رواية ليلة زفافي
الفصل الثالث3
بقلم جمانه السعيدي
علا....كلشي جان مثالي الابعد الحدود
حتى اني جنت مامصدكه وكل شويه اكول يمكن حلم
ماكو واحد مثالي لهلدرجه
كريم وشهم وطيب وابن ناس وبسيط ومتمكن
وحنيين وكارزما وثقه عاليه بلنفس
صاحب حضور قنوع كلشي مثالي الابعد حد
اني كنت احسد نفسي علي
واكول رب العالمين شكد يحبني من رزقني بواحد مثل هذا
عايف بنات العراق وجاي يرتبط بيه
رغم يكدر يحصل الاجمل مني
حتلو يريد دكتوره او مهندسه يزوج
تعلقت بي بشكل مو معقول
كل الوكت افكر بي واحجيله أدق تفاصيل يومي
نلتقي كل بوم يوصلني للجامعه
ويرجع ياخذني
بس اطلب شي راسا يجيبه
شكد اهلي جانو معتنيين بيه ومداريني ويصرفون عليه
بس مو مثله
اني احسب نفسي نولدت اليوم الي شفته
عيوني ماتقبل تشوف غيره
كنت احسب يوم يوم يمتى تكمل الامتحانات حتى ننجمع اني وياا بيت واحد
حتى اهلي مستغربين من حالتي
اني مااعرف اسولف اله عنه
ولا اعرف اسوي اي شي اله اخذ رائيه
جمانه السعيدي
باايام الامتحانات كان يسهر وياي للصبح حتى اقرا
مجرد فاتح التليفون ويسمعني واني اقرا
وبعدين يراجع وياي الماده
الصبح يجي ياخذني اتريك بمطعم قريب على الجامعه
وبعدين يوصلني للجامعه امتحن
ومن اخلص يجي يرجعني للبيت
اخاف احجي عنه وعن تصرفاته حتى اخواتي اخاف احجي
كدامهن عنه
وكلمة الحمد لله والشكر ماتنزل من الساني
اعتبر نفسي اكثر وحده محضوضه بلدنيا
بعد الامتحانات رحنا عقدنا عقد محكمه ويومها اخذني اشوف البيت بيت اهله الي راح نزوج بي
بيت جبير يخبل بس الحديقه مساحته بكد بيتنا
غرفة النوم طراز ملكي بيضه والتاج ذهبي
الفراش يخبل
الانتيكات والتحف شي غير معقول
كل هاي الفتره وهو يعاملني احسن معامله ابد ماحاول يقرب عليه
مرات بلصدفه يبوسني بخدي او بايدي
كلش محترم بتصرفاته وياي
كنت احس يعاملني مثل شي ثمين وخايف يفقده
بعد الامتحانات حددنا اسبوعين للزواج
جمانه السعيدي
واثق....بعد اسبوعين ونزوج
علا....تمام بس ماكتلي ووين نروح بشهر العسل
واثق...مانروح المكان
علا...ليش
واثق....عندي هواي التزامات مااكدر اعوف الشركه وقت طويل ماعندي احد يبقى بمكاني
علا...خلاص نسافر لمن تفرغ
واثق....اني مااكدر اسافر بس وبن تردين هنا بغداد اخذج
علا...يعني انت بسبب الشغل ماتكدر اسافر
واثق...اي تكدرين تكولين هيج
كل صديقاتي وحتى خواتي هلكد ماكانو حاسديني يسئلون
وين راح ياخذج
ووين تخلصون شهر العسل
حسيت عين وصابتنا بس ميخالف المهم احنا راح نكون سوا مو مهم نسافر
اني راح اقنعه بعد الزواج بلسفر
اكيد هو يحبني ومراح يرفضلي طلب
قرب موعد زواجنا والعرس كان بااكبر قاعة أعراس بغداد
حتى فستان العرس هم من الخارج حجزته
عرس حقيقي
بعمري مااحلم بهيج عرس
وكل المدعوين كانو ناس واصله وأصحاب مراكز
بس حتى ليلة عرسنا ماقبل واثق تكون بلفندق
واثق....ليش الفندق بيتنا موجود وجبير وبس احنا محد عايش ويانه ليش ليلة عرسنا نخلصه بلفندق
علا....براحتك حبيبي الي تشوفه اني موافقه علي
واثق...بيتنا راح نكون على راحتنا ومحد راح يكون يراقبنا
علا....المهم نكون سوا بااي مكان اني موافقه
بعد ماخلص العرس طلعنا على بيتنا كبل الزفه تخبل
شكد سيارات بلزفه
اني وياا بسيارته وحدنا طول الطريق لازم ايدي
