رواية لعنة اختي والعقرب
الفصل التامن عشر18
بقلم منه محمد
ع السفره قاعد يوزع نظراته عليهم وجميله بتبصله ورباب مندمجه في الاكل
اسير: لقيت حاجه زي الزيت مدلوقه ع السلم , وبسببه امي اتزحلقت ووقعت (ضرب التربيزه بحده) رباب انا بسألكم انتم الاتنين ازاي وقع الزيت عليه
رباب: لو كنت انا الي حطيته هقولك
اسير بص لجميله: وانتي تقولي ايه عن ده
رباب: الحرامي مش هيقول انه حرامي
اسير غمض عينه وبتنهيده عاليه: رباب انا صدقتك
رباب: انت سألتني عشان عايز تبرئي مراتك
جميله : اسير لما طلعت ع السلم كنت بجري , مشفتش زيت موجود , ولا انا كبيت زيت , غلطت لما كانت امي هتقع, كنت ممكن امسك ايدها بس والله ما لحقت , كل حاجه حصلت بسرعه, ومعرفتش اعمل حاجه
اسير بغضب: في البيت تلات ستات ومش عارفين مين الي عمل كده , انتم انانين مش شايفين غير نفسكم
جميله: اسير
اسير زق الكرسي وقام وهو بيبص لرباب الي بصه لجميله بحقد واضح من بؤبؤ عيونها
جميله فضلت قاعده ورباب نفضت ايدها من الاكل وقامت بكل برود
..........قصص منه محمد كاتب..........
قاعده تشتغل لقته داخل عليها من غير احم ولا دستور وراح فتح درفه الدولاب طلع فستان وطرحه وهي بصاله
اسير: اعملي ده لما نرجع يله بينا دلوقت
جميله بستفهام: ع فين
اسير جب لها الشوز: هقولك
جميله: بتعمل ايه وهنروح فين
اسير بيجيب شنطتها: البسي بس بسرعه
جميله: ع الاقل عرفني
اسير: البسي هدومك ويله
جميله نفذت كلامه وهي لا تفقهه اي شئ وطلعت ركبت معاه العربيه لحد ما دخل شارعهم
جميله: احنا رايحين بيت ابويا
اسير نظراته لقدام: ايوه
جميله: ليه انا مش عايزه اروح هناك كان لازم تسألني
اسير: عايزه تفصلي 40 حته , والبنات تخيط ع الاقل 8 ساعات محتاجين , مكان هتكلم مع ابوكي , متأكد ان امي مش هتوافق بعد ما وقعت
جميله بصتله اوي وهو كمل: بلاش تندهشي انا وعدتك, مش هكون عقبه قدام احلامك, وده الي بعمله
في نفس الوقت ايمن كان عند ذكي بياخد العشر الف جنيه
ذكي بقرف: انت وابوك مصيته دمي اشرب انت الفراوله الحمره
ايمن بياخد الكاس: حلوه دي ياعمي
اسير هنا خبط ع الباب: افتح يا عم ذكي انا اسير
ايمن قام ورايح ناحيه الباب يفتحله ذكي مسكه: انت رايح فين اسير وجميله جم اطلع فوق السطح
ايمن: انا مش بخاف من حد جيت اخد عشرين الف اخدت عشره عايز الباقي
ذكي: مش هتاخد منه حاجه جميله رفضت واتهمتني اني سرقت فلوس جوزها
ايمن بحقد: عال بنتك بقي ليها جوز دلوقت غيري
ذكي: اسمع مش عايزكم تتخانقوا اطلع
ايمن: بس بشرط تقولي كانوا بيقلولك ايه
ذكي: وانا هستفاد ايه
ايمن مسك خدوده: لطيف شرط مقابل شرط هتستفاد ايه ,هعفيك من العشره الباقين
ذكي بفرحه: بجد
ايمن بمكر: بجد انت ترجع في كلمتك انما انا الاء , انت تتلون زي الحربايه انما انا الاء
ذكي زقه: استخبي بسرعه هيكـ سر الباب
ايمن شخط فيه: متزقنيش هطلع انا عارف الطريق
ذكي فتحلهم ودخلهم وسمع لـ اسير وايمن نفسه يسمع كلمه مش عارف
ذكي بعد تفكير: وانا ذنبي ايه اه من الزمن الوحش الناس بتحول الاب حـ مار
ووقعت العصفوره في فك الاسد, لما احتاجتي افتكرت ابوكي والا مكنش فيه بينا علاقه
اسير بمسايسه: مفيش حاجه من دي ياعمي , فاكر لما حط ايمن السـ كينه ع رقـ بتك
انا دخلتك بيتي وجميله اهتمت بيك
ذكي: معملتش معروف انا ابوها , وحماك وزي ابوك كان واجبكم تعمله معايا كده
اسير بصله بغيظ : وانت كمان مبتعملش معروف دي بنتك اديها اوضه في البيت للشغل
ذكي: قولها تتأسف الاول هي طولت لسانها عليا , كلامها الدبش مكتوب في قلبي
