رواية انتقام انثي الفصل الثاني والثلاثون32والثالثوالثلاثون33 بقلم رشا منصور
عبدالرحمن. …
فتحت النت وبقلب فى الجروبات أشوف ايه الجديد فى حوار الدجا'ل ولقيتهم منزلين فيديو متصور من كاميرات الشارع واتفاجات ب 😲😲……
فى ست مغطية وشها دخلت عند الدجا'ل وبعد حوالى ساعة خرجت وبردو وشها متغطي وفى خلال عشر دقائق كان البيت و'لع ومكتوب تحت الفيديو من يعرف هذه السيدة يبلغ. البو'ليس فورا جائز ان تكون تعرف اى معلومات عن من فعل ذلك
ف حاله السكرتير وكذلك الدجا'ل تتطلب وجود أكثر من خمس رجال فى حال لم يجدوا اى جثث. أخري فى البيت
ركزت فى الصورة واحدة ست لبسه فستان أسود قط وقصير وطرحه سوده ع وشها دى واضح أنها مرات مسؤول' مهم او تكون هى شخصية معروفه وعاوزة تخفي. شخصيتها عن الناس وطبعا استحاله تروح للبو'ليس وتكشف عن شخصيتها
جيلان….
خرجت من الحمام بعد ما شيلت الإبرة فى العلبه وطلعت قعدت مع سناء وقولتلها عمتك فى الغرفه مش هتاخد غير محاليل بس لحد ما نتيجه الفحوصات تظهر تعالى نشرب قهوة علشان نفوق قالتلي
لا أنا مأكدين عليا انك لازم تاكلي إنتى تعبانه من السفر يا دوب نمتي كام ساعه وأكيد جعانه وتعبانه بس تعرفي يا جيلان أنا معجبة بكي أوى مع إنى مش طيقا'كي
ضحكت وقولت لها ازاى بقي معجبة ومش طيقا'ني جديدة دى قالتلي فى عز ضعفك قدرتي تقفي ع رجلك وتشتغلي وتثبتي مهارتك للكل والدليل أهو محدش واثق. فى مروان أخويا مع أنه دكتور بشري وواثقين. فيكي مع أنك دكتورة عقا'رب أول ما ذكرت أسم العقارب
ضحكت جامد وقولت لها أنا دكتورة تحاليل ومن ضمن دراستي لازم أعرف أثر الحشرات فى الد'م مش أكتر لكن هو انتى شيفاني ماشيه ورابطه عقرب. فى أيدي
عبدالرحمن. …
اتصلت ع سناء وقالتلي أنهم فى الكافتريا بيشربوا قهوة ومنتظرين يعرفوا نتيجه الفحص إيه
قولت لها أنا شويه وجايلك اطمن بنفسي وخلي بالك من تصروفات جيلان اوعى تطمني لها
قفلت معاها وأنا واثق ان جيلان وراها حاجه لكن ايه هى مش قادر اكتشفها
عثمان….
كنت قاعد زعلان ع أختى وقولت أنا متكفل بكل حاجه المهم تقوم بالسلامة حتى لو هتسافر تتعالج بره
وببص لقيت عبدالرحمن خارج سألته رايح فين يا ولدى قالي المستشفي قولت له خدنى معاك بدل ما أنا قاعد هتجنن. مش عارف ايه اللى بيحصل هناك
وأول ما وصلت اخدت جيلان ع جنب أفهم منها ايه الحاله ووعدتها إنى هنفذ لها كل طلباتها قالتلي هو طلب واحد بس طمعانه فى كرمك انك تنفذه ليا
أنارشامنصورطلبت الأجهزة والمستلزمات الطيبة من بلاد. بره. وحولت الفلوس لهم وللأسف محتاجين مبلغ تانى بسبب فرق العملة' وبابا اتوسط ليا علشان تتشحن. ليا بسرعه ولو مدفعتش الفلوس هيروح علينا الفلوس اللى ادفعت ده غير بابا هيفقد المصدقية وهو بيتعامل معاهم من سنين وبصراحه بابا مالوش ذ'نب يتحمل خسارة. فى شغله بسبب مروان
وأنا جيت من القاهرة علشان افهم حضرتك الموقف اللى أنا فيه وبالمرة اديك نصيبك من الفلوس مع انى كان ممكن احولهم لك من البنك أسهل بس قولت لازم اجي بنفسي وأكيد حضرتك هتساعدني
قولت لها يا بنتي الموضوع سهل ده كفايه وقوفك جنب أختى تعالى انزلى معايا احولك الفلوس ل حسابك وانتى بقي تبقي حواليه ل ابوكي ولا للشركه شوفي المناسب ايه وقولت ل عبدالرحمن خليك مع سناء أنا ساعه بالكتير وهنرجع وفعلا روحنا البنك حولت لها مبلغ تلاته مليون جنية وقولت لها اى حاجه عوزاها اتصلي واطلبي ع طول
جيلان….
