رواية مهمة اوقعتني في حبها الفصل السابع7والثامن8 بقلم نشوه عادل
استأذن عمار وكذلك تاج لتبديل ملابسهم المتسخة ووقفت اميرة الى جانب الطعام وكلام جاسر يدور برأسها حين كان يتحدث معها عن خطته ف التخلص من عمار اخرجت من جيبها كيس به مادة بيضاء وهى تتحدث كلام جاسر معها ع الهاتف
جاسر: بصى بقى ي حب انتى تستنى وقت هما ميكونوش معاكى فيه وانتى تكونى لوحدك بالبيت هبعتلك واحد من رجالتى ومعاه كيس فيه س*م قوى تحطيه ليه ف اى اكل هو عامله او طلبه من برة وبكده انتى هتكونى بعيد عن الشبهات تماما
اميرة بعياط: ي جاسر حرام عليك قولتلك مش هعرف اعمل كده خليك بنى ادم مرة واحدة ف حياتك
جاسر: ما هو انتى لو معملتيش اللى انا عاوزه وخلصتى عليه انتى اللى هتبقى ف خبر كان واظن انتى فاهمة انا اقصد ايه
استغلت اميرة خروج تاج وعمار للجرى واتصلت بجاسر الذى ارسل لها واحد من رجاله ومعه ال*سم وعادت من شرودها
خرج عمار من غرفته ونزلت تاج وكانت اميرة قد اعدت السفرة والطعام بالاطباق وجلست ف انتظارهما
تاج: ليه ي قلبى تعبتى نفسك وانتى لسه تعبانة انا كنت هنزل واحضرها
اميرة: عادى ي قلبى مفيش تعب ولا حاجة انا بس حطيت الاكل بالاطباق وحطيته ع السفرة وخلاص
تاج: طب ثوانى اجيب الصوص والكاتشب
عمار: خليكى انتى وانا هجيبه
دخل عمار الى المطبخ واحضر ما يريد وجلس مقابل تاج واميرة وبدأوا ف تناول الطعام تحت نظرات اميرة الصامتة
تاج: ايه ي ميرو مش بتاكلى ليه خلى بالك لو ملحقتيش تاكلى انا هاكلهم
اميرة: بالهنا والشفا انا مليش نفس عن اذنكم هطلع انام
تاج باستغراب: انتى ي بنتى انتى مش كنتى جعانة وكمان مأكلتيش حاجة من الصبح وب الييتزا اطعم من بتاعت المحلات كلى واطلعى خدى علاجك ونامى
اميرة: مش قادرة ومليش نفس انا بس عاوزة انام بالهنا ع قلبكم
تركتهم اميرة وصعدت الى غرفتها تحت نظرات عمار ....عمار: هى مالها؟!
تاج: مش عارفة حاسة ان فيها حاجة وانها مش مظبطة
عمار: طب ما تحاولى تتكلمى معاها؟!
تاج بغيرة وضيق: هو فيه ايه انت مالك مهتم بيها اوى كده ليه؟!
عمار: عادى يعنى هو مش انا هنا واجبى احميكم ولا ايه؟!
تاج: تحمينى...تحمينى انا وبس مش حد تانى
ابتسم عمار وخجلت تاج فهى لم تنتبه لما قال فأراد عمار تغيير الموضوع: مقولتليش ايه رأيك؟!
تاج: بصراحة لذيذة اوى تسلم ايدك انا معرفش انك شاطر اوى كده
عمار: بعد الاكل هعملك ايس كوفى
تاج: ايوة بقى يعنى هتدلعنى؟!
عمار: معنديش اغلى منك عشان ادلعه
ظلوا ينظران لاعين بعضهما دون حديث حتى انتهت تاج من طعامها واستأذنت لغسل يدها
اما ف الاعلى عند اميرة كانت نائمة وتبكى بحرقة ع ما هى فيه وتتذكر حين التقت بجاسر واحباه بشدة واليوم الاسود الذى سلب منها شر*فها وقام بتصويرها دون وعيها فقد فعل عملته الحق*يرة بعد ان وضع لها حبيبات من المنوم ف كوبها حتى غابت عن الوعى وحملها لمنزله وفعل بها ما فعله وبعدها اصبح يستخدمها كسلاح يعرف به ومنه خطوات تاج وان لم تفعل سيفضح امرها وتذكرت حين كانت بالاسفل ولم تستطع وضع السم بالطعام بل قامت بسكب محتويات الكيس ف الحوض وتخلصت منه وافاقت من شرودها ع صوت الهاتف وكان جاسر
جاسر: ايه ي حب عملتى اللى قولتلك عليه؟!
