عبدالرحمن….
داخل البيت سمعت صوت أغاني وتصفيق دخلت براحه أحسن يكون حد من ستات البلد قاعدين وببص لقيت سناء بترقص والعيال ولمياء وعمتي وعمي بيرقص معاهم وامي وانجي بيصفقوا لهم 😲
هو إيه اللي حصل سناء وانجي فى مكان واحد وبيصفقوا وبيرقصوا كمان ازاى وقفت فى وسطهم لقيت سناء بتمسك أيدي وعمي علشان أرقص معاهم بصيت ل أبويا لقيته بيضحك وبيشاوري ارقص معاهم
روحت قفلت الأغاني وقولت لهم قبل ما أخرج كان فى خنا'قه ممكن أفهم دلوقتي بترقصوا ليه ايه اللى حصل
عمتي إحسان. …
فى ايه يا عريس مش فرحك وفرح أختك بعد أربع أيام ما تخلينا نفرح لقيته قرب مني وبيقولى هى سناء بترقص علشان فرحي يا عمتي لا كدا أنا مش مطمن
أنا مش هبات فى البيت الحاله مطمنش ضحكت وقولت له استني ياا سناء جوزك مش عاوز يهيص معانا خا'يف انك تزعلي يابتي اومال لو عرفت بقي أنها هتجيب لنا الست اللى هتزوقنا هتقول إيه ههههههه
سناء….
أزعل ليه هو انت أول واحد يتجوز ع مراته وكمان ما أنت هتقعد جنبي هنا يعني مش هتبعد عني يلا يلا نرقص كلنا سوى وشغلت الأغاني ومسكت أيد أنجي وعبدالرحمن وفضلنا نرقص وعمتي تزغرط
أنجي. …
أنا مكنتش مقتنعه بكلام الشيخ درويش قولت ده دجال وعاوز فلوس وخلاص لكن الحاله اللى فيها سناء دى خليتني ابصم بالعشرة ان فى حاجه إسمها سحرواعمال
وكنت فرحانه وأنا مع عبدالرحمن وبرقص ولاول مرة مش خا'يفه ان يبان فى عنيا حبه
مروان….
كنت مضايق من أفعال سناء وضر'بها ل مراتي ولقيت جيلان بتقولى انت مش راجل سايب مراتك تضر'ب ومتعملش حاجه قولت لها
لا سايب مراتي عاوزة تروح اوضه راجل غريب عنها خليني ساكت واحد غيري كان قتلك' فيها
جيلان….
انت متخلف' أنا كنت عاوزة اروح اعتذر له لما أختك قالتلي أنه اتعصب من قاعدتى مع العيال تحت خو'فت أحسن يمنعني من النزول وأنا زهقت. من القاعدة فى الاوضه وشي فى وشك طول اليوم ومافيش حاجه اتسلي لها
روح أسألها أنا اللى قولت لها هروح اعتذر له فى اوضته يعني أكيد لو هعمل حاجه غلط مكنتش هقول ل مراته اللى هى أختك واساسا اللى تعشرك تكره' صنف الرجاله
وسيبته وقاعدت فى البلكونه ابكي صعبان عليا حالي بقي أنا الدكتورة جيلان أنا اللي اتعلمت فى أحسن مدارس وكليات وعاشت فى أروبا اضر'ب واتهزق. من حتة فلاحة
مروان….