تسلم يا عمو أنت انقذتني. من موقف محرج' أوى مكنتش عارفه أقول ايه ل بابا
يلا يا عمو نلحق نروح المستشفي زمان نتيجه التحاليل طلعت وان شاء الله نطمن ع عمتو وتبقي بخير
عبدالرحمن….
كنت قاعد مع سناء منتظرين نتيجه التحاليل ومرة واحدة لقينا الدكاترة والتمريض بيجروا ودخلوا غرفه عمتي ومنعونا من الدخول وبقينا مش فاهمين جري لها ايه ولقيت عمي عثمان وجيلان جت أول ما سناء شافت عمي قالت له اللى حصل وفضلت تبكي وبقينا واقفين ع اعصابنا أكتر من نص ساعه لحد ما الدكتور خرج وقال
لازم ننقل المريضه للعنايه المركزة محتاجه تتحط ع جهاز تنفس صناعي حالا إحنا عملنا لها صد'مات كهربائية لأن نبض القلب ضعف فجأة
والغريب ان التحاليل مش موضحه حاجه غير ان عندها زيادة فى نسبة الأملاح
ورسم قلب أثبت ان فى سرعه فى نبضات القلب مش قادرين نفهم ايه السبب المهم حاليا ننقلها العنايه لحد ما نكمل باقي الفحوصات وان شاء الله خير
جيلان….
لا حول ولا قوة إلا بالله هو فى حد زعلها. او في حاجه كانت خا'يفه منها اللى بيحصل ده غالبا له أسباب نفسيه
وواضح أننا ظلمنا مروان اللى بيحصل ده مطلعش له أسباب طبيه نهائى ولقيت سناء عماله تبكي وكانت هتفقد الوعي
طلبت من عمو إنى اروح سناء تخليها مع ولادها واخد صورة من الإشاعات وابعتها ل بابا يشوفها يمكن الدكاترة بره يفهموا تشخيص الحاله ايه وهجيب اللاب توب معايا بالمرة علشان ابعتله أول بأول
عثمان ….
طلبت من عبدالرحمن يوصل سناء وجيلان البيت ويستني جيلان يجيبها معاه تانى ولو عاوز يرتاح يبعت مروان معاها
وهدان….
كنا قاعدين ع نار وانجي مش مبطله عياط ولمياء بتوسيها وبتبكي معاها ولقينا سناء داخله وجيلان سنداها وبتبكي انجى أول ما شفتها صو'تت ولمياء فضلت تلطم قولت لهم بس
ايه اللى حصل يا عبدالرحمن اختى جري لها إيه
لقيت جيلان قالت اهدوا يا جماعه عمتو بخير ولسه بتعمل فحوصات كل الحكايه ان سناء دايخه شويه بلاش يا جماعه الفال الو'حش ده
قولت لها كتر خيرك يا بنتي طمنتي قلبي وناديت ع البت بهية قولت لها اعملي عصير ليمون وسعديه خدت سناء ترتاح فى اوضتها
وجيلان راحت تهدى أنجي ولمياء وقالت لهم بدل العياط ده ادعوا لها وان شاء الله تبقي بخير وخدتهم فى حضنها وبعدها استأذنت تطلع تجيب اللاب توب تبعت صور الإشاعات وتقارير' التحاليل ل باباها فى المستشفي
بعد ما طلعت سألت عبدالرحمن ع أختى خدنى ع جنب وقالي اتعمل لها صد'مات كهربائية. لان القلب وقف فجأة واتنقلت العنايه المركزة ولحد دلوقتى الدكاترة مش قادرين يفهموا السبب وكلهم أجمعوا ان السبب نفسي لكن طبيا هى سليمه علشان كدا جيلان اقترحت تسأل فى المستشفي بره يمكن يكون عندهم تفسير تانى
قولت له كتر خيرها يابني وحاول تطمن أنجي ومتنساش أنها حامل والزعل ده غلط عليها واوعي تحكي لها حاجه من اللى قولتها دى
جيلان ….
