رواية قطه شقيه مشاكسه الفصل الثاني2 بقلم شيماء رمضان
الام
ربنا يهديكي ويصلح حالك يابنتي ويرزقك بابن الحلال الي يستاهلك
نيره
عمي ياعمي ياحته من دمي
العم
تعالي يامجنونه انا هنا
نيره
صباح الورد علي اجمل عم في الدنيا صباح الفل يااجمل مرات عم
العم
صباح الورد ياقلبي اي الهيصه الي عملاها دي يانيره مش هتعقلي بقا
مرات عمها
تعقل متبقاش نيره هوا البيت يبقا له طعم من غير جنان نيره
نيره
حبيبتي ياسوسو ياقمر يارافعه معنوياتي هي فين منه
سوسن مرات عمها
نايمه ياحبيبتي ادخليلها بس من غير شقاوه عصام نايم
نيره
بس كده عيوني
دخلت نيره براحه علي منه الي نايمه وطلعت صفاره وجنب منه وتووووت
منه
اعا مين مين اوعا القطر نيره يابنتي انا لسه صغيره علي الخضه دي كل يوم
نيره
قومي يلا يامنه بطلي كسل
منه
طيب روحي لعصام على مااخطف حلم سريع واصحي
نيره
قومي ياام حلم سريع يلا على مااشوف دراكولا اخوكي يلا
نيره
دخلت لعصام الي كان في الحمام فضلت واقفه على الباب ولبست وش مخيف واستنته واول ماخرج
عصام
سلام قولا من رب رحيم منك لله يانيره انتي مش هتعقلي بقا يابت انتي
نيره
لع يلا اجهز عشان نخرج
عصام
نخرج فين يااختي انا مش فاضي ورايا شغل خدي معتز
نيره
لا معتز مش طايقني خليك جدع بقا وحياتي ياصاصا
عصام
بطلي كلمه صاصا دي الدلع مش لايق عليكي ياجعفر روحي اتنيلي اجهزو علي مااخلص لبس هوصلكم واروح شغلي
نيره
فوريره
عصام
هبله اووي
نيره ومنه داخلين الكافيه المفضل عندهم
منه
بت يانيره شوفي مين هناك دي البت ناديه حبيبه عصام
نيره
بنرفزه وليه السيره دي علي الصبح اخوكي لوح مش حاسس بيا ورايح يحب سلعوه
منه
ماانتي الي طفله وتصرفاتك ومقالبك مخليه شايفك طفله استني استني مين الي جه قعد معاها ده دي حتي مش واخده بالها اننا موجودين
نيره
معرفش سيبك منها عصام هياخد علي قفاه منها قريب
منه
يابت استني ده ماسك ايدها
نيره
يالهوي الحلوفه بقا سايبه عصام القمر وقاعده مع كلب البحر الاقرع ده والله لاقول لعصام يلا بينا
روحو البيت ونيره طول الوقت قاعده علي السلم مستنيه عصام واول مالمحته وقفت وراحت عليه جري
نيره
عصااام عصااام شوفت حصل ايه
عصام
اطلعي من دماغي انا جاي تعبان
نيره
اسمع بس هقولك ايه استنا
عصام
جبلك شوكولا حاضر سبيني بقا
نيره
لالا مش علي الشكولاته هتجبلي برضو بس حاجه تانيه
عصام
عايزه ايه
نيره السلعوه بتاعتك
عصام
ناديه مالها انتي ليه حطاها في دماغك يانيره اكبري بقا
نيره
دي بت مش تمام شوفتها النهارده في الكافيه مع واحد وماسك ايديها
عصام
هي حصلت تقولي علي ناديه كده علشان بتكرهيها وبتغيري منها
نيره
انا بغير منها ياعصام والله حصل وحتي اسال
عصام
مش هسال حد شيليني من دماغك يانيره انا مش بحبك ولا هحبك انا بحب ناديه وهخطبها عمري ماهحب طفله بتصرفات اطفال
نيره
بس لحد كده انا مش طفله ومش بكذب عشان بغير من حد واسال اختك كانت معايا وشافت ومش هسامحك ابدا علي كلامك ده
عدت الايام ونيره مبقتش زي الاول مبقتش نيره المرحه بتاعت المقالب الكل كان مستغرب اووي اي حصل لنيره البنت الي كانت ماليه الدنيا ضحك ومرح
الام.
