2......... ايوا ياباشا البت الكبيره جالها عريس
شخص2 بغضب....... عريس لا كدا يبقى لازم اظهرلها ف اقرب وقت لاما كل اللى برتبلو هيضيع
شخص........ قشطه ياكبير
************************************************
ف منزل نور
نور تتحدث ف الهاتف......... السلامو عليكم
ياسمين........وعليكم السلام يانونو يالا انزلى بقا عشان نقضى اليوم من اوله
نور بسعاده........ هنتقابل فين
ياسمين....... هنتقابل ف كافيه************** عارفاه
نور........ ايوا خلاص تمام انا هنزل اهو
ياسمين........ قشطه سلاموز
*اسماء انتى يابت*
تقولها نور بصوت مرتفع....... ايوان عايزه اى يابت
نور بااستغراب....... انتى لحقتى تلبسى
اسماء بمرح وسعاده......... طبعا دى فرصه مش هتتكرر كتير
نور ......... هههههه ماشى يالا ولحنان......... احنا ماشيين ياماما عاوزه حاجه
حنان......... سلامتك ياحببتى خدو بالكو من نفسكو ماشى
توفيق....... استنو يابنات اسلم عليكى الاول عشان انا همشى
نور بحزن وهى تتوجه لتحتضنه.......... متقعد معانا ياجدو
توفيق ببتسامه.......... برضو انا هروح وهاجى علطول ياستى متخافيش وانا بيتى بعيد يعنى
اسماء وهى تحتضنه هى الاخرى......... سلام ياحج ومتقلقش انا كل شويه هنطلك هناك
توفيق بضحك....... هههههههه تنورى يازقرده
نور ببتسامه........يالا عشان منتأخرش سلامو عليكم
توفيق وحنان......... وعليكم السلام
***************************************
ف منزل ايه
ايه وهى ممسكه الكتاب وبدموع ودعاء..... يارب وفقنى وحققلى حلمى نفسى ابقى دكتوره مشهوره وعالج الناس الفقرا اللى انا عايشه وسطهم ..... يارب بابا يرضى يدخلنى الكليه اللى بحلم بيها ... يارب حنن قلب بابا عليا
يقاطع دعائها سماع صوت الباب يفتح
ايه لنفسها...... اكيد بابا ثم خرجت تستقبله
ايه ببتسامه...... حمد الله على السلا ثم تسكت بصدمه
فرغلى.......... مالك يابت اتخرصتى كدا ليه
ايه بصدمه....... مين اللى معاك دى يايابا
منيره بخبث ودلع...... انا مراته ياحببتى
ايه بصدمه....... ايه حضرتك اتجوزت دى يابابا
فرغلى بغضب...... ايوا اتجوزتها عشان تجبلى الواد اللى امك ماتت قبل ماتجيبو
ايه بصدمه ودموع.........ليه كدا بس حرام عليك
فرغلى بغضب وهو يضربها بالقلم........ اخرسى يازفته انتى مين انتى عشان تقوليلى اعمل اى ومعملش اى يالا خشى على اوضتك مش عايز اشوف خلقتك قدامى فاهمه
ايه بدموع وهى تضع يدها على وجنتها....... فاهمه وذهبت الى غرفتها تبكى بصمت
**** فرغلى نموذج سئ لرجاله كتير دا لو اتقال عليهم رجاله اصلا اهم حاجه عندهم انهم يخلفو ولد وخلاص ......الراجل اللى بجد اللى يحتوى بنته بحنانه مش يعاملها بالضرب والقسوه ويعقدها ف الحب والحياه اللى عيشاها ****
*************************************************
ف الكافيه
نور بفرح....... السلامو عليكم
شروق...... عااااا نووور انا مش مصدقه بالحضن ياجزمه
نور وهى تحتضنها ....... وحشانى ياشوشو اوووى والله
شروق....... وانتى كمان والله
ساره...... هو السلام كلو لشروق ولا اى نحن هنا
نور وهى تحتضنها..... صارصور واحشانى يازفته
ساره بغيظ......... ميت مره اقولك بلاش صارصور دى يارخمه
