عثمان …..
طول عمرك يا إحسان تفكيرك بيعجبني يابت يا بهيه روحي افتحي الزريبه وخرجى الدكتورة وهاتيها هنا
البت بهيه ….
روحت الزريبه علشان افتح الباب لقيت الدكتورة جيلان فاتحه الباب وقاعدة بره ومخرجه البهايم كلها أول ما شوفت كدا جريت ع الدار وصر'خت الحق يابا الحج😲 بسرعه كلهم راحوا الزريبه لقوا الدكتورة قاعدة
عثمان….
انتى مين فاتحلك الباب وايه اللى خرج البهايم دى بره فضلت انادى ع الغفير لكن مجاش لقيتها بتضحك وقالتلي الغفير بتاعك نايم مش بمزاجه أنا اللى اديته منوم وأنا اللى فتحت الباب وخرجت البهايم تتهوي شويه ولولا أنهم ورث ابني كنت مو'تهم لك
أوعي تفتكر إنى مكنتش قادرة أخرج من هنا من أول يوم اظاهر نسيت انى دكتورة أنا بس سيباك تجيب اخرك معايا
كنت واقف مش عارف أعمل لها ايه بصيت ل وهدان وللكل
وهدان….
كنت فى الارض ولما رجعت البيت لمحت البهايم بره الزريبه ولما روحت هناك سمعت كلام الدكتورة مع عثمان أخوي ولقيته واقف مش عارف ينطق وبيبص لنا قولت لها
تعالى يا دكتورة معايا جوه البيت وبصتلي وقالت ليا اشمعني ناوى ع ايه انت كمان ما أنت بنتك اتجوزت جوزى خلاص
ضحكت لها وقولتلها بتي كانت هتجوز مروان سواء كنتي ع ذمته اوكان طلقك. وانتى لو ملكيش مصلحه كنتى هر'بتي من زمان يبقي الأحسن أننا ندخل البيت ونتفاهم
جيلان. …
حسيت ان كلام وهدان ده عاقل وشخصيته أقوى واذكى من أخوه وواضح ان عبدالرحمن ابنه طالع له
روحت معاه البيت وقعدنا كلنا ولقيت وهدان باعت البت الخدامه جابت أحمد ولسه جايه احضنه لقيته بيعيط وبيقول عاوز فوق لمياء وبيشاور لهم ع السلم اضيقت وبصيت لهم لقيت وهدان قالي
شوفتي حتى ابنك ممكن يستغني عنك بسهوله يعني انتى مش محتاجه تثبتي لنا مهارتك وذكائك يا دكتورة انتي محتاجه تثبتي لابنك أنك أمه اللى بتحبه
كلامه هزنى أوى وسكت ملقتش كلام أقوله
عمتي إحسان. …
بصي يابتي محدش فينا ضد'ك ومن أول لحظه عثمان قالك انتى إم الواد وع راسنا بس تخلي بالك منه وزعلنا منك أنك بتفكري فى نفسك طول الوقت ونسيتي ابنك حتى لما عثمان دخلك الزريبه كان علشان تتعلمي تهتمي بأبنك وأكله ونضافته يعني لمؤاخذه اللى خلاكي عرفتي تهتمي بالبهايم مش هتعرفي تهتمي بولدك
رغم أنه كان ممكن يثبت إنك مهمله ويعمل بلاغ ويثبت ده ووقتها الولد مش هيكون تحت وصايتك لكن هو معملش كدا شوفتي بقي ان محدش فينا ضد'ك كان كل غراضنا أنك تخلي بالك من ولدك وبس
ع العموم يابتي عثمان كان باعت بهيه علشان تخرجك ومش بس كدا ده كمان هيخليكي تسافري القاهرة مع ولدك
وده لأننا لقينا الواد نسيكي واتعلق بينا وأهو أنتى شوفتي بنفسك أول ما شافك بكي ومش رايدك واصل
عثمان….
بصيت ل جيلان وقولتلها قومى روحى اوضتك ووضبي حالك وبكره الصبح الغفير هيسافر معاكي وهيحجزلك شقه ويدفعلك ايجارها وكل أسبوع هيجيلك ويديكي فلوس بس ع شرط.تخلي بالك من أحمد والمرة دى لو اهملتي فيه مش هر'حمك انتي فاهمه
جيلان….
حاضر حاضر بس ممكن قبل ما اسافر أشوف مروان عاوزة اتكلم معاه لقيته قالي اطلعي وخدى ابنك معاكي
لقيت سناء بصت له أوى قولت لها ايه اظن انه جوزى
سناء….
