رواية لعنة اختي والعقرب
الفصل الخامس عشر15
بقلم منه محمد
في الدكان واقف ساند كتفه ع الجدار وبيولـع سجاره وينفخ فيها من القهر
حمو: مالك شكلك زعلان هو فيه مشكله حصلت
اسير اخد نفس طويل : هو انت بتحبني لنفسي ولا معروف
حمو :بتقول ايه المعروف ده للغريب لكن القريبين نديهم بالحب وبس
اسير بصوت محسور قهر ومراره :يعني هي معتبراني غريب وبتعتبر كل الي بعمله معاها معروف, وبرغم من كل الي بعمله ده حتي لو حاربت الدنيا مش هتشوف حبي , بتهني عمال ع بطال بتنزل ع دمـاغي بالمـرزبه , لاني دفعت تمنها
حمو طبطب ع كتفه بعطف: وحد الله , وخليك جامد , انا عمري ما شفتك مـ كسور كده
اسير بصوت مخنوق : لانها دفعت لي اول قسط من الدين, واخدت اول خطوه تسبني هروح اسحبلها الشيك وروح انت ادهولها وتروح منين ماتحب
...........قصص منه محمد كاتب..........
في المدرسه
خلصت الحصه وطالعه من الفصل تاخد بريك تلفونها رن فتحت الخط: الو
ايمن: ازيك يارباب انا مؤمن
رباب ببتسامه: اه اهلا
ايمن: كويس انك رديتي وبالحجه دي القي فرصه اتكلم معاكي, واسمع صوتك , والا طريقتك في التجاهل ع اتصالاتي ورسايلي خلتني احس انك مزعوجه مني , لاني كنت جريئ شويه
راب: لاء مفيش حاجه من دي , كنت بس مشغوله ليه اتصلت بيا
ايمن: بصراحه كدا اليوم ذكري وفاه امي , ولما بيجي اليوم ده بحس اوي اني يتيم ووحيد , عشان كدا اتصلت بيكي
رباب: بس عندك بنت عمك ووالدك
ايمن: ايوه بنت عمري عندها امتحانات ,وبابا مسافر بره البلد للشغل , عشان كدا حاسس اني وحيد
رباب: قادره افهم حزنك انا كمان معنديش ام
ايمن: ايه ده بجد مـ* اتت امتي؟
رباب: وانا عندي ست سنين
ايمن: يعني ابوكي الي رباكي لوحده
رباب بقهر: لاء هو اتجوز واحده تانيه
ايمن مثل نبره الحزن: يعني الحال من بعضه , انتي كمان محتاجه للحب زي ممكن ع فكره نبقي اصحاب مقربين
رباب: ايه ازاي مفيش صحوبيه بين البنت والولد
ايمن:ده يعتمد ع التفكير :عارفه بعد يومين عيد ميلادي وبعد رحيل امي محتفلتش بيه
رباب: حتي لو جيت ضيفه مش هتحتفل
ايمن بفرحه: يعني جايه تقابليني
رباب: انت مش لسه قابل نبقي اصحاب مينفعش اجي
ايمن: بتقولي ايه لاء طبعا تنوري ,هخدك بنفسي
رباب: لاء بلاش تيجي بنفسك
ايمن: انتي قبلتيني صديق ليكي ,خليني اقوم بواجب الصداقه ,وصدقيني احترامك اعز من حياتي , ده انا اضحي بنفسي ومش اسمح لحد يمس كرامتك , اوعدك خدي بالك من نفسك باي
رباب: باي
ايمن قفل وضحك بستمتاع وقال: وقعت في الفخ بسهوله, تمام يا ايمن ابدء لعبتك وبكل سهوله
.............قصص منه محمد كاتب..........