نور بضحك....... هههههه خلاص مش هقولك صارصور تانى ياصارصور
ساره وهى تضربها ....... جزمه
نور وهى تنظر حولها....... هو انتو بس اللى جيتو ولا اى
ساره....... لا هدير وياسمين ف الحمام وجايين
نور...... قشطه جدا
اسماء بمرح......... هو انا هوا ولا اى ف اى جدعان انا اوزعه بس مش للدرجادى يعنى
شروق.......... هههههههه مين العسل دا
نور بغيظ....... هههههه عسل دى اسماء اختى مش فاكراها ولا اى
شروق......... هههههه كبرت اهى وبقت لمضه دى كانت قد كدا
اسماء بمرح......... والنعمه ولسه قد كدا انا مش عارفه الناس كلها بتطول الا انا ليه
ساره............. ههههههههههه حظك وحش بقا بس شكلك دمك خفيف اوووى
اسماء............. شالله يخليهوملك ياشابه
هدير ببتسامه وهى تتجه نحوهم.......... نور ازيك عامله اى
نور وهى تحتضنها........ دودو ازيك يابت واحشانى
هدير......... وانتى كمان
ياسمين........ اوعى تقولى دى اسماء صح
نور بضحك ....... ايوان
ياسميين وهى تحتضنها بضحك........ لسه اوزعه زى ماانتى
اسماء بضحك........ واحشانى ياقلبوظه
ياسمين بغيظ........ اتلمى يالمضه
ياسميين وهى تجلس بفرح.......... كفايا سلامات بقى ويالا عشان اقولكم على المفاجئه اللى محضرهالكم
كلهم........ مفاجئه اى
ياسمين بفرح......... انا اتخطبت
كلهم بصدمه......... اييييييييييه
***************************************************
فارس وهو يدخل نفس الكافيه
فارس بضيق.........انتى هتفضلى مكلبشه فيا كدا هو انا هطير منك
يارا بدلع............ طبعا ياحبيبى وعشان كل الناس دى تعرف اننا اتخطبنا
فارس بغيظ شديد.......... احنا لسه متنيلناش للاسف فاتحه بس ولنفسه....... وربنا يعينى واطفشك
*************************************************
جاسر يتحدث ف التلفون........الو ياحببتى ازيك وحشانى جدا
شخص........ وانت كمان ياحبيبى وحشنى اووى وعندى ليك خبر هيعجبك اووى
جاسر...... بجد خبر اى دا
شخص بفرح......... انا جايه بكره
جاسر بسعاده....... بجد فرحتينى اوووووى وانا محتاجك جدا
شخص.......... خلاص انا جايه بكره وهفضل معاك علطول لغاية متزهق منى يالا سلام بقى عشان ورايا حجات لازم اعملها
جاسر..........ماشى سلام ياحببتى
الفصل الرابع عشر
ف الكافيه
نور بفرحه.........عااااااا اكيد مصطفى صح ايوااا بقا
ياسمين ........ لا طبعا مش مصطفى
ساره بتساؤل....... اتخطبتى لمين يعنى
ياسمين بفرح........ابن واحد صاحب بابا غنى اوووى وشيك حاجه كدا مكنتش أحلم بيها
نور بتعجب........ غنى وشيك هو دا اللى خلاكى توافقى عليه دا انا افتكرت هتقولى أخلاقه كويسه مثلا مرتحاله مثلا
هدير باستهزاء......... هههههههه أخلاق اى يابنتى أهم حاجه يكون معاه فلوس وشكل حلو
شروق....... لا طبعا الحب أهم حاجه انا لو مبحبش حسام خطيبى عمرى مااعرف اتحمل عصبيتو وعيوبه الحب بيساعد ف حجات كتير
نور........ ايوا شروق عندها حق غير كدا كمان ف نظرى دلوقت مصطفى احسن منو مليون مره
ياسمين .........مصطفى مين دا انتى هبله دا لا مركز ولا شكل قال مصطفى قال انتى لو شوفتى خطيبى مش هتعرفى تقارنى بينهم اصلا دا فرق السماء من الارض يابنتى
