رواية من اجلك
الفصل الثاني عشر12
بقلم سعيدة عكاشة
<صوت خبط ع باب غرفة إباء>
إباء بنعاس=نعم
مهاب=انا مهاب ي إباء افتحي الباب
إباء=طيب
<فتحت الباب>
إباء=خير
مهاب=صباح الخير
<إباء=د حاسي بشنو>
مهاب=ع فكرة بيقولو صباح النور لو م بتعرفي يعني
إباء=معلش م ركزت، صباح النور
مهاب=شكلك لسه نعسانة
إباء=ايوة
مهاب=انا بعد د هجي ابيت هنا وبصحى ٨ الشاي عايزو ٧ ونص
إباء=تمام دقيقتين واجي
مهاب=تمام
<إباء وهي ماشية لقت مرتضى>
إباء=صباح الخير
مرتضى=صباح النور
إباء=مهاب قال انو بعد د هيبيت هنا مش قلت انو م بيجي الا مرة ف الاسبوع
مرتضى=انا زاتي م عارفو
إباء=طيب بعد اعمل الشاي هناديك تعال اشرب
مرتضى=ممنوع ادخل القصر تحت اي ظرف
إباء=انا هجيب ليك هنا
<مهاب كان بيعاين ليها من المكتبة كالعادة>
مهاب=اسي دي واحدة يصلحو معاها علاقات؟ اقول ليها عايز شاي تتونس مع صاحبها
<اتصل عليها وجوالها بيرن و م ف زول بيرد>
<إباء سوت الشاي وجات غرفتو>
مهاب=ليه م بتردي ع تلفونك
إباء=تلفوني ف الغرفة
مهاب=انا اديتو ليك عشان تتكلمي بيهو ولة عشان تختيه ف الغرفة
إباء=ع فكرة انا م طلبت منك براك الجبتو
مهاب=وياريت م جبتو
<إباء طلعت من غرفة مهاب ومشت غرفتها وجابت ليه تلفونو ورمتو فوق الكرسي>
إباء=د تلفونك وشكرا ع كلامك<وطلعت>
مهاب=دي فاكرة نفسها ف بيتهم ولة شنو انا عارف كيف اروضك<شوية واتذكر كلام يونس>
<مهاب شال التلفون وقرر يوديه ليها>=المصلحة تحكم ي مهاب
<ف المطبخ>
مهاب=إباء
إباء=نعم
مهاب=انا قلت كلامي داك ف لحظة غضب لاني متأخر ع الشغل والشاي كمان اتأخر
إباء=بس د م بيعني انك تتمنن علي بأفعالك
مهاب=اسي امسكي التلفون وتاني التصرف د م هيتكرر
إباء=انا م عايزة
<مهاب احكم قبضة يدو لانو اصلا م متعود يحنس زول وفوق د كلو هي بترفض>
مهاب=إباء امسكي التلفون قلت
إباء=م عايزة قلت
مهاب=انا ماسك اعصابي بالعافية م تخليني اتهور
إباء=وهيحصل شنو لو اتهورت
مهاب=اظنك عارفة
إباء عاينت ليهو بحقد=جيبو
<مهاب اداها التلفون>
مهاب=شاطرة يلا انا طالع
إباء بهمس=طلعت روحك ان شاء الله
مهاب=قلتي شي
إباء=لا سلامتك
<مهاب طلع الشغل وإباء ودت الشاي لمرتضى وقعدت تتكلم معاه شوية وقررت تقعد ف الحديقة>
إباء=اوفف نسيت الوردة
<سقت الوردة وهي بتغني>
يونس=عاملة لي صوتك السمح د
إباء=سلام قول من رب رحيم جيت من وين انت
يونس=من بطن امي
إباء=اننن دمك الحنضل د
#من_أجلك💙
#بقلم_سعيدة_عكاشة
باقي بارت《12》
إباء=اننن دمك الحنضل د
يونس=طيب صباح الخير
إباء=صباح الانوار
يونس=شكلك رايقة وبتسقي ف الورود كمان
إباء=اتشاكلت مع مهاب من وش الصباح
يونس=اصبحنا واصبح الملك لله مالكم
<إباء حكت ليهو الحصل>
يونس=معلش امسحيها ف وشي
إباء=حصل خير، جيت ليه
يونس=م لقيت مهاب ف الشركة وجيت اشوفو هنا لانو م وراني انو هيبيت هنا
إباء=طيب تشرب شاي؟
يونس=لا بس هقعد شوية