راجعه بتوكتوك من السوق وحاسبته ونازله لقت الشارع كله ميه
خيريه فتحت باب المدخل وبزعيق: جمييييله انتي يا نيله , يالهوي المدخل كله ميه , انتي يا جميييله
جميله مسحت دموعها ولبست الشبشب ونزلت تجري
خيريه: جميله انتي فين يا بلوه
جميله: نعم ياخالتي
خيريه نعامه ترفسك , الخزان اتملي ميه وسايبه الماتور كل ده , ده هو طلب واحد الي طلبته منك لكن ليه تهتمي بكلام حماتك
خميله :همسحها دلوقت, اسفه والله كنت بشتغل وسهيت
خيريه :يغور شغلك, اسفه الانكليز ماتوا وسابوه كلمه اسفه, هدرنا ميه يما والشارع كله لبخ وعمل طينه ,عرفنا وفهمنا مش بتحبي جوزك , مين عشيقك الي بتفكري فيه طول الوقت
جميله بعصبيه : متغلطيش وفكري قبل ما تتكلمي , قلت لك سهيت
خيريه ضربتها في كتفها بغيظ : سهيتي يا بنت انا ست عدوا عليا اشكال والوان واافهم الست من نظره عنيها ولون عيونها لما بتتغير وسيبك بقي هرجع المهر عايزه تمشي خدي ابوكي وامشي محدش هيمسك فيكي غير ابني الي دخلتي حياته بالعافيه لانك سافله وهو بقي مجنون بحبك , مش شايف غيرك يا نحس يا بومه( رفعت الشنطه ع دماغها وطالعه السلم) وقعت فوق دماغنا زي المصيبه
جميله اتنهدت وربطت حرف الجلابيه ومسكت المساحه تنشف الميه
ذكي: هي الوليه دي كانت بتزعق فيكي ليه
جميله: زي ما تحب حقها دي بيتها تقدر تشخط وتزعق براحتها مفيش داعي تسأل
ذكي: ليه انا ابوكي
جميله بعصبيه: ابويا بأمره ايه طب خالتي غريبه مبزعلش من كلامها, زي ما بتقهر من كلامك كنت بتقول بنتي بس طعنتني في دهري
ذكي هجم ع بؤها: بطلي تقولي كلام خايب ,قولت لك اقفلي بؤك
جميله بحده: اسمعني كويس , ملكش دعوه بأسلوبها معايا ,انت بعتني ورمتني عليهم
ذكي بنرفزه: وطي صوتك
جميله نزلت دموعها: فكرت انك اتغيرت , ودلوقت فهمت من يوم جوازي ولحد اليوم كنت بتمثل الاب الكويس لاحبتني قبل كده ,ولا بتحبني دلوقت
ذكي: اسمعي
جميله سابته ومشت تبكي ع حظها التعيس
...........قصص منه محمد كاتب...........
قدام باب بيت اسير ركن العربيه ونزل خبط ع الباب لحد ما هي فتحت
حمو: ازيك يا ابله جميله خدي ظرف الفلوس
جميله الحمد لله : امال فين اسير
حمو :هو في الدكان وقالي اديكي الفلوس , واخدك مشوارك
جميله كشرت: لاء مش رايحه معاك
حمو: الملعم هيتعصب
جميله بنرفزه: لو ممشتش انا الي هتعصب
حمو : انا اجرت عربيه
جميله بهدوء: حمو انا مش مسؤليتك عشان كدا اتكل مع السلامه
حمو :مع السلامه
جميله قفلت الباب وسندت دهرها عليه و لنفسها: جرحتي اسير كذا مره بسبب ابوكي ودلوقت هينتقم منك حقه ينتقم مين يقدر يتسامح كل مره
..........قصص منه محمد كاتب.............