اسماء بمرح......... هو انا مش قاعده ولا انا مليش راى ف الليله دى مش المفروض تاخدو الخبره منى برضو
شروق بمرح........ بس هوس هوس الخبيره هتتكلم سكوووت اتفضلى ياخبيره
اسماء...... احم احم اشكركم اشكركم احم احم
نور بغيظ...... اخلصى انتى هتغنى
اسماء......... طاااه انا هعرفلكوا شخصيته ف ثانيه بدل ماانتو عمالين ترغو كدا على الفاضى
هدير باستهزاء....... ازاى يعنى هتشوفى الودع
اسماء باستهزاء وضحك....... ودع دا انتى قديمه زى صاحبتك ولياسمين بضحك وغمزه ........ قوليلى يابنتى الشوكلاته اللى جابها نوعها اى
الكل بتعجب شديد........ نعم
اسماء بفخر........ طبعا الشوكلاته بتحدد شخصية صاحبها دى معروفه ولياسمين...... انتى تجيبى الشوكلاته أدوق واقولك ينفع ولا مينفعش
ياسمين لنور بغيظ...... هو انا لو ضربتها هيجرى حاجه
نور بغيظ مماثل........ هشكرك والله
ساره بغيظ هى الاخرى....... وانا هديكى جايزه
هدير بغيظ ......... وانا هسقفلك
شروق بغيظ وهى تقوم...... وانا همسكهالك
اسماء بذكاء مضحك....... وانا هجرى قبل متضربينى وجريت
الكل....... ههههههههههههه مجنونه
*** حاسبى يابنتى ف حد يجرى كدا***
اسماء...... معلش ياكابتن هيضربونى
فارس وهو ينظر لها......... انتى
اسماء بصدمه...... ياحزن الحزن هو انت
*******************************************
ف بيت ايه
**** قومى يازفته نضفى الشقه دى اه ياحببتى انا لسه عروسه ميفعش اقعد انضف وانتى نايمالى****
ايه بتعجب......... نعم شقة اى اللى انضفها اومال انتى بابا متجوزك ليه مش عشان تخدميه
منيره بغضب......... ليه حد قالك انى هشتغل خدامه تحت رجلك وانتى نايمه يااختى ولا اى
ايه بنفاذ صبر...... هو انا قولتلك اخدمينى ملكيش دعوه بيا خالص انا عايزه انام شويه عشان اقوم اذاكر ممكن
منيره بزعيق.......... لا الشقه تتنضف و هدومى ترتبهالى ف الدولاب بلا مذاكره بلا زفت انتى فاهمه وبتهديد.... ولا أندهلك أبوكى يفهك شكلك مينفعش معاكى زوق خالص
ايه بحزن ودموع........ لالا بلاش بابا انا هعملك اللى انتى عاوزاه بس بلاش تندهى لبابا
منيره ببتسامه خبيثه....... ايوا كدا اعقلى ويالا اخلصى بسرعه عشان تجهزى الغدا فاهمه
ايه بدموع....... فاهمه ولنفسها يارب انا تعب ارحمنى من اللى انا فيه دا
* متستسلميش ساعات ربنا بيحطك ف شده وانتى شايفاها بلاء بس بعد كده بيطلع خير وخير كتير اوى كمان خلى عندك ثقه ف الله ولعل الخير يكمن ف الشر😔*
*************************************************
جاسر وهو يتحدث ف الهاتف....... ازيك يابنى
مروان......... مالك ياعم مش عاجبنى *مروان شاب مجتهد وذكى وشريك بنسبه مع جاسر ف الشركه وهو اقرب صاحب لجاسر دا لو مكانش الوحيد ومخزن اسراره وهو الوحيد اللى يعرف عنو كل حاجه***
جاسر بغيظ......... امى مش عايزه تسبنى ف حالى
مروان بضحك....... هههههههه اوعى تقول عروسه تانى
جاسر بضيق....... ايوا
مروان ......... هههههههه اوعى تكون اتدبست فيها
جاسر .......... اتدبست مين دنا قلبت التربيزه عليهم
مروان بلهفه.......هههه عملت فيهم اى منا عارفك مفترى
جاسر بضحك حكاله اللى حصل
مروان بضحك مماثل...... يخرب بيت دماغك بس حرام عليك فارس والله
