الشيخ درويش….
حاسس بألم فظيع' بقي فى جسمي كله ومش قادر أركز وقولت لها شيلي الحقنه دى وأنا هحكيلك كل حاجه ومن غير فلوس لقيتها قالت ….
جيلان….
متخا'فشي قولى كل حاجه وانت ترتاح واوعدك الأ'لم هيروح ع طول أنا مش عاوزة منك غير انى أعرف مين اللى له مصلحه' فى مو'ت ابني
ولقيته حكالى كل حاجه من البدايه وان لمياء مكنتش طيقا'ني ولا طا'يقه أحمد وهى اللى طلبت أنه يمو'ت نا'ر الغيرة كانت هتمو'تها لكن اللى كان لها مصلحه' حقيقيه هى إحسان لأن الفلوس اللى بيصرفها عثمان دى كلها بتاعتها هو سا'رق ميراثها وميراث ولادها وهى كانت متأكدة أنك عاوزة تسر'قي فلوس عثمان اللى هى فى الأصل فلوسها
قولت له تمام جه الوقت اللى انفذ فيه كلمتي شيلت الحقنه من رقبته' وقولت له خد البرشامه دى هضيع لك الا'لم كله
ودخلت الفلوس فى شنطتي وطلعت ازازة صغيرة وابتديت ارش منها حواليه فضل يبصلي ومستغرب
وبعد ما بلع البرشامه ابتدي يتشنج. قولت له متقلقش هترتاح خالص دلوقتي ضربات قلبك هتزيد. وهيحصلك شلل فى أعضاء جسمك لحد ما تدخل فى ذبحة' قلبيه شوفت انا رحمتك ازاى هخليك تمو'ت بسرعه والمادة اللى اترشت حواليك دى " حمص النتريك" ودلوقتي هرشها عليك وهتخلي جسمك متشو'هه يعني لما يلاقوا جثتك محر'وقه والطب الشرعي يشر'حك هيتقال انك اتخضيت لدرجه ان ضربات قلبك زادت ووقفت وهيقولوا ان الجن هو اللى و'لع فيك ودلوقتي جه الوقت اللى لازم ترتاح فيه
طلعت ولاعه' وولعت' فى هدومه وفضلت واقفه وأنا شيفاه قدامى مش عارف يصر'خ ولا يستنجد' بحد وفضل يتنفض. لحد ما نفسه وقف فضلت باصه له لحد ما النا'ر ما مسكت فى جسمه. كله وما'ت وبقي شبه الفحمه. السودة. وحمض النتريك دوب أجزاء من جسمه.
لو طولت او'لع فيه الف مرة مش كفايه جوايا نا'ر محدش يقدر يطفيها مكنتش شايفه قدامى غير صورة ابني وهو فى الكفن😔
خرجت من عنده بعد ما حطيت الطرحه السوده ع وشي وطلعت ورقه ب 200 جنيه مرشوشه ب مادة تعمل هلو'سه لأى حد يشم ريحتها وقربت من السكرتير بتاعه وحطيت ال 200 جنيه ع أنفه وقولت له اتفضل حلاوة ما اتحقق طلبي
قالي فلوسك ريحتها حلوة أوى قولت له بس انت أحلي وعجابني مشي الناس وخلينا قاعدين شويه مع بعض وأنا ادلعك وهديك كمان فلوس بس المهم توصي عليا الشيخ
وقف وهو بيفتح عينه بالعافيه وقال للناس الشيخ فى الخلوة. بتاعته مع ملو'ك الجان. تعالوا كمان ساعتين
أول ما خرجوا قفلت الباب وطلعت الكر'باج من الشنطه ونزلت فيه ضر'ب وبعدها طلعت من شنطتي ازازة بتاعة ميه بس مليانه بنزين' ورشتها عليه وع المكان وو'لعت فيه وفى المكان كله وطلعت وقفلت الباب من بره
واكتشفت لما مشيت ان فى كاميرات ع اول الشارع بره
خدت العربيه ومشيت ع طول رجعت القاهرة وتعمدت أنزل اعلانات بالأسعار التحاليل وارد ع التعليقات علشان اثبت وجودى أثناء اكتشاف' الجر'يمه إنى كنت فاتحه النت وكل ده كنت بعمله وأنا لسه فى الطريق وباعت رساله ع رقم واتس المعمل وقولت للسكرتيرة إنى اشتريت دلوقتي بلاطي جديدة للكل متخاليش. حد يمشي إلا لما يستلم البلطو والماسكات
وهدان….
