رواية لعنة اختي والعقرب
الفصل الحادي عشر11
بقلم منه محمد
في المكتبه للخيوط
ميرفت: يعني لو متصلتش بيكي متتصليش تسألي عني
جميله بتنقي الخيط: انا نسيت حتي نفسي , ازاي هفتكر حد تاني
ميرفت بغيره مخفيه: ليه حب اسير خلاكي تنسي كل حاجه
جميله لفت وبصتلها: بدعي انه ميحصلش لبنت تانيه الي حصل معايا , الجواز ده انا انجبرت عليه وقصاده خسرت احترامي لنفسي
ميرفت بستفهام: تقصدي ايه
جميله: اقصد ان انا واسير بعيد اوي عن بعض , زي السماء والارض مفيش اي حاجه ما بينا مشتركه , مجرد ارتباط ع الورق
ميرفت : وانا بقول كنتي بتكرهي اسير جدا , ازاي وافقتي تتجوزيه
جميله بحسره: ايه الي تملكه بنت الناس الغلابه غير يحموه سمعه اهاليهم ,حتي مش بيحلموه لنفسهم بيفكروا بس في اهاليهم عشان يبقوا فخر وسند ليهم
ميرفت طبطبت عليها: روقي مزاجك متزعليش
جميله خلصت لقائها مع ميرفت واشترت لوزامها واخدت بعضها ومروحه ع البيت
ايمن وراها بالموتسكل ونده عليها: جميييييله
جميله لفت وبصتله ومدت بخطواتها بأقصي سرعه وهي حرفيا مفزوعه
ايمن: تعال هوصلك للبيت ليه تاخديها جري , رجلك الضعيفه هتوجعك
جميله وقفت وبنرفزه: لو ملمتش نفسك هصوت والم الدنيا عليا
ايمن رفع حاجب بستهزاء: هتصوتي هخالي شغلك اسهل(عمل نفسه هيصرخ وبعدها ضحك وقالها) لاء عايز اشوف الرقيقه الجميله بتبقي عامله ازاي وهي بتصوت , يله صوتي
جميله بغل :انت قـ ذر ,وحـ قير, ورخـ يص
ايمن ضحك بصوته وهو بيعد ع صوابعه: ممتاز , قـ ذر وحـ قير, ورخـ يص,
(ضـ ربها في رجليها برجله) سيبك هوصلك للييت
جميله سابته وطلعت تجري منه وهي مـ رعوبه لانه بيحاول يمسكها
ايمن ماشي وراها : رايحه فين هوصلك , طب اسمعي, جميله تعالي
جميله كملت جري لحد ما ركبت توكتوك وايمن سابها ومشي وهي رجعت البيت
تخبط بـ فزع ع باب المدخل ووشها مخطوف
رباب بزعيق: ايه الي حصل جايه يالي مسروع ع الباب خلاص مش قادر تستني ثانيتن(فتحت) هو انتي فيه كـ لب وراكي هبد, هبد ع الباب ولا عايزه تقلي راحتنا
جميله بصت وراها ووشها شاحب ودخلت تجري ومش بترد عليها
رباب ضمت حواجبها: ايه الي حصل يوم مالها دي شكلها خايفه
جميله دخلت اوضتها وقفلت الباب بالترباس وقعدت ضمت نفسها وجسمها كله بيرتعش ولنفسها: ياربي ده ليه رجع لحياتي مره تانيه
.............قصص منه محمد كاتب...............
اسير قاعد يتأمل كف ايده وبيفتكر كلامها المهين
=وهو مسك دراعها: وريني ايدك
=جميله بعصبيه: ابعد عني ,انت قلبك قاسي ,بس اهلك معندهمش قلب اصلا
=اسير بخوف: وريني ايدك خلينا نروح للدكتور
=جميله مسحت دموعها بأيد مرتعشه وقالت : قلت لك ابعد عني
حمو قرب عليه: معلمي بتفكر في ايه؟!
اسير :ولا حاجه بدور عن الحب في خطوط ايدي
حمو بتعجب: ليه بتدور ما انت لقيته
اسير اتنهد بقهر: لقيته بس عامل زي رغوه الصابون
حمو تنح : ها قصدك ايه ؟ بدئت تقول كلام صعب يتفهم بعد الجواز
اسير بسؤال: انت حبيت
حمو ابتسم : اه امي كتير
اسير ضحك :ما كل الناس بتحب امهاتهم, ان بتكلم عن الحب الي لو سابك تتألم
حمو :منا بقولك اهو لما كانت امي في المستشفي حسيت لو سابتني ومشت هـ موت
اسير بحزن عميق: حالي كدا لو حصل معايا ده هـ موت
حمو : وهي ابله جميله هتمشي وتسيبك
اسير بقهر:هي قررت تسبني قبل ما تعيش معايا , عارف كل ما يطلع النهار اتمني ميجيش الليل , والزمن يقف , خايف يجي الوقت الي تسبني فيه , نفسي تحط ايدها في ايدي لـ اخر العمر بس هي رافضه امسكها ( مسح عينه) انا يظهر اتجننت فعلا , وبقول ياه لو تكتب حرف من اسمي ع ايدها , واعيش معاها حياتي زي الحلم
حمو بتأثر: يعني انت عايزني اعيط
اسير حط ايده ع كتفه: لاء عايز يبقالنا دكان تاني في منطقه احسن من دي, وانت تقعد فيه وتكسب فلوس كتير , ونعوض الخساره , ومش مهم الي جاي
جه زبون قطع كلامهم وحمو راح يشوف طلبه واسير قعد مكانه يفكر في الحلم الجميل
.............قصص منه محمد كاتب................
