رواية طفلة القيصر
الفصل الرابع4
بقلم سعيدة عكاشة
سيف طلع من عندهم وهو معصب اصلا هم م عندهم الحق يبعدوها منو الدنيا اصبحت وهو م مشى الجامعة عمر مشى ولقاهو م ف قلق امكن حصل ليهو شي لان هو عارف هو بيحب قمر لياتو حد بليل سيف مشى عناس عمو عارف انو عمو م هيرضى عشان كدة مشى عند خالتو فاطمة وهي لان بتحب سيف سمحت ليهو لكن يجي بسرعة سيف مشى غرفة قمر ولقاها نايمة م حب يصحيها كان عايز يطلع بس قمر صحت
قمر:سيف؟
سيف:اسف لاني صحيتك بس عرفتيني كيف؟!
قمر:من ريحة عطرك(م ساهلة البت👏)
سيف:قمر انا اسف و م بعيدها تاني بس انتي عصبتيني ولو عايزة البسي الفستان و م بعترض(ملاحظة:قمر بتعتبر سيف اخوها و م بتعرف انو هو بيحبها)
قمر:م عايزة البسو م بحبو دام انك م بتحبو بس م تزعل مني
سيف:ضربتك بقوة صح؟!+انا م زعلان
قمر:ايوة
سيف:معلش تنكسر ايدي ولا تضربك
اثناء م سيف وقمر بيتكلمو محمد جا(فاطمة ف المطبخ وهو دخل عشان يتطمن على قمر)
محمد:انا مش قلت ليك م تقرب من بتي
سيف:عمو افهمني انا اسف وضربتها ف لحظة غضب وجيت اعتذر منها وهي سامحتني
محمد:حتى لو هي سامحتك انا م بسامحك واسي قوم اطلع من بيتي وتاني م تعتبو
سيف طلع وخاطرو مكسور وهو م بيقدر يناقش عمو
عمر جا من الجامعة وكان ف غرفتو وسمع الاصوات وفهم الحاصل ف لحظة غضب محمد قرر انو قمر هتكمل دراستها برا هي وعمر كمان وسفرهم ف نفس الليلة بدون م يوري زول
ف اليوم التالي:
سيف صحى وقرر يتناقش مع عمو لازم يحل الموضوع لان هو م بيقدر بدون قمر ساعة نزل تحت لقى البيت جايط استغرب بس عندو موضوع اهم فماركز كتير مع الموضوع كان عايز يطلع بس جدو كان جا وهو لان بيحب جدو م حب يطلع وهو قاعد كلهم اتلمو جنب جدو الا عمر قال امكن عشان م عايز يقعد ف مكان فيهو سيف هو كان بيفكر و م منتبه
الحاج مصطفى:انت استشرت منو عشان ترسلهم؟!
محمد:لو كانت قعدت اكتر كانت هتحصل مشكلة لان انا م بسمح لسيف انو يقرب منها
مجاهد:انا كنت همنع سيف بس كيف ترسل طفلة براها
محمد:م براها معاها اخوها
مجاهد:اسي عمر د عاقل وخرج الزول يثق فيهو ويأمنو ع طفلة
محمد:هم سافرو خلاص الكلام ف الموضوع د م هيفيد
سيف:دقيقة منو السافر؟!(انتبه بعد كلمة هم سافرو)
الحاج مصطفى:قمر واخوها
سيف م قادر يستوعب:قمر وعمر؟!متين؟!وليه؟!وهيجو بتين؟!(د كلو وهو واقف على حيلو وصوتو بيهز الارض)
الحاج مصطفى:سيف وطي صوتك واتذكر انت وين