أنجي. …
حسيت من كلام عبدالرحمن ان قلبي بيدق أوى هو هيتجوزنى فعلا مكنش بيهرج وقولت له لمياء أختى وصاحبتي ومش هكون مطمنه عليها وأنا بعيد عنها وكمان أنا أمي مجهزاني من زمان مفضلش غير فستان الفرح وبس
ولقيته قالي أحلي فستان ل أحلي عروسه هجبهولك ع ذوقي
وخرج من الاوضه وحسيت إنى هقع. من طولي
وفجأة لقيت😲
جيلان…..
صباح الخير أنا قولت مينفعشي مطمنش ع بنت عم جوزى مع إنك أول ما شوفتيني أغمي عليكي ع طول
أنا لما سألته قالي أنك زي أخته وزعلتي انه أتجوز من غير ما تحضري فرحه وتجيبي له هديه
جيت بنفسي انا وابني علشان اطمنك وأقولك ان أنا هديته عقبال فرحك كدا لما تبقي تعزميني أنا وجوزى وابني ع فرحك وقتها هجبلك هديه حلوة آوى أصل أنا بفهم فى الأصول كويس
آة إمبارح أغمي عليكي قبل ما أعرفك بنفسي أنا الدكتورة جيلان دكتورة في علم الأحياء ومن كتر معشرتي للتعابين بقيت أعرف أتعامل مع الناس كويس
عمتي إحسان. …
أهلا وسهلا يا مرت الغالي بنت أصول صح بس هى التعابين بيعملوا لها دكتوراه ده أحنا هنا الولد الصغار طول الوقت بيلعبوا بهم كويس أنك عرفتينا هبقي هخلي العيال الصغيرة يجبولك شويه تلعبي بهم أبنك المحروس الصغير
بس تعرفي فيكي الخير انا كنت لسه هبعتلك بتي أنجي تقولك خلي بالك من ولدك وحوطي عليه
كويس أننا عرفنا إنك هتعرفي تتعاملي مع التعابين لما تلاقيهم حوالين أبنك بس اسمالله عليكي حلوة وسنيورة قومى يابت يا أنجي خدلنا صورة معاها بكرة تسافر وياعالم الوشوش تتقابل امتي صورينا يابت وطلعينا حلوين أصلي جيبالها موبايل جديد وبكره تتجوز أبن خالها ويجيب لها الهنا كله
لمياء….
كنت ماسكه نفسي عاوزة اعيط واصر'خ وفى نفس الوقت عاوزة اجيبها تحت رجلي وأنزل فيها ضر'ب
يمكن وجود عمتي وردها عليها خلاني أهدي شويه وخصوصا لما لقيت أنجي أخدت لها هى وابنها صور كتير
أمي حمديه. …
كنت فى المطبخ أنا وسعديه وجهزت صنيه الفطور وقولت للبت بهيه شليها وتعالي ورايا وأول ما طلعت لقيت باب الأوضة مفتوح ولقيت مرت مروان موجودة بصيت ل إحسان وأنارشامنصورمش طايقه. وقولت جبتلك يابتي الفطار أنتي وانجي وخليكي مرتاحه كلنا هنفطر تحت وببص لقيت سعديه جت
سعديه ام مروان..
طلعت اطل ع لمياء من ساعه ما وقعت من طولها مشوفتهاش وأول ما دخلت لقيت مرت مروان وابنها فى وشي قولت لها بتعملي ايه هنا هو جوزك مقالكيش يا سنيورة أنك متخرجيش من الاوضه أبوه حرم البيت عليكم يلا مشي من هنا سيبي ست البنات ترتاح هى مش ناقصه طلتك
كان قدمك قدم الشووم علينا غورى
والبت هتبقي تطلع لكم الأكل وأول ما خرجت رزعت الباب وراها وروحت بوست ع رأس لمياء قولت لها والله يابتي ما كنت أعرف بس ورحمة الغالين ل يتجوزك ورجله ع رقبته
وأنتي يا أنجي مبروك يابتي خطوبتك ع عبدالرحمن هو راجل وطيب والله ما يستاهل بتي بس النصيب عاد
مبروك يا إحسان وأنا بقولك أهو لو بتي فتحت بوقها معاكي عرفيني أنا زهقت منهم وكر'هت اليوم اللى خلفتهم فيه 😓
أمي حمديه. ….
