رواية من اجلك
الفصل العاشر10
بقلم سعيدة عكاشة
يونس=صباح الخير
مهاب=صباح النور، مالك جاي بدري
يونس=نسيت انك عندك اجتماع اونلاين بعد تلت ساعة؟
مهاب=الليلة يوم الشنو
يونس=السبت
مهاب=افف نسيت الاجتماع وموضوعو طيب شويتين واجي
<ف الاجتماع>
مهاب=بعد د م ف اي خطر ع تهريب الاسلحة ولو عايزين ممكن تصلكم اكبر الكميات وخلال يومين بس، لكن السعر يكون مناسب
المشتري=تمام السعر م مهم المهم الاسلحة تكون اصلية وكويسة
مهاب=عيب عليك وانا من بتين بديكم حاجة جودتها م كويسة
المشتري=تمام هشوف الوضع هنا واحدد ليك الوقت والمكان
مهاب=تمام
يونس=خلصت؟
مهاب=ايوة تعال نفطر
يونس=وين ريناد م شايفها<دي الكانت شغالة عندهم>
مهاب=طردتها
يونس=ليه
مهاب=يعني عايزني اقعد إباء زي الملكة لحدي م المحروس اخوها د يصحى؟
يونس=هتشغلها مكان ريناد
مهاب=ايوة
يونس=م اظن تعرف لشغل البيت والحاجات دي
مهاب=هنخليها تجهز الفطور ونشوف
يونس=تمام هناديها
<إباء كانت لسه نايمة وكالعادة نايمة وهي راسها ع سرير مصطفى وباقي جسمها ف الارض وماسكة يد مصطفى>
يونس=إباء، اصحي
إباء=انت منو
يونس=اولا صباح الخير، انا صاحب مهاب بتكوني م ركزتي لانك صاحية ياداب
إباء=جاي ليه
يونس=مهاب عايزك فوق غسلي وشك وتعالي، و م ترقدي رقدتك دي تاني لانها بتعوج ليك رقبتك
إباء= انت م دخلك
<يونس طلع بدون م ينطق حرف>
<عند إباء ومهاب>
إباء=صباح الخير
مهاب=هتبدي تطبخي وتنضفي القصر كلو براك وتنضفيه ركن ركن ولو لقيت لو نقطة وسخ اخوك م هديه علاج
إباء=فوق م انك متعجرف و م بترد ع التصبيحة حتى مصحيني عشان تسمعني كلام زي د
مهاب وقف ع حيلو=عايني انا م صحبك عشان تتكلمي معاي وتصبحي وبتاع و ع قول اخوك انا مجرم فالاحسن تاخدي حذرك مني م تاخدر وتعطي معاي كتير فاهمة؟
<إباء هزت راسها بأيوة>
مهاب بصوت اعلى=فاهمة ولة لا؟
إباء=ايوة فاهمة
مهاب=خدي قائمة المهام من يونس وابدي شغلك
<طلعت ولقت يونس ودموعها ف عيونها سلمها الورق بدون ينطق اي حرف>
يونس=انت ليه بتتعامل مع المخلوقة كدة
مهاب=انا الآسرها وبتعامل معاها زي م عايز، انا عايز اجهز انزل وانا بلحقك
<يونس نزل ولقى إباء قاعدة تطبخ وقف ف الصالة وبقى يتكلم معاها>
يونس=م اتوقعتك تعرفي تطبخي
إباء=ع فكرة انا طباخة واكلي هيعجبك
يونس=ممكن اذوق؟
إباء=لا شوية وهديك عينة وتوريني الناقص
يونس=طيب منتظر ي طباخة
#من_أجلك💙
#بقلم_سعيدة_عكاشة
باقي بارت《10》
يونس=طيب منتظر ي طباخة
<بعد ربع ساعة إباء ادتو شوية من الاكل وقعدت تعاين ليه بمعنى طلع كيف>
<يونس اكل وعاين ليها وسكت>
إباء=الملح صح؟، اصلا دايما بكترو معلش اسي بصلحو بس م تكلم مهاب
يونس=اهدي ع فكرة الاكل حلو بس انا م عرفت اقول شنو لانو كان حلو شديد و م ف داعي تخافي مني لاني مستحيل اكلم مهاب بشي
إباء=شكرا
يونس=ع فكرة انا يونس صاحب مهاب
إباء=انا فاكراك شغال عندو
يونس=ايوة مهو انا المدير التنفيذي للشركة
إباء=بس انت لطيف وهو شرير كيف د
يونس بضحك=شرير🤣، انتي طفلة
إباء=مالك
يونس=ولا شي اجهز معاك السفرة؟
إباء=لو ممكن تعبي جك الموية انا بجهز الباقي
<مهاب جا نازل من فوق ولقى إباء بترتب ف السفرة ويونس بيمد ليها ف المعالق والكبابي>
مهاب=وين الاكل
<إباء جات وسكبت ليهم الاكل وطلعت لغرفتها>
مهاب=شايفك صاحبت المحروسة
يونس=م كدة بس هي دايما ساكتة وخايفة فإتكلمت معاها شوية
مهاب=المهم كمل اكلك لان ورانا شغل كتير
<يونس ومهاب فطرو وطلعو لاشغالهم وإباء طلعت تستكشف القصر ونست كلام مهاب انها م تطلع>
إباء=هو كيف عايش ف القصر الكبير د براهو، ودي شنو كمية الغرف دي، وين اهلو ومرتو
الحارس=شنو الجابك هنا
إباء بصدمة=جيت اجهز الغدا
الحارس=القيصر م بياكل اي وجبة هنا الا احيانا بيجي يبيت ويفطر
إباء=وبقية الاوقات بيعمل شنو
الحارس=بياكل ف الشغل
إباء=طيب ممكن م توريه اني جيت هنا؟ لانو هيأذي اخوي وهتكون دي اخر مرة
الحارس=تمام بس اخر مرة
إباء=خلاص اخر مرة ي....