نيره حبيبتي
نيره
نعم ياماما
الام
قومي افطري يلا
نيره
حاضر ياماما هحصلك دلوقتي
الام
مالك ياقلب ماما اتغيرتي ليه كده فين ضحكتك الي كانت ماليا الدنيا
نيره
مش كنتي عايزاني اعقل اهو عقلت وكبرت ياماما متقلقيش
الام
كبرتي بين يوم وليله طمنيني عليكي ياقلبي في حاجه زعلتك
نيره
لا ياحبيبتي مفيش حاجه متقلقيش انا بخير
علي السفره
معتز
نيرو ساكته بقالك فتره يعني اي حصل في الدنيا
نيره
عقلت وكبرت خلاص يامعتز
معتز
مين مزعلك ياحبيبتي انا اخوكي الكبير لو حد زعلك عرفيني وانا اجبلك حقك
نيره
ربنا يحفظك ليا ياقلب اختك
الاب
نيره احنا مسافرين بكره عند عمتك المنصوره تعالي معانا
نيره
لا اسفه يابابا مش عايزه اسافر
الام
هتقعدي لوحدك هنا يابنتي
نيره
اه يا ماما من فضلك مش عايزه اسافر
الاب
خلاص سبيها ياحاجه براحتها
تاني يوم الكل سافر
منه
نيره تعالي نخرج سوا
نيره
لا يامنه مش عايزه اخرج
منه
يابنتي فوقي بقا سيبك منه هيفوق لوحده انا قولت له قال اني متفقه معاكي عليها يبقا هوا حر متزعليش نفسك
نيره
انا خلاص مش عايزه اتكلم في الموضوع ده
منه
خلاص ياحبيبتي تعالي انزلي معايا عندنا اقعدي مع بابا وماما هوا مش موجود وحياتي تعالي
نيره
حاضر يامنه
نزلو كلهم وهما قاعدين جه فون لعمها
العم
الوو ايوه انا اييييه اخويا في مستشفى ايه انا جاي حالا
نيره
في ايه ياعمي
العم
عربيه ابوكي اتقلبت وراحو المستشفى
نيره
بابا حصلهم ايه يلا نروح ياعمي
العم
يلا يابنتي ربنا يستر
في المستشفى
العم
لو سمحتي في حد جه في حادثه علي طريق المنصوره
. الممرض
ايوه يافندم فوق الدور الرابع
. العم
لو سمحت يادكتور انا اخو عبد الرحمن الي جه في حادثه مع عيلته
الدكتور للاسف الزوجه والابن توفو والزوج في العمليات وحالته حرجه البقاء لله في الزوجه والابن وربنا يقوم الزوج بسلامه بعد اذنكم
نيره
سمعت كده ووقعت من طولها
بعد فتره بتفوق نيره لقت الكل حواليها وعصام جنبها
نيره
بابا فين وماما حصلهم اي الدكتور بيكذب صح هما ماسبونيش كلهم كده صح
العم
شدي حيلك يابنتي خليكي مؤمنه الله يرحمهم
نيره
لا ماما ياماما يامعتز متسبنيش مش قولت ليا هتجبلي حقي من الي زعلني جبلي حقي يامعتز وقوووم يابابا بابا فاق مش كده هوا الي فضلي صح
. منه
شدي حيلك ياحبيبتي الله يرحمه مستحملش العمليه
نيره
باعلي صوتها بابا يابابا وفجأه صوتها سكت واغمي عليها
بعد ثلاث ايام في غيبوبه بتفوق نيره
العم
حالتها ايه يادكتور
الدكتور
للاسف الصدمه كانت شديده فقط النطق
العم
ايه وهتفضل كده كتير يادكتور
الدكتور
الله اعلم المهم ان حالتها النفسيه تتحسن وربنا كبير
بعد اسبوع روحو البيت بنيره
سوسن
خليكي معانا هنا مطلتعيش لوحدك فوق
نيره
بتشاور بلا انها عايزه تفضل لوحدها بعد مناهده وافقو تطلع فوق مع منه
نيره
دخلت من غير حاجه لغرفه والدها والدتها وفضلت تعيط وتقول في نفسها
نيره
سبتوني لمين ياماما انتي وبابا سبتوني لوحدي واهو بقيت خرسه كمان خدوني معاكم ياماما حتى معتز مشي معاكم بقيت لوحدي
منه
تعالي يانيره عشان تاكلي وتاخدي علاجك
نيره
بلاشاره لا مش جعانه
منه
لا مش جعانه ايه لازم علشان العلاج انتي عايزه طنط وعمي يزعلو منك انتي عارفه انهم حسين بلي انتي فيه يلا ياحبيبتي تعالي كلي دي ماما عملتلك الاكله الي بتحبيها
نيره
علي السفره بتبص للاكل وتفتكر والدتها وهي بتهزر معاها
فلاش بااك
نيره
الله على الريحه ياست ماما تسلم ايدك
معتز
سيبي يابت الفرخه هتاكليها لوحدك هاتي
نيره
لا دي بتاعتي ماما عملتها ليا لوحدي
معتز
بيجري وراها وهي بتجري منه وبتضحك
بااك
منه
نيره ليه الدموع دلوقتي ياقلبي كلي عشان خاطري
نيره
بتشاور بلا شبعت
منه
شبعتي ايه داانتي ماكتيش حاجه خالص وحياتي لقمه صغننه
بعد الاكل نيره دخلت غرفه معتز وبتبص عليعا وبتفتكر موقف معاه
فلاش بااك
معتزقاعد جنب نيره وبيملس علي شعرها
معتز
انتي اختي الوحيده وبنتي داانتي متربيه علي ايدي عارفه يوم فرحه هدي عريسك حتت عقله عشان هياخد مني فرحه البيت
بااك نيره بدموع وفي نفسها اهو مبقاش فيه فرحه في البيت يامعتز سبتني ليه مين هيوصي عريسي عليا مين هيجيب حقي من اي حد يجي عليا سبتني يامعتز لوحدي في الدنيا تخبط فيا
ونامت علي سر. ير
معتز وخدت هدومه في حضنها ونامت