رواية من اجلك
الفصل الثالث والعشرون23
بقلم سعيدة عكاشة
<إباء صحت من النوم وقررت إنها هتمشي لمهاب الشركة عشان تعترف ليهو واليوم كان احلى يوم بالنسبة ليها>
إباء وهي بتعاين لروحها ف المراية=مهاب متذكر يوم م اعترفت لي وانا م رديت؟ جيت ارد اسي واقول ليك بحبك اوف لا دي م ظابطة طيب اقولها كيف؟ اسأل يونس؟ لكن هو زاتو اكعب مني م هيعرف المهم همشي هناك والكلام هيطلع براهو
<إباء مشت الشركة ولقت يونس ف وشها>
يونس=إباء؟
إباء=صباحو
يونس=كيف جيتي وكيف عرفتي المكان اصلا
إباء=مرتضى جابني
يونس=امم طيب جاية ليه؟
إباء=د معناهو اطلعي ولة شنو
يونس=اصبحنا واصبح الملك لله انتي مالك بتفسري اي شي ع كيفك، المهم مهاب لو شافك هنا م هيخليكِ وانتي عارفة
إباء=هو لو عرف انا جاية ليه م هيعمل لي شي م بعيد يهديني زاتو
يونس=جاية ليه
إباء وهي بتهمس ف اذنو=جيت ارد عليه
يونس=م تقولي لي انك قاصدة الفي بالي
إباء=ياهو زاتو
يونس=تعالي يلا اوريك المكتب عايز احضر اللحظة التاريخية دي
<يونس وإباء مشو المكتب>
يونس وهو بيفتح الباب=جبت ليك حاجة هتشكرني عليها لدرجة......
إباء=مالك سكت
يونس=إباء رأيك شنو ندخل بيد فاضية نجيب ليهو قهوة عشان لو بدا يعصب يهدا بقهوة<بيتكلم بصوت عالي>
إباء=ع فكرة انا جنبك هنا م بيفصلني منك الا سنتمترين م ف داعي للصريخ د كلو وزاتو هو م هيعصب انا هدخل
<إباء لزتو ودخلت وهي بتتجاهل إنو يونس بيناديها>
إباء=مهاب؟
<إباء لمن دخلت لقت مهاب بيحضن ف واحدة>
مهاب=إباء انتي جيتي متين
إباء=جيت عشان اشوف قذارتك دي
مهاب=انتي فاهمة الموضوع غلط م ف ولا شي من الفي بالك
<إباء خلتو وطلعت قبل يكمل كلامو>
<ف القصر>
إباء=انا الهبلة الصدقتو هو اصلا زعيم مافيا هيجيب الاخلاص من وين اذا هو بيقتل من دون م يرمش انا هاخد مصطفى واطلع واللي يحصل يحصل
<ف الشركة>
مهاب=انت ليه م كلمتني انها جاية
يونس=انا زاتي م كنت عارف لقيتها فجأة ولمن شفت انو ف بت قاعدة عليت صوتي عشان تسمع وبعدين دي منو
مهاب=دي اخت مرتضى طلع مرتضى عندو كانسر و م موري زول وعشان قلت هعفيه من الشغل براتب مدفوع وكمان هعالجو هي عملت العملتو وانت عارف مشاعر البنات المهببة الودتني ف ستين داهية
يونس=متلصقة فيك بصمغ؟ شنو هو ليه م بعدتها
مهاب=اول م هي جات هي حضنتني
يونس=امشي لإباء اكيد بتكون زعلانة
مهاب=تمام
<مهاب مشى لإباء و م لقاها سأل مرتضى وقال انها دخلت>
#من_أجلك💙
#بقلم_سعيدة_عكاشة
باقي بارت《20》والأخــــــير
<مهاب مشى لإباء و م لقاها سأل مرتضى وقال انها دخلت>
مهاب=اختفت وين طيب، هشوف غرفة مصطفى
<مشى غرفة مصطفى ولقاها بتفصل الاجهزة منو>
مهاب=انتي بتعملي ف شنو انتي جنيتي اخوك هيموت لو بعد عن الاجهزة دي ربع ساعة
إباء=انت م دخلك هو اخوي ولة اخوك
مهاب=اي حاجة بتخصك بتخصني
إباء=انا م زي الزبالة العندك عشان بكلامك المعسول اصدقك والله اعلم لسه كم بت كذبت عليها
مهاب=انتي افهمي الموضوع وبعدها ابقي لوميني
إباء=م عايزة افهم شي انا هطلع من حياتك وكأني م دخلتها
مهاب=د ف الاحلام
إباء=هنشوف<وعايزة تكمل تفكيك اجهزة من مصطفى>
مهاب=انا م عايز اتهور زي كل مرة انا ضابط اعصابي بالعافية اسي شنو الدخل مصطفى ف مشاكلنا
إباء=هاخد مصطفى واطلع من السجن د
مهاب=إباء بس خليني اشرح ليكِ ولو عايزة تمشي امشي
إباء=حلو بس اوعدني انك بعد تقول العندك هتخليني امشي
مهاب=اصلا بعد تفهمي انتي هتعرفيني م غلطان و م هترضي تمشي
إباء=انا عايزة وعد قلت
مهاب=وعد
<مهاب حكى ليها كل شي>
إباء=مرتضى من متين عندو كانسر
مهاب=حتى انا م عارف شكلو م وراني عشان لمن يمشي بتعالج وكدة م افصلو و م ف زول هيقدر يتحمل مسؤلية اختو
إباء=طيب اسي هتعمل شنو
مهاب=هعفيه من الشغل وهدفع ليه مصاريف العلاج والراتب هيكون زي م هو
إباء=طلعت حنين ي ولد
مهاب=طالما قلتي ولد يبقى م هتمشي صح
إباء=افكر
مهاب=إباء انا برميك من الشباك م تلعبي بأعصابي
إباء=يرضيك أموت؟ وتاني البتعرسك منو
مهاب بإبتسامة بلهاء=نعم؟
إباء=شنو هو النعم زي م فهمت
مهاب بخبث=م فهمت شي
إباء=ع فكرة انا الهرميك من الشباك
مهاب=لو قدرتي تحركيني سنتي واحد احمدي ربك
إباء=عارف نفسك ضخم
مهاب=د م موضوعنا كنتي عايزة تقولي شنو
إباء=نسيت
مهاب بتهديد=إباء
إباء=خلاص خلاص خليني اجهز دواخلي واقول ليك
مهاب=انتي هتطلعي ارنب؟ هي كلمة واحدة بس قوليها
إباء=انتظر يخ
مهاب=طيب منتظر نشوف
<إباء كانت واقفة جنب الباب وجرت نزلت تحت مهاب وهو وراها>
مهاب=إباء انا لو مسكتك هندمك يوم انك جريتي
إباء=اول اتعلم تجري حتن نشوف لو هتمسكني
<مهاب وقف>
مهاب=د كلو عشان كلمة بحبك م تقوليها ولا عايز<وعمل روحو عايز يمشي>
إباء=هي لا انتظر طيب بحبك
مهاب بخبث=دي م مقبولة لانها تحت التهديد قوليها تاني
إباء=مهاب
مهاب=غيرت اسمي يلا قولي تاني
إباء=كفاية