الحارس=مرتضى
إباء=اسمك مرتضى؟
الحارس=ايوة
إباء بحزن=عندي زول عزيز علي اسمو مرتضى مات
مرتضى=ربنا يرحمو
إباء=طيب انا همشي الغرفة عشان م اعملك مشاكل وشكرا مرة تانية ي مرتضى
<بالليل>
إباء=مرتضى، مرتضى
مرتضى=نعم
إباء=القيصر جا؟
مرتضى= م اتوقع يجي لانو م بيجي الا مرة ف الاسبوع وطالما جا امس م بيجي الليلة
إباء=طيب ممكن اقعد برة ف الحديقة؟
مرتضى=إباء م تضغطي علي
إباء=طيب نص ساعة بليييييز
مرتضى= لا ربع ساعة
إباء=طيب ربع بس
<إباء طلعت ورجعت تسقي الوردة الذبلانة تبع المرة الفاتت ومشت قعدت ف كرسي جنب مرتضى>
إباء=مرتضى انت ليك كم شغال هنا؟
مرتضى=تلاتة سنوات
إباء=وين اهلك
مرتضى=كل الناس الشغالين مع القيصر ديل من الميتم وهو لمن يكون عايز عمال جدد بيشوف الناس الطلعت من المياتم، رغم انو هو ف عين الناس وحش ومجرم بس احنا بنحترمو
إباء=هو شخصية غير مفهومة للصراحة
مرتضى=م ف شخص قريب منو غير يونس وحتى هو كمان بينهم حدود
إباء=هو ليه بيحصن روحو من اقرب الناس ليهو
مرتضى=م معروف
مهاب=قلت ليك تحرس البوابة ولة تقضيها ونسة
مرتضى بصدمة وخوف=م م معلش
إباء=انا الكلمتو يطلعني
مهاب=انت مفصول وانتي حسابك معاي تعالي وراي
<عند إباء ومهاب>
مهاب=اعتقد اني قلت ممنوع تطلعي من غرفتك
إباء=بس كنت زهجانة لاني براي فقلت اشم هوا
مهاب=انتي م ف رحلة انتي مسجونة هتا
إباء ودموعها ع وشك النزول=هتعاقبني بمصطفى صح
مهاب=انتي شايلة هم مصطفى وناسية ابوك؟
إباء=ابوي مالو
مهاب=جاتو ذبحة قلبية يوم خطفتك
إباء= هو كويس؟ هو وين؟ وحالتو كيف؟ ممكن اشوفو؟
مهاب=هو كويس اي اما الباقي ممنوع
إباء ببكاء=حرام عليك اخوي اللي معيشو بين الحياة والموت وابوي م عارفة اي شي عنو انت ليه بتعاقبني
مهاب=انا بستمتع لمن اشوفك بتبكي بحب شوفتك وانتي مكسورة
إباء=انت عشان م عندك اهل بتتصرف كدة صح
<مهاب اداها كف وقعت من قوة الكف>
مهاب=شكلي متساهل معاكِ شديد هتشوفي هربيكِ كيف
إباء وهي بتستجمع قواها عشان تقوم=هتعمل شنو هتضربني تاني؟ ع اساس انت مقصر مني
مهاب=انا عارف اني لو عملت ليك اي شي م هيأثر بس خدشة ف مصطفى قادرة تكسرك
إباء=انا الغلطت معاك مصطفى م دخلو
مهاب=من الليلة لاسبوع م هياخد ادويتو عشان تعرفي كيف تردي ف وشي
<وخلاها وطلع قبل م تقول اي شي وقفل عليها الغرفة من برة>
إباء ببكاء وهي بتخبط ع الباب=طيب ع الاقل خليني جنبو رجعني لمصطفى والله م هعلي صوتي عليك تاني
مهاب ف البوابة=وين مرتضى؟ المهم رجعوه عشان لمن يشوف صحبتو وهي مقهورة يعرف انو غلط غلطة عمرو لمن عصاني<وطلع من القصر