بصيت ل بوى ازاى بيقول ل جيلان تطلع عند مروان إذا كان هو لسه طاردنا. وطارد. ابنه كمان
واول ما طلعت لقيت أبوي قالي خليها تشوف بنفسها ان جوزها بقي بيحب غيرها يمكن ده يخليها تفوق لنفسها وتبطل أفعالها دى وتاخد بالها من أبنها
مروان….
ما صدقت اكون مع لمياء لوحدنا ومشغلين موسيقي وبنرقص سوى وفجأة لقيت حد بيخبط ع الباب زعقت' بصوت عالي مش عاوز إزعاج سمعت صوت جيلان بتقول عوزاك
لقيت لمياء بصتلي وقالتلي افتح لها شوف عوزاك فى ايه يمكن عاوزة تبات معانا ولا حاجه
فتحت الباب وأنا متعصب ولقيتها لبسه جلابيه تقريبا بتاعه البت بهيه قولت لها عاوزة ايه ابويا خرجك من الزريبه امتي
قالتلي يعني كنت عارف طب اتفضل معايا ع اوضتنا واظن ده حقي ولا ايه يا عروسه وببص لقيت أحمد حاضنها وبيبوس فيها ويقولها خليني معاكي هنا ولقيت مروان مرة واحدة راح نتش. احمد وزعق. له وقاله هو أنا مش قولتلك ملكش دعوة بها كل شويه نازل بوس واحضان ما تتلم. بقي
جيلان. …
انت بتعامل الولد كدا ليه لقيت لمياء قالت ليا معلشي أصل مروان بيغيير عليا أوى حتى من ابنه متزعليش
بقيت مستغربه كل اللى بيحصل ده ومن امتى مروان بيغير أصلا ولا حتى بيزعق. كدا طول عمره بارد.
معقوله من أسبوع واحد يتغير كدا ولقيت لمياء بتقول روح يا مروان مع جيلان شوفها عوزاك فى ايه وهو يقولها بعدين بعدين قولت له معلشي يا عريس أنا مسافرة الصبح وعوزاك فى حاجه مهمه وجه معايا الاوضه بالعافيه
مروان…..
روحت مع جيلان الاوضه بالعافيه ولقيتها بتقول ليا إيه اللى حصلك علشان تتغير بالشكل ده قولت لها لقيت واحدة حنينه عليا وحتى أبنك اتعلق بها وياريت بقي تلخصي وتقولى عوزانى فى ايه عاوز اروح ل مراتي حبيبتي
لقيتها بتقولى أبوك هيخلي الغفير يسافر معايا بكره القاهرة يأجر ليا شقه هناك وعاوزة أعرف منك هتوضب العيادة امتى وهتبعتلي فلوس نشتري الأجهزة وطلبات العيادة
قولت لها مش قبل تلات شهور ده شرط. ابويا ليا
ويلا انارشامنصورمش فاضيلك وياريت تخلي بالك من أحمد بدل ما مطوليش ولا مليم من ابويا ومش بعيد يخليني افتح العيادة هنا بسببك يلا مع السلامة
سيبتها وروحت ل لمياء حبيبتي اللى أول ما شوفتها حضنتها وقولتلها وحشتيني أوى حاسس إنى بقالي كتير بعيد عنك
لمياء….
أول ما سمعت صوت جيلان صممت ان مروان يفتح الباب كنت عوزاها تشوف حب مروان ليا واحر'ق د'مها
وبالذات لما شافت أحمد متعلق بيا ومروان غيران عليا منه
ولقيت مروان أول ما رجعلي بيحضني ويقولى وحشتيني
أوى أنا مش عاوز ابعد عنك لحظه واحدة
قولت له اومال ازاى هتسافر وتفتح عيادتك وتعيش هناك
لقيته قالي ومين قال إنى لما اسافر انك هتبقي بعيد عني أنتى هتكونى معايا حتى فى العيادة كمان أنا مقدرشي استغني عنك
قولت جوايا بركاتك يا شيخ درويش😻
عمتي إحسان. …
خدت الموبايل واتصلت ع الشيخ درويش بس مردتش افسر الكلام قولت له
الوو أيوة ع بكره جهز بقي الطلب وبقيت الحاجه هتوصلك بكره وأول ما لقيت سناء جايه من بعيد قفلت ع طول قبل ما تلاحظ حاجه
سناء….