طلعت أوضتي اخدت شاور وغيرت هدومى واخدت اللاب توب بتاعي وباعت صور الاشعه للمستشفي ونزلت تحت لقيت لمياء بتقول أنا حاسة إنى تعبانه قربت منها لقيت حرارتها عاليه قولت لها اوعى ترضعي الولد وانتى تعبانه واخدت منها الولد واديته ل مامتها حمديه وهمست لها فى ودنها قولت لها ابعدي الولد عنها علشان مش تعديه والافضل هاتي له لبن بودرة واسلقي له تفاحه واضربيها' فى الخلاط من غير سكر دى مفيدة له
وقولت ل بهية اعملي شاى بالليمون واضح ان لمياء داخله ع دور برد خليك جنبها يا مروان بس اوعى تقرب من ابنك علشان العدوي
وانتى يا أنجي الأفضل تخلي بالك من نفسك لأن الحمل بيخلي المناعه ضعيفة. حاولى تاكلي خضار وفاكهة كتير
استأذنكم علشان اروح المستشفي ولو فى اى حاجه اتصلوا عليا ربنا يطمني عليكم
لمياء….
فى وقت ما جيلان كانت واقفه مع امي وبتكلمها لقيت رساله جاتلي فيها تهد'يد صريح' ومكتوب الآتي
من اعمالكم سلط. عليكم دلوقتي عمتك بين ايدين ربنا ويا عالم هيجري لكي ايه يمكن تحصليها قريب استعدي
ومرة واحدة لقيت 😲😲
الفصل الثالث والثلاثون
لمياء….
فى وقت ما جيلان كانت واقفه مع امي وبتكلمها لقيت رساله جاتلي فيها تهد'يد صريح' ومكتوب الآتي
من اعمالكم سلط. عليكم دلوقتي عمتك بين ايدين ربنا ويا عالم هيجري لكي ايه يمكن تحصليها قريب استعدي
ومرة واحدة لقيت 😲😲
نفسي بقع من طولي مش قادرة أستوعب حاجه اومال مين اللى بيبعت الرسايل ودلوقتي بقيت لوحدى عمتي مش معايا والمفروض أجهز مليون جنية ومش عارفه اتصرف ازاى
جيلان….
أول ما قربت من الباب وخارجه لقيت عم وهدان بيقول بصوت عالي لمياء مالك يابتي رجعت لهم ولقيت الفون وقع من ايدها خمنت ان فى حاجه صد'متها قولت ل عبدالرحمن شيلها ع فوق بسرعه وخدت الموبايل فى وسط الهيصه دى من غير ما حد ياخد باله وقولت لهم هجيب حاجه من أوضتي تفوقها وأول ما دخلت الاوضه فتحت الموبايل وشوفت كل الرسايل واستغربت أوى
مين اللى يعرف موضوع السحر ده المفروض هما التلاته بس أنجي ولمياء وعمتها
اكيد مش لمياء وانجى جبانه تخا'ف تعمل كدا وعمتها فى المستشفي
يبقي أكيد حد قريب منهم عرف الحكايه وبيلاعبها وواضح من أسلوب الكتابه ان اللى بيعمل كدا يبقي 😄😄😄 ومالوا خلي اللعب يحلو
ومش بعيد يكونوا كلهم شا'كين فيا ...