كنت ملاحظ تعلق مروان ب لمياء ومبسوط بس مكنش عجبني أنه قاعد من غير شغل
قعدة البيت دى للحريم مش للرجاله ولما فتحت الموضوع مع لمياء فى وجود أمها لقيتها اضايقت وفسرت ده أننا عاوزين جوزها يسيبها ويروح ل جيلان
قولت لها بكرة ابنك يكبر وبدل ما يكون أبوه قدوة له وعاوز يطلع زيه هيلاقي أبوه قاعد فى البيت جنبك وكل اللى بيعمله أنه بيتفرج ع التليفزيون يابتي فكري فى المستقبل وفى ابنك
طب ع الأقل ممكن نفتح له عيادة هنا صغيرة ويبقي يروح العيادة التانيه مرة فى الأسبوع وخليه هنا ع طول باقي الأيام المهم أنه يشتغل
قالت حلوة الفكرة أنه يفتح عيادة هنا دى أنا موافقه
قولت لها المهم هو يوافق هو اللى هيشتغل وهو المفروض ينجح فى شغله ع الأقل علشان ابنه
أنجي. …
كنت قاعدة تعبانه شكلي أخدت برد وفتحت الفون بقلب فيه لقيت منشور وفيه صورة أحمد اتفز'عت وخو'فت حد يشوفوا تنكشف الحكايه كلها قومت روحت بيت خالى أقول ل لمياء وامي ومجرد ما وصلت ولقيت عبدالرحمن واقف فاتح الموبيل ومركز فيه محستش بنفسي الا وأنا
عبدالرحمن. …
كنت واقف وبشوف شركات رش المبيدات. الحشريه وبشوف عنوانهم ومرة واحدة لقيت انجى قدامى وقعت من طولها جريت شيلتها وناديت ع الكل حاولنا نفوق فيها ابتديت تفوق بس دايخه ومش قادرة تتنفس
شيلتها وروحنا المستشفي ومعايا عمتى واخوها عبدالله ولما اتعمل لها فحص لقيت الدكتور بيقولى مبروك المدام حامل
خدت أنجي بالحضن كنت حاسس كأن أول مرة اكون أب كنت مبسوط أوى وخرجت روحت الحسابات ومعايا عبدالله علشان نروح البيت وسيبت أنجي مع عمتي
عمتي إحسان. …
ألف مبروك يا بنتي ده يوم المني اللى أشوف فيه حفيدي بس خلي بالك من نفسك بقي لقيتها بتقولى
حكايه أحمد انكشفت' فى ناس منزله صورته ومكتوب عليها السحر. لو اى حد شاف الصورة هنروح كلنا فى دا'هيه
قولت لها تبقي كا'رثه أنا هتصل ع الشيخ درويش أول ما نروح ع طول وأكيد هو هيعرف يتصر'ف اطمني متفكريش فى حاجه غير فى نفسك وبس
عثمان….
كنت فى المخزن ولقيت وهدان داخل عليا وبيقولى عجبك يا عثمان عمايل أبنك دى بالاسم أنه دكتور وقاعد فى البيت زى الحريم اومال كان بياخد شهادة ليه
كلمه هو دلوقتي بقي عنده ابن المفروض يفكر فى مستقبله لو عاوز يسيب الطب يبقي يشتغل معانا
قولت له أنت فاكرني ساكت ده أنا صرفت أكتر من اتنين مليون فى توضيب وتجهيز العيادة وكل ما اتكلم يقولى انت عاوز تبعدنى عن مراتي وابني
لقيت وهدان قالي يبقي نفتح له عيادة صغيرة هنا المهم يشتغل بدل قعدته عاطل كدا
قولتله إحنا نكلم معاه وافق يشتغل نعمله عيادة رفض يبقي مصرفناش فلوس ع الفاضي كفايه اللى أتصرف
عمتي إحسان. …
أول ما رجعنا البيت قولت ل أنجي ارتاحي خليك معاها يا عبدالرحمن اوعى تسيبها أنا هروح أفرح الكل
روحت عند اخواتى وأول ما دخلت زغرطت ولقيت حمديه وسعديه وسناء قالولى خير فرحينا معاكي
قولت لهم بنتي طلعت حامل فى شهرين زغرطوا هما كمان وقالوا إحنا عاوزين البيت يبقي مليان عيال
ولقيت سناء قالت ألف مبروك ربنا يكمل لها ع خير عبدالرحمن نفسه يكون عنده عيال كتير
قولت لها خير ربنا كتير خلفوا عيال وفرحونا وانتى يا سناء بدل اتنين بس هاتيلك أربعه وخلي العيله تكبر وأسم جوزك يكبر ويعيش واستأذنت الكل وقولت لهم هطلع أفرح لمياء
أول ما دخلت اوضتها حكيت لها ع اللى عرفته ولما اتصلت بالشيخ درويش ادانى مغلق ومرة يديني غير موجود بالخدمه
طب وبعدين أنا كدا لازم اروح له بنفسي
لمياء….