فى وسط العصبيه والخنقه اللى كنا فيها سمعت أغاني وزغاريط خرجت أبص أشوف فى ايه لقيت سناء وأبويا ولمياء بيرقصوا وقفت أبص عليهم بس عيني مش شايفه غير سناء بقي تضر'ب مراتي وتنزل ترقص ايه بتغيظها. زيادة نزلت متعصب ولسه هزعق وارفع أيدي عليها لقيت عبدالرحمن مسك أيدي وقالي حاسب يدك لتنقطع. يا دكتور دى ع ذمة راجل مش حرمه
قولتله يعني عجبك لما ضر'بت مراتي قالي مراتك غلطتك وهى عرفتها غلطها. وإذا كنت مش مالي عين مراتك دى حاجه تخصك متخصناش لكن أختك طول ما هى ع ذمتي مالكش أنك تمد يدك عليها ولا تزعق لها
قولت له ماشي كلها كام يوم واختك هتبقي مراتي وأعمل اللى أنا عاوزه فيها ومحدش له أنه يدخل منكم
عبدالرحمن. …
بصيت ل مروان وضحكت وقولت له يبقي أكتب وصيتك من دلوقتي والله لو فى يوم لقيت أختى مضايقه. حتى لو أنت معملتش لها حاجه هجيبك تحت رجلها تبوسها وتطلب منها الرضا دى تبقي اخت عبدالرحمن ابن الحج وهدان كبير البلد
فوق لنفسك يا مروان سفرك بره نساك مين هو عبدالرحمن
مروان ….
بصيت ل ابويا قولت له عجبك كلامه ده لقيته قالي
انت اللى مهز'ق نفسك يا ولدي مرتك لو عامله لك اعتبار مكنتش قالت ولو بالتهريج أنها معجبه ب عبدالرحمن وتتمني إنك كنت زيه ومكنتش قالت تروح له اوضته لو عوزاه فى حاجه تستأذن مرته وتقف قدام اوضتها وتقوله اللى هى عوزاه قدامك او قدام مرته ودلوقتي نازل واختك بتهيص معانا
ولا احترمت وجودى ولا وجود عمك ايه خلاص مبقاش لك كبير والله عبدالرحمن ما غلط لما قالي إنى معرفتش اربيك
غور ع فوق مبيجيش من وراك إلا النكد.
طلعت وأنا مش طا'يق نفسي وند'مت إنى رجعت من السفر كنت عايش هناك صحيح حياتي صبح وليل كانت شغل بس ع الأقل كان أرحم من هنا كل حاجه يقولولى الأصول والعادات واللى يصح وميصحش معرفش ايه الجهل' ده لولا الفلوس كنت سافرت وسيبتهم
عمتي إحسان. …
يلا يا بنات كفايه كدا تعالوا ع البيت وإنتي يا سناء اتفقي مع الست بتاعة الحنه تجيلنا يوم من أوله كدا علشان تعمل لنا كلنا
وخدت البنات وروحت ع البيت عندى
ولقيت أنجي قالت أنا مش مصدقه نفسي بقي سناء تقوم ترقص ده الشيخ درويش طلع سره باتع بجد
قولت لها هو أنا هروح لواحد واديله فلوس وأنا مش واثقه فيه
ولسه بس الفرح يعدي وهروح له تاني
لمياء….
بس يا عمتى مروان لسه بيعمل حساب ل مراته يعني بيحبها لقيتها قالت
بس يا خايبه. هو فى واحد بيحب مراته ولما يتكلم همه ع شكله. وكرامته واحد غيره لو بيحبها وعرف أنها معجبه براجل تانى كان زمانه طلقها. ولا ضر'بها لكن ده نزل بعد ما مراته ما هزقته. يعني بيحاول يحافظ ع شكله بس
قولت لها خا'يفه أحسن يعمل فيا حاجه لما يتجوزني ما عبدالرحمن وقتها هيبقي عريس ومش فاضيلي يا عمتي
عمتي إحسان. …
والله يابتي ما يقدر ده جبان هيخاف. من اخوكي ده مقدرش يرد عليه واشتكي. لابوه علشان يرد له واهو أنتى شوفتي عمك أهو كمل عليه والله بكره هيحطك ع رأسه علشان ميتهز'قش من اخوكى وأبوه
وتانى يوم جوازك أنا هاخد الغيار بتاعه واوديه للشيخ درويش وادفعله حلاوة الفرح
امي حمديه. …
عمايل سناء مع ضحك إحسان يقول انها اتعمل لها سحر ع الله تبعد عن بتي ومنكد'ش ع ابني ولا تعمل فيه حاجه
سعديه ام مروان….
