رواية من اجلك
الفصل العشرون20
بقلم سعيدة عكاشة
يونس=صباح الخير على الاميرة النائمة
إباء=صباح النور
يونس=اصبحتي كيف
إباء=تمام الحمدلله وانت
يونس=تمام الحمدلله، م ناوية تعملي لي شايك المسيخ مع كيكتك الهابطة ديك
إباء=مش شايي مسيخ وكيكتي هابطة مالك ومالهم م تاكل
يونس=الجعان بياكل الطوب
إباء=خلاص امشي كل طوب
يونس=هي كيكتك ديك فرقها من الطوب شنو
إباء شالت المخدة ورمتو بيها=طير من هنا قبل ارتكب فيك جريمة
<مهاب فتح الباب عشان يصبح عليها والمخدة جات ع وشو لمن يونس اتحرك>
يونس=حوصة حتى مخدة م قادرة ترميها زي الخلق
إباء=انت زي المهرج متحرك من حتة لحتة تظبط كيف يعني
مهاب بضيق=ع فكرة انا موجود لو م ملاحظين
يونس=معلش، صباح الخير
مهاب=صباح النور جيت متين
يونس=افتكرتك هتكون نايم عشان كدة جيت لإباء ع طول
مهاب=اها، صباح الخير ي إباء
إباء=صباح النور
مهاب=كيفك
إباء=تمام
مهاب=وانا كمان تمام حمدلله
إباء=اسي السألك منو
مهاب=م عايزة تعرفي لو تمام او لا؟
إباء=اخر همي
يونس=ي شباب الدنيا صباح
مهاب=انا ماشي الشركة احتمال اجي ابيت واحتمال لا
إباء بهمس=احسن
مهاب=طيب ي إباء تاني م هتشوفي وشي<وطلع>
يونس بلوم=إباء انتي زودتيها والله<وجرا طلع ورا مهاب>
يونس=مهاب، مهاب اقيف
مهاب=نعم
يونس=كلمتك م تعصب من كلام إباء هي حاليا م ف حالة تسمح ليها تتصرف بعقلها
مهاب=خلاص قربنا نكمل اسبوعين وانت لسه بتقول حالتها
يونس=الحزن م ليهو علاقة بالايام الحزن ف القلب
مهاب=اي منطق د البيقول اني لو م حبستها ابوها كان هيعيش؟ انا حبستها وعارف اني غلطان ومستعد اعمل اي شي واصلح العملتو بس هي بتعاقبني ع غلط انا م عملتو اصلا
يونس=انت لو بعدت عنها كدة هتخسرها ياداب
مهاب=د كلو و م خسرتها
يونس=دي لحظة عصبية لكن لو طلعت هتكرهك بجد عشان كدة خليك قريب منها وصلح غلطك
مهاب=انا استسلمت ي يونس
يونس=مهاب انت من متين بتستسلم
مهاب=انا م بقيت مهاب بتاع زمان من إباء دخلت حياتي
يونس=كل العايز اقولو انك لو طلعت من البيت اعتبر نفسك خسرتها<وطلع مشى عند إباء>
<مرت ٥ اسابيع ويونس وإباء اتقربو اكتر ومهاب كل م يحاول إباء بتصدو>
<ف الحديقة يونس وإباء وهم بيسقو ورودها>
إباء=يونس
يونس=احكيلي
إباء=عايزة اقول ليك شي
يونس عدل قعدتو وعاين ليها=قولي العايزاه
إباء وهي بتفرك يدها=احم بس تكون صريح معاي
يونس=مالك متوترة
إباء=يونس انا بحبك
#من_أجلك💙
#بقلم_سعيدة_عكاشة
باقي بارت《18》
إباء=يونس انا بحبك
يونس=إباء انتي م بتحبيني
إباء=نعم؟
يونس=المشاعر دي لانك معاي طول الوقت ولانك لقيتي مني حنان ومعاملة كنتي محتاجاهم ولاني وقفت معاك
إباء=افهم انك م بتحبني؟
يونس=نحنا علاقتنا م بتتجاوز الصداقة
إباء=تمام فهمت، المهم ماشة اشوف مصطفى
<يونس أول م إباء مشت قعد بإنهيار>
يونس=أنا حبيتك اكتر من نفسي ي إباء حبيتك حتى قبل يحبك مهاب بس م بقدر اقول ليكِ الحقيقة وانا عارف انو مهاب بيحبك مهاب عمرو م شاف السعادة وانتي سبب سعادتو ونقطة ضعفو لو وريتك اني بحبك هحرمو من احلى شي ف حياتو ومهاب عمرو م م حرمني شي م بيهون علي احرمو منك وعارف انو مشاعرك لي م حقيقية دي مشاعر تعود ولاني اديتك مشاعر انتي محرومة منها واهتميت بيك اهتمام انتي مفتقداه م اكتر
<مهاب جا ولقى يونس منزل راسو ومتاكي ع الكرسي بتعب>
مهاب=يونس انت كويس؟ مالك قاعد كدة؟
يونس=انا تمام عايز امشي الشركة طالما جيت
مهاب=وجودي زي عدمو
يونس=مهاب اتصرف انا طالع<ومشى>
<مهاب كان ماشي غرفة إباء وسمع شهقاتها من غرفة مصطفى>
مهاب بلهفة=إباء مالك انتي كويسة