إباء=طيب اسقي معاي الورود
يونس=ع فكرة البستاني هيجي
إباء=ايوة بس الورود دي ذبلانة وعايزة اهتم بيها انا
يونس=طيب اجرب م خسران شي
<يونس وإباء فضلو يسقو ف الورود وإباء حكت ليه عنها وهو كمان وراها اي شي عنه وانو هو ومهاب اتربو ف نفس الميتم واصحاب من طفولتهم>
إباء=طيب كيف انت ومهاب عكس بعض
يونس=مهاب كان عمرو ١٦ لمن بدا يهرب مخدرات و د مجال عايز القسوة لانك لو م قتلت بيقتلوك يعني اتعلم يبقى قاسي من هو صغير وبقى طبع فيه
إباء=وانت؟
يونس=انا الكنت بتستر عليهو و ف عمر العشرين أسس مهاب شركة العصائر وبقيت بديرها وهو يدير شغل التهريب والتجارة
إباء=انتو م ليكم غير بعض صح
يونس=ايوة و د احسن شي لاننا عارفين اننا واثقين ف الشخص الصح هو واثق فيني وانا واثق فيه
إباء=ليه م حاولت تبعدو عن الطريق د
يونس=احنا كنا محتاجين للقروش لدرجة م ممكن تتخيليها يعني كان لازم نعمل اي شي عشان نعيش
إباء=وبعد بقيتو عندكم قروش ليه م طلعتو من المجال
يونس وهو بيقرصها من انفها=الليلة عرفتي حاجات كتيرة ي طفلة بطلي فضول
إباء=هي انا م طفلة
يونس=يلا انا ماشي عشان مهاب م يسأل
إباء=طيب مع السلامة
<يونس رجع الشركة>
مهاب=وينك من زمان
يونس=مشيت اشرب قهوة من تحت
مهاب=طيب انا ماشي الشركة التانية وانت شوف الفواكه دي والامور دي
يونس=تمام
<مهاب طلع ويونس قعد ف المكتب وهو بيتذكر ضحك إباء وكلامها>
يونس بإبتسامة=تصرفاتها كلها تصرفات اطفال وتقول انا م طفلة
<واثناء م هو بيفكر فيها اتصلت عليه إباء>
يونس=اشتقتي لي ولة شنو
إباء=اسي وشك د وش زول بيشتاقو ليه؟
يونس=ومتصلة مالك ي حقارة
إباء=عايزة رقم الدكتور عشان اتأكد من مواعيد ادوية توفي
يونس=توفي؟
إباء=مصطفى طيب
يونس=م تقولي مصطفى وخلاص
إباء=انت لو ذكي كنت عرفت مهو هيكون عايزة الدكتور لمنو
يونس=المهم سجلي الرقم..........01
إباء=طيب سلام
يونس=سلام
<إباء اتصلت للدكتور وقال انو هيجي يفحصو تاني ويشوف ادويتو>
<إباء اتصلت ع مهاب>
مهاب=اوفف ناقصني انا؟
مهاب=الو
إباء=انا إباء
مهاب=عارف
إباء=المهم الدكتور قال جاي اطلب من الحراس يفتحو ليهو البوابة
مهاب=عارف برضو
<إباء قفلت الخط ع طول>
إباء=يسد النفس
<عند مهاب>
مهاب=المشاعر دي شغلها م بيمشي معاي لازم القى طريقة تانية
<الدكتور جا>
إباء=اتفضل وانا هجيب ليك شي تشربو
<طلعت من الغرفة لقت يونس>
إباء=ف شي؟
يونس=لا بس جيت اشوف الدكتور هيقول شنو ولو ف اي مساعدة
إباء بإبتسامة=شكرا ي يونس ع كل شي
يونس=من دون شكر
إباء=طيب امشي جنبو لو عايز وهجيب ليكم عصير
يونس=طيب
<عند إباء>
إباء=ع الاقل ربنا اداني يونس ف المكان المخيف د م عارفة هو بحنيتو وظرافتو اتربى مع مهاب الغليظ الكريه د كيف
<ادتهم العصير والدكتور وراها الادوية هي ويونس ويونس رجع>
إباء وهي بتمسح ع راس مصطفى=هحميك زي م كنت بتحميني م هخلي مكروه يصيبك مهما كان التمن