أهدي يا سعديه كلنا عارفين أنك بتحبي لمياء بس هنعمل إيه إحنا مش هنسيب ابنك يفرق بينا دى عشرة سنين ربنا يهديه وابني كان لازم يجيب حق أخته متزعليش منه واحمدى ربنا إنه أختار انجي بنت عمته زينه البنات ومتربيه معانا وأنه مجابش واحدة تانيه كانت ربت بنتك من أول وجديد
سعديه….
والله أنا ما زعلانه منه بالعكس أنا شايفه إنه عمل الصح وبتي محتاجه تنكسر' رقبتها وتتربي من أول وجديد دى بت قادرة ومفتريه ان كانت هى ولا أخوها والله لولا ان الولد الصغير ملوش ذنب لكنت خنقته. بيدي علشان احسر. مروان عليه وادفعه نتيجه عمايله يلا أنا نازله زمان الرجاله عاوزة تفطر اجمدي يا لمياء كلنا جنبك ومعاكي يابتي
عمتى إحسان. ….
يلا افطري اقعدى معاها يا أنجي ويلا إحنا ننزل نشوف الرجاله نجهز لهم الوكل وبصيت ل لمياء قولت لها كلي كويس ومتحمليش هم حاجه وغمزت لها ونزلت ع تحت وقعدنا علشان نفطر كلنا وسناء أول ما جت تقعد جنب عبدالرحمن راح قام وقعد جنب أبوه وبصلها وقالها إياك تقربي منى ولا لسانك يخاطب لساني فاهمه
قولت له اهدى يا حبيب عمتك وروق كدا محدش له ذنب فى حاجه ويلا افطروا وكل واحد يشوف مصالحه
وكل شويه نسمع زعق فى أوضة مروان بصيت ل عبدالرحمن قولت له يمهل ولا يهمل ربك بيسلط ناس ع ناس
وعدى الوقت ما بين شغل البيت وقاعدتى مع الحريم لحد ما جت الساعه 5 طلعت ل لمياء وقولت لها اجهزى يلا وكنت واخده موبايل أنجي وشوفت صورة مرت مروان وابنه واضحه ونزلنا وقصدت نسدندها قدامهم وقولت لهم هنتمشي شويه
لمياء….
خرجت مع عمتي وأنا خايفه انا عمري ما روحت لشيوخ ولا عملت اسحار بس عمتي قالت ليا ده سره باتع ربنا يسامحك يا مروان هتخليني امشي فى سكه الاسحار
واتفاجأت بعمتي قالتلي بصي يا لمياء أنا مكونتش عاوزة أحكيلك فى البيت أحسن حد يسمعنا وقالتلي ان سناء كانت عارفه ان مروان متجوز وكانت ساكته علشان كانت عاوزة تشمت فيكي ولولا اللى عمله اخوكى كنتي زمانك تسليتها دلوقتى وأنها سمعت كلامها مع مروان ومرات عمي ومحدش عارف ان عمتي عرفت حاجه ونبهت عليا أني منطقش خالص وبقيت من جوايا مش طايقه سناء
أنجي. ..
انتي خدتى موبايلي ليه يا ماما مش أنا قولت إنى صورتهم ولقيتها قالت علشان اصور سناء بنت خالك
سناء مش سهله ولازم نلاقي لها لجام يحكمها علشان تبعد عنكم
عمي عثمان. ….
أخدت اخوى وهدان وطلعنا نبص ع الانفار فى الأرض وقولت له أوعى اى حاجه تحصل تفرق بينا يا خوي وجبرت بخاطره وكل اللى يقابلنا يبارك لي ع رجوع مروان ويسألني الفرح امتي قولت لهم السبوع الجاى
علشان نلحق نجهز الدبايح ونجيب المغنواتيه هى ده يوم المني لما ولدى يتجوز بت خوى زينه البنات
عمتي إحسان….
وصلنا عند الشيخ درويش وقعدنا فى اوضه كدا زى استراحه وفى ناس ياما قاعدة وأول ما دخلنا لقيت بخور معبي المكان وفضلت لمياء تكح جامد وكنا مش قادرين نشوف حاجه من كتر الدخان ومرة واحدة كل ده اختفي ولقيت واحد قاعد ودقنه طويلة ومنظره يسد النفس ولقيته قالي اقعدى يا إحسان
تعالي هنا يا لمياء أنتي وبنت عمتك
قولت له الله أكبر أنارشامنصور قولت انك سيرتك باتع وهنلاقي الحل عندك
أنجي. …
كنت قاعدة خايفه وقرفانه فى نفس الوقت وحاسه ان فى حاجات بتجري حواليا وفضلت اتلفت ومش شايفه حاجه ولقيته بصلي وقالي متخافيش إنتي هنا فى حمايتي
لمياء….