جاسر......... حرام اى يازفت مهو كان عارف ومقاليش يستاهل بقى
مروان...... يالا حظه بقا وبجديه..... بس انت المفروض تدى نفسك فرصه
جاسر بحزن....... مش هقدر يامروان صدقنى مش سهل خالص انا مبقتش اثق ف اى ست انت متعرفش انا بعاملهم ازاى انا لولا محتاجلهم ف الشغل مكنتش شغلت ست عندى
مروان بتعجب.......... نعم يااخويا ليه انت فاكر كلهم زى هايدى ولا اى لا فوق انت مش هتعيش حياتك كلها على ماضى فيه حاضر ومستقبل ارمى كل دا ورا ضهرك وابدأ من جديد
جاسر ببتسامة الم....... الكلام سهل التنفيذ صعب
مروان بجديه........... اللى يخليك تعمل مستقبل وتكبر الشركه لشركات يخليك تمسح الماضى دا من دماغك وعشان تفرح مامتك بيك مهى بتعمل كدا لمصلحتك أكيد نفسها تتطمن عليك وبصراحه انا نفسى اكتر منها نفسى اشوف صاحبى زى الاول
جاسر بحزن......... انت بتتكلم زى متكون معشتش معايا لحظه بلحظه وعارف اللى مريت بيه كله
مروان........ مهو عشان عارف اللى مريت بيه بقولك الكلام دا ولو بقسى عليك شويه فدا عشان مصلحتك انت عارف انت بالنسبالى اى وعموما اما اجيلك هنتكلم ومش هسيبك غير لما تفوق لنفسك وترجع زى الاول
جاسر بتنهيده........ ماشى يامروان مستنيك بكره
مروان....... قشطه سلام ياصاحبى
جاسر....... سلام
*********************************************
ف الكافيه
اسماء لنفسها ........ هو بيبصلى كدا ليه اجرى تانى ولا اعمل اى هارسود دا ممكن ياكلنى
فارس بغضب وهو يتجه نحوها.......... وقعتى ولا حدش سمى عليكى بقى انتى تكسريلى ازاز عربيتى
اسماء بتوتر........... انا لا مش انا خالص علفكره وباستعباط ........ هو انا اعرفك اصلا اى الناس دى
فارس بصدمه........ نعم يااختى متعرفنيش
اسماء بجديه مزيفه........ اه طبعا وانا هعرف الاشكال دى منين
فارس بغضب .......... اتلمى ياشبر ونص انتى
اسماء بلا وعى وغيظ........ تانى بتقول شبر ونص انت محرمتش ولا اى
فارس بذكاء وهو يرفع حاجبيه......... محرمتش اى بقا هو انتى كنتى عملتيلى حاجه قبل كدا
اسماء بتوتر لنفسها ....... وقعنى طيب اقولو اى دا بقا انا كدا هنضرب
يارا بدلع وهى تتجه نحوه ........ اى يابيبى اتاخرت ليه ثم قالت وهى تنظر لاسماء بستهزاء...... ومين دى اللى واقف معاها دى باين عليها بيئه خالث يعنى
اسماء بغضب ......... مين دى اللى بيئه اتلمى يابتاعه انتى بدل موريكى البيئه هتعمل فيكى اى وانتى مش حمل نفخه منى
يارا وهى تمسك ف ذراع فارس بدلع........ ياااى سوفاج
اسماء بغيظ واستهزاء .......... سوفاج يرحم جدك مات ف الغربه عشان معرفش يقول hungry
فارس بضحك.......ههههههههههه لا حلوه
اسماء....... ....تشكر يامعلم
يارا بضيق........ اتلمى يالوكال انتى اى اللى بتقوليه دا
اسماء........ اجرى يابت انتى من هنا دا انتى فاضلك 4 كراسى وتقلبى سفره
يارا بغضب....... اووووووه انتى مجنونه اى اللى بتقوليه دا
اسماء......... مجنونه هو انتى كدا شوفتى جنان لا دا انتى متعرفنيش
فارس بغيظ واستهزاء........ اه دى واكله بتنجان ومعاه شهاده ف الجنان
اسماء......... ايوان اهو قالك اهو فابعدى عنى بقا احسنلك
*اسماء انتى يابنتى بتعملى اى عندك*
تقولها ياسمين وهى تتوجه نحوهم
قبل شويه................