إباء=من يوم م دخلت حياتي شنو هو الكان كويس ممكن تفهمني؟
مهاب=اسف ممكن توريني بتبكي مالك؟
إباء=عايز تشمت فيني صح
مهاب بعصبية=إباء انتي بالجد زودتيها قلتي لي ابعد وبعدت رغم اني م بقدر وانتي عارفة اتهمتيني وحتى ابيتي تسمعيني وسكت عملت اي حاجة ممكن تخليكِ تسامحيني اخوكِ وعفيت عنو بيتي وبقيت م طايقو انا اعمل شنو تاني انا ف النهاية بشر بس انتي حزنك اعمى ع قلبك وبعدين انتي م صغيرة لدرجة م تعرفي القضاء والقدر وف النهاية موتتة ابوك قدر انا الدخلني شنو<هدى شوية ف نص الكلام وقعد ف الارض>تعبت ي إباء انا تعبت من وراكِ، م ف زول بيأثر علي حتى يونس اللي اكتر من اخوي، انا عشانك مستعد اعمل شي اي شي حرفيا وتسامحيني ونرجع زي زمان وانتي م بتقدري اي شي بعملو انتي م شايفاني حتى، انا ف حياتي م كنت بالضعف د انا البقتل بدون م ارمش انتي خليتيني م اعرف يميني من يساري اعمل شنو تاني
إباء شافت حالتو وبدت تلين=مهاب اسفة
مهاب=انا م عايز اعتذار منك ولا شي بس ارجعي زي زمان
إباء=طالما قررت تعفي عن مصطفى فبتستاهل اني اراجع قراري عشانك
مهاب قام=يعني م ف زعل ولا شي
إباء=م ف شي
#من_أجلك💙
#بقلم_سعيدة_عكاشة
باقي ارت《18》²
إباء=م ف شي
مهاب=واخيرا، انتي عيشتيني اسوأ ايامي ومعلش ع العملتو هصلح كل شي و من الليلة م هتبكي بوعدك
إباء=طيب بس انا تعبانة عابزة انوم
مهاب=طيب خدي راحتك
<إباء مشت غرفتها وقعدت تفكر ف كلام يونس انو يمكن فعلا م بتحبو وتصرفات مهاب الماقادرة تفسرهم>
مهاب=الو
يونس بتعب=اهلين
مهاب=إباء سامحتني
يونس بإبتسامة باهتة=مبروك تستاهل
مهاب=ناوي افاجئها تفتكر ممكن افاجئها كيف
يونس=للصراحة م بعرف
مهاب=انت مقرب منها اكتر مني وريني
يونس=اول شي اتقرب منها وحاول ابني معاها ذكريات حلوة وبعدها اعترف ليها بطريقة حلوة
مهاب=صح فكرة حلوة برضو
يونس=انا عايز انوم
مهاب=انت كويس؟ صوتك تعبان وشكلك كمان كنت تعبان
يونس=فرحتك بتكفي م تهتم بي ابدا فكر كيف تتقرب منها
مهاب=طيب سلام
يونس=سلام
<مهاب نقل طاولة الاكل ف الحديقة وقرر يتغدو ف الحديقة ومشى المطبخ نظام يطبخ وكدة🤣>
إباء بضحك=انت بتعمل ف شنو
مهاب والمريلة كلها بيض= بإعتبارو عايز اعمل عجة لقيتها اسهل اكلة
إباء بضحك=ف زول بيتغدا بي عجة؟
مهاب=اي اي اضحكي فلاحتك بس
إباء=لو شفت منظرك براك بتضحك
<إباء صورتو>
مهاب=كدة ياداب هقتلك بالجد
إباء=صورة للذكرى عشان بعدين لو حاولت تعمل فيها زعيم المافيا اذكرك بإنك طباخ فاشل
مهاب= تعالي انا هوريكِ
<شالت التلفون وجرت وهو فضل جاري وراها>
مهاب=حركات الشفع دي م بتخليها صح
إباء=اصلا
مهاب=امسحي الصورة يرضيك القيصر بهيبتو دي كلها يكون لابس مريلة طبخ كلها بيض وفوق د كلو بيجري ورا شافعة
إباء=مش قلت شافعة تاني تشوف كان حذفتها
مهاب=إباء
إباء=ببكي والله
مهاب=انتي استغلالية ع فكرة
إباء=المهم وريتك لو لقيت الصورة محذوفة بزعل وببكي
مهاب=احتفظي بيها وتعالي سوي شي اكلو انا ع لحم بطني من الصباح
إباء=زح طيب
<إباء طبخت وجهزت كل شي>
مهاب=هنتغدى برة
إباء=وخليتني اطبخ ليه
مهاب=برة ف الحديقة م ف المطعم
إباء=عارفاك بخيل(والجاب ليك طقم فضة منو😒🤣)
مهاب=شكرا
<اتغدو وبعد الغداء مهاب طلب الدكتور وجا اتطمنو ع مصطفى وقال انو مصطفى سامع اي شي ولو اتكلمو معاه ممكن يستجيب>
إباء=سهل كل يوم هتكلم معاه
مهاب=وانا هعتذر ليه كل يوم
إباء=شكرا لانك اليوم غيرت لي مودي
مهاب=اي عارف تعرصتك يعني تغيير مود
إباء=اصلا
مهاب=يوميا هطبخ واغلط واتعرصي طالما هتفرحي
إباء=احم طيب وين يونس