جميله بنفعال: انا مقولتش حاجه غلط , الي عملته معايا واخدت مهري , ميعملوش اي اب كويس مع بنته
ذكي اتعصب: عملت ايه بنيت بيه برج القاهره
جميله: امال صرفت كل الفلوس دي فين
ذكي: سددت ديوني وجددت الدكان ومليته بضاعه , والباقي اخدهم ايمن مفكرتيش حتي لو اتقفل الدكان كنت هعمل ايه, مقولتيش ابويا الغلبان لوحده هياكل منين بس انتي قولتيلي خد هدومك وامشي مش ده الدبش الي قولتيه ياجوجو
اسير: ماشي يا عمي انا بتأسفلك نيابه عن جوجو اديها الاوضه
ذكي رفع حاجب: جوجو مستخبيه فيك ومقلتش حاجه من هأجر لها اوضه هنا
جميله اتعصبت منه: ايه تأجرلي ليه مليش حق في البيت
ذكي بضحكه مستفزه: اي حق انا حي وواقف قدامك مكتبتش وصيه , وملكيش حق ياجميله
جميله قامت بصت لـ اسير بغيظ : شايف عشان كدا مكنتش عايزه اجي
ذكي شاورلها ناحيه الباب: امشي
اسير سحبها من دراعها: تعالي هنا اقعدي, اظن انا بتكلم , قولي ياعمي عايز تأجرها بكام
ذكي بطمع: هديدها الساعه 200 جنيه
جميله وسعت عيونها: كل ده اتقي الله
ذكي :اتقي الله عشان قولت 200 اقدر اقول 500 مش كده , بقيتي مصممه كبيره سبيني استفيد شويه
اسير : تمام هاخدها 8 ايام وكل يوم عشر ساعات يعني هتاخد 16 الف
ذكي بسعاده: اتفاقنا مش هتشربوا عصير
اسير قام ومسك ايدها : يله
ذكي: العربون
اسير اخد جميلته ومشوا وذكي هيطير من السعاده وايمن عرف بالي طلبينه
ايمن : اسير ده مش سهل يقدر ياخد بيتك بحجه الشغل
ذكي: ليه انا مغفل هقفل الاوضه لحد ما اتاكد الاول وبعدين ادهاله عشان بنتي تعرف انها محتاجه ابوها
ايمن خبطه ع كتفه بأبتسامه: حلو ده جدا , انا مسبتلكش العشره لله والوطن, بالحق ياعمي تفتكرشكوا اني هنا وسامع كلامهم
ذكي: عربيتك مش موجوده انت جاي مشي ع رجلك ليه يشكوا
ايمن: ده حلو جدا برضه عمي باي من غير سلامه وبلغني الاخبار
ذكي وهو رايح معاه ناحيه الباب: ان شاء الله
ايمن خرج للشارع وبينه وبين نفسه: دلوقت هتكون اللعبه متعه, جميله هتفضل هنا واسير ملهي في الدكان, لايمكن القي فرصه احسن من دي, لـ اهانه كرامه اسير , ودلوقت هتبقي الجوله التانيه يا اسير, تعيش ياعمي خليت لعبتي سهله
...........قصص منه محمد كاتب...............
قاعده تتكلم ع الموبيل وخيريه كل شويه ترن عليها وهي طناش
رباب: قولي ايه هي مفاجأتك
ايمن: هقولك ليه مستعجله اول حاجه قولي الكلمه الي نفسي اسمعها, انا بحبك وبعدها هقولك المفاجأه
رباب اتكت ع شفتها وابتسمت: انا بحبك
ايمن: ايه قولتي ايه , قوليها مره تانيه
رباب: انا بحبك اوي
ايمن بضحكه: يا ظـ المه نهتيني اليوم هنام مرتاح
رباب: قولي بقي المفاجأه
ايمن بخبث: اه هقولك اشتريتلك الحاتم
رباب نطت بفرحه: ايه
ايمن: ايوه واهلبسهولك بنفسي يوم قراءه فتحتنا
رباب: لا كدا بجد كتير
خيريه رنت الجرس تاني وتنادي بعلو حسها رباب اتخنقت وقفلت مع ايمن ورحتلها
رباب بغيظ: فيه ايه يمه رنيتي تلات مرات, ايه الي حصل مش عارفه اتفرج ع التمثليه براحتي , ومخلتنيش اروح المدرسه حصل ايه
خيريه بدموع: هو انتي بنت ابوكي ولا بنت جـ زار, امك عاجزه في السرير ومتشفقيش عليها دماغي هتنفجر من الصداع يظهر الضغط عالي ناوليني الدواء ووجع رجلي عذاب
رباب عوجت بؤها: امسكي كنتي بتتعامليني كدا وانا طفله عندها ست سنين مكنش حيلتي الا فستان قديم واكل ربع رغيف واشرب اللبن المتبقي من اخويا, نسيتي لو حصلك حاجه تانيه مش جايه ابنك ومرانه مشيوا وقعدوني معاكي اتبلي بيكي
............قصص منه محمد كاتب...........