اول ما إحسان خرجت مع البنات سناء طلعت اوضتها اللى عندنا استغربت بعد اللى حصل انهاردة المفروض كانت تروح أوضة جوزها وكمان الحاله اللى كانت عليها وترقص وتخلي جوزها يرقص لا البت دى ناويه ع حاجه ربنا يستر ومتعملش فى جوزها حاجه أنا لازم انبه عثمان يخلي باله من عبدالرحمن إحنا مش ناقصين مصا'يب كفايه عمايل أخوها
يا عثمان تعالى نطلع ع فوق عوزاك فى حاجه
واول ما طلعنا قولتله ع اللى مخو'فني لقيته بيقولى أنا كمان شكيت. فيها وحمدت ربنا أنها مطلعتش ع اوضه جوزها البت دى لازم تفضل قدام عينك حتى لو هتباتي معاها وأنا مش خارج الأيام دى لحد ما يعدى الفرح ع خير
وهدان …..
ناديت ع عبدالرحمن وقولت له خد بالك من مرتك يا ولدى تصروفاتها دى مش مفهومه ازاى واحدة غيرانه عليك من ست قالت أنها معجبه بك وازاى دلوقتي ترقص علشان أنت هتتجوز عليها خا'يف عليك يا ولدي سناء مش سهله
عبدالرحمن. …
سيبها ع الله يا بوي وببص لقيت سناء نازله ع السلم بملابس خروج وبتقولى عاوزة اروح اجيب فستان أحضر به الفرح وهاخد أنجي ولمياء معايا بصيت ل بوي وقولت لها لا
فستانك أنا اللى اختاره لكي يا حبيبتى يلا بينا واسبقي ع العربيه هطلع اجيب فلوس زيادة علشان بالمرة نجيب هدوم للعيال وناديت ع العيال وقولتلهم انا خارج مع امكم مش عاوز شقاوة ولو اتأخرنا ناموا وطلعت غيرت هدومى واخدت الفلوس وال🔫المsدس 🔫
أنتي اللي ناويتي يا سناء
الفصل الثاني عشر
وهدان…..
شوفت ولدى وخدت بالي من طرف الط🔫بنجه بصيت له وهزيت رأسي ب لآ وبصيت ع عياله قالي سيبها ع الله يا ستار عديها ع خير يارب
عبدالرحمن. …
خرجت من الدار لقيت سناء ركبت العربيه ومشغله الأغاني روحت ركبت ومشيت شويه وبعد ما بعدنا عن البيت وقفت بالعربيه وطفيت الاغاني وقولتلها إيه اللي فى دماغك يا سناء فهميني فجأة كدا بقيتي مبسوطه ل فرحى وترقصي وهتجيبي فستان ده أنتى كنتى قا'يدة نار إيه اللي أتغير عرفيني وإياك تكذ'بي عليا إنتى عارفه أنى مسمحش بالكذ'ب
سناء….
مش سهل عليا لما أعرف أنك هتكون مع ست غيري أنا من صغري بحبك يا عبدالرحمن كنت بفضل أسقطت فى المدرسة علشان يقولوا إنى ماليش فى العلام ويجوزونى لك ولحد انهاردة وأنا عارفه أنك عمرك ما حبيتني ولولا اتفاق أبوي مع عمي عمرك ما كنت اجوزتني بس كنت راضيه واقول كفايه أنك معاي وواثقه انك مالكش فى المشي العوج وعمرك ما هتخو'ني وعارفه متوكدة ان لولا عمايل أخوي مكنتش فكرت تتجوز عليا
لكن لما فكرت لقيت ان أنجي هى كمان هتتجوز واحد متجوز وعنده عيال ودى حاجه مش سهله ع اى بنت وكمان شكلها قدام الناس يتقال خطا'فة رجاله حسيت أنها مظلو'مة زيي والغلط كله من أخوي ولازم اتحمل تمن غلطته.