لقيت عمتى واقفه لوحدها روحت أشوفها مالها لقيتها بتقولى عاوزة يابتي ارجع بيتي بقي أنا كل يوم اروح اخدلي هدوم ليا ول عبدالله ولدى والاسبوع الجاى المدارس هتبدأ عاوزة أنزل اجيب له هدوم المدرسه والشنطه والكشاكشيل وبصراحه عبدالرحمن كل سنه هو اللى كان بيجيب ليا حاجات المدرسة أنتي عارفه أنا مفهمش زيكم فى الحاجات دى ومش عارفه اروح أقوله ولا هيعمل فينا زى مروان اخوكى ويطردني'
يا خراشي. يا عمتي بقي عبدالرحمن ممكن يعمل كدا استحاله ده بيحبك أوى استني بكرة وأحنا بنودى لهم الأكل هقوله يجيب حاجه عيالي وحاجات عبدالله معاهم هو عمره ما يتأخر عليكي ده ب يعتبرك زى امه بالظبط
وبنبص لقينا ايه ده…..؟؟؟
الفصل الثاني والعشرون
عمتي إحسان. …
كنت بحكي مع سناء وفجأة لقينا عبدالرحمن وانجي داخلين علينا ومعاهم أكياس كتير بصيت ل سناء
اللي قالت ليا إيه ده هما خرجوا من الدار امتي؟
عبدالرحمن. …
دخلنا البيت أنا وانجى وفجأ لقيت الكل بيبصلنا قولت لهم فى ايه يا جماعه مالكم وفين الولاد نادى عليهم يا سناء أنا جبت لهم هدوم المدرسة والشنط ولقيت عمتى بتقولى عوزاك تجيب ل عبدالله لما تبقي فاضي
ضحكت وقولت لها أنا جبت حاجات عبدالله قبل ما اجيب لعيالي يا عمتى
ولقيت سناء بتقولى سبحان الله كنت لسه هكلمك بكره. ع حاجات المدرسه كويس إنك افتكرت
قولت لها أنا عمري ما هنسي حاجه أنا ملزم بها
سناء….
ناديت العيال وفرحوا بالشنط وهدوم المدرسة ولقيت فجأة أنجي بتقولى الكيس ده لكي استغربت بفتح لقيته الهيلز اللى كان عجبني لما شوفت أنجي لبساه وكان نفسي فى واحد زيه ولما روحت اجيب ملقتش اللون الفضي وزعلت
ولقيتها بتقولى أول ما شوفته ولقيت اللون الفضي جيبته ع طول كنت مبسوطه اوى ولبسته وشكله حلو عليا ولقيت عبدالرحمن فتح كيس تانى وطلع منه شنطه لونها فضي وقالي كدا بقي الطقم كمل حضنته وأنا من جوايا مبسوطه أنه افتكرني وافتكر عيالي ومعملش زى ما مروان عمل مع ابنه ومعانا ولقيتهم كلهم قالوا حلاوة بقي اللمه دى عاوزين كيكه حلوة من ايدك قولت لهم من عنيا
أنجي. …
سلمت ع الكل وبعدين سألت ع لمياء كلهم بصوا لبعض وسكتوا ولقيت عبدالرحمن قالهم أختى فين انطقوا
امي حمديه. …
اطمن يا ولدى أختك فوق مع عريسها بس هو قال نسيبهم أسبوع كمان مش عاوزين ينزلوا يقعدوا معانا
سناء….
ضحكت وقولت مروان طر'دنا وقالنا سبوني مع مراتي وحطوا لنا الأكل ع باب الاوضه
أنجي. …
لقيت عبدالرحمن مستغرب وقال أنا مش مطمن ما يمكن عمل فيها حاجه ومش عاوزنا نعرف
بس أنا كنت فاهمه وبالذات لما بصيت ل أمي ولقيتها ضحكت هو اكيد عمل الشيخ درويش 😄😄
ولقيت عبدالرحمن طلع لاخته رغم ان الكل قالوا بلاش
عبدالرحمن. …
خبطت. ع الباب جامد. ولقيت مروان بيز'عق وبيقول هو أنا مش قولت محدش له دعوة بنا قولت له أفتح بدل ما اكسر' الباب فوقك ولقيت لمياء فتحت وحضنتني وبتقولى وحشتني اوى ومرة واحدة لقيت مروان بيشدها وبيقولها متحضنيش حد غيري أنتي ملكي أنا بس
قولت له أنت اتهبلت' أنا أخوها قالي ودى مراتى حبيبتي لوحدى ولقيته بيمسكها كأنها هتتخطف. منه بصيت لها قولتلها انتى كويسه قالتلي أيوة اطمن هو بس بيغيير عليا حتى من ابنه اسأل الجماعه يحكولك عمل معاه ايه
ولقيت مروان بيقولى أنزل بقي عاوز اقعد مع مراتي خرجت من الاوضه وأنا مش عارف هو ايه اللي حصله
وهدان…..