جميله قاعده ع الكمبيوتر تتفرج ع التصميمات
اسير دخل وهو بيتحرك بعيد عنها: ليه مروحتيش مع حمو تشتري الحاجه
جميله قامت وشدته من ايده :بتدعي الحب وتصقف بايد واحده ع منجاحي, قلت ده
اسير :فاكر كل حاجه مفيش داعي تقوليلي
جميله بعتاب :بس لازم افكرك اني مسؤله منك انت مش من حمو
اسير :طالما مش قابله علاقتنا مش مهم بقي مين هيساعدك, انتي عايزه مساعد مش زوج
جميله: لو خرجت مع حمو خالتي هتلاقيها فرصه تمسخرني , عشان كدا مروحتش لكن لو روحت معاك هتكون دعم وحمايه ليا , وانا مش مستنيه ده من حمو
اسير قلبه رق وقال : كنت مشغول عشان كده قلت لحمو
جميله مثلت الزعل وماشيه من قدامه: انسي خلاص مش رايحه
اسير سحبها من دراعها : تعالي هاخدك
جميله فرحت وراحت تلبس وهو مستغرب طريقتها وطلع يسخن العربيه وشويه طلعت ووقفت عند الباب
رباب طلعت وزقتها: ابعدي
اسير بحمقه: ايه المعامله دي
رباب ببرود: مالها , امك راحت عند خالتك امبارح , مقعدتش قدام
اسير :هي امي
رباب :وانا اختك الكبيره فرق بينا سبع سنين بحالهم
اسير بقرف :رايحه فين
رباب :اشتري حاجه
اسير: هاخدك بكره
رباب :النهارده مش بكره عيد ميلاد واحده زميلتي المقربه خدني اشترلها هديه
اسير بملل :اركبي
رباب :جميله زعلتي
جميله: لاء
رباب بحقد :شوفي لما العلاقه بيبقي فيها حب , بتبقي حلوه لما الاتنين بيقعدوا سوي وانتي بتقولي مش بتحبي اسير وعايزه تسبيه فحليت مشكلتك مش كده
اسير بخنقه :رباب اقعدي ساكته, لو عايزه تروحي مشوارك
رباب: ايوه هقعد ساكته صعب اعيش في علاقه مش مرغوبه فيها, انا قادره افهم يله
اسير بص لجميله في المرايا لحد ما وصل رباب مكانها
رباب وهي نازله: لما اخلص هتصل بيك تروحني
اسير هزلها دماغه بدون رد وهي نزلت ورجع بص لجميله في المرايا وقالها: تعالي قدام
جميله: انا كويسه هنا
اسير بضيق للوضع كله: عارف ان الي قالته اختي هو صوت قلبك ,في الحقيقه, بس انا مش سواق عندك تعالي قدام
جميله فتحت الباب بعصبيه ونزلت قعدت جنبه وبصتله بهجوم: لو كنت جوزي بجد ليه عطيت مكاني لحد تاني, لو كان حب خالص بجد تسيب مكاني فاضي, ليه تقعد حد تاني فيه
اسير رفع حاجب: خير انتي الي بتقوليلي كده
جميله بعصبيه: اه بقول
اسير بقهر: انا مش عجبك ومش مقدره قيمه حبي ليكي
جميله بندم: سوري اوقات بقول كلام دبش وصعب
اسير هز دماغه :لاء انتي مغلطيش انا الغلطان, كنت لازم اسالك قبل ما اوافق ع كلام ابوكي قبل ما اكتب عليكي كنت المفروض اسالك انتي موافقه تتجوزيني ولا لاء , بس هو ضحك عليا وقالي انك موافقه , العلاقه الابديه لايمكن تكمل بالعافيه
جميله : اقف هنا
اسير نظراته لقدام: روحي انا هنا
جميله بصوت حزين: مش هتدخل معايا
اسير طلع سيجاره ورافض يبصلها: لاء القلوب الي مش بتتقابل , مفيش فايده نمشي معاها
جميله دخلت المحل وفضلت تلف لحد ما لقته قدامها
ايمن ببتسامه خبيثه: روعه النهارده ملحتقكيش وشوفتك, بس بجد حلو ده اوي
جميله بحده: بطل قله ادب وغور
ايمن بضحكه مستفزه: تمام هبطل, سيبي اسير واتجوزيني, انا لسه عاوزك وبحبك , وهخليكي ملكه حياتي
جميله بنظرات احتقار: انا متجوزه , لكن هتوقع ايه من واحد قـ ذر زيك
ايمن ضحك بحقد: قـ ذر مره واحده , مش انا كنت خطيبك قبل ما تكوني مراته
جميله بشمئزاز : اسير احسن منك الف مره بيعرف ازاي يحترمني ,مش بيزعجني بأسم العلاقه, بكرهك فهمت ولو حاولت تكون سافل اكتر هطلب اسير يفرجك هو معايا هنا
ايمن حط ايده الاتنين في وسطه وبثقه: وياتري عارفه النتايج
جميله: هتكون ايه يعني هتـ هدد ابويا, ولا هتـ ولع في الدكان , ولا هـ تقتل اسير , افتكر حاجه واحده انا مع اسير وبحبه وواقفه معاه , ولو حاولت تعمل اي حاجه قـ ذره هكون اقـ ذر منك بمراحل, امشي من هنا
ايمن: انا هنا
جميله بصتله من فوق لتحت وطلعت من الدكان وراحت تدور ع عربيه اسير ملقتهاش اتصلت بيه: اسير انت فين طلعت ملقتش العربيه قلقت
اسير: جيت اخد اختي , اتصلت بيا اروحلها , اشتري الحاجات بسرعه
جميله: لاء مش هشتري حاجه , انا خايفه اصل جوه زحمه تعال
اسير بخوف عليها: استني هناك وهجيب اختي واجي اخدك
جميله: اسير تعال بسرعه لو سمحت
اسير بنبرة مطمئنة: انا جاي يا جميله متخافيش
جميله قفلت ولنفسها: ليه في عدم وجوده حاسه ان فيه حاجه ناقصه وجودي ناقص
............قصص منه محمد كاتب...........