قفلت الموبايل وروحت عند لمياء وحطيت الموبايل جنبها وابتديت افوقها أول ما فاقت فضلت بصالي وهى خا'يفه وسألت ع الفون قولت لها كان واقع ع الارض جبته لكي اتخضت. ولما شافته لقيته مقفول اطمنت قولتلها حرارتك عاليه حاولى ترتاحي ومتقربيش من الولد احسن يكون اللى بيحصل لكم ده نتيجه فير'وس او حاجه معديه'
أنا مش عارفه المفروض أعمل ايه خليك جنبها يا مروان وانت يا عبدالرحمن خليك جنب مراتك سناء منهارة و انجي حامل والزعل غلط عليها أنا هخلي السواق يوصلني ع اذنكم
هروح أطمن ع سناء واطلع ع المستشفي ع طول
سناء ….
كنت قاعدة ببكي ع اللى بيحصل لنا عمتي فى لحظه يحصل لها كل ده ولقيت فجأة الباب بيخبط. ودخلت جيلان وقالتلي
أنا جايه اطمن عليكي قولتلها المهم دلوقتي عمتي
لقيتها بتقولى دى لمياء وقعت اغمي عليها ويادوبك لسه بتبدأ تفوق قبل ما اجيلك ع طول وحرارتها عاليه
أنا شا'كه ان فى فيروس هو اللى بيعمل كدا لازم تخا'فوا ع اولادكم أنا مرضتش اخضهم' بس الأفضل نشوفوا بيت غير ده والبيت هنا كله يتعقم' أنا هقوم أروح ل عمتو بقي
قولت لها كتر خيرك واحدة غيرك بعد اللى عملوه معاها كانت 😔 اتفاجأت بها بتقولي
جيلان. …
ضحكت ل سناء وقولت لها
ومن أعمالكم سلط. عليكم …. مليون سلامه عليكي يا قمر
يلا بقي شدي حيلك كدا علشان تقدري تكملي
لقيتها اتخضت. وبتقولى قصدك إيه
قولتلها قصدى تخلي بالك من نفسك ومن اللى حواليكي إنتي شايفه بنفسك انجى منهارة. ع مامتها ولمياء حرارتها عاليه ومامتك ومرات عمك ناس كبيرة يبقي المطلوب انك تقفي ع رجلك وتخلي بالك منهم يلا سلام بقي علشان مش اتاخر
وخرجت من عندها وأنا كلي يقين ان هى اللى بتعمل كدا
سناء….
من كلام جيلان ليا حسيت أنها عارفه باللي عملته بس ازاى معقوله تكون عرفت ان لمياء وعمتى هما اللى قتلوا' أبنها وكمان عرفت ان أنا اللى ببعت لهم الرسايل وبهد'دهم
أنا لما شوفت المنشور ع الفيس لقيت ان محدش له مصلحه' فى مو'ت أحمد غير لمياء وفى نفس الوقت هى عمرها ما تعرف تنفذ حاجه زى دى لوحدها وكمان هى يعتبر مخرجتش من يوم رجوع مروان من السفر إلا مع عمتى وانجي ومكنتش قادرة أصدق أنهم ممكن يعملوا حاجه زى دى فكرت اقول ل أبويا الأول بس قولت لما اتأكد
وتانى يوم خرجت بحجه اطمن ع مستوي الأولاد فى المدرسة واشتريت خط ورفضت اسجله بإسمي وباعت الصورة ل لمياء وتوقعت أنها هتقول للكل علشان يدوروا ع اللى عمل سحر للولد لأن كان عندى امل تكون ملهاش يد فى كل اللى حصل له
لكن انصد'مت لما لقيتها تكمت. عن الموضوع ونازله وشوشه مع عمتي وصممت أكمل فى اللعبة. علشان يكون دليل قوى عليها وأعرف عبدالرحمن باللي حصل
لان ابويا لو عرف ممكن يقتلها' او ع الأقل يطلقها. من مروان والبيت يتقسم وساعتها عبدالرحمن يطلقني
وفكرت أنها لو قدرت تدفع الفلوس إنى اديهم ل جيلان كأنها ديه أبنها بس من غير ما أعرفها اى حاجه وساعتها يبقي العيلة تفضل ايد واحدة
لكن اللى حصل ل عمتى حسسني بالذ'نب بالذات لما عرفت ان حالتها النفسية هى السبب مقدرتش اتحمل. وفضلت ابكي أنا السبب فى اللى وصلت له عمتي
مروان….