اميرة بصوت مختنق: لا لسه
جاسر بغضب: هو ايه اللى لسه بت انتى اتظبطى معايا والا انتى عارفة انا هعمل ايه كويس
اميرة بعياط: ي اخى ارحمنى بقى انت عاوز منى ايه هتستفاد ايه من اللى بتعمله فيا مش كفاية خلتنى اخون اعز اصحابى واحكيلك خطواتها عشان تإذيها زى ما اذتنى كمان عاوز تزود الطين بلة وتخلينى اق*تل انت ايه شيطان ؟!
جاسر: بصى ي اميرة انتى اخرك معايا ٢٤ ساعة بالتمام والكمال قسما بالله لو ما سمعت منك الخبر اللى انا عاوز اسمعه هنفذ اللى قولتلك عليه وهبعتلك اللينك تتفرجى ع نفسك ي قلبى باى
كادت ان تجيبه لكنه كالمعتاد اغلق الهاتف ف وجهها دون ان ينتظر ردها
ف الاسفل كانت تاج تجلس الى جانب عمار ع الارجوحة وهى تتناول العصير الذى اعده لاجلها
تاج: مش عارفة اقولك شكرا ولا اسفة
عمار: ع ايه؟!
تاج: اسفة ع كل مرة عاملتك فيها بشكل مش لطيف وكنت بضايقك واجرحك بكلامى ولا شكرا ع الوقت اللطيف اللى بتخلينى اقضيه دلوقتى
عمار: لا ده ولا ده عادى انتى متعرفنيش ومش حابة التقييد بس ان شاء الله لما ترجعى مصر بالسلامة مش هضايقك بوجودى
تاج وهى تعتدل: يعنى ايه؟!
عمار: يعنى ان شاء الله لما تخلصى دراستك وترجعى ع مصر وتكونى ف حضن باباكى انا مش هكون موجود هكون سلمت الأمانة انا مهمتى هتخلص بمجرد وصولك بيتك
تاج: يعنى مش هشوفك تانى؟!
عمار: الله اعلم وزى المثل ما بيقول مسير الخى يتلاقى
تاج: لا انا مش موافقة
عمار: مش موافقة ع ايه؟!
تاج: اقصد يعنى انا اتعودت ع وجودك معايا وبقيت جزء مهم من يومى وهكون محتاجة ليك معايا طول الوقت عشان يعنى ....يعنى اصل عشان ...بص عشان تحمينى
عمار بخبث: ما هو ف مصر اكيد فيه حرس كتير عندكم وانا هكون ف حراسة شخص تانى
تاج وهى بتقف بضيق: يعنى انت مش هتزعل انك مش هتشوفنى تانى؟!
وقف عمار أمامها مباشرة ونظر ف عينيها البنتين وكأن حبيبات القهوة قد اذابت فيها وقال: يشهد ربنا انى محب.....انى مرتاتحش ف مهمة وف حراسة حد زيك بس ده التكليف والاوامر وانا بنفذها وبس
تاج بغضب: انت ايه قلبك حجر مبتحسش مبتفهمش
عمار: افهم ايه؟!
تاج: انى بح.......ولا حاجة انت مش قولتلى ان فيه فيلم حلو للسهرة يلا نتفرج
عمار بابتسامة: اوك اتفضلى
عدى الوقت عليهما دون ان يشعرا بالوقت كانوا يتحدثون ويلعبون ويتعرفون ع بعضهما حتى انهما ناما مكانهما كل واحد ع اريكة ...ف الصباح استيقظت تاج ع ضوء الشمس جلست تتأمل ملامحه الرجولية الممتزجة بالبراءة وهو نائم اقتربت منه بهدوء وامسحت بيدها ع خده الناعم وهى تبتسم ثم وضعت قبلة سريعة عليها وغادرت مسرعة فتح عمار عينيه ووضعها ع خده بفرح ....عدى اليوم ومعه ال ٢٤ ساعة التى منحها جاسر لاميرة كمهلة
جاسر: ها ي اميرتى نفذتى المطلوب اثباته؟!