قدام الدكان
اسير: ناولني الفلوس ياحمو
حمو قافل وشه: امسك الفلوس
اسير مد الظرف لذكي : خد دول عشر الاف
ذكي: هعدهم والعشره الباقين
اسير :هدهملك كمان اسبوع كده
ذكي بنرفزه :هو انا هفضل متعلق كده
اسير :مش هيحصلك حاجه, لو ايمن كان ناوي يعملك حاجه كان عملها من مده, هو عايز الفلوس
ذكي : وهو الي عنده العربيه ليه مدكش الفلوس ع بعض
اسير: خد الي اخدته وانت ساكت , والا هاخده منك وهطلع عينك , مش هديك حاجه
ذكي انت شاطر في الكلام (بص لحمو) وانت ماتجيب كيس عصير ولا شاي اهو اي حاجه
حمو : انا مش عارف متحمله ازاي الراجل ده
اسير: غصب عني مش عايز احترمه
حمو: تحب اديلك عصير بارد يطري ع مرواحك
اسير نفخ بزهق: هات
................قصص منه محمد كاتب...........
جميله قاعده تخيط الفساتين وهو دخل وفضل يفتح ويقفل في الادراج
جميله: بتدور ع ايه
اسير بصلها :عايز ابره وخيط
جمله: ليه
اسير بهدوء: هخيط الزرار
جميله :هخطيه انا
اسير : كملي شغلك انا هخيطه بنفسي
جميله بعصبيه خفيفه: قلت هخيطه هات القميص
اسير بصلها وجاي يقلعه هي وقفته: استني هخيطه وانت لابسه
اسير بقهر: وده من باب الشفقه ولا المعروف
جميله: ايه السؤال ده
اسير: لانك بتفسري كل تصرفاتي معروف او شفقه , عشان كدا بسالك لو بتعمليه عشان رد المعروف راي متعمليش هخيطه بنفسي او اغير القميص
جميله :اقف هات اخيطه
اسيرحط الزرار في ايدها وقال :اوعي تجرحيني لانك بتكرهيني
جميله رفعت عيونها وبصتله :الابره صغيره متجرحش متقلقش
اسير :النمله ممكن تقتل فيل والي بيعيشوا للحب تكفيهم نظره كره تموتهم وتقضي عليهم
جميله رفعت سلسلته بغيظ خبطتها في وشه
اسير :براحه هتخرمي عيني
جميله بصتله: بخيط براحه
اسير : لما حس انها بتتلكع قال : هو انتي بتركبي حته زرار , ولا بتخيطي القميص
جميله خلصت وقربت اوي منه تقطع الخيط بسنانها متعمده
اسير ارتبك من قربها وقال بتوتر : كنت ممكن اخيطه
جميله بعدت عنه :خلصت يا اسير( راحت جابت حاجه من الدرج ورجعتله بسؤال) كنت عايزه اسألك الكتاب ده انت الي جبته
اسير خطفه منها:اه انا حاولت اغير نفسي عشان حد , البنات بتحب الراجل المثقف, فقلت اتعلم شويه انجليزي يمكن لو اتكلمت انجليزي يحصل تغير , اصل الناس مش بيبصه للقلوب ولا الشخصيه بيبصوا للشكل
جميله: لو حبيت ممكن تنام هنا , هخيط بكره نام هنا براحتك
اسير هز دماغه: لاء انا مش مهم اوي, مفيش داعي تضحي عشاني , ولازم تخلصي الطلبيه وتمشي من هنا في اقرب وقت
جميله بعد ما خرج قعدت ونزلت دموعها :انا اتصرفت معاك كده ,عندك حق في غضبك
بعد ساعه جميله طلعت فوق السطح شافته نايم والكتاب محطوط ع صدره واللحاف واقع ع الارض ابتسمت واخدت الكتاب وغطته بأحكام ونزلت تكمل شغلها لحد ما نامت ع الماكينه
...........قصص منه محمد كاتب...............
