رواية رهان الحب
الفصل الاول1
بقلم جمانه السعيدي
اعرفكم على نفسي اني وكعت ضحية رهان سخيف من شلة شباب ماعدهم اي مبادى او اخلاق
بس رب العالمين نجاني منهم
اني اسمي انوار مواليد ٩٣ بيضه وملامحي كلش حلوات
طولي ١٦٦ جسمي متناسق
احنا من عائله جدا محافظه من سكنت محافظة النجف
من اني زغيره واني لابسه حجاب من اطلع
ولمن وصلت سن التكليف لبست عبايه
من اني زغيره اصلي واصوم ابد ما مطلوبه لا صلا ولا صوم
صحيح ابوي مو رجل دين بس انسان متدين ويستحرم
ومايغلط بحق احد
امي مخلصه متوسطه
بت عم ابوي ازوجها وهي بعمر ١٥ سنه وهو كان عمرا بوقته ٢٤
ابوي يشتغل مصلح سيارات
عندي ٣ اخوان كلهم اكبر مني اني ازغر وحده ولمددله
كل اهلي يحبوني ومايرفضولي طلب ابد
اني كنت اروح للورشة وياا بابا واعرف بلسيارات
هلكد مامركزه بشغل ابوي
واعرف اذا السياره عطلت شنو المشكله
لا تستغربون من عمر خمس سنوات الحد ١٢ سنه واني اروح للورشة وياا بابا
واعرف هواي شغلات بلسيارات
اخوي الجبير اسعد يشتغل وياا بابا هو وامجد
اسعد مزوج وعندا اطفال ثنيين
والوزغير احمد ماحب هاي الشغله
يريد يفتح مشروع خاص بي
وحاليا كاعد مايعرف شنو يشتغل
لاشغل ولا تعيين بس نوم مخلص الوقت
اني من عمر ١٧ سنه بيت عمي هواي يلمحون بموضوع خطوبتي
يردوني الابنهم الجبير
هاشم جاي يدرس هندسه
مرحله ثانيه منتضرين يتخرج ويتقدمولي
بيت عمي من سكنت محافظه النجف
وهاشم دائما يلمحلي هو معجب بيه
بس هيج على الهامش اني وياا لاكاعدين ولا حاجين سوا
ابد مجرد نضرات منه اليه
واني الصراحه ماماخاذه الموضوع جديات
لان اني ماناقصني شي حتى ادور علي
اهلي حيل يحبوني وموفرلي كلشي وسعيده بحياتي وياهم حيل
ماناقصني حب او اهتمام حتى ادور علي
وهاشم هم مايلح بهذا الموضوع
مجرد نضرات اعجاب من يجي علينا
لا اكثر ولا اقل
وهو هم مايجينا دائما
كل شهر مره او مرتين
حسب فرغته يمر على الولد ويصير بينا سلام عادي
واني هم مجرد سلام مااكعد واحجي وياااا
بس احترمه لان هو انسان محترم
وماعنده سوالف موزينه
جمانه السعيدي
من خلصت مرحله ثانيه بلكليه كلية تربيه
اتوفا بابا بليل نام والصبح حاولنا نكعده بس كان الموت سابقنا اله
هاي اول صدمه نتعرضله بحياتنا كله
رغم اخواني كبار اسعد ٣٠ سنه وامجد ٢٨ واحمد
٢٦ سنه
بس بوجود بابا كلنا نحس احنا ازغار ومحتاجين احد يسندنا
امورنا حيل اتخربطت
بابا كان ساندنا كلنا ونحس بلقوه بوجوده
بعد هاي المرحله بدت امورنا الماديه تنهار
ووضعنا اتغير
بدت اتصير مشاكل بيتنا
وخاصه الولد تصير مشاكل علمود مصاريف البيت
كل واحد يكول شمعنا اني
واحمد منطيهم الطرشه مايقبل يطلع يشتغل
وهذا الشي سبب مشاكل بعائلتنا
شكد احنا كنا عائله جبيره
اخواني ٣ واني وامي وابوي ٣ وزوجت اخوي واطفاله ٣ يعني تسعه
بس بابا ابد مااشتكا من المصرف لو كال هواي
لو كال ماعندي
بلعكس كنا ناكل احسن اكل ونلبس احلى لبس
ونروح للزياره
عدنا خير شكد ما تتوقعون
وكانما مو تصليح سيارات عبالك عدنا كنز مايخلص
يمكن البركه راحت وياا بابا
امي تعبت من المشاكل وصار عدها ضغط
تغيرت حيل بعد موت بابا
المهم امي كانت تتصل بااهله وتشكي الحال والمشاكل
والتقصير الي جاي يصير بلبيت
اهل امي بلكوت
خوالي ثنيينهم يداومون مراكز عاليه بلبرلمان
واحد مدير مكتب وواحد مدير علاقات عامه
لان امي تصير اختهم الجبيره كان اله قدر عالي عدهم