اميرة بعياط وعيون منتفخة: لا ومش هعمل اللى انت عاوزه كفاية بقى ووووو.....
الفصل الثامن
-لا ومش هعمل اللى انت عاوزه كفاية بقى انت ايه حرام عليك يارتنى ما كنت حبيتك ولا عرفتك غلطة بدفع تمنها ومعرفش ربنا هيخلصنى منك امتى ابعد عنى بقى
جاسر: تؤتؤتؤ ميرو حياتى اهدى ي حبيبى هو معقول برضه حد بيبعد عن روحه؟!
اميرة بعياط: بلاش تمثيل كلامك ده اللى كنت بتضحك عليا بيه قبل ما اعرف حقيقتك القذرة مبقاش ينفع دلوقتى خلاص
جاسر: بصى بقى ي حب عشان انا راجل جنتل مان هديكى فرصة كمان ومش يوم ي سيتى لا اسبوع بحاله تخلصى المطلوب منك بس صدقينى المرة دى وعد لو الجمعة جات ومسمعتش اللى انا عاوز اسمعه منك بعد الصلاة هنشر الفيديو سلام ي ميرا
اغلقت اميرة الهاتف وشعرت بالاختناق قررت النزول والجلوس أمام حمام السباحة فالوقت مبكرا وتعلم ان عمار وتاج قد سهروا بالامس وسيظلوا نائمين نزلت ووقفت وهى تبكى بقهر ووجع كبير وتمسك رأسها من شدة الالم التى تشعر به فى نفس الوقت كان عمار يقف ف شباك غرفته ورآها وهى تهوى ع الارض بعد ان فقدت الوعى اسرع اليها وحملها ووضعها ع الاريكة واستطاع ان يجعلها تفيق فتحت عيناها بوهن ونظرت له دون حديث
عمار: انتى كويسة؟! لو حاسة انك تعبانة انا ممكن اخدك المستشفى
وبدون رد احتضنته اميرة وهى تبكى بصوت عالى وشهاقاتها تتعالى اكثر فأكثر استغرب عمار من فعلتها ولا يعرف ماذا يفعل سوى ان احاطها بيده وملس ع شعرها وقال: اهدى ف ايه مالك؟ لو فيه حاجة قوليلى يمكن اساعدك
اميرة بعياط: انا ف مصيبة بس والله العظيم مظلومة والله انا محترمة
ابعدها عمار عنه وامسك زجاجة المياه وغسل لها وجهها وحاول يطمئنها ثم جلس بجانبها وقالها: احكيلى ف ايه متخافيش
اميرة: انت تعرف واحد اسمه جاسر المنشاوى؟!
عمار: طبعا ده حبيبى
اميرة باستغراب: حبيبك ازاى يعنى؟؟
عمار: انا بهزر ده اشد اعدائى وبينى وبينه هو واخوه طار كبير
اميرة: وهو نفسه اللى بيهدد اونكل سلطان بتاج عشان كده انت هنا لحمايتها واكيد عارف الكلام ده صح
عمار: اكيد بس الانسة تاج متعرفش بس مش فاهم ايه علاقته بيكى؟! ومصيبة ايه اللى بتقولى عليها؟!
ترددت اميرة وانكست رأسها بالارض رفع عمار رأسها إليه وقال: اوعدك ان الكلام اللى هتقوليه هيكون سر بينى وبينك
بدأت اميرة تقص عليه كل شئ وكيف استغلها جاسر وسلبها اعز ما تملك وبدأ يستخدمها كسلاح لمعرفة كل شئ عن حياة تاج وانه اخبرها انه يريدها ان تق*تله لكنها رفضت واكملت: دلوقتى هو بيهددنى بالفيديو لو معملتش اللى هو عاوزه هيفضحنى وانا مش عارفة اعمل ايه ولا اتصرف ازاى!
