رواية من اجلك
الفصل السابع عشر17
بقلم سعيدة عكاشة
يونس=عايزة تغرقي ولة شنو
إباء=جيت؟
يونس=لا لسه هناك
إباء=انن قبيح دة
يونس=امم الليلة شايفك إنتو ومهاب بتتونسوا
إباء=اي كل يوم بكتشف فيه شي جديد
يونس=زي؟
إباء=هو بقى القيصر غصب عنو بس في جواه شخص عايز يعيش جو العائلة شخص مفتقد الحب والاهتمام
يونس=اكتشفتي د كلو خلال ربع يوم
إباء=لا من ابوي جا وتصرفاتو اتغيرت وهو قال انو ياداب بدا يحس انو عايش
يونس=ع فكرة بقى يتردد ف موضوع انو يقتل مصطفى
إباء بحماس=يعني ف امل انو م يقتلو صح
يونس=ايوة بس م تفرحي لان م ف زول عارف مهاب بيفكر كيف
إباء=طيب المهم تعال نمشي جنبهم
يونس=خلينا هنا شوية كمان
إباء=طيب
<هم الاتنين بقو يعاينو ف البحر بكل عمق>
يونس=بتفكري ف شنو
إباء=مصطفى نايم و م حاسس باللي بيحصل هنا وم عارف انو ممكن يموت
يونس=إباء، مصطفى لو عرف انو انتي بقيتي صامدة ف وش الحصل د كلو هيموت وهو فخور فيك
إباء=انا م عايزاه يكون فخور فيني ولا شي انا بدونو ضعيفة
يونس=انا معاكِ لآخر لحظة
إباء=لو د كلو انتهى ومهاب قتل مصطفى انت هتطلع من حياتي ي يونس
يونس=انتي هتطلعيني؟
إباء=م هقدر اتحمل انو يكون ف حياتي شي يربطني بمهاب
يونس=يعني انا هكون مجرد شي بيربطك بمهاب؟ م صحبك الكنتي بتحكي عنو؟
إباء=هتكون صاحب قاتل اخوي
يونس=هتحمل ذنب شي م لي دخل فيه؟
إباء=بس كل البتمناه انو م يحصل شي
يونس=انا م عايز افقدك ي إباء
إباء=ولا حتى انا ي يونس
مهاب=مالكم بتعاينو ف بعض كأنكم بتودعو ف بعض
يونس وهو لسه عيونو على إباء=يمكن بنودع ف بعض
إباء طبطبت ع كتفو=ويمكن هي مجرد نظرة وهنبقى سوا
يونس بإبتسامة=وارد
إباء=طيب يلا ارح
<مهاب كان سرحان ف طبطبة إباء ع كتف يونس>
يونس=مهاب، مهاب
مهاب بإنتباه=نعم
إباء=يلا عشان ابوي براه
مهاب=امشو انا هجي
<اول م يونس وإباء التفتو مهاب غطس ف النهر>
إباء=مهاااااب
<وكانت جارية عليه يونس مسك يدها>
يونس=م تخافي هو لمن يعصب بيتحمم
إباء=ولو غرق؟
يونس=د بيعرف النهر اكتر من السمك نفسو م تخافي
إباء=اسي هو عصب من شنو
يونس=لمن بطلع هنسألو، اسي ارح نمشي
إباء=خلينا ننتظرو
يونس=إباء بطلي عناد يلا
إباء=انا هنتظرو
يونس=طيب انا همشي جنب ابوك
<بعد ربع ساعة مهاب طلع وقعد ع حجر ف طرف النهر>
إباء=هاك الملابس دي طلبت من مرتضى يجيبهم
مهاب=م عايز
إباء=هتمرض
مهاب=م اول مرة
إباء=مهاب البسهم
#من_أجلك💙
#بقلم_سعيدة_عكاشة
باقي بارت《16》
إباء=مهاب البسهم
مهاب=إباء م تعصبيني اكتر انا ياداب هديت
إباء=عصبت من شنو انت
مهاب=م دخلك بس اختفي من قدامي لان والله م بيحصل خير
إباء=م متحركة لو م عرفت السبب
مهاب=لاني اتصرفت معاكِ بشوية لطافة د م معناه انك تضمنيني انا ف النهاية زعيم مافيا
إباء=كل جملتين وانا زعيم مافيا انا عارفة ع فكرة م ف داعي تذكرني كل دقيقتين
مهاب=إباء ابعدي من قدام وشي
<إباء وقفت قدامو لدرجة انو هو لاحظ فرق الطول بينهم>
إباء=وانا قلت لا
