رواية نور قلبي الفصل الرابع4 والخامس5 بقلم نرمين هاني
ف صباح يوم جديد تسللت اشعة الشمس على وجهها الرقيق لتداعب بشرتها البيضاء التفتت الى الجهه الاخرى وهى تضع الوساده على وجهها ولكن لم تمر سوى ثوانى حتى
حنان.....اصحى بقا يانور الفطار جاهز
مفيش صوت ولا ردت على مامتها فدخلتلها الاوضه
حنان.... يالا يانونه اصحى بقا مش كنتى عماله تزنى عليا انى اصحيكى بدرى عشان تنزلى الشغل
نور قامت منتوره من على السرير ..... يانهار اسود الشغل هتاخر وسعى وسعى وجريت على الحمام اعزاكم الله"لكى تتوضأ وتؤدى فريضتها
حنان بتعجب مضحك..... البت اتعدت من اختها لا لا انا مش هقدر استحمل كدا هيجننونى يخربيتك يااسماء هبلتى البت
*مييييين بينادى عليا بتنادى ياحجه شورى بس تلاقينى قدامك*
قالتها اسماء وهى تتجه لها
حنان بفزع....يخربيت اللى جابوكى بطلى تخطينى هتموتينى ناقصه عمر
اسماء بضحك..... هههههه انا اقدر بردك دا انتى اللى ف الحته الشمال
حنان بنفاذ صبر.... بلا شمال بلا يمين يالا قدامى جهزى الفطار على مااختك تلبس
اسماء بتعجب..... الله مش قولتى الفطار جاهز
حنان..... والله ودنك جابت الكلمه دى بس لا يااختى انا بقول كدا عشان اختك تخلص وتقوم
اسماء ....... نعم لا لا لا انا واحده ف ثانويه عاميه و داخله على امتحانات مليش فى الحجات دى قال اجهز فطار قال هه هزلت لا ياحببتى انا باكل بس
حنان بغضب ...... بس اى بلاعه ضربت ف وشى يخربيتك صدعتينى على الصبح
نور خارجه من الحمام
نور بسرعه ....... وسعوا وسعوا هتاخر يالهوووى
اسماء ....... ههههههههه شوفتى بنتك اجننت ههههههههه ياعينى كانت صغيره والله على الجنان
حنان بغيظ..... البركه فيكى يااختى يالا انجرى قدامى
اسماء....... مبوراحه طااااه
***********************************
ف فيلا الشرقاوى يقف جاسر امام المراه يظبط بدلته الانيقه ويقف يتامل نفسه فيها حتى اصبح شديد الاناقه ثم نظر لنفسه بنظره حزن وقال
جاسر بحزن...... لحد امتى هتفضل حياتى كدا شغل وبس روتيين ممل عايش فيه خلاص كبرت واللى قدى كلهم معاهم عيال دلوقت
و..بتنهيده ......بس للاسف مش هقدر اسلم قلبى لبنت تضعفه وتكسره لازم يفضل قوى عشان لو اتكسر هقع ومش هعرف اقوم تانى وبتصميم..... واللى زى مينفعش يقع ابدااااا
ثم نزل على السلام بسرعه شديده وذهب للسفره
جاسر..... صباح الخير
امينه...... صباح الخير ياحبيبى يالا اقعد عشان تفطر
فارس و الطعام ف فمه ....... صباح الفل يامعلم
جاسر وهو يجلس.... طيب ابلع الاول وبعدين رد
فارس بمرح ....... مدقش ياعم
جاسر بتعجب .... ياعم
امينه بغضب....... حد يقول لاخوه الكبير كدا ياولد مش هتبطل لغه السواقين دى انت ناسى انت ابن مين
فارس بتعجب مضحك...... ههههههه اى جو هارون الرشيد دا هههههه انتو مش عايشين ف الدنيا ولا اى دى لغة العصر
امينه بغضب.... بلا عصر بلا مغرب مسمعش الفاظك دى تانى
فارس بضحك ...... والنبى عسل وانتى متعصبه كدا اى الحلاوه دى