اقترحو على امي تجي للكوت جمانه السعيدي
وهم يعينون اخواني
أمجد واحمد وحتى هي ممكن يخصصوله راتب
امي عرضت هذا الموضوع علينا
تريد تشوف نوافق لو لا
اسعد الجبير.....اني ابقى هنا وعلى شغل ابوي وابقى بيتنا
وانتم رحو واذا ماعجبكم الوضع البيت موجود
أمجد...حيل رحب بلفكره وعجبته لان شغل السيارات متعب حيل
احمد ...طار ماصدك راح يتوضف
اني هنا كنت مخلصه مرحله ثالثه وداخله على المرحله الرابعه
اما هاشم ابن عمي خلص كليه ومنتضر التعيين حتى يتقدملي
اني موضوع هاشم ابد مشاغل بالي
ولا حتى افكر بي
ماعندي اي مشاعر اتجاها
بس احترمه
المهم راح احمد حتى يشوف سكن بلكوت وكون قريب على خوالي
بقا هناك تقر يبا اسبوعين يله حصل بيت قريب على خوالي
بس مو جبير
١٥٠ متر بس بناته كلش حلووو
خوالي تبرعو يشترولنا اثاث لان اثاثنه راح يبقى الاسعد
تقاسمو خوالي بينهم الأشياء المهمه
طباخ وكاونتر وثلاجه وفراش
واحنا جبنا ويانه بلازمه وصوبه وكم قطعه فراش انام علي
وانتقلنا للبيت الجديد
بقا بس اسعد وعائلته بلبيت
بدو خوالي يمشون بتعيين اخواني
تقريبا شهر وتعينو اخواني ثنيبنهم
وامي صار عدها راتب رعايه اجتماعيه
يعني البيت بي تقريبا ٣ رواتب
كعدنا واستقرينا ولله الحمد
امورنا الماديه صارت ممتازه
وخوالي ابد ماينسونا بلمسواك على طول
وينطنون امي مصرف كل أسبوع
سحبت أوراقي من النجف وانتقلت الجامعه الكوت
هاي اخر مرحله
خوالي كالو بس تتخرجين راح نشوفلج تعيين
بديت اداوم بس مانزعت عباتي اداوم بلعبايه
شلون اني لابسه عبايه بلشارع وانزعه بلكليه
ذوله الشباب الي داخل الكليه
مو زلم
اني اصلا جنت اداوم بلكليه بلنجف بعباتي لان عدنا استاذه
رغم الكليه كانت للبنات وبس
حسيت الكل مستغرب شكلي والكل عينهم عليه
اني حتى مكياج مااخلي
لان اني بشرتي ناعمه وصافيه وملامحي حلوات
اني اصلا مو هلكد احب المكياج
اول دوامي الاستاذ سئلني
انتي ابوج شيخ
انوار...لا
....معمم
انوار...لا
....مدرس حوزه
...انوار. .لا
كان مستغرب مني لان اداوم بلعبايه
الوحيده بهاي القاعه اني لابسه عبايه
والولد كلهم يحترموني ولا يحاولون يتحرشون بيه
واذا ادخل للقاعه يبتعدون عن الطريق
واذا اكو شغله تخصني يكولون للبنات وهنا يوصللي الشغله
بلبدايه ضجت لان مامتعوده هنا
وصديقاتي كلهن بقن بلنجف
ولأن النضرات عليه بكل مكان
كنت اضوج الحد مافتره وتعودت وهمه هم تعودو عليه
هسه نجي للشله التعبانه
الي ماعدهم شغل بس يتراهنون على البنات
ويسوون علاقات حتى يضيعون وقت
ولا مايفكرون بمشاعر البنات
واذا هنا يحبنهم من صدك
اهم شي يغيرون جووو ويتونسون
جمانه السعيدي
رائد ...رئيس الشله راسب خمس سنوات طول فترت دراسته ابو عندا مطعم وهو ازغر واحد
المدلل شيطلب ياخذ عندا سياره حديثه
ويتفيك بيه على البنات يعرف بنات بكد شعر راسه
اسامه....من طبقه متوسطه راسب اربع سنوات طول فترة دراسته صديق رائد من ايام المتوسطه
حليم...هذا فقير ويمشي وياهم حتى يتونس ويصرفون علي
راسب سنتين طول فترة دراسته
اخير واحد مهيمن....هذا ابو شهيد وهو وحيد امه
امه مزوجه وعايش وياا زوج امه
عنده عقد من النسوان ويريد بس يسوي علاقات
ويقهر البنات
مايهمه مشاعر البنات يفرح اذا يشوف وحده جاي تتعذب
هاي الشله التعبانه كانت تروح للجامعه حتى اضيع وقت
واي وحده تصادفهم يتعاونون عليه
حتى يتسلون ويغيرون جووا
هلمره الرهن راح يكون على انوار