احس كأنما طايرين فوك الغيم
مو نمشي بلشارع
وصلنا للبيت ويانا امي واختي المزوجه وجهاله
وخواته ثنيبنهن
بس وصلنا حضرن الاكل والعصاير والشغلات الضروريه
وبعدين كلمن راح على بيته
امي شكد وصته عليه
وهو كان رده اخليه بعيوني
اا توصيني على على اضمها بروحي
دخلنا غرفتنا اني وياااا الفراش والعطر ياخذ العقل
لزمني من خدودي باادي وكال مبروك حبيبتي الله يمكني واسعدج طول العمر
لا تضوجين لان ماكو شهر عسل اني راح اعيشج بلعسل
وزواجنا بيت اهلي
هذا البيت ابو البركه
احسن من اللفندق
باسني بكصتي
علا....اني مااضوج دام انت موجود بحياتي فداك شهر العسل المهم احنا راح نكون سوا
واثق....يله اساعدج تغيرين ملابسج حتى نتعشى
فتح سحابة البدله وفتحلي البركع اني لابسه حجاب
ابيض وويا بركع قصير على شكل ورده
بديت افتح البركع وهو يساعدني
بعدين نزلت البدله من جوه علكته بلكنتور
والبركع هم فتحته من الحجاب
اخذت ثوب قصير ودخلت للحمام
واثق...اني اروح للحمام الثاني علما تخلصين
غسلت بس جسمي شعري ماغسلته لبست ثوب قصير وطلعت من الحمام قبله
حضرت الاكل وبقيت انتضره لمن طلع لابس دشداشه صيفيه بيضه
واثق....الله شنو هذا المنضر الحلووو الله لا يحرمني منه
حبيبتي ابيتي وتنتضرني
علا...حبيبي الله لا يحرمني منك العمر كله
.كملنا اكل واني ضميت الاكل الزايد وغسلت المواعين
وهو واكف وياي نسولف ونضحك
دخلنا للغرفه
هنا حسيته ارتبك
بعدين كلت لا شنو ارتبك قابل هو اليوم شايفني
كعد شويه بعدين كال ..
دقيقه اروح للحمام
طلع برا بعدين رجع
واثق...الغرفه بارده
علا...لا زينه
واثق...اني احسه حيل بارده راح انزل درجة البروده
علا...تمام
واثق...اروح اجيب مي نسيت اجيب
علا...اني اجيب
واثق...لا اني اروح اجيب
طلع واني كمت اربد اطبك باب الغرفه حتى تبقى بارده
شفته اخذ حبايه
بس ماخليت ابالي كلت ايجوز مصدع من الهوسه طول اليوم
رجع للغرفه
طفا الضوه وبدأ يتقرب عليه
حسيته حيل متوتر
كلت عادي قابل هو مزوج قبل اكيد يتوتر
واني كنت متوتره اكثر منه
بس خلص ابتعد عني حسيته حيل تعبان مو على بعضه
طلع برا راسا وعافني بلغرفه
اني غطيت نفسي
اتأخر عليه كمت اخذت ملابسي وطلعت
جمانه السعيدي
شافني من طلعت
واثق...ها حبيبتي
علا...اريد اسبح
واثق...اسف عفتج وطلعت عندي شويه الم
علا...سلامتك حسيتك متوتر
واثق...هسه اخذ علاج واصير احسن
علا....دخلت سبحت وطلعت لكيته كاعد برا
هااا حبيبي
واثق..ماكو شي ادخلي ارتاحي اني انام بلغرفه الثانيه
علا...ليش بلغرفه الثانيه
واثق....لان اني احجي واني نايم واتحرك هواي مستحيل تاخذين راحتج وياي
علا...عادي اتعود عليك شلون تنام بلغرفه الثانيه
واثق... صدكيني اني متعود انام وحدي لان من اني زغير
احجي واني نايم واتحرك هواي
انتي تعبانه ادخلي نامي مالج شغل بيه
علا...ماحبيت الح علي بعدين النهار راح يطلع واني كلش تعبت اربد اروح انام
دخلت جففت شعري ونمت
ماكعدت اله الضهر وهو يبوس بيه
واثق....شنو هلنومه الحلوه
علا...صباح الخير
واثق...صباح الخيرات شوفي لو نايم يمج فلا غمضت عينج قبل خواتي بنهزمن مني إذا نمت
علا...البارحه سماح لان اني تعبانه
بس اليله ماكو بعد نوم كل واحد بغرفه
واثق...اكعدي حضرت الريوك
علا..تمام