رواية من اجلك
الفصل الخامس5
بقلم سعيدة عكاشة
<إباء أثناء م بتفتش ف الملفات لقت ملف مكتوب فيه القيصر بالانجليزي وعليه علامة خطأ أحمر>
إباء=ويقولوا ليك م عندنا معلومات طيب د شنو
<فتحت الملف وبدت تقراه واكتشفت العكس تماما الشرطة طلعت عارفة عن شركة العصاير وانها واجهة لكل اعمالو الاجرامية وعارفة هو بيتعامل مع اي نوع من المافيا وانو ليهو يد يمين بس م عارفين عنو شي شخصي>
إباء=شركة المنهل؟ بس شنو جاب شركة عصاير للمافيا انا ما فاهمة شي<اثناء م هي بتتكلم مع روحها سمعت صوت خطوات زول فورا رجعت الملفات وبقت عاملة روحها بتشرب موية>
مرتضى=لو عايزة خدي لفة ف الطابق التاني من القسم
إباء=هو قسم م منتزه يعني شنو الحلو فيهو؟
مرتضى=تصدقي اني غلطان لاني بحاول اطلعك من جو الزهج د
إباء=المهم انا ماشة
مرتضى=تمام ولو جا خبر عن مصطفى هوريك
إباء=تمام
<طلعت إباء وبمجرد م طلعت جا اتصال من مصطفى>
مرتضى=ليك يومين م اتصلت انت كويس
مصطفى=انا كويس انت وابوي وإباء كيفكم
مرتضى=كويسين بس إباء قلقانة عليك شديد
مصطفى=إتطمن انا اتقربت من القيصر اكتر بسبب المداهمة العملتوها ديك
مرتضى=والخطوة الجاية شنو
مصطفى=اكسب ثقتو
مرتضى=الحكاية صعبة
مصطفى=بس م مستحيلة المهم انا هقفل
مرتضى=بالتوفيق
<قرر يمشي عناس إباء العصر ويوريهم>
<عند مصطفى>
رامح< د واحد شغال مع مهاب بس يقى صاحب مصطفى>=م اتوقعت نكون ف المكان د بالسرعة دي
مصطفى=حتى انا
رامح=شكلو الموضوع سهل لان لحدي اللحظة القيصر م قال شي
مصطفى=امم الشخص البيمشي معاه دايما كان اسمو منو نسيت
رامح=يونس
مصطفى=ايوة صح
<عند يونس>
يونس=الو، كيف الكلام د، معاك الاحداثيات؟، م تجيب لي معلومات ناقصة عشان لو طلعت غلط مهاب هينتهي مننا الاتنين(كيف يعني تطلع ذبذبات ونحنا م عندنا اجهزة اصلا تحت الارض)
<مصطفى والعشرة الباقيين ودوهم مكان تحت الارض عشان يكثفو تدريبهم>
مهاب=مالك لونك مخطوف
يونس=م ف شي بس ف حاجات نقصت ف مكونات العصير
مهاب=اطلبهم من محل م كنت بتجيبهم وين الصعوبية
يونس=ايوة كنت بفكر كدة
مهاب=تعال نطلع البار
يونس=الساعة 12 ظهر ع فكرة
مهاب=ويعني؟
يونس=طيب ارح ارح
<مهاب ويونس طلعو وهم ف الطريق مهاب لمح ليه واحدة بتتشاكل مع ولد وبقى يصفر ليهم عشان يبعدو من الطريق لانهم كانو ف نص الطريق ولمن م بعدو كلم يونس ينزل ليهم>
يونس=الحاصل شنو
الولد=الآنسة كانت قربت تضربني بعربيتها وبعد د كلو شغالة لي انت الماقاعد تعاين وانت الغلطان
البت=انا قربت اضربك بس م ضربتك صح؟ خلاص مالك عامل موضوع
الولد=ع الاقل اعتذري
البت=انا م عملت شي اعتذر عليهو
يونس=خلصونا ورانا موضوع انتي اعتذري وانت طير من هنا
البت=م هعتذر ولو ع جثتي
<مهاب نادى ع يونس>
مهاب=الحاصل شنو
يونس=ف مشكلة بين ولد وبت
مهاب=يعني انا م شايفهم ولد وبت؟ اقصد المشكلة شنو
يونس=البت كانت ع وشك تضرب الولد و م راضية تعتذر ليهو وهو م راضي يتحرك الا تعتذر
مهاب=تسوق ليه وهي م بتعرف زح انا ماشي ليهم
<مهاب نزل والبت م كانت منتبهة طبطب ع كتفها عشان تنتبه ليهو وهي بحركة سريعة لفت ليهو يدو ورا ضهرو>
البت=انت منو عشان تلمسني
مهاب=م تخليني اقلب الدنيا فوق راسك واكسر ليك يدك<البت فكت يدو>
الولد=شايف هي دايما بتغلط
البت=انتو الدايما بتغلطو
<مهاب صلح بدلتو ورفع راسو يعاين ليها واول م شافها سكت>
الولد=د مالو
البت=م اكون عملت ليهو حاجة لمن لفيت يدو
الولد=اصلك بتاعة مصايب
<البت لوحت بيدها وطقطقت اصابعها>
مهاب=نعم
البت=شنو هو النعم بتلمسني مالك
مهاب=عايني ورانا مشوار مهم خلصو شكلتكم ف طرف الطريق انا م فاضي ليكم
البت=غير طريقك انت
مهاب=عايني ي...