ع الموبيل
ايمن: قوليلي ايه الاخبار
ميرفت بصوت فيه فرحه : لاء مش هتصدق جميله واسير مفيش بينهم اي علاقه , عاملين زي السماء والارض لا يمكن يتقابلوا مجرد جواز ع الورق
ايمن: بجد
ميرفت ضحكت: والله بجد , دي هي قالت لي بنفسها ان مفيش علاقه وانا هطير من الفرحه صدقني
ايمن: كدا هنوصل لسلم الحب , عندي اقتراح اول حاجه نقطع الورقه من النص, ونخالي الفجوه بينهم توسع اكتر لحد ما تنطبق السماء ع الار ض
ميرفت: معاك حق بس قولي عاوزني اعمل ايه
ايمن: المضايقه والتـ** عذيب الكتير هطارد جميله زي الشبـ ح
ميرفت: مش هينفع يامجنون جميله, لانها مش رايحه المكتبه قولت لها تعالي نتقابل رفضت وقالت لي رايحه لبوتيك ملابس ع واحده ونص الضهر
ايمن: حلو فين البوتيك ده
ميرفت: هبعتلك العنوان واتس
ايمن: حلو اوي اقفلي
ميرفت قفلت ولنفسها: دلوقت هتعرفي ياجميله هيبقي الانتقـ** ام منك ممتع
..............قصص منه محمد كاتب............
في بيت عائله جميله ذكي فتح الباب وطالع لمح ايمن طلع يجري
ايمن جري وراه مسكه: رايح فين ناوي تهرب
ذكي برتباك: لاء
ايمن :تحب اتعامل معاك هنا ولا ندخل البيت
ذكي اتحرك ناحيه الباب : لاء جوه
ايمن زقه: طب وسع السكه وتعال واعتبره بيتك
ذكي: هو فيه ايه؟!
ايمن: فيه ان انا مش هسيبك غير لما اخد 20 الف
ذكي بعصبيه: بتوع ايه مش فلوسك كانوا 30 الف واخدتهم
ايمن: عمي دول حق ما صرفت عليكم هدايا واكل
ذكي: اهو بتقول هدايا واكل وراحوا خلاص
ايمن: بس انا عايزهم , وانت عارف كنت هخالي بنتك مبسوطه ع طول لكن انت وهي اسأتوا تصرفي العفوي البسيط
ذكي: تصرف عفوي وبسيط
ايمن: وهنتوني قدام الحته كلها واسير الي مشغلوش خدام عندي النهارده بيلف مع خطيبتي
ذكي ميل عليه: دي مراته
ايمن بصله بحقد : وهو اخدها مني وانا هاخد 20 الف وحالا
ذكي بشخط: اجبهملك منين, اسير رفض وانت خسرته ومعهوش فلوس
ايمن :هش هو مش فقير عنده دكانين بتوعه ملك
ذكي: واحد فيهم مش بأسمه
ايمن: بأسم مين
ذكي: معرفش وهو منعني اروح له بيته
ايمن: حلو لما يمنعك تروح له بيته لازم تروحله غصب عنه
ذكي: انت الي تعمل كده
ايمن: انت ذكي وحماه المفروض تدخل وتقعد في قلب بيته
ذكي: مش فاهم
ايمن خـ بطه ع دقنه: ياعمي ما تشغل دماغك يعني شعرك شاب ولسه مش بتفهم لو مدخلتش لحد بيته( ضحك بستمتاع) هـ ولع في دكانك وفكر لو خسرته هيحصلك ايه فكر يا عمي العزيز
...........قصص منه محمد كاتب...........
