الفصل الاول 1 من الجزء الاول
بقلم نجمه براقه
ياسمين. ازيك يااااا،، انت العريس ؟؟
هشام - ايوة انا ، انتي اخت العروسه الصغيره صح
ياسمين: اخت العروسة !!! دا باين عليه غبي ده ولا ايه ، انا العروسه!
هشام: عروسه ايه؟! انتي العروسه ازاي يعني!! دا انا لو اتجوزت كنت خلفت قدك
ياسمين: ليه؟! انت عندك كام سنه يا جدو
هشام: 31 يا لمضه
ياسمين: وكبير علي كده ، اتنيل
هشام: اتنيل!! وكمان قليلة الادب
ياسمين: انت هتلبخ ، وربنا المهم عليك واقول بيتحرش بيه
هشام: لاااا ده كده كتير، عن اذنك
ياسمين تصعد فوق الطواله وتضم كفيها بترجي: لا لا استني ونبي ، تعاله بس هفهمك
هشام: ايييه ده انزلي
ياسمين تهبط: نزلت اهو ، بس علشان خاطري تجوزني شهرين
هشام: ايه!!!
ياسمين: يوووه انت مخك تخين كده ليه؟! اقصد تخطبني شهرين وبعدين نفشكل
هشام: وانتي عاوزاني اخطبك شهرين ليه بقا؟!
ياسمين: اقولك!! ، اصل الجماعه اللي برا دول ، مانعني اخرج ولا امسك فون ولا اعمل اي حآجه ، وبيقولولي لازم اتخطب او اتجوز ، وعاوزك انت تكسب فيه ثواب وتجوزني... اقصد تخطبني
هشام: تاني!! لا ، انتي صغيره ومش هننفع نتخطب يوم واحد حتي
ياسمين: و انت عارف عندي كام سنه علشان تقول صغيره؟! ما تتعدل!!!
هشام: هضربك كف اكسر سنانك ' احترميني ، انطقي عندك كام سنه،
ياسمين: طيب هنطق اهو دا انت خنيق ، عندي 25 سنه
هشام: نعم!! نعم!! نعم!! هي مين دى اللى 25 سنه
ياسمين. ايوه وربنا عندي 25 سنه ، بس انا يبان عليه سفيفه شويه
هشام: شويه بس قولي شويات
ياسمين: اخلص يا طعم موافق ولا لا
هشام - لاااا
. كده!! طيب!! يا ماااماااا
يضع يده علي فمها ليخرسها- اخرسي بتعملي ايه
ياسمين تزيل يده: هتخطبني بمزاجك، ولا اخليك تصلح غلطتك ، والي في بطني يتكتب باسمك يا متحرش يا مغتصب
هشام: انا مغتصب؟!
ياسمين: ومتحرش ، وكلمه كمان هخليك بتاجر في البنات
هشام:
ياسمين: قولت ايه
هشام - خلاص موافق هخطبك وامري لله
ياسمين تجلس وتضع ساق فوق الاخري: حيث كده سيبني افكر شويه