رواية من اجلك
الفصل الثاني2
بقلم سعيدة عكاشة
<عند مهاب>
مهاب=يونس العصائر هتتصدر لروسيا
يونس=بس احنا بنصدرها للوطن العربي روسيا دي جات من وين
مهاب=م عليك بس جهز كمية كبيرة
يونس=ممكن افهم الحاصل؟
مهاب=هتفهم بس سوي البقولو ليك
<في التفتيش>
يونس= انتو هتفتشو العصائر كمان يعني هتشقوها ولة كيف
الشرطي=هنمررها ع الجهاز
يونس=هو عصير يتفتش ليه يعني
الشرطي=إذا بالجد م فيهو شي انت مالك كلامك كتير
يونس=فتش براحتك
<مهاب اتصل عليه>
يونس=لاول مرة اخاف ف تصدير شحنة
مهاب=انت من يوم يومك خواف بس اسي خايف ليه
يونس=لان الشحنة دي م كانت ضمن مخططات الاسبوع وجات فجأة ومن تخطيطك كمان يبقى اكيد من وراها مصيبة
مهاب=اتطمن م ف شي وانت خليك هادي عشان لو شكو فيك حتى لو م ف شي هيقعدو يدققو
يونس=كان تجي انت وتريحني
مهاب=انا م بعرف شي عن العصائر دي ولو سألوني و م عرفت كدة رُحنا فيها شغل مخك د شوية
يونس=مخ اجرامي ي بوص
مهاب=عارف يلا المهم م تتوتر واول م الشحنة تطلع من السودان اتصل لي
<الشحنة كانت كبيرة استغرقت ٣ ساعات>
يونس=طلعت الشحنة واخيرا
مهاب=تمام كدة انجزت المهمة
يونس=هتوريني الحاصل شنو ولة كيف
مهاب=تعال الشركة
<يونس مشى لمهاب>
يونس=نعم يلا احكي
مهاب=مصطفى زارع جاسوس هنا
يونس=كيف ومتين وعرفت كيف
مهاب=خليك من د كلو المهم انا عشان عارف انو ف جاسوس قلت انو ف شحنة اسلحة وهي اصلا شحنة مخدرات هو هيكون قاعد يفتش عن اسلحة والمخدرات اصلا اتصدرت
يونس=كيف اتصدرت؟
مهاب=بالعصاير
يونس=نعم؟!
مهاب=شحنة العصاير اول م تمشي روسيا هيستلموها المافيا هناك وكرتونة العصائر لمن اتصنعت بطنت جواها كل البودرة عشان لو حاولو يفتشو ريحة العصير تغطي ع ريحة المخدرات
يونس= د شنو المخ الاجرامي د
مهاب=ع العموم اسي باقي بس نعرف مين الجاسوس
يونس=وهتعرفو كيف
مهاب=كل الاعضاء اللي كانو امس معانا جيبهم المكتب واحد واحد
يونس=امس كانو شغالين ٣٠٠ شخص
مهاب=جيب منهم الكانو ع مسافة ١٠ متر
يونس=ليه ١٠؟
مهاب=لان كان ف جهاز تنصت ف المزهرية امس لقيتو والجاسوس اكيد مركب السماعة لمن يجي انا هكتشفو
يونس=وشنو الضمنك انو هو اسي م سامعنا
مهاب=لاني عطلتو الليلة الصباح وبعد تطلع بشغلو
يونس=انا هجيبهم طيب
مهاب=سرعة
<يونس لقاهم ١٠٠ وبقو يدخلو واحد ورا التاني وكل واحد بعذر مختلف م ف زول مركز انو مقصود ومهاب كل م يجي واحد بيضغط على السماعة برجلو عشان تعمل طنين ف اضان المركبها ويدوخ من قوة الصوت ويعرفو>
مهاب=اسمك منو؟
..=تامر
مهاب=ليك كم شغال معانا<واثناء م هو بيتكلم ضغط ع السماعة فجأة تامر صرخ ومع صرختو ديك مهاب اطلق الرصاص ع راسو بكاتم صوت>
<يونس جا داخل عشان يطلع تامر ويدخل التاني>
يونس=د قتلتو بتين
مهاب=المهم انو مات
يونس=انت يدك م بترجف قبل تقتل زول؟
مهاب بنبرة استهزاء=فاكرني انت؟
يونس=المهم اسي هنعمل شنو ف الجثة دي