يوم جديد جميله صحيت بدري خلصت اربع فساتين وكلمت صاحبه الاتليه تقولها هتبعتهم وتكمل باقي الطلبيه
خيريه: جميله انا حطيت خمسه ك لبن ع النار يغلي اصل ذكري وفاه ابو اسير النهارده هعمل قرص وافرقها ع روحه معلش اقفي جنبه ورايا حاجات لازم اعملها
جميله: اديني بس دققتين وجايه
خيريه: ولو فار فلوسنا تروح هدر , ورايا حاجات كتير اعملها, وانتي اعملي حاجه بيسطه تعالي بسرعه, شغلها مبيخلصش
جميله سابت الفساتين ع السرير ورباب دخلت شافتهم وراحت جابت مقص وكرسي وطلعت ع حرف الباب من فوق وقطعت سلك النت وراحت المطبخ تكمل خطتها اللعينه
رباب :جميله معلش ممكن تخيط لي البلوزه بتاعتي
جميله: اسفه مش هقدر خالتي وقفتني جنب حله اللبن وقرب يغلي
رباب: عيد ميلاد صاحبتي وهتعمليلي خدمه ارجوكي خدي خيطيها
جميله بصتلها بستغراب: ايه الحكايه بتتكلمي معايا النهارده بأدب
رباب مثلت الضعف: عارفه اني وحشه معاكي لكن ساعديني
جميله خطفتها منها: تمام هاتي واقفي انتي جنب اللبن
رباب بخبث: اه طبعا_ علت النار جدا عليه وابتسمت وطلعت _
خيريه دخلت وصوتت: نهار مطين ياجميله روحتي فين يا مقـ صوفه الرقبه, يا جميييييله
جميله بفزع :نعم جيت اهو يا خالتي
خيريه شدتها من هدومها: يا وش الفقر ياغراب حل ع بيتي وعشش , عملتي ايه قلت لك اقفي جنب اللبن وسبتيه لحد ما فار عملتي ايه
جميله: انا روحت اخيط بلوزه رباب دققتين وقولت لها تقف جنبه معرفش ايه الي حصل
خيريه: فين رباب هي فين, يارباب
رباب: نعم يمه
خيريه: تعالي هنا
رباب دخلت ومثلت الخضه : ايه ده
خيريه بزعيق: قالت لك اقفي جنب اللبن , مش قادره تستني شويه , روحتي فين
رباب :وقفت جنبه وروحت ارد ع التلفون بس والله مجيت جنب البوتجاز , تلاقيها هي بعد ما طلعت انا دخلت علت الـ نار , عشان تشوه منظري
جميله بنفعال: يا شيخه اتقي الله ليه اعمل كده
رباب : وانا ليه اعمل كده هبوظ قرص رحمه ابويا فيه حدود للكدب
خيريه: بعد ما جيتي البيت قلت بركته, تمسكي الدهب يتحول تراب, اعمل ايه افرق ايه ع الترب ,طيب بنت جوزي وعرفتها , ومره ابني طلعت هي كمان بتتصرفات تصرفات غريبه
جميله: خالتي متتعصبيش هنضف كل حاجه
خيريه: هتنضفي انتي هتخربي دول , خمسه كيلو لبن افرق ايه ع روح المرحوم افرق شعري روحي اتصلي بأسير يجيب خمسه ك لبن واغليه
جميله: هعمل ده كله بس دلوقت عندي شغل ومعنديش وقت
خيريه جزت ع اسنانها بغل: يابنت انت ناويه تنقطيني, ما يغور شغلك في ستين داهيه هرمي الكمبيوتر في الشارع , وهـ ولع في الماكينه , عايزه تكسبي فلوس اسمعيني نضفي المطبخ حالا واعملي القرص كلها لوحدك
جميله مسكت دماغها: ياخالتي مقدرش اعمل ده دلوقت
..............قصص منه محمد كاتب...............