بعد ما قاعدت حسيت إنى نسيت كل حاجه حتى إسمي لقيته قالي غد'ر بكي وراح اتجوز اختار الجاه والمصلحه و دلوقتي عوزاه يحبك ويطلق التانيه بس إبنه يا لمياء هيفضل حاجز بينكم يبقي علشان مرادك يتحقق تخلصي من أبنه
بس مش قبل ما يتم جوازك قولت له مش فاهمه ليه مش
دلوقتي
الشيخ درويش….
ما تفهميها يا ست إحسان لو حبيبك أبنه مات قبل ما يتجوزك هيحزن عليه ومش بعيد يهجرك ويسافر تاني
يبقي تصبري تتجوزى الأول علشان تجبيلي اطره ووقتها أخليه ميقدرش يبعد عنك لكن دلوقتي دواكي دى
وطلعت لهم ازازة صغيرة فيها عمل بالمشاجرة والخناق
وقولت لها تحطي نقطه واحدة ع عتبه الباب علشان تزود الخناق بينهم وانتي كمان يا إحسان تحطي نقطه ع عتبه سناء
أنجي. …
لقيت الشيخ بصلي وقالي مش ده اللى انتي عوزاه أنه ميحبش غيرك أنا لولا غرضكم الجواز مكنتش ابدا اديتكم العمل ده
وقال ل أمي طول ما إنتي بتراضيني وبتنفذي كلامي هيتحقق مرادك بس ابي بالمعلوم 1000 جنيه
قولت له كل ده ع الازازة الصغيرة دى كتير آوى وكمان أحنا لسه فى حاجات كتير عاوزينها لقيته قال
الشيخ درويش
علشان خاطر عبدالرحمن ولا حبه لكي ميسواش
لقيتها قالت أنا مش هبله العمل علشان يكره سناء مش عشان يحبني قولت لها
انتي عاوزاه يحبك بألف جنيه بس اومال لو مكنتوش ولاد كبرات البلد
عمتي إحسان. ….
بص يا شيخ درويش هنقول ان سناء وعبدالرحمن مش خلاص مبقوش طايقين بعض
بس لسه بردو الخطر موجود ع بتي وع لمياء أنا عاوزة حاجه تهدها وتخليها تنشغل عنا لقيته قالي كل حاجه بأوان ولازم تفوتى الفرح وبعد ما كل واحدة متجوز تجيب أطر جوزها مع صورة ليه وسيبي الباقي عليا
ودفعت له الفلوس وروحت لمياء ع البيت عندنا وطلعت ع بيت أخوي اعرفهم أنها هتبات عندى وأجيب لها غيار وطلعت حطيت نقطه ع باب مروان ولسه هقرب عند اوضة سناء واحط النقط لقيت 😲
الفصل السادس
عمتي إحسان. …
ولسه هنقط عند سناء لقيت عبدالرحمن بيفتح الباب وخارج من الاوضه
عبدالرحمن. …
عمتي خير كنتى موطيه ع الأرض ليه فى حاجه وجعت منك وبصيت ع الأرض مافيش حاجه لقيتها قالت
عمتي إحسان. …
اكعبلت فى العبايه يا ولدي خلاص بقي كبرت البركه فيكم
أنا جيت أشوف سناء مش عوزاها يابني تزعل من بتي إحنا أهل ومش هنخلي غلطه أخوها تزعلنا وتفرقنا عن بعض
وأنت عارف هى من غير حاجه مش طايقه بتي مبالك دلوقتي مش عاوزه ياولدي النفوس تشيل أكتر من كدا
عبدالرحمن. …
يا عمتي أنارشامنصورقولتها كلمه هى ملهاش دعوة بيا واصل وراحت عند أبوها والعيال أهو موجودين تحت ومقدرتش تزعل أنجي بكلمة أنا اللي يجي جنبها مش هر'حمه
المهم لمياء دلوقتي عامله لسه تعبانه ولا شايفه ان هى تحسنت لما خرجت
عمتي إحسان. ..
اهو فكت يا ولدى شويه عن نفسها هو اللى حصل لها ده شويه وخليها تبات الليله مع أنجي عندى فى الدار انا جيت أجيب لها غيار وحاجات لها خو'فت اجبها هنا تقوم مرت مروان تدخلها تاني وتنكد عليها وهى مش ناقصه
ومجرد ما قولت كدا قالي ايه وبرق عينه وراح عند اوضه مروان نادى عليه
والله وهيبتدى الشغل مكنش ينفع انزل قبل ما اتأكد أنهم هيخطو'ا ع العمل تسلم دماغي👑
جيلان….