قولت ل عمتي وبعدين تبقي مصيبه' لو مروان شاف المنشور ده الصورة متاخده فى أوضتي يعني أنا متو'رطه مش هعرف انكر' لازم يكون فيه حل
ونزلت معاها بحجه انى هبارك ل أنجي وأول ما روحت هناك لقيت عبدالرحمن جنبها قولت له
أنزل هات حلويات وخلينا نحتفل وأحنا هنا جنبها ومجرد نزوله شاورت ل عمتى بصت من البلكونه وشافته ركب العربيه قولت ل أنجي انتى لقيتي المنشور فين
قالت ليا ع جروبات الصعيد وفى ناس عامله له مشاركات كتير قولتلها وريني كدا فتحت الفون ووريتني المكتوب قولت ل عمتى بالشكل ده لازم الشيخ درويش يتصرف وإلا هو كمان هيروح' فى مصيبه' معانا ده لو مروان ولا عمي عثمان عرف تبقي نهايتنا لقيت أنجي قالتلي
عاوزة تخافي بجد يبقي من عبد الرحمن وجيلان هما دول الخو'ف منهم
قولتلها جيلان مهوسه بالشغل والفلوس ومش فاضيه للفيس اطمنى وعبدالرحمن الفترة دى هينشغل معاكي
جيلان….
دخلت المعمل ومعايا بلاطي وماسكات وكحول للتعقيم وسرنجات وكوبيات بلاستيك وقولت للسكرتيرة أنا من الصبح عماله أجمع كل النواقص والحاجات اللى عوزينها وزعى البلاطى ع الكل
وعوزاكى تكتبيلي اى حاجه قربت تخلص أول بأول
وقولت لها أنا داخله مكتبي ارتاح علشان تعبت من كتر اللف ودخلت المكتب وقفلت ع نفسي وفضلت أبكي ع إبني طفل ملوش ذنب. كل ذنبه أنه ابن مروان
كل ذنبه. ان جده عثمان سا'رق فلوس أخته حقك عليا يا حبيبي أنا اللى هجيب لك حقك وخليهم يند'موا ع اللحظه اللى فكروا يلعبو'ا فيها معايا
ومسحت دموعي وقولت لازم ارتب للخطوة الجايه
وأول ما فتحت الفيس لقيت 😲؟!!!
الفصل الثامن والعشرون
جيلان….
بفتح الفيس لقيت فيديو منشور بالحر'يقه ومكتوب أدى اخرة اللى بيتعامل مع الجن والعفاريت
وفى سيارات مطافي. وبو'ليس خو'فت أنهم يطلبوا مراجعه كاميرات الشارع قومت خرجت من المعمل بسرعه وروحت الكوافير وصبغت شعري أسود وقصيته وأول ما رجعت مسكت الفستان فضلت اقص فيه وبعد كدا حطيت عليه حمض النتريك لحد ما داب خالص وأفضل حاجه ان من وقت مو'ت ابني وأنا حاطه تربوه ع شعري يعني محدش هيعرف إنى صبغت شعري أصلا وأى دليل عليا خفيته
مش فاضل غير الإيميل الوهمي اللى كنت عملاه قفلته وكسر'ت الخط اللى كنت عامله الحساب عليه وكدا كدا الخط كان جديد ومحدش يعرفه
عمتي إحسان. …
كنا قاعدين وبنحتفل كلنا لقينا عبدالرحمن بيقول سبحان الله ومن أعمالكم سلط. عليكم
قولتله خير يابني فى ايه قال لنا فى دجال الجن. ولع' فيه هو والسكرتير بتاعه قولت له دجال ده منين ده قالي ده فى قريه جنبنا هنا مش عارفه قلقت وبصيت ل لمياء وانجي
جت لمياء قالت له
يا ستار معقوله فى حد بيصدق فى الحاجات دى أكيد نصا'ب وكان بيضحك ع الناس وريني كدا كاتبين ايه عن النصا'ب ده والله ممكن فى الآخر يكون الناس هى اللى عملت فيه كدا
عبدالرحمن ….