أنا بحبك أوى 😢 أوعى تبعد عني حتى لو هتجيلي يومين بالأسبوع أنا راضيه بس أبوس يدك أوعي تسيبني والله ما هتلاقي واحدة بتحبك أدى ولو سعادتك مع أنجي أنا راضيه وهحطها ع رأسي من فوق بس تفضل معايا 😓
عبدالرحمن. …
دموع سناء وكلامها خلونى أحس بالذ'نب صحيح أنا بحب أنجي من زمان بس عمري ما كنت هتجوزها إلا لما مروان أتجوز قولت لها سناء أنتى مرتي وبنت عمي وام عيالي
بس تعالي نتكلم بالعقل
انارشامنصورلازم اجيب حق أختى وكمان أنجي دى بنت عمتي ويتيمه مينفعشي راجل غريب يدخل بينا وكمان انتى ناسيه ان أرض عمتك وورث عيالها تحت أيدينا وأحنا اللى بنشغله ينفع يجي واحد غريب يقول فين ورث مرتي ومالها ويحصل تفرقه بين العيله أهو لما أتجوز أنجي وأجيب منها عيال عمرها ما هتسال عن مالها لأنه خلاص بقي بتاع عيالها اللى هما عيالي فهمتي خلي الكلام ده بيني وبينك أنا بحافظ ع مستقبل عيالنا يا سناء وعاوزك تساعديني ومتعمليش اى مشا'كل مع عمتك وبنتها وبوست ع رأسها وقولت لها بحبك
ويلا بينا اجيبلك أحلي فستان وعبايه كمان تحضري بها الحنه عاوزك أحلي واحدة فى الفرح
ومشيت بالعربيه بعد ما شوفت ضحكتها ومسحت دموعها أنا عارف إنى كد'بت أنا عمري ما بصيت ع ورث ولا فلوس وكمان الأرض والفلوس تحت أمر عمتى فى اى وقت بس كنت مضطر' أقول كدا سناء زى مروان أهم حاجه عندهم الفلوس والمصلحه وكان لازم أثبتها ع الأقل لحد ما الفرح ما يعدي ع خير
أنجي. …
قعدت لوحدى وبعدين لقيت امي بتقولي مالك يا عروسه قولت لها خا'يفه افرضي مروان طلق. جيلان يبقي وقتها خالي هيحكم ع عبدالرحمن أنه يطلقني'
عمتي إحسان. …
اسمعي يا بتي أنا عارفه من أيام ما كنتى صغيرة فى المدرسه انك بتحبي عبدالرحمن وأنا قولت وقتها ده لعب عيال بس بعد مو'ت ابوكي ب سنه روحت لخالك عثمان بقوله
عثمان انت كل شهر بتديني قرشين مصروف للبيت وبعد كل محصول تجيب ليا شوال من الزرعه وتقولى خدى خزين بيتك ومافيش فى مرة جيت تراجع ليا الحسابات وتفهمني الأرض جابت كام هى دى مش أرضي وأرض اليتامي اللى بربيهم فين فلوسهم قالي
عثمان….
فلوس إيه هو أنا شغال عندك أرضنا كلها بتتزرع والمحاصيل بتتباع مع بعض عمرنا ما فرقنا وقولنا أرضي وارضك وكل طلباتك عندك عاوزة ايه تانى عشنا وشوفنا الحريم عاوزة تحاسبنا
عمتي إحسان. …
وقبل ما أنطق دخل وهدان ولقاني ببكي وسألني مالك حكيت له بص ل أخوه وقالي بلاش نفرق ما بينا يا إحسان متخليش الشيطان. يدخل بينا وكل طلبات عيالك عندنا وأول ما عبدالله يكبر يبقي يعرف كل صغيرة وكبيرة
سكت وهدان أخوي الكبير وطول عمره حنين وهو عارف ومتوكد ان عثمان بيسر'ق مالنا وساكت علشان العيله تفضل يد واحدة وتكبر ويكبر إسمها وغمز ليا علشان اسكت
قولت ل عثمان متزعلش يا خوى أصل عبدالله شايف العيال بتلعب بعجله ونفسه فى واحدة زيها قولت أعرف فلوسي كام واشتري له واحدة بدل ما بتقل عليكم بطلباتي
عثمان. …
ابنك مش زى عيال البلد ابنك من اكبر واغني عائلات فى البلد ومن بكره يكون عنده اغلي موتيسكل ويبقي أحسن من كل العيال
كنتى قولتي من الأول بدل الكلام العفش اللى يزعل ده
أنجي. …
كنت مستغربه كلام أمي وأول مرة أسمعه ولقيتها قالت
عمتي إحسان. …
من يومها وأنا بقيت عاوزة اى طريقه اضمن بها مالكم يابتي وقولت مافيش غير إنك تتجوزى عبد الرحمن طالع زى أبوه وعمره ما بص ولا طمع فى مال غيره ولما جت الفرصه دلوقتي أنا عمري ما هضيعها.