مامت مروان كلمتني بطريقه وحشه واحرجتني قدام الكل واضح ان محدش موافق ع جوازه مني ومش بعيد يخلوه يطلقني بس قبل ما ده يحصل لازم اخد إبني وامشي من هنا ومش هخلي مروان يشوف إبنه تاني علشان يبقي يعرف ان بنات الناس مش لعبه وأول ما أسافر ل بابا هخليه يتصرف معاه وأول ما رجعت أوضتي قولت له ع آخر الزمن اتهزق بسببك انت ومن مين شويه فلاحين
بقي أنا الدكتوره جيلان عمتك تتريق عليا وتقولى خلي بالك من أبنك وتهد'دنى أنا امك تقولى إنتي متحرج عليكي البيت كله خليكي قاعدة فى الاوضه وهو انت مش معرفهم أنا مين مش معرفهم كنت إيه أنت كنت حتة مساعد فى مستشفي بابا وفضلت سنه كامله تتمني إنى اعبر'ك وارضي اكلمك
ويوم ما رضيت اتجوزك بابا رفع. من مقامك قدام الناس علشان ميتقلش ان الدكتورة جيلان اتجوزت مساعد
فوق لنفسك مش كل الطير اللى يتاكل لحمه
مروان….
أنا هلاقيها منين ولا منين أنا زهقت وقر'فت من أول ما وصلت وأنا فى خناق' ومشاكل' ده أنا مكملتش يوم واحد والدنيا مقلوبه عليا وبدل ما تقفي جنبي بتشعللي' النا'ر زيادة وراحه لها اوضتها هو ده اللى اتفقت معاكي عليه اومال لو مكنتش فهمتك واتفقت معاكي كنتى عملتي ايه تاني
شاطرة بس تعا'يري فيا أنتى متجوزتيش واحد فقير. ولا من شارع أهو انتي شوفتي بنفسك عيلتي مر'كزهم ايه فى البلد' وشوفتي بيتنا شكله ايه ده أكبر من مستشفي ابوكى اللى فرحانه بها وبدل ما تفكري نستفاد ازاى علشان نأمن. مستقبلنا ومستقبل ابننا مضيعه. وقتك فى خناق' وشغل ستات ملوش لازمه ياريت تفكري بعقلك شويه يا دكتورة
سعديه أم مروان. ….
كل ما اطلع السلم واروح ع أوضتي اسمع زعيق مروان مع مرته خليهم يستاهل طوبه'ع طوبه'خلي العر'كه منصوبه'
ع الله يرمي عليها يمين الطلاق. ونخلص منها
عثمان….
أنا مش طا'يق اللى بيحصل ده يا سعديه لو أبنك متجوزش بت خوى أهل البلد' هياكلوا وشي وهخسر أخوي وبتك هتتطلق' والعيله هتتفك ومش بعيد نقسم البيت ونبني حيطه بينا بعد ما كنا بناكل من طبق واحد 😔
سعديه….
عيالك هما المخططين' لكل ده يا عثمان من أيام ما مروان ما كان فى الجامعه وسناء كان نفسها تسيب التعليم وتتجوز عبدالرحمن اتفقت مع أخوها أنه يوافق يتجوز لمياء بس بعد ما يكمل تعليمه تكون هى اتجوزت وخلفت وطلعت عارفه كمان أنه كان متجوز وسكتت لأنها كانت عاوزة تشمت' فى لمياء ..كل الخر'اب ده عيالنا السبب فيه علشان كدا لازم إحنا اللي نصلح الغلط ونربي عيالنا من جديد
أمي حمديه. …
كنت حاطه همي فى المطبخ مش طايقه اكلم حد ولا فى أيدي أعمل اى حاجه وبدعي ربنا يعدى الأيام ع خير ومايشمت' حدى فينا ومن جوايا نفسي إحسان تقدر تعمل حاجه أنا عارفه إحسان كويس ماهى بت خالتي وأخت جوزى وعشرة سنين بينا ولما بتحط فى دماغها حاجه بتعرف تعملها هى أنصح مني فى الموضوع ده وكمان هى لما تتكلم أسمها اختهم هما الاتنين لكن لو أنارشامنصوراتكلمت هيتقال إنى بفرق بين العيلتين يارب الفرج من عندك وأجبر بخاطر بتي يارب
عبدالرحمن. ..