لقيت عبدالرحمن نازل ع السلم وهو بيكلم نفسه ويضرب. كف ع كف قولت له فى ايه يا ولدى أختك فيها حاجه أنا من يوم الفرح مشوفتهاش أوعى تكون تعبانه ولا فى حاجه مزعلاها لقيته قالي ليه هو مانعك أنت كمان ولا إيه
ولقيته بص ل أخوي ولقيته قاله أبنك اتهبل' يا عمي ده عاوز يمنعني اسلم ع أختى ويقولى دى مراتي ملكي أنا بس
بنبص لقينا الكل ضحك وعثمان اخوى بيقوله هو عملها معاك ده طر'د أبنه وغيران منه وطردنا. أحنا كمان يابني والله شكله الجواز خلي عقله اتلحس
وكلهم فضلوا يضحكوا ويقولوا له ابنك مجنون يا حج 😄
قولتلهم بشرة خير يا ولاد ربنا يسعدهم ويفرحنا يارب
جيلان…..
اليوم عدى وتانى يوم الصبح كنت مجهزة شنطتي وشنطه أحمد وكنت متوقعه ألاقي مروان منتظر يسلم علينا لكن معبرنيش حتى لما ابوه ادانى الموبيل ورنيت عليه كنسل فى وشي 😕 ماشي يا مروان المهم مين اللى يكسب فى الاخر وركبت العربيه والغفير ركب قدام جنب السواق ووصلنا القاهرة وفضل الغفير يدور ع سمسار ونتفرج ع شقق لحد ما عجبتني شقه ايجارها عشرة الألف جنيه توقعت ان الغفير يعترض لكن لقيته اتفق وبيكتب العقد بأسمي ودفع الفلوس وأول ما قعدت فى الشقه قالي نص ساعه وجاى
ولقيته بعد كدا راجع ومعاه طلبات البيت وحطها فى المطبخ وادانى تلات ألف جنيه وقالي الأسبوع الجاى هكون عندك
وسبني ومشي يااااه الشقه حلوة أوى
الغفير….
نفذت. أوامر الحج عثمان وأول ما نزلت من عند الست الدكتورة أخدت رقم البواب واديته ورقه ب 200 جنيه وقولت له الحج حماه ست الدكتورة هيبقي يتصل عليك يعرف أخبارها ويطمن ع حفيده لحد ما ابنه يرجع من السفر بعد كام شهر ووصيته يخلي باله عليهم بس ميعرفهاش حاجه
وخدت بعضي وسافرت بعد ما اتصلت بالحج وطمنته
عمتي إحسان. …
اتفاجأت الصبح برساله ع الواتس من الشيخ درويش ومكتوب فيها المطلوب تم إيدك ع المعلوم
قومت غيرت هدومى وخرجت حولت فلوس ع رقم الشيخ واتصلت عليه اتاكدت ان الفلوس وصلت له وقالي أنه عمل السحر بالمرض بالتدريج علشان محدش يشك فى حاجه
وقفلت معاه أول ما رجعت البيت قبلت عبدالرحمن سألني كنت فين قولت له بمشي رجلي شويه يابني وشحنت موبيلي بالمرة وأول ما دخلت البيت وتأكدت ان مافيش حد غيري أنا وانجى حكيت لها ع كلام الشيخ
أنجي. …
يا ماما حرام طفل صغير يمو'ت هو ذنبه ايه ما كنتى عملتي سحر أنه يطلقها. وخلاص وكانت خدت أبنها وسافرت لقيت ماما قالت ليا مينفعشي لمياء مضا'يقه من الواد ومش عوزاه وامه راسمه ع الورث أنتى مشفتيش قوتها وهى قاعدة بره الزريبه ومخرجه البهايم وقالت قدام الكل لولا ان دول ورث ابني كنت مو'تهم.