وهفضل سند لكي ولعيال وهدان أخوي اللى عمره ما بخل عليا وكان بيجي من وراء عثمان ويديني فلوس ويجيب لكم الهدوم واللعب وهو اللى صمم أنك تكملي علامك
لكن عثمان وعياله أعوذ بالله منهم
عرفتي يابتي أنا ليه لجأت للسحر وبساعدك إنتى ولمياء
علشان حقوقنا ومالنا اللى مسروق. من سنين
أنجي. …
بس أنا بحب عبدالرحمن ومش عاوزة غيره وماليش فى المشا'كل دى عاوزة اعيش مرتاحه ومبسوطة مع جوزى
عمتي إحسان. …
يابتي أنا مش عاوزة غير إنى أشوفك مبسوطة وعبدالرحمن راجل زين وهبقي مطمنه وانتى معاه ولو جري ليا حاجه هو اللى هيحافظ ع مالك وأرض اخوكي
أوعي تفتكري ان تصميم عثمان ع جواز مروان والفرح والعواليم دى حركه عاملها منها يسر'ق قرشين ويقول راحوا فى الفرح ومنها لو مروان رفض الجواز كان وقتها وهدان هيطلب أنهم يقسموا وكل واحد ياخد حقه وعبدالرحمن كان هيقف فى وش عمه واخوي عثمان رغم قو'ته بيعمل حساب لعبدالرحمن واديكي شايفه كل كلمة قالها عبدالرحمن مقدرش حد يعتر'ض ولا يقف قصاده فيها ولا قدر يمنع جوازه منك
خلي بالك يابتي مهما حصل أوعي حد يعرف حرف واحد من اللى حكيته لكي فاهمه يابتي
لمياء….
كنت واقفه فى البلكونه وشوفت سناء بتركب عربيه أخوي ولقيت أخويا بيركب ولما الجاكت اترفع شوفت 🔫 خو'فت نزلت علشان أعرف عمتى وسمعت كل كلامها مع أنجي وطلعت بعدها علشان متعرفش إنى سمعت حاجه
لان كلامها كله صح أنا فاكرة وأنا صغيرة سمعت ابويا بيزعق مع عمي وبيقولوا لازم تشيل فلوس عيال إحسان ع جنب ده مال أيتام مينفعشي تدخله فى مالنا ونصرف منه
وقررت اتصل ع عبدالرحمن اطمن عليه هو اللى يهمني
عبدالرحمن….
قربنا من شارع كله محلات ولسه بركن العربيه لقيت لمياء بتتصل …… أيوة يا حبيبتي أنا مع سناء هنشتري ملابس الأولاد لو ناقصك حاجه قولي اجيبلك معاي وأهو سناء عارفه مقاسك
لمياء….
لا ياحبيب أختك عوزاك طيب وبخير أنا شوفتك وانت مع سناء وقولت اطمن عليك لقيته ضحك وقال قلب اخوكي من جوه أول ما هنخلص هعدي عليكي ع طول
عبدالرحمن. …
دخلنا محلات كتير واشترينا للأولاد ول أحمد ابن مروان كمان واخترت ل سناء فستان شيك جدا والطرحه وجيبت لها عبايه سواريه ول لمياء ول أنجي وكل ولازمهم واشترينا عبايات سوداء سواريه ل أمي ومرات عمي وعمتي ولسه بحط الحاجات فى شنطه العربيه لقيت سناء مسكت ال🔫 فى وشي وبتقولي أرفع يدك 😲