جاسر بنفاذ صبر ...... انتو كدا مش هتخلصو انا ماشى هتاخر على الشغل سلام
امينه ...... ربنا يوفقك يابنى
فارس بمرح ...... سلام ياعم
امينه ضربته على دماغه
فارس بالم.... اااه احم اقصد يا ابيه جاسر
ولى امينه بضحك.... شوفتينى وانا مؤدب
امينه بزهق ...... صبرنى يارب
*********************************
**** ماما انا ماشيه هتاخر على الشغل *
تقولها نور وهى تخرج من الحجره
حنان...... تعالى افطرى الاول
نور بسرعه..... لالالا مش هينفع انا ماشيه ادعيلى سلام
حنان بدعاء...... ربنا يوفقك يابنتى ويسعدك يارب
اسماء بمرح..... هو الدعا كلو لنور مفيش حاجه للغلبانه اللى جمبك دى دنا داخله على الامتحانات بردك
حنان....... لما تعقلى هبقى ادعيلك
اسماء بضحك...... لا كدا يبقى اطمنى مش هتدعيلى خالص
حنان...... طايب اخلصى ويالا عشان تشوفى مزاكرتك
اسماء بمرح...... انت تؤمر ياجميل
**************************************
وف الشركه
تدخل نور الشركه وهى بتنهج ولنفسها بقلق وهى تنظر للساعه يانهار اسود اتأخرت ربع ساعه ربنا يستر وعم هولاكو دا ميتجننش عليا
فضغطت على الزر ووقفت تنتظر نزول المصعد وما ان نزل وفتح الباب حتى دخلت بسرعه وذهبت الى حجرة السكرتيره
نور ...... السلام عليكم
اميره وهى تنظر لها بتعجب لملابسها ...... وعليكم السلام انتى نور محمد صح
نور..... ايوا انا
اميره بشك..... متاكده
نور بااستغراب.... ايوا ممكن ادخل
اميره ...... اها طبعا ثوانى ورفعت سماعة الهاتف
اميره ....... ايوا يافندم نور محمد الشامى وصلت وعايزه تدخل لحضرتك
جاسر بغضب...... اخيرا طيب دخليهالى
اميره بشفقه.... احم اتفضلى هو مستنيكى
نور بقلق من نظرتها..... هه ماشى شكرا
وتخبط نور على الباب
جاسر..... ادخلى
نور بتوتر.... صباح الخير يافندم
جاسر بغضب وعنيه فيها شرار ...... اى الزفت اللى انتى لبساه دا
نور بصدمه .................
الفصل الخامس
نور بتوتر.... صباح الخير يافندم
جاسر بغضب وعنيه فيها شرار ...... اى الزفت اللى انتى لبساه دا
نور بصدمه وبتبص على نفسها وببرائه شديده...... دا اسدال !
**فلاش باك** ف اوضة نور...
نور بتوتر وبتلف حوالين نفسها..... يانهار اسود اتاخرت اووووف البس اى مش هينفع البس طقم لسه هتزوق انا هلبس الاسدال وخلاص عشان متاخرش بدل مهولاكو دا يبهدلنى وهو شكله ناويلى على نيه منيله ربنا يستر......
** نرجع تانى***
جاسر بغضب واستهزاء.... شوف ازاى اسدال لييييه ان شاء الله حد فهمك انك رايحه تصلى انتى مش عاااارفه انتى فيييين
نور بفزع وتوتر ..... ااانا اناا ...
جاسر بعصبيه وزعيق ..... انتى ايييييه وزفت ايييييه انتى مش عارفه انتى اتعينتى ف شركة مين ازااااى تيجى باللبس دا مش المفروض تلبسى اليونيفورم الخاص بالشركه وبخبطه جامده على المكتب افزعت نور متنطقى
نور بفزع وتوتر وهى تتقدم منه ...... والله والله انا معرفش انى ف ....
جاسر مقاطعا اياها...