لقيت الكل عاوز يشوف الفيديو قولت لهم لحظه اوصل الموبايل بالشاشه علشان الكل يشوف وقعدت جنب أنجي وشغلت الفيديو أول ما بدء لقيت أنجي اتنفضت. وبصت ل عمتي اللى وشها جاب ألوان ولقيت لمياء حطيت ايدها ع وشها فهمت ان تصرفاتهم دى وراها حاجه مش مفهومه
معقوله يكون هما يعرفوا ولا يمكن شكل النا'ر خليتهم يخا'فوا
قولت لهم ده يستاهل وسمعت ان البو'ليس هيقبض. ع كل اللى الناس اللى اتعاملوا معاه لقيتهم بيبصوا لبعض ولقيت امى بتبص ل عمتى ولمياء
عثمان….
أهو ربنا و'لع فيه والناس اللى بتمشي فى طريق السحر. يستاهلوا الحر'ق زيه
جيلان….
اتصلت ع مروان وقولت له شركه التجهيزات الطبيه هترسل طلباتك فى خلال شهر بس كانوا طالبين الفلوس بالد'ولارات أنا حولت الفلوس اللى انت باعتها ليا مكملتش نص المبلغ حاول تحول ليا بالد'ولارات او ابعتلي المبلغ علشان الحق احوله أنا أخدت الميعاد بالعافيه لولا ان بابا يعرف المدير التنفيذى كان ممكن الشحن يتأخر أكتر من كدا
مروان ….
جيلان اتصلت وكلهم قاعدين ولما رديت لقيت ابويا قالي فلوس تانى خليك قاعد كدا تطلب وبس ومراتك هى اللى بتشتغل وبتعملك كل حاجه دى طلعت أرجل منك
بصيت ل لمياء قولت لها عجبك كدا مبسوطه باللي بسمعه ده لقيتها قالت ليا خلاص أول ما العيادة تجهز سافر أنا موافقه
قولت ل جيلان هبعتلك الفلوس وانتى حوليها واشكري باباكي ع مساعدته ليا وأول ما الأجهزة توصل أنا هجي العيادة وابدء الشغل لقيتها قالت
أنا عملت دعايه كويسه والمعمل عندى شغال لدرجه عملت فترتين يعني انت مش هتتعب فى الدعايه وهتتشهر. بسرعه
قولت لها طول عمرك شاطرة فى شغلك ودماغك حلوة
وقفلت معاها وأنا مخنو'ق من نفسي ايه اللى أنا وصلت له ده بقالي سنه ونص قاعد فى البيت وبالاسم كنت مستعجل ع العيادة أنا بحب لمياء ومش قادر ابعد عنها لكن المستقبل الحقيقي مع جيلان وبصيت للكل وقومت
لمياء….
مكنتش طا'يقه نفسي من كلام عبدالرحمن وعمي الموضوع هينكشف. علشان كدا قولت ل مروان سافر لما العيادة تجهز لحد ما نشوف حل للموضوع ده
سناء…
بعد ما مروان ما قام قولت سبحان الله هو أنا صحيح مش بحب جيلان بس طلعت أجدع من الرجاله واحدة غيرها بعد مو'ت ابنها صعب. تقف ع رجلها من جديد لكن دى سافرت ووقفت فى وسط الناس بطولها ووضبت العيادة وعملت لها معمل ونجحت فى شغلها والله برافو عليها
لقيت عبدالرحمن بيقولى فى ستات بياخدوا من ضعفهم سلم يقفوا عليه من جديد واللى زى دى قولتها بتزيد
عارفه اللى زى جيلان دى لو حد سر'ق منها فستان حتى لو مش بتستخدمه ممكن تو'لع فيه ما بالك بقي لو حاجه أكبر من كدا قولت له عندك حق
عمتي إحسان. …
كنت حاسه إنى خلاص همو'ت وعماله أفكر فى بنتي لو أتعرف الموضوع ده أكيد عبدالرحمن هيطلقها وعثمان أكيد مش هيديني فلوسي ده مش بعيد يقتلني"
طب وابني مصيره هيكون ايه وببص ل أنجي لقيتها بتبكي ولقيت عبدالرحمن بيقولها مالك صعبان عليكي الدجا'ل ولا الناس اللى اشتر'كوا معاه واتسببوا فى مو'ت أطفال ملهاش ذ'نب حسيت أنه عارف طب وبعدين لازم يكون فى حل
قولت لهم يلا نقوم نجهز الأكل بدل قاعدتنا دى
دخلت المطبخ أفكر فى حل مافيش غير إنى أخلص من عثمان وعبدالرحمن وبكدا هقدر ارجع فلوسي ومحدش يعمل لنا حاجه حتى لو الموضوع انكشف.