شافته راجع ومش جايب اللبن مره واحده فتحت في العياط
اسير قرب عليها بخضه: يانهاري ايه الي حصل
جميله دبدبت ع الارض برجليها: حصل , و حصل, وحصل , وحصل
اسير: اهدي بس كدا وفهميني الي حصل
جميله مسحت مناخيرها: خالتي قالت لي اخد بالي من حله اللبن حلو
اسير: حلو
جميله: جات اختك وطلبت مني اخيط لها البلوزه لانها خارجه سبتها وخرجت
اسير: كملي وبعدين
جميله فتحت في بعياط: معرفش ازاي النار علت ورباب راحت ترد ع التلفون وسابت حله اللبن فارت كلها ع الارض وامك مسحت بيا المطبخ , وقطعت سلك النت , والمدام اتصلت كذا مره ازاي هتواصل معاها وقلت لك جيب معاك اللبن ورجعت وايدك فاضيه, هتشتمني اكتر هي من غير حاجه بتقول عني بومه ونحس وفقر
اسير طبطب عليها: اهدي ليه بتعيطي حصل ايه يعني اشربي ميه
جميله مسحت دموعها : مش عايزه
اسير قرب منها الكوبايه: لاء اشربي
جميله اخدت منه الكوبايه وشربتها وفتحت في العياظ بقوه
اسير قرب منها: شوفي لازم يكون فيه منتق وتفسير للعياط المأفور ده
جميله بصتله وقلدمت: منطق مش منتق
اسير طقطق صوابعه وشوحلها : هو ده الي اقصده سوري
جميله بصتله تاني وزمت شفتها بعياط: قول سوري عدل
اسير بصلها: حاضر سوري
جميله عيطت اكتر: ازاي هصلح كل حاجه انا متوتره ومعرفش ازاي هبعت الايميل
اسير : بطلي عياط , العياط هيعمل ايه , انا هصلح كل حاجه اطمني , بس الاول خليني اسأل امي ليه قطعت السلك
جميله منعته وهي بتعيط : لاء متسألهاش
اسير طلع راح لخيريه الي قاعده تسبح ومره واحده زعق: ايه لزومه يمه تقطعي سلك النت عارفه اني هشتري سلك تاني
خيريه بصتله بتعجب: انت اتهبلت في عقلك ,
انا دمي محـ روق, وانت مجنون ليه هقطع السلك عارف مراتك عملت ايه
اسير كشر بسيط: عارف كل حاجه
خيريه اتكت ع اسنانها: ليه واقف روح جيب اللبن امشي
اسير: لايمكن نلحق نعمل قرص, اتصلت بحمو يشتريها جاهزه وهيوزعها مع العيال
خيريه بغيظ : اه بتسهل الامور ع مراتك وتزعل امك مش كدا , ده ابني, يارب قولي ده ابني
رباب طلعت بخبثها: انت لازم تاخد موقف من امك , قطعت السلك لاء بجد زودتها
اسير بص لخيريه بغيظ: شوفتي سمعتي
رباب: جميله المسكينه كانت بتخيط بلوزتي واللبن فار غلطت بس هي ازاي تسامحها
خيريه : ليه هو انا هايفه عشان اقطع سلك
رباب: امال مين انا كنت بلبس عشان رايحه عيد ميلاد واحده صحبتي
اسير :لازم تتكسفي يمه , جميله نضفت المطبخ كله واعتذرت كتير, وبعد ده كله تعملي معاها كده
خيريه : انتم اتجننتم رسمي , عارفين النهارده ذكري وفاه ابوك و بدل ما تقروله الفاتحه واقف تتـ خانق مع امك امشي كـ تك الارف
اسير بصلها وفضل واقف شخطت فيه : امشي بقولك , اه ياني الواد طول الخط ضدي لصالحها
...........قصص منه محمد كاتب..........