جميله نزلت من العربيه وهي بتعيط وماشيه متنرفزه
اسير نزل وراها: المكتوب مش بيتغير بالعياط
جميله بعصبيه : مين قالك تكلم ابويا وتتفق معاه ع 16 الف, روحت عشان تحرجني , وتظهر ابويا ع حقيقته , انه ملوش خير فيا مين هيديله الفلوس
اسير : انتي هتديله من شغلك
جميلله اتكت ع اسنانها بغيظ: انا مش بكسب الفلوس عشانه
اسير : بس بتكسبي عشان تردي فلوسي , يبقي لازم تتنازلي
جميله :كدا اجرلي اوضه عند اي حد
اسير : حتي لو اجرتي اوضه في اي مكان محدش هيدهالك غير شهر كامل مش اسبوع وهياخد مبلغ اضعاف عشان الشقه مش للسكن , غير كدا مش هتاخدي راحتك وياعالم الجيران نوعيتهم ايه لكن بيت ابوكي امان
جميله ببكاء: بجد شكرا عروضك هايله
اسير: استني افتحلك الباب , ادخلي هروح اشتري شويه حاجات للعشي
جميله دخلت وهي طالعه سمعت خيريه بتنادي ع اسير وهي بتعيط وتصرخ وبعدين ندهت عليها
جميله بتجري مفزوعه : خالتي
خيريه ببكاء: تعالي بسرعه
جميله ايه الي حصل اجبلك مسكن
خيريه لاء مش عايزه حبيت اخش الحمام بس ملحقتش نفسي
جميله ابتسمت في وشها: ليه بتعيطي وقفي عياط ده وارد يحصل في المرض مفيش مشكله خالص عغيرلك كل حاجه اقفل بس الباب
اسير داخل وبسؤال: في ايه
جميله واربت الباب: لا يمكن تدخل دلوقت اخرج
اسير: فهميني حصل ايه لـ امي
جميله بهمس: ملايا السرير اتوسخت هغيرها
خيريه ببكاء: يارب ماحد يتحوج لحد
اسير: فين رباب
جميله: معرفش هخلص واندهلك
اسير اتغاظ جداورايح يدور ع رباب لقاها فوق السطح بتتكلم ع التلفون
اسير زعق بغضب فيها: يارباب اخرج من البيت ساعتين اقولك اهتمي بأمي وانا جاي طلعتي ع السطح مسمعتيش امك تعبت وهي بتنادي
رباب بزهق: مسمعتهاش
اسير: مسمعتيش كان لازم تقعدي تحت
رباب: هو انا خدامه ولا ممرضه كنت قاعده معاها ولسه طالعه حقي اتنفس شويه هواء
اسير: اتنفسي مين منعك لكن اقله اظهري شويه انسانيه ورحمه ناحيه امك
رباب: امك انت تخدمها انت خدمتك واجبك اكتر مني
اسير بصلها بضيق وسابها ونزل يطمن ع امه
رباب: جاهل مش متحمل سعادتي _حطت الموبيل ع ودنها_ الو يا مؤمن كنا بنقول ايه
............قصص منه محمد كاتب..............
ع الموبيل
جميله :يامدام حصلت ظروف ولا يمكن اسلمك الطلبيه اطلبي من مصممه تانيه....ايوه هكمل بس بعد شهر اما دلوقت مقدرش.... الف شكر يا مدام مع السلامه
اسير قرب وسألها: ليه رفضتي طلب المدام لانك مش عايزه تدي الايجار لـ ابوكي
جميله :خالتي محتجاني عشان كده
اسير :هجيب واحده تقعد بامي اشتغلي واختي كمان تشتغل, مقدرش اتحمل عبئ معروفكم
جميله بغيظ: وطبعا عايز تظلمنا معاك طول الوقت, بتتكلم عن المعروف انت مش عايز تتحرم من امك وانا اتحرمت من امي مع مرض السرطان وعارفه البيت قبر , وحياه فاضيه من غير الام دي العلاقه الوحيده الي تحبك من غير مصلحه تدعيلك بدون مقابل انا مزقتش امك وهثبت لك ده بأفعالي وبلغ ابويا مش عايزه اوضه حاليا وحاجه كمان امك ضغطها عالي مش مستقر بسبب الم جسمها وعندها الحراره عاليه الافضل تجيب الدكتور عن اذنك
اسير وقف يفكر مع نفسه: معقول جميله اجلت انها تسيبه شهر كمان طيب وبعد الشهر ده ما يخلص هتسيبه وروحه تسيبه وراها