نور........ ههههههه راحت فين الهبله دى
شروق....... سيبك منها دلوقتى تيجى قوليلى بقا اى اخبارك واتخطبتى ولا لسه والحياه عامله معاكى اى
نور....... والله عادى مفيش جديد بالنسبه للارتباط مفيش اى حاجه واشتغلت مع ياسمين ف الشركه اللى هى فيها
هدير.......... شركة اى دى
ياسمين ........ شركة*********
ساره باعجاب........ وووواو اللى صاحبها جاسر الشرقاوى
نور بضيق..... اه يااختى هو
شروق بضحك......... وانتى مالك مضايقه كدا ليه
ياسمين بضحك ....... ماانتو متعرفوش هى عملت اى
هدير بتساؤل....... عملت اى
ياسمين بضحك...... حكتلهم اللى حصل
كلهم...... ههههههههههههههههه يخرب عقلك
نور بفزع...... يانهار ابيض دنا نسيت اتعلم امشى بالجزمه ازاى
هدير بااستفزاز....... ليه وراكى اى يعنى لا جوز ولا عيل ولا خطيب يعنى فاضيه* هدير من النوع اللى بيحب مصلحته اكتر من اى حاجه تانيه وكانت بتغير من نور ف ايام الدراسه *
نور بضيق خفى...... هههههه لا كنت بطفش عريس
ياسمين بنظره تحذير لهدير...... اى دا انتى اتقدلمك عريس ياواطيه ومقولتليش
نور بضحك...... منتى متعرفيش عملت اى ..... وحكتلهم اللى حصل
شروق......... هههههههه جدعه والله
ساره ........ههههههه هى حركه حلوه بس كنتى المفروض ادتيه فرصه
هدير........ دى هبله كنتى توافقى عليه هو ف حد لاقى عرسان يابنتى واهو احسن من مفيش كدا
ياسمين بتحذير........ هدير خدى بالك من كلامك
نور ببتسامه بارده....... سبيها يابنتى عادى ولهدير...... انا مبفكرش بالطريقه دى مبدأ عريس وخلاص دا مش ف دماغى خالص لا اختار صح وانا مقتنعه بعقلى وقلبى يااما بلاش احسن انا قلبى مش لعبه يادودو
شروق........ انا معاكى جدا علفكره انتى صح ياستا
نور بمرح........ حبيبى ثم قالت وهى تنظر حولها ...... اومال فين اسماء مجتش يعنى انا هروح اشوفها عشان نمشى
ياسمين وهى تقف........ لا خليكى انا هشوفها وهاجى علطول مش هتأخر
**نرجع تانى**
اسماء وهى تلتفت لها.....لا مفيش انا كنت جايه اهو
ياسمين بصدمه..... فارس بيه
فارس...... ازيك يا ياسمين عامله اى
ياسمين ...... الحمد لله بس حضرتك تعرف اسماء منين
اسماء........ انتى اللى تعرفى الواد دا منين
فارس بغضب..... اى واد دى يابت انتى
يارا بدلع.......متقوليش على حبيبى واد يابت يابيئه انتى فاهمه
اسماء بغضب وهى تتجه نحوها وتمسك شعرها....... بيئه تانى طيب انتى اللى جبتيه لنفسك
ياسمين وهى تبعدها عنها.......... اى يابنتى دا شعرها هيطلع فى ايدك
يارا...... اه اه سيبى يامتوحشه اووووه مجنونه اى دا
اسماء بغضب....... شوفتى دى عايزه تتربى سبينى عليها هعرفها غلطتها بس
ياسمين وهى مسكاها......ههههه صلى على النبى
اسماء وهى تعدل نفسها...... عليه الصلاة والسلام ولياسمين..... يالا عشان متهورش عليها واموتها ومشيو
يارا بالم...... اه شعرى باظ عاااااااا
فارس وهو يمسك ضحكته بصعوبه.....معلش منا قولتلك واكله بتنجان انتى مسمعتيش كلامى
عند نور.....