اسير طالع السلم ومعاه العامل: بص يا اسطي السلك مقطوع من هنا, شوفه بس بسرعه الله يخليك (تلفونه رن) جميله الاسطي بيشوف السلك
اسير نزل بسرعه للمدخل وحط الموبيل ع ودنه وبجديه: اتكلم بسرعه ليه بتتصل
ايمن: هايل لحد دلوقت محتفظ برقمي, فيه اتنين فاكرينه الاول هو الحب والتاني العدو
اسير بنفعال: انا مش فضيلك اتكلم دوغري عايز ايه
ايمن ببرود وبسخرية خفيفه: هقولك انت بتتعصب من غير سبب هي جميله مقلتلكش
اسير: تقولي ايه اتكلم بوضوح ايه الي تقلهولي مراتي
ايمن : من يومين اتقابلنا في محل القماش واتكلمنا وانا للحق استمتعت جدا وهي شكلها استمتعت كمان
اسير: عارف كويس ان نيتك مش سالكه, وعايز توقع, فببلاش تقول كلام انت مش قده , لاني مش مصدقك
ايمن بخبث: لو مش صدقني اسألها بنفسك , هتعرف الحقيقه من الكدب , وانا اتصلت بيها وعرفت منها انها اتجوزتك بالغصب, بس وافقت ع خطوبتنا برغبه منها
اسير اتعصب جدا لدرجه رجف من الغضب : لو قلت كلمه تانيه هـ طير رقـ بتك
ايمن ضحك: الحب القديم ميتنسيش , او بمعني ادق انا متنسيش , افهم البنت مستحيل تنسي اول راجل في حياتها
اسير وشه احمر جدا وقفل الخط وايمن انبسط انه وصل لهدفه
الراجل قابله: وصلت السلك والنت اشتغل
اسير حاول يمسك اعصابه بالعافيه: تمام امسك الحساب
الراجل باس الفلوس وحطها ع دماغه: الف شكر
اسير وشه محمر من الغيره والغضب والقهر , فتح اول زرارين من القميص وطلع بغضب اسود ليها!!!!!
جميله بفرحه: اسير النت اشتغل وبعت للمدام الايميل شكرا كتير
اسير بصلها وقفل الباب بالترباس من جوه
جميله بدهشه: ليه قفلت الباب
اسير: انا حر اوضتي و مزاجي
جميله: تقصد ايه حصل ايه؟؟!
اسير بصوت كله قهره: انتي قولتيلي انك بتكرهيني كتير مش كدا
جميله بترجع لوري وبتهز دماغها: لاء
اسير صرخ فيها بجنون : متكدبيش عليا , لو قادره دلوقت اديني 70 الف, واخرجي من بيتي , وحياتي كمان
جميله بلعت ريقها بخوف : اسير انا كنت بكرهك الاول, بس دلوقت لاء
اسير شدها من دراعها بعنف : ليه لاء دلوقت شيفاني مركب قرون ع دماغي , وانتي بدئتي تكدبي بحرفنه وذكاء
جميله فاتحه عيونها لجنونه الغير مبرر : ليه اكدب, ليه احتاج اكدب, انا بقول الحقيقه مش بكدب
اسير بصراخ: لما هو كدا ليه مقولتليش انك قابلتي ايمن وكلمك ع الموبيل (هزها بجنون) جاوبي عايز اسمع الحقيقه انك بتحبي ايمن
جميله وشها اتخطف: لاء
اسير فضل يهز فيها بقسوه : بتحبيه عشان كدا مانعه نفسك عني , وشايفه جوزتنا عافيه , اتكلمي عايز اجابه , ( زعق بصوت مشحون غضب) ردي ليه مش بتردي انطقي
جميله من الخوف حست ان الدنيا لفت بيها ووقعت منه ع السرير
.