بس أنجي بتحب عبدالرحمن ومش هتسكت دى مش بعيد تبلغ' عني البو'ليس
حمديه…
كنت متابعه كل نظرات إحسان ولمياء وفهمت ان هو ده الساحر' اللى راحت له عملت عنده سحر المحبه ل بنتي
بس هى خا'يفه كدا ليه هى معملتش حاجه وحشه' فى مروان واهو ربنا كرمه ورزقه ب آدم أبنه زى القمر
دخلت وراء إحسان المطبخ كأني هساعدها وقولت لها هو ده اللى عملك الحاجه قالتلي آة
قولت لها وخا'يفه ليه أهو ما'ت والسحر. ادفن. معاه ومافيش دليل أنك عملتي حاجه
قالتلي اسكتي يا حمديه انتي مش فاهمه حاجه فى مصيبه' تانيه أكبر افرضي الموضوع أتعرف وقتها هيتقال ان ابنك أتجوز بنتي بالسحر' ومش بعيد ابنك وقتها يطلق. بنتي
أوعي تقعي بلسانك يا حمديه قولت لها متخافيش ولا منى ولا من عبدالرحمن ده بيحب أنجي من زمان
جيلان….
اتصلت ب محميه طبيعيه خاصه ب كليات العلوم والدكاترة واتفقت معاهم اخد بعض العينات من عندهم تساعدنى فى دراستي ….
وعدى اليوم وأنا مش متخيله أني قتلت' لكن دى لسه البدايه
اللى اد اللعب يتحمل وهما لعبوا ودلوقتي الدور عليا علشان الهدف فى الوقت المناسب
عبدالرحمن….
اتاكدت من تعبيرات وشهم ان هما يعرفوا الدجا'ل ومش بعيد يكون لهم يد فى مو'ت الولد الصغير
فضلت اتابع تصرفات الكل وصممت فى اليوم ده ابات مع سناء علشان أنجي تعرف إنى كشفتهم جايز تعترفلي. بكل حاجه حقيقي تبقي صدمه لو اكتشفت ان أنجي متو'رطه فى حاجه زى دى
لمياء …..
اليوم عدى وطلعت أوضتي نمت من كتر التفكير ولما صحيت لقيت رساله ع الواتس من رقم غريب
باعت صورة أحمد ومكتوب عليها كلمات السحر. ومكتوب تحت الصورة لو عاوزة محدش يعرف حاجه عنك وعن عمتك يبقي ادفعي مليون جنيه قدامك أسبوع
إلا الدفع او أبلغ أبوه الطفل وجده والبو'ليس ومجرد ما
استلمت الرساله باعت للرقم انت مين أنا معرفشي حاجه عن الموضوع ده لقيت الرقم باعتلي انارشامنصور مساعد الشيخ درويش وأنا اللى دفنت. العمل بنفسي ولولا تنضيف المقابر مكنش انكشف وبعد مو'ت الشيخ بقيت من غير شغل ومن الآخر قدامك أسبوع واحد وإلا هتخسر'ي كتير وبعدها عملي بلوك!؟
نزلت بسرعه جريت ع عمتي إحسان وانجي ووريتهم الرسايل وانجي فضلت تعيط وتقولى انبسطوا أدى اخرة افعالكم هنجيب فلوس منين دلوقتي وعمتى فضلت تلطم'
وفجأة لقينا عبدالرحمن دخل علينا والغريب أنه شاف منظرنا وسابنا وطلع فوق من غير ما يسأل عن حاجه
معقوله يكون هو اللى كلمنى ع الواتس طب هيستفاد ايه خدت أنجي وعمتى ودخلت الاوضه وعرفتهم إنى شاكه فى عبدالرحمن لقيت أنجي قالتلي هو شا'كك أننا السبب فى مو'ت أحمد والكلام ده من قبل ما يمو'ت الشيخ درويش
عمتي إحسان. …
قولت ل أنجي مافيش غير حاجه واحدة هى اللى هتخلي عبدالرحمن يبقي معانا مش علينا وانتي اللى هتنفذ'يها بنفسك يا أنجي وابتديت أعرفها تعمل ايه لقيتها قالت ايه لا😲
ولمياء قالت لها فعلا مافيش حل تاني ولازم تنفذ'ي دلوقتي إحنا هنخرج وانتي اطلعي نفذي المطلوب وحصلينا بسرعه
أنجي. …
لا لا أنا مقدرش أعمل كدا