تفتكري بالعقل كدا المواشي دى هتفضل لحد ما ابنها ما يكبر ولا هى ناويه لنا ع حاجه علشان تورث
دى يابتي قدرت تنيم الغفير رغم أنها محبو'سة ومش معاها حاجه مبالك بقي دلوقتي هى كانت ناويه تخلص علينا يابتي علشان يتفضل أبنها بس اللي يورث
وقفت محتارة معقوله يكون كلام ماما صح
جيلان…..
بعد ما الغفير ما مشي عملت قهوة وقعدت أفكر ازاى اخد فلوسهم واخلص منهم انا دلوقتي مبقتش واثقه فى مروان يعني لازم اخطط. لوحدى ولازم افوز بالفلوس ومعاها عبدالرحمن مش قادرة انساه
بس غصب' عني مضطر'ة أنتظر لما مروان يبعتلي فلوس العيادة وقتها هكتب العيادة بأسمي واعملها معمل واخد الفلوس ليا وخليه بقي جنب عروسته يشبع بها وأكيد وقتها هيطلقني وبعد شهور العدة أتجوز عبدالرحمن بس المهم دلوقتى أفكر ازاي ألفت نظر عبدالرحمن ليا ده مش طايقني.
وعدى كام يوم وابتديت أنزل أشوف المنطقه وطبعا أحمد معايا لانى متوقعه أنهم مسلطلين. البواب ينقل لهم أخباري
ولحظت ان أحمد ع طول ساكت وبقي يشتكي من بطنه. أكيد بسبب أكل المطاعم أنا يعتبر عايشه ع الدليفري بس اضطر'يت أعمل أكل علشانه وأول ما الأسبوع خلص جالي الغفير خو'فت اعرفه ان أحمد تعبان أحسن ميدنيش فلوس وقولت له أنه نايم علشان ميشفهوش.
وبعد يومين لقيت حالته بتزيد وأنا مش عارفه اى مستشفي هنا ناديت ع البواب قولت له هاتلي دكتور الولد عنده شويه برد ولما الدكتور كشف عليه صمم يتعمل له اشاعه وتحاليل أخدت منه عنوان المستشفي بتاعته وعملت كل اللى طلبه وتانى يوم روحت استلم التقرير اتفاجأت بالدكتور طلب منى احجز الولد فى المستشفي لأن الاشعه طلعت ان فى ورم فى المعدة وده السبب فى وجع بطنه طول الوقت
مكنتش مصدقه قولت له انا كنت عامله له فحص شامل من شهرين وكان زى الفل الورم ده ظهر أمتى
اتصلت ع مروان ولقيته بيز'عقلي وبيقولى أوعى تفتكري ان أفعالك دى هتخيل عليا بطلي العيبك دى
مش عارفه أعمل ايه وأنا لوحدى مكنشي قدامى غير إنى استني الغفير وعرفت البواب أول ما الغفير يجيلي يبعته ليا المستشفي ويعتبر بقيت قاعدة هناك ع طول كنت بروح اخد شاور وارجع تانى ابني بيضيع. منى وأنا دكتورة ومافيش فى أيدي حاجه أعملها أول مرة أحس بالعجز ده
وأول ما الغفير جالى قولت له اتصل بالحج عاوزة أكلمه
عثمان…..
كنا قاعدين كلنا بنفطر ولقيت الغفير بيتصل بيا وأول ما رديت لقيت جيلان بتعيط وتقولى الحقني. ابني بيمو'ت وفى المستشفي وكلمت مروان من تلات أيام مصدقنيش وقفل موبايله الواد محتاج عمليه تعالوا ليا
قولت لها انتى عملتي ايه فى الواد انا مش هر'حمك لقيتها بتقولى طلع عنده ورم فى المعدة ومحتاج عمليه فى أسرع وقت تعالى واتاكد من الدكتور بنفسك
كلمت الغفير وقولت له اسأل الدكتور ولو كلامها صحيح أدفع الفلوس اللى معاك فى الحسابات وكلمني عرفني اللى هيتقالك
قفلت معاه
وطلعت ع مروان وأول ما فتح الباب ولسه هيز'عق روحت ضر'به بالقلم قولت له أنت ولا نافع تكون أب ولا تكون راجل أصلا
مروان….
ايه فى إيه مهما عملت مش هننزل أنا ومراتي تحت ولسه هيرد عليا لقيت جاله تليفون وأول ما رد لقيته قال أنا جايلك حالا خليك معاهم بعد ما قفل قالي البس بسرعه أبنك بيمو'ت فى المستشفي ولازم يعمل عمليه حالا
لسه ببص ل لمياء وبقولها تعالى معايا لقيت عمتى قالت ؟؟؟؟