جاسر بانتباه وتركيز ...... اى اللى ف رجلك دا
نور بتوتر....... دا كوتش
جاسر باستهزاء غاضب ......... كوتش لييييه جايه تلعبى كوره ف الشركه كمان .... و ببتسامة تهكم .....مهو دا اللى ناقص نقلبلك الشركه بقا ملعب كورة
نور بخوف وتوتر ...... والله والله ااانا ااانا معرفش انى ف يونيفورم خاص بيا المفروض البسو
جاسر بغضب وغيظ... يضغط على الزرار
جاسر بغضب...... اميره تعالى هناااا حالا
تدق اميره الباب وتدخل
اميره بتوتر وهى تنقل نظرها بين جاسر ونور..... ايوا يافندم
جاسر بغضب ونرفزه....... هو اى الللى ايوا انتى مش شايفه الانسه جايه باااى ازااى متقوليلهاش ان ف يونيفورم معين لازم تلبسو
اميره بتوتر وفزع ......والله يافندم انا افتكرتها عارفه لان كل اللى ف الشركه لابسين يونيفورم واحد
نور بضيق وهى تنظر لملابسها........ ما انتى لابسه عادى اهو ولا عشان انا لابسه اسدال بقا وانتى لابسه على الموضه
جاسر بغضب..... لا ياأستاذه مش عشان على الموضه دا لان هى سكرتيرتى مسموحلها تلبس اللى هى عاوزاه
نور بتنهيده وتعب...... خلاص انا متاسفه مكنتش اعرف مطلوب منى اى دلوقت
جاسر ببرود ونظرة غضب.....مطلوب منك تجيبى حالا اليونيفورم الخاص بالشركه ونص ساعه تكونى قدامى بيه
نور لنفسها ...هههههه اجيب والبس واكون قدامك انا هطلع من هنا اجرى اصلا انا تعبت دنا لو فضلت هنا هيموتنى كل الزعيق دا عشان اسدال ولسه مشتغلتش اومال لما اشتغل بقا هيعمل فيا اى
** انسه نور يالا عشان اوريكى المحل اللى هتجيبى منو اللبس**
قالتها اميره لنور
نور فاقت من سرحانها وقالت بلهفه .......هه اه اه يلا والنبى بسرعه ثم نظرة لجاسر بتوتر... احم احم عشان منتاخرش يعنى
جاسر بشك ........ ممممم ماشى يالا اتفضلو ولنور بتحذير .... نص ساعه وتكونى قدامى فاهمه
نور بتوتر... اه طبعا طبعا حاضر عن اذنك
جاسر ببرود.... اتفضلى
وخرجت بسرعه
***********************************
ف منزل نور......
ف حجرة اسماء......
اسماء بتعجب مضحك وهى ممسكه بكتاب الفزياء ف يدها...... ايه دا هو انا مش ذاكرتك امبارح اومال مش فاكره فيك كلمه ليه هه انت جاى بفلوس حرام يازفت انت ولا اى وبتفكير.. اممممم يكونشى حنون كانت مقلبه الفلوس دى من ابويا الله يرحمه وادتنى اجيب بيها الكتب مهو مفيش تفسير غير دا ايوا مهو مش معقول يعنى انا اللى مبذاكرش طيب انا هوريها وخرجت تجرى على المطبخ....
اسماء بصوت عالى ........