روحت ع اوضه مروان وناديت عليه بأعلي صوت وأول ما فتح الباب قولت له نادى مرتك علشان الكلام يبقي قدامك وخرجتلي بتقولى عاوز ايه انت كمان قولتلها
اقفي بأدب واتكلمي عدل البيت هنا بيت رجاله وإذا كان جوزك معرفش يحكمك وخيالك سرح أنك تقدري تضايقي' أختي يبقي انتي لسه متعرفنيش كويس الله بسماه لو عرفت إنك عتبتي اوضتها او نطقتي أسمها لاكون دفنك'حيه
يا ست الدكتورة وتبقي وريني المحروس جوزك هيعملك ايه ولا هيحميكي' مني ازاى فاهمه
ولقيت عمي عثمان خرج ع صوتي بيقولى فى ايه يا ولدي حكيت له راح قال لها
حسك عينك رجلك تعتب باب الاوضه بدون إذن مني أذا كان أنتي ولا جوزك واعملي حسابك فرح جوزك السبوع الجاى وبعد الفرح تغورى من هنا
لو فضلتي مؤدبه ولدك هيسافر معاكي لكن لو عملتي اى حاجه تاني والله ما هتشوفي ضفر ولدك وسبها ومشي
وأنا بصيت لها من فوق ل تحت وقولت ل مروان مبارك يا عريس أدخل واقفل بابك ومتخرجشي منه غير يوم فرحك
هاهاها كنت متعمد احر'ق دمها. زى ما ضايقت أختى
عمتي إحسان. …
روحت ع بيتي بعد ما خدت فى يدي خلجات لمياء علشان محدش يشك فى حاجه وقولت للبنات إنى حطيت من العمل عند مروان وكمان اوضه سناء وكان عبدالرحمن هيكشفني لولا ساتر ربنا بس سناء رجعت اوضتها اللى فى جناح أبوها ومش عارفه هروح عندها بحجه ايه
وهدان…
كنت قاعد بره ع المصطبه ولقيت واحد من البلد معدى وبيسلم عليا وقالي مبروك يا حج وبلغ عم عثمان ان الفرقه هتكون عندكم فى الميعاد بس المتعهد بيقوله لو مصمم ع الليثي هو اللى يغني الفلوس هتزيد عشرين ألف كمان
خليه يبقي يتصل ع المتعهد ويتفقوا مع بعض ومشي
دخلت الدار وباعت البت بهيه تنادى ع عثمان أخوي وعرفت منه أنه كلم واحد يعرف متعهد الفنانين وتجهيز الأفراح وطلب منه رقاصين ومطربين سعد الصغير وحكيم ومحمودالليثي وقالي لازم فرح بتك يبقي أكبر فرح فى البلد وكمان ابنك هيتجوز بت إحسان معاهم وخلينا نفرح ونقطع لسان اى حد ووصي أننا ند'بح عشر عجول وغير الخرفان
وقالي الوكل والمزمار هيكون يوم الحنه من الصبح
حضنت اخوى ودمعتي نزلت قولت له ربنا يخليك ليا زى ما هتجبر بخاطر بتي وترفع رأسها فى البلد
وطلعت ع إحسان أختى حكيت لها وللبنات وعليت الزغاريط وقولت لها من بكره انزلى وهاتي للبنات الفساتين واحجزى الكوافيرة واى حاجه عاوزينها أنا متكفل بها ومن الفجر هبعتلك مئة ألف جنيه ولو عوزتى تانى اطلبي متخاليش حد من البنات نفسه فى حاجه ده يوم المني يوم ما أفرح بهم وبوست ع رأس بتي وقولت لها طول ما إحنا فى ضهرك أوعى تزعلي. ابدااا وانتي يا أنجي هاتي اللى نفسك فيه وافرحي وخلي ولدى يفرح ولا يهمك من سناء ده بيحبك أنتي من زمان ولولا اتفاقي مع عثمان كان زمانه متجوزك أنتي
يلا اسيبكم ترتبوا حالكم وانبسطوا ومن طلعة الشمس هتلاقي العربيه والسواق قدام الدار وخرجت وقولت أفرح مرتي
أنجي. …
أول ما خالي خرج فضلت ازغرط وشغلت أغاني وارقص أنا ولمياء واللى طالع عليا عبدالرحمن بيحبني أنا ❤
ولقيت امي قالت لنا افرحوا وانبسطوا بس اوعوا فى وسط فرحتكم تنسوا سناء ومرت مروان
لمياء….
عندك حق يا عمتي أنا لازم انتقم. منهم كلهم وهبدأ ب ولده
لو كان مروان لازم يكون له أولاد يبقي مني أنا وبس