<مهاب فضل يعاين ليها ولكل تفاصيل وشها شعرها الاسود اللي طلعت منو كم خصلة من تحت الطرحة وعيونها البنية وحولينها رموشها الكثيفة وتكشيرتها بكل عناد ووقفتها الطفولية كأنها بتحاول تبين روحها انها طويلة بما فيه الكفاية تلقائيا إبتسم>
إباء= ع فكرة م يغرك طولك الضخم د انا زاتي طويلة بس انت طويل زيادة عن اللزوم
مهاب بنفس الابتسامة=انتي كيف حلوة وبريئة ف نفس الوقت
إباء=لاني م بشبهك
مهاب=طيب طيري من قدامي ماشي البس واجيكم
إباء=انت ولد شاطر
مهاب=إباء م تخليني اغرقك هنا طيري
إباء وهي بتمشي=تعال سرعة و الا م هتلقى شي تاكلو
مهاب بإبتسامة=حتى يونس البعرفو من ٢٤ سنة م قدر يخليني اروق بعد عصبيتي ولا حتى الاستحمام وهي قدرت ف ظرف دقايق القصيرة دي
<مهاب لبس ومشى ليهم>
رائد=الحمدلله ع السلامة
مهاب=الله يسلمك
إباء=ع فكرة جيت ف اخر لحظة م باقي الا كباية شاي وقطعة كيك
مهاب=عارفك أشعب م خليتي الاخضر واليابس
يونس=اصلا م ادتنا شي طفحتو كلو براها
إباء بزعل مصطنع=ابوي؟ م هتدافع عني
رائد=هم م كذبو لكن
إباء=اصلا انتو م مقدرين الجوهرة البيناتكم دي بكرة اتزوج وتشتاقو لي
مهاب=هو اهلو هيشتاقو ليهو لاني م هرحمو
إباء=يعني فاكرني هقعد ليكم ولة شنو
يونس=لالا بعرسك انا وبخلي خشمك ملح ملح
رائد=اي احسن زاتو كدة م هتبعدي
مهاب=وين شايي
إباء مدت ليهو الكباية=اهو
<مهاب اخد الشاي بعصبية وقعد يشرب>
إباء=م ف شكرا؟
<مهاب عاين ليها ولا اتكلم>
<طول فترة القعدة ومهاب بس بيرد ع رائد وبيتجاهل يونس وإباء وإباء بتحاول توجه ليه اسئلة وهو بيطنش>
يونس=انا همشي بعد د
رائد=الوقت اتأخر تعال بيت معانا
يونس=معلش بس وراي شغل
مهاب=نحنا زاتنا خلصنا ارح
<يونس مشى الشركة ومهاب وداهم البيت ونزل الحديقة وقعد يسقي وردة إباء>
إباء=مهاب انت زعلان مني؟
مهاب=نحنا م اصحاب عشان نزعل من بعض
#من_أجلك💙
#بقلم_سعيدة_عكاشة
باقي بارت《16》²
مهاب=نحنا م اصحاب عشان نزعل من بعض
إباء=بعد العشناه كلو م اصحاب؟ طيب نحنا شنو
مهاب=انا سجانك وانتي سجينتي الحقيقة دي م هتتغير مهما اتغير تصرفي معاك
إباء=انا عارفة انو العلاقة بينا اكتر من كدة بس انت زعلان مني وريني ليه
مهاب=م زعلان وريتك
إباء=مهاب وريني يخ
مهاب بصراخ=إباء
إباء ببكاء=اسي مالك بتصرخ علي انا بس عايزة اعرف زعلان لشنو
مهاب اتمالك اعصابو وهدأ=إباء انا م زعلان بس عايز اقعد براي
إباء وهي بتمسح دموعها بطفولية=لا انت زعلان مني وم عايز تتكلم معاي
مهاب حن عليها لانو صرخ عليها=ف زول بيزعل من الحلاوة دي كلها؟
إباء=يعني م زعلان مني؟
مهاب=لا طبعا، ومعلش عشان صرخت عليكِ
إباء=جيب لي هدية عشان م ازعل منك
مهاب=من متين الهدية بيطلبوها
إباء=انت م دخلك بس جيب لي
مهاب=انا الزعلان وفوق د كلو براضيك
إباء=مش اسي قلت انك م زعلان؟
مهاب=المهم عايزة الهدية شنو
إباء=ع ذوقك
مهاب=طيب
إباء ضربتو ف بطنو=و م تسقي وردتي تاني
مهاب بوجع مصطنع=اخخ طلعتي قوية
إباء=عارفة😌
مهاب=طيب يلا للنوم كفاية سهر
إباء=جيت اشوف مصطفى
مهاب=تعالي نشوفو سوا
<اتطمنوا ع مصطفى وكل واحد مشى عرفتو وناموا>