اييييه اللى انتى عملتيه دا هسقط بسببك
حنان بخضه وفزع والكوبايه وقعت منها على الارض......... اى ياجزمه ارحمينى والله هموت من عمايلك دى ....وبغضب .. بتزعقى ليه ياحيوانه
اسماء بغيظ و بحزن مصتنع...... مش عارفه بزعق ليه مش عارفه ازاكر الكتاب الجزمه دا مبيثبتش ف دماغى وامبارح طول اليوم بجيب كلمه من هنا على كلمه من هنا لغاية مبقيت فله فيه النهارده بقى مش فاكره ولا كلمه ودا ليييه قوليلى لييييه
حنان بغيظ...... عشان حضرتك طبعا مبتركزيش ف المزاكره ومركزه انك تخضينى كل شويه جهازى اتكسر كلو بسببك يابت الهبله
اسماء بمرح...... جهاز اى انتى بتسمى دا جهاز وبعدين دول هما كام كوبايه يعنى ميتحسبوش وبتفكير امممممم وكام فازه يعنى متكبريش الموضوع خلينا ف المهم اعمل اى ف الكتاب دا اطخه بالنار ولا اعمل اى .. وبخضه....يانهار اسود انا شكلى اتحست اه والنيعمه اكيد محسوده مهو مفيش غير كدا
هى خلصت من هنا واتلزق ف وشها طبق بﻻستك من هنا
اسماء........ هووووو دا وطلعت تجرى
اسماء ف نفسها بوش برئ*** اى الام دى خلقها بقى ضيق اوووى مع انى كيوت ورقيقه اهو ...وبتفكير مضحك وهى تتحسس على وجهها بألم... اممممم انا لازم اشوفلى حل ف الطبق دا وشى هيبوظ منو كدا هعنس واقعد جمبها هيبقى لا تعليم ولا جواز هيييييح اما أروح أشوف ابن الجزمه دا هيثبت ولا لا ي انا يا هو النهارده ****
*********************************************
ف مكان اخر
صالح بزعيق....... انتى يازفته يالا تعالى حضريلى لقمه أكولها عشان انزل اروح الشغل
ايه....... حاضر يا بابا جايه اهو * ايه صاحبة اسماء لو نسيتوها*
صالح..... بسرعه يااختى شويه مش فاضي انا للقعده دى تتك الهم امتى أجوزك بقا و أخلص من همك دا
ايه بحزن ودموع..... حاضر ولنفسها.... الله يرحمك ياماما لو كنتى موجوده مكنتش هتبهدل كدا
وذهبت تجهز الطعام لوالدها ودموعها على خدها
*********************************************
فى الفيلا
ينزل فارس السلم بسرعه شديده
فارس بسرعه..... انا خارج ياماما يالا سلام
امينه ......... استنى عندك رايح فين كدا ان شاء الله
فارس بهدوء ...... هسهر مع اصحابى شويه واغير جو اصلى زهقت من المذاكره عايز افصل شويه
امينه بحنيه.... ماشى ياحبيبى
فارس بمرح..... حبيبى كدا انا قلقت وبغمزه عايزه فلوس ولا اى
امينه بغضب ..... اخرس يازفت
فارس براحه ..... ايوا كدا طمنتينى انا قلقت والله قولت فيكى حاجه
امينه محاوله التحكم ف اعصابها...... بقولك ياحبيبى اى
يقاطعها فارس .....
فارس بمرح وضحك ...... حبيبى تانى مالك ياوليه فى اى !
امينه بغضب ....... وليه احنا مش قولنا هنبطل الكلام البيئه دا ياحيوااان
فارس بضحك....... هههههههه اصلك عماله تلفى ودورى عليا .... وبشك .....هاتى من الاخر كدا وقولى عايزه منى اى
امينه بنفاذ صبر...... عايزاك تعدى على اخوك ف الشركه تاخدو يسهر معاك بدل ما هو حابس نفسو ف الشغل ليل ونهار كدا
فارس ........ ههههههههه انتى بتكلمينى انا
امينه بغيظ......... اومال هكلم مين يا متخلف ما انت اللى قدامى اهو
فارس ....... بقى انتى عايزانى اروح اخد جاسر معايا بقولك عايز افك عن نفسى مش اتخنق اكتر وبعدين جاسر ملوش ف الجو دا هيبوظلنا الخروجه وخلاص
امينه بغضب...... بقولك اى متزهقنيش وتنفذ اللى قولتلك عليه فاهم
فارس بزهق..... حاضر ياماما هروحله بس لو مرضيش هسيبه وامشى
امينه ........ ماشى ياحبيبى ربنا يهدى سركوا يااارب
فارس بمرح..... يالا سلاموز ياعسل
امينه........ مع السلامه
************************************
ف الشركه
تخرج نور من الحجره ف سرعه ثم تخبط ف شخص ما
نور بسرعه وهى تنظر لأسفل ......... اسفه اسفه مختش بالى
الشخص بصدمه........ مش معقول نوووووور
نور بزهول ..................................