يوم جديد طلع من الحمام لقاها بتلبس الطرحه
جميله بدون ما تبصله: عايزه اخرج ومعاك
اسير بصلها بفرحه ظهرت ع ملامح وشه : معايا كمان ماشي نروح سوي( حدف الفوطه)
جميله اتعصبت عليه بنرفزه:انا بنام هنا وانت رميت الفوطه مبلوله
اسير: ده سريري كمان وعشان عندي رحمه مش بنام هنا
جميله بصتله بغيظ وهو سألها: رايحه فين
جميله وهي بترفع الفوطه: رايحه اقابل صاحبه محل ملابس, وطالما جبتني للبيت هنا عليك تتحمل مسؤلياتك
اسير بسعاده: طبعا وانا بقول نفس الكلام. انا نفسي تطلبي مني احقق كل طلباتك
جميله بصتله ولفت شال تقيل عليها من البرد وهو راح فتح درفه الدولاب وطلع كياس
اسير بعطف: جبتلك هدوم تقيله البسي منهم حاجه
جميله: انا متأخره ومفيش وقت معادي كان مع الست من ثلاث ايام , بس البركه في والدتك حطت قفل ع الباب واختك طردتني في اليوم التاني وبعدين اتجمعت الناس ,وامبارح
اسير بصلها لما سكتت وسألها: حصل ايه امبارح
جميله: كـ لب طلع يجري ورايا
اسير بقلق: عـ ضك
جميله ها
اسير: الكـ لب عـ ضك
جميله: لاء ركبت توكتوك
اسير قفل ملامحه: توكتوك كان لازم تتصلي بيا وانا اجيلك
جميله: مش محتاجه لرقمك
اسير: عندك حق مفيش بينا علاقه عشان ندي بعض رقم ولا حتي قلوب بعض
جميله: مش معني اني رايحه معاك تفضل تقطمني
اسير بصوت محسور قهره : انا بشتكي منك
جميله: الحبيبه بس الي ليهم حق يشتكوا من بعض
اسير قرب اوي منها : انتي غلطانه في ده في اني مش بحبك هاتي رقمك
جميله: ليه
اسير شد من الشنطه الموبيل عافيه ورن ع نفسه وهو بيبصلها بمتتهي العشق
اسير: رقمك معايا دلوقت اكتبي رقمي عندك لو احتاجتي اي حاجه اتصلي بيا
جميله سيفت الرقم واخدت الشنطه وهو فضل يتأملها ونفسه تديله ريق حلو
جميله بصتله وهي بتتحرك للخارج: نمشي
اسير بتنهيده عاليه: اه يله
جميله طلعت لقته ركب الماكينه وبيقولها يله
جميله بغرور: مش هقعد عليها
اسير: دي المواصله الي معايا كان فيه عربيه ابويا بس مرهونه لو عايزه عربيه استلفها من ورشه واحد صاحبي
جميله: خلاص هروح لوحدي
اسير: استني مش هاكلك مفكره نفسك ايه مفكراه مشفتش بنت جميله قبل كده ولا مفكرني مبسوط وانا متحمل كرهك انا جوزك سواء قبلتي ولا رفضتي واعرفي كويس اوي اني بحترم الست
جميله قربت منه: اطلع قدام شويه مفيش مكان
اسير لف بص ع ايدها الي اترفعت تمسك كتفه ورجعت نزلتها تاني لكن غصب عنها كلبشت فيه لحد ما دخلت الاتليه
صاحبه الاتليه: جاي دلوقت بعد ما بقتش محتجالك
جميله: يا ست هانم اسفه بجد حصلت ظروف
صاحبه الاتليه: ع الاقل عرفيني, فضلت اتصل بيكي مردتيش , والزبون فضل مستنيكي تلاث ايام
جميله برجاء: غصب عني و اسفه طيب شوفي التصاميم
صاحبه الاتليه: وايه الفايده منها دلوقت , الزبون مشي والوظيفه الي كانت فاضيه واحده اخدتها غيرك
جميله بقهر: يا ست هانم اعملي اي حاجه انا جيالك بأمل كبير , انا بشتغل عندك من سنه
صاحبه الاتليه: الي شغالين من سنين لو ملتزموش معايا بكلمتهم بمشيهم, البطاله مليت البلد وزادت وكل يوم واحده تمشي الف يجوا غيرها تقدري تمشي
جميله: طب اسمعيني
في نفس الوقت اسير اتصهد من الوقفه في الشمس لحد ما موبيله رن
اسير رد: خير ياعمي
ذكي: فين الخير ايمن جه لحد بيتي وهددني عايز 20 الف ولا هيـ **ولع في دكاني
اسير بغضب: هو ايه حكايته انت مش عطيته 30 الف
ذكي : عايز ينتقم مني لاني جوزتك جميله انا اتورطت
اسير هتعامل معاه بس دلوقت اختفي روح عند حد من اقاربك كام يوم
ذكي بتهكم: بجد نصيحه مذهله هو انا لو ليا اهل كنت جوزتك بنتي , انت لازم تديله الـ20 الف انا قلت لك
اسير بزهق منه: خلاص انت هتعيط , خليني اسالك صاحبي لو عطاني اليوم هيكون كويس
ذكي: بسرعه انت طولت اوي
اسير بزهق منه: تمام اقفل
جميله قربت عليه: يله
اسير بصلها : خلصتي يله
ايمن وقف بالموتسكل جنبهم: جميله انتي فين, مشيتي امبارح ومقلتليش انتي كويسه, والنهارده جتلك قوليلي عامله ايه؟؟!!
اسير مسك فيه بغضب: انا مش هسيبك النهارده
جميله بتشده : اسير سيبه
ايمن طلع مطواه وغـ **رزها في كتف اسير الي صرخ واترنح ع الموتسكل
جميله بفزع: اسير, اسير , الحقونا يا ناس