نور..... اى دا مالك جايه وشك احمر كدا ليه
ياسمين...... ههههههه كانت بتتخانق
اسماء بغيظ........ بت ملزقه كنت هفرمها كدا هفرمها لولا ياسمين حاشتنى
ياسمين........هههههههه حرام عليكى دنا سلكت ايدك من شعرها بالعافيه
نور باستفهام......... هى مين دى
اسماء........ بعدين هبقى احكيلك يالا نمشى انا زهقت
نور وهى تقف........ ماشى يالا سلام يابنات
وسلموا عليهم ومشيو
**************************************
يارا وهى تمسك شعرها............ اه ياشعرى عااااا خلاص شعرى باظ
فارس بزهق....... بطلى زن بقا دماغى ارحمينى انا ماشى يالا سلام
يارا وهى تنظر لشعرها وبعدم اهتمام...... سلام ولنفسها......لازم اروح للكوافير النهارده دى بوظتلى شعرى
***********************************
بعد شويه
**ماما انتى ياحاجه فين الاكل انا جيت***
تقولها اسماء وهى تدخل المنزل
حنان ........ حمد الله على السلامه انبسطوا
نور........ اه الحمد لله العيال كانو واحشنى اوووى
اسماء ........ فين الاكل عايزه اكل ياجدعان
حنان بغيظ...... الاكل جوه اغرفى وكلى انتى واختك
نور....... لا انا مش جعانه انا هقوم اشوف هعرف البس الجزمه اللى بكعب دى ولا اى
اسماء بمرح ...... خلاص انا هاجى أعلمك وبعدين ابقى اكل بعدين يالا
ودخلو اوضة نور
اسماء وهى تلبس الجزمه ........... تصدقى حلوه بقيت طويله اهو هههههههه كدا بقا اعرف ابصلك من فوق
نور بغيظ....... اخلصى بقا يالا عشان أجرب
وبعد محاولات كتير ونور كل شويه تقع بالجزمه عرفت تمشى بيها
نور بتعب........ اخيرا عرفت امشى بيها عدل
اسماء بضحك........ههههههههههه بقولك اى والنبى متقفيش جمبى بيها عشان نفسيتى بتتعب وهى تعبانه لوحدها نفسى اشوف حد انا اطول منو ياجدعان
نور بضحك........ههههههههههه لا متحلميش ويالاهش بقا من هنا عشان عايزه انام
اسماء بغيظ........ انتى بتهشى فرخه ماشى يااختى تصبحى على خير
نور....... وانتى من اهله ياقمر
ثم فتحت نور دفتر مذكرتها ودونت فيها بعض الكلمات وهى .....
هل انا المخطئه ام المجتمع
هل مخطئه ف انتظار فارس احلامى
هل مخطئه ف رفض كل من يتقدم لخطبتى بأمنية ان القاك يوما
هل سأستطيع ان أنتصر على مجتمعى أم هو سينتصر علي
هل أستطيع ان أقنع كل من حولى بتفكيرى أم سيأتى اليوم الذى أستسلم فيه
اتمنى ان لا ياتى هذا اليوم
وقفلت مذكراتها وتنهدت تنهيده حاره وغطت ف ثبات عميق
***************************************
ف صباح يوم جديد
يقف جاسر امام المراه بنشاط يرتدى بدلته السوداء الانيقه ثم يطلق تنهيده حاره بعد ليله مليئه بالكوابيس التى تطارده دائما بالماضى الذى لا يستطيع الهروب منه ...ثم ينظر لنفسه نظره أخيره وينزل
جاسر وهو يتوجه للسفره..... صباح الخير ياماما
امينه...... صباح النور ياحبيبى يالا اقعد افطر
جاسر وهو يجلس بتعب...... فارس لسه مصحيش ولا اى
امينه...... لا لسه وبتساؤل قلق.... مالك وشك مرهق كدا ليه
تررررن تررررن
امينه........ بطه انتى يازفته تعالى شوفى مين اللى على الباب
بطه....... حاضر ياستى
***** السلام عليكم وحشتونى ياحلوين*
امينه بفرح.....................