طلبت من الكل يخرج من الاوضه علشان النفس ونسيبها ترتاح وطلعت لهم وقولتلهم إنى شا'كك تكون دى أعراض كورونا ويبعتوا حد يعقم. كل البيت والاوض ولازم نخلي مسافة بينا علشان العدوي.
ولقيت عمي وهدان قالي قصدك ان بنتي عندها كورونا لا أوعى تفول عليها هى زى الفل دى حزينه ع عمتها بس
قولت له أهدى يا عمي ده مجرد تخمين. وحتى لو كورونا ده بقي لها علاج وتبقي كويسه متخفش كدا اطمن وبعدين مفيهاش حاجه لما ناخد احتياطنا …
عبدالرحمن ….
روحت ل أنجي البيت لأنها أول ما شافت لمياء وقعت خا'فت وحطت ايدها ع بطنها قولت لها روحي انتى وأنا هجيلك
وبعد ما لمياء ما ابتدت تفوق ولقيت أول حاجه سألت عليها هى الموبايل فهمت ان فى رساله جديدة وصلت لها بس مكنش ينفع ابين حاجه وخصوصا وكلهم موجودين وبمجرد ما طلب منا مروان أننا نخرج نزلت روحت ل أنجي لقيتها
بتبكي جامد وتقولي أنا ماليش حد غير امي لو جري لها حاجه عمي عثمان هيعمل فينا إيه مش كفايه طول عمره سا'رق فلوسها فاضل ايه يحصل تاني يرمينا فى الشارع
قولت لها عمك عثمان قاعد فى المستشفي جنبها ومستعد يسفر أمك تتعالج بره وجيلان لما جبتها هنا كان علشان تبعت ل باباها الاشعه وتقارير الدكاترة وتفهم منهم ايه العلاج الأنسب لحالتها صحيح عمك عثمان له تصروفات مش مقبوله لكن وقت الجد هو بيساعد وعمر الد'م ما يبقي ميه
وفضلت أهدى فيها وبعدين سألتني عن لمياء قولت لها خليكي هنا بلاش تروحى البيت هناك لأن مروان شا'كك ان اللى بيحصل للكل ده سببه الكورونا وهنتصل بشركه تيجي تعقم. لنا البيت
جيلان. …
أول ما وصلت المستشفي حكيت ل عم عثمان كل اللى حصل ل لمياء وسناء وقولت له أنا نبهت ع سناء تحاول تبعد الأولاد عن البيت لأن شكل اللى بيحصل ده سببه فير'وس لقيته أتصل ع مروان علشان يعرف منه مراته وأخته عاملين ايه
ومروان قاله أنه شا'كك فى وجود كورونا ولازم البيت كله يتعقم. قال له أعمل اى حاجه المهم تحافظ ع الأولاد معنديش استعداد ان حد تانى يجري له حاجه مش هتحمل
مجرد ما قال كدا دموعي نزلت وبعد ما قفل معاه قولتله حاول تأجر شقه وأنا هعقمها. بنفسي وهعقم. الأطفال كمان وخلي بالى منهم قالي
كتر خيرك يا بنتي والله من غيرك معرفشي كنت هعمل إيه واتصل ع الغفير وقاله روح أفتح الشقه اللى فوق المخزن بتاعنا وخلي حد ينضفها يلا بسرعه
وقالي ان شاء الله من بكره تشوفي الشقه وعقميها. وأى حاجه محتاجه لها اطلبي أنا اهم حاجه عندى هما احفادى
قولت له اطمن دول فى عنيا محدش هيقدر يحافظ عليهم غيري اطمن وأحنا قاعدين لقينا الدكتور جه
وقال لنا ……. .. ….. !!
عمووو عثمان الحقني يا دكتور عمو متحملش الخبر .