
روايه بلوجر بالصدفه الفصل الثاني2 بقلم منه محمد
دخلت الحفله و هي ترتدي زي (ميني ماوس)
الله عليكي يا بت يا شيري ايه الافكار الجامده دي
لاحظت مجموعه من البنات يقفن معاً يتحدثن فدخلت معهم ف الحديث
_ هاي يا بنات ازيكم
نظروا جميعا لبعض بريبه ثم تحدثت احداهن : هو الصوت ده جاي منين
نزعت القناع عنها و اكملت بنبره مازحه : سوري معلش اللبس ده متعب اوي
نظروا لها بتعجب و بعض الريبه و سألتها احداهن : هو انت مين !!
تحدثت بثقه : انا شرين انفلونسر زيكوا بالظبط
تحدث احد الفتيات : غريبه انا اول مره اشوفك
حاولت الضحك لتغطي علي الموضوع
ف سألتها واحده اخرى : و ليه لابسه كده !!
نظرت إلي ما ترتديه : ههههه اصل كنت فاكرها حفله تنكريه
ثم لاحظت وجود احد الفتيات التي تتابعها
_ مش معقول نهى السلحدار انا بحبك اوي ممكن صوره
تحدث" نهى" بنبره متوتره : اه اكيد
احتضنتها "شرين" بقوه حتي كادت ان تخنقها
_ حلوه اوي الصوره دي هتجيب لايكات كتير، و متنسيش بقي يا نهى تعمليلي فلو ما احنا بلوجر زي بعضينها هههه، ثم ذهبت و تركتهم تحت نظرات التعجب و السخريه منها
اثناء سيرها امسكت بها احد زميلتها و كانت ترتدي شخصيه (إلسا) : تعالي انا كنت بدور عليكي، و سحبتها يدها
_ طب استني براحه طيب
استطاعت الهروب منها و ذهبت للمرحاض لنزع ذلك الزي المزعج ثم خرجت
_ بس كده احلى
اخذت حقيبتها و خرجت و هي تمشي بكل ثقه لكن بسبب الكعب العالي تعثرت و كادت ان تقع في حمام السباحه
امسك بها شخص كان يقف بقربها و نظروا لبعضهم طويلا
ثم افاقوا من شردهم و رأوا كل الحضور يقومون بتصويرهم مما جعله يتركها فوقعت في حمام السباحه
عادت لمنزلها بعد انتهاء الحفله و قامت بالاستحمام ، خرجت و علي رأسها المنشفه : اه ياني اتبدهلتي يا بت ياشيري، بس كانت تستاهل انا اتصورت شويه صور حلوه اما اقوم انزلهم
امسكت بهاتفها و رأت رساله من صديقتها "إسراء" : افتحي بسرعه الدنيا مقلوبه عليكي
فتحت الهاتف بسرعه و رأت الفيديو الذي كانت تقع فيه في حمام السباحه و لحقها ذلك الشاب انتشر بسرعه علي عدد من الحسابات و كان عليه الملايين من المشاهدات