البت=إباء، إسمي إباء
مهاب=إباء ابعدي لان انا م عايز اعمل شي تندمو عليه انتو الاتنين واوقعكم ف مشاكل اكبر من الانتو فيها دي
الولد=انا اصلا م عايز اعتذارك زاتك واحدة عنيدة(🤣💔الولد خاف)
إباء=من زمان مالك طيب
مهاب=طالما خلصتو ابعدو خلو الخلق تمر
<إباء ساقت عربيتها ومشت البيت ومهاب غير طريقو تجاه الشركة>
يونس=د م طريق البار
مهاب=ايوة م عايز امشي غيرت رأيي
يونس=واسي ع وين
مهاب=ع الشركة ف اجتماع مهم عايز اعملو اونلاين
يونس=تمام
<ف الشركة>
مهاب=الاسبوع د م هنصدر اسلحة لان الشرطة بقت بتصدها دايما والاسلحة تهريبها صعب اتكلمو مع المافيا والغو الصفقات
<و بعد نص ساعة خلص الاجتماع ومشى يشوف تدريب الناس الكانو تحت الارض>
<مهاب لاحظ لمصطفى وانو م بيغلط ف تصويبو وحركاتو ف البوكسينق كأنو متدرب>
مهاب=يونس الزول رقم ١٥ اسمو منو
يونس=طارق
مهاب=رسلو لي المكتب
يونس=طارق، القيصر عايزك
<مصطفى عند مهاب>
مهاب=وين اتعلمت مسك السلاح والبوكسينق
مصطفى=البوكسينق اتعلمتو ف الجيم اما مسك السلاح والتصويب علموني الشباب هنا
مهاب=باين عليك متمكن
مصطفى=بتعلم سرعة
مهاب=تمام اتفضل
<مصطفى طلع وعرف انو مهاب بيكون شاكك فيه>
مهاب=عايزك تفتش ورا الاسمو طارق د
يونس=تمام
<يونس فتش واتأكد انو كلامو صح لان فتش ع اساس انو طارق ومصطفى ف الاستقبال عرف عن طارق معلومات عن طريق مرتضى>
يونس=طلع نضيف م عليه شي
مهاب=طالما كدة يبقى هنستفيد منو كتير
يونس=للدرجة دي؟
مهاب=واكتر، كثف عليه التدريب واي عملية خطيرة لازم يكون فيها طارق
يونس=م حاسس انك متسرع ف الحكم عليه؟
مهاب=لا كدة بتأكد
يونس=طيب بس م عرفت كيف حليت مشكلة الولد والبت
<مهاب اتذكر إباء وتاني سرح>
يونس=مشيت وين
مهاب=عايز اقعد براي اتفضل
<يونس طلع بدون اي سؤال>
مهاب=إباء، اسم مختلف وحلو وعيونها احلى<اتغيرت تعابير وشو من ابتسام لحزم> د م وقت بنات اصحى ي مهاب اسم شنو وعيون شنو
<إباء مشت البيت ونامت والعصر جاهم مرتضى ووراهم انو مصطفى اتصل>
إباء=الحمدلله اتطمنا عليه
رائد=وريتك انو هيكون كويس
مرتضى=طيب انا همشي
إباء=اشرب شاي ع الاقل
مرتضى=معلش وراي امور عايزة حل
رائد=اشرب شاي إباء والا هتندم لانك فوت تحفة فنية
مرتضى=انا خايف اشرب واموت
إباء=سمعت بي شاي قتل ليهو زول
مرتضى=لا هيبدا بيك انتي
إباء=م تشرب زاتو
مرتضى=خلاص م تحنسيني جيبي كباية عشان احكم
#من_اجلك💙
#بقلم_سعيدة_عكاشة
باقي بارت《5》
مرتضى=خلاص م تحنسيني جيبي كباية عشان احكم
إباء=انا م حنستك ع فكرة
رائد=بطلو لماضة يلا ضيفيه
إباء=مع انو م يستاهل بس تمام
مرتضى=اننننن
<إباء عملت الشاي وجات>
مرتضى=طلعتي ست بيت شاطرة
إباء=اصلا عارفة
مرتضى=بجامل
إباء=رجع الشاي اسي
مرتضى=عمي بتك دي م بتحترم الاكبر منها
إباء=الاكبر مني لو احترم نفسو بحترمو
رائد=قومو دقو بعض منتظرين شنو يلا
إباء=هو الغلطان(حواراتها كلها عبارة عن فلان غلطان🙂)
مرتضى=انا م هرد عليك لانك شافعة
إباء=لانك عجوز و م عندك رد
مرتضى=ي زولة كفاية اهانات انا طاير
رائد=اقعد ي ولدي
مرتضى=زي م وريتك وراي شغل معلش مرة تانية
إباء=طيب وشكرا ع الزيارة
مرتضى=ولو