مهاب=اقطع اصابعو العشرة وختهم ف بوكس هدية وهو دخلو ف شوال وامشو ادفنو
يونس=والاصابع ليه ف بوكس هدية
مهاب=يعني عايز صاحب مصطفى يموت و م نخلي ليه ذكرى منو؟
يونس=هتبعت اصابعو لمصطفى؟
مهاب=عشان تعرف اني حنين
يونس=حنيتك م ف زيها الحمدلله انو م ف زيها
مهاب=يلا سوي القلتو ليك
<يونس دفن جثة تامر ورسل بوكس الهدية ع بيت مصطفى>
إباء=يعني ف ناس بتصحى الوقت د عشان تمشي للناس كمان اوف
<الجرس رن بقوة>
إباء=جاية كفاية
بتاع التوصيل=دي هدية من مجهول للضابط مصطفى
إباء=كيف مجهول(دي لسه نايمة🤣🤣)
بتاع التوصيل=يعني م معروف
إباء=انا فاهمة معنى مجهول بس الصدمة ي انت🙂🤣
بتاع التوصيل=وين الضابط مصطفى
إباء= م قاعد ممكن اخدها بدالو؟
بتاع التوصيل=طيب ووقعي هنا
<إباء اخدت الهدية ووقعت>
إباء=والله ي مصطفى بقت تجيك هدايا كمان وكمان عايش دور البرئ(لو عرفتي الهدية شنو بتندمي ع كلامك🙂🤣)
<إتصلت ع مصطفى>
إباء=ي عصفور الحب
مصطفى=كان اخير توفي
إباء=بتناديك بمنو؟
مصطفى=منو هي؟
إباء=مرت اخوي المستقبلية
مصطفى=إباء قوم البسي وتعابي بطلي خارجياتك دي
إباء=انا جادة ع فكرة أسي جاتك هدية
مصطفى=من منو
إباء=مجهول
مصطفى=فيها شنو
إباء=م فتحتها
مصطفى=جيبيها القسم معاكِ
إباء=مش قلت نفصل حياتنا عن الحياة العملية
مصطفى=ي زولة جيبيها م تكتري كلام
إباء=ع شرط نتقاسمها نص بالنص(خمسة اصابع ليكِ وخمسة اصابع ليهو حلو كدة🙂🤣🤣)
مصطفى=حتى هديتي هتتقاسميها معاي؟خافي الله ي زولة(🤣🙂انت م خسران شي خليها تتقاسم)
إباء=هتتقاسم ولة لا
مصطفى=طيب جيبيها ونتقاسمها(قصدو نتخلع سوا ي جماعة🤣)
<إباء لبست وشالت الهدية ومشت القسم>
إباء=يلا أفتحها
مصطفى=قولي لي صباح الخير ع الاقل
إباء=م ف داعي يلا الهدية
<مصطفى فتحها ورمى الهدية من يدو>
<إباء لقت الاصابع ف الارض وداخت من الدم والمنظر(وعايزة تبقى شرطية قالت🙂🤣)>
<مصطفى م شاف الرسالة وبقى يحاول يصحي ف إباء ويرشها بالموية>
مصطفى=إباء اصحي ي إباء
<إباء صحت>
مصطفى=انتي كويسة؟
إباء=ايوة
مصطفى=لو حاسة نفسك تعبانة اوديك البيت؟(يمهه ع الحنية🥺💙)
إباء=انا تمام بس د شنو(سُجك🙂 يعني م شايفاهم انتي🙂)
مصطفى=دقيقة اقرا الرسالة
<إنت فاكر إنك بتقدر تلعب معاي الأكبر منك م قدرو علي وإنت جاي تزرع لي جاسوس انا القيصر ي مصطفى خلي الاسم د يتكرر ف اضانك كتير عشان تعرف انو اللعب مع الكبار خطر المرة دي صحبك المرة الجاية م اضمن ليك هيكون منو>
مصطفى مسك راسو=تامر
إباء=د منو
مصطفى=د الجاسوس الكان عند القيصر
إباء=القيصر د منو
مصطفى=الموضوع كبير انتي اطلعي وخليني اسي
إباء=انت كويس؟
مصطفى بصرخة=اطلعي
<إباء طلعت من شافتو اتحول>
مصطفى=الموضوع بقى شخصي ي قيصر هنتقم لتامر و م هرتاح الا اشوف جثتك
[قيصر هو مهاب بس م ف مخلوق غير يونس بيعرف انو مهاب هو القيصر هو ماخد اسم القيصر للمافيا وسموه المافيا لان من وهو صغير م ف ولا مهمة اخدها الا ونجحت وبقى اسم قوي ف عالم المافيا]