عمار: اد ايه المهلة اللى عطاها ليكى؟!
اميرة: اسبوع لحد يوم الجمعة الجاية
عمار: حلو اوى
اميرة: مش فاهمة يعنى ايه؟!
عمار: يعنى وعد منى ليكى ف خلال الاسبوع ده الفيديو اللى بيهددك بيه هيتمحى ومش هيقدر يعمل ليكى اى حاجة واطمنى هتأكد ان مفيش منه نسخ يهددك بيها تانى
ابتسمت اميرة بفرح وحضنته مرة اخرى: ميرسى اوى ي عمار انا مش هنسالك الجميل ده ابدا
حاوطها عمار وقال: انتى زى اختى وده واجبى اتجاهك
كانت تاج تقف بالاعلى ورأت عمار وهو يحتضن اميرة ويبتسمان وجدت نفسها بدون ارادة دموعها تغتابها وتنزل دون ارادتها اخذت نفسها ودخلت وارتمت ع السرير وهى تضع يدها ع قلبها بوجع وقالت بصوت عالى: ايه ف ايه هو انا يوم ما احب هحب واحد بيشتغل عند بابى وبعدين هو انا لحقت أحبه امتى ليه كل ما اشوفه مع اميرة او بيتكلم معاها اغير واحس بروحى بتتسحب منى لا ي تاج فوقى لنفسك وعرفيه حدوده وابعدى عنه
عدى يومان كانت تاج تتجاهل عمار وتتعامل معه برسمية شديدة اما هو فكان مندهش لمعاملتها التى تغيرت فجأة وف يوم بعد عودة تاج من الجامعة وقد صعدت اميرة لاعلى
عمار: تاج..تاج استنى لو سمحتى
تاج: نعم خير ؟!
عمار: فى ايه مالك انتى بتتعاملى معايا كده ليه هو انا زعلتك ف حاجة؟!
تاج: لسه متخلقش اللى يزعلنى اصلا وبعدين ماله التعامل انت حارس ومهمتك هتخلص لما نرجع مصر
عمار: بس ده مكنش كلامك من يومين ايه اللى غيرك من ناحيتى فجأة
تاج: انا لا اتغيرت ولا حاجة بس اظن التعامل بحدود بينا هيكون افضل
اقترب منها عمار ونظر بعينيها بقوة: طب قولى اللى انتى قولتيه تانى كده
تاج بتوهان: ها هو ايه؟!
عمار: انك هتتعاملى بحدود والكلام اللى قولتيه من شويه ده
دفعته تاج من صدره لكى يبتعد وتذهب لكنه حاصرها عند الحائط وقال: مش هتمشى الا اما اعرف ف ايه؟!
تاج بدموع: ايه اللى بينك وبين اميرة؟!
عمار باستغراب: ايه السؤال ده مفيش بينا اى حاجة طبعا
تاج: لا والله اومال كنت حاضنها اول امبارح ليه ومبسوط اوى
ادرك عمار انها رأتهم وفرح بشدة لغيرتها وقال: اولا والله العظيم مفيش بينا اى حاجة ثانيا هى اللى حضنتنى لانها كانت بتشكرنى وكده فمعرفتش اعمل ايه
تاج: ي سلام وانا ايه اللى يخلينى اصدقك؟!
عمار: والله العظيم اللى عمرى ما احلف بيه كذب ان دى الحقيقة واهى عندك اسأليها
تاج وهى تدفعه: وانت لو محترم مكنتش سمحت ليها تحضنك بس انت كنت مبسوط انا شوفتك وانت مبتسم
عمار بغمزة: بتغيرى عليا
شهقت تاج وقالت: انا ..انا اغير عليك انت لسه ان شاء الله كنت .......
عمار مقاطعا: انا بحبك
تاج بصدمة: ايه ...انت قولت ايه؟!
عمار: قولت انى بحبك اوى كمان
تاج بدموع: وي ترى قولت الكلام ده لكام واحدة؟!
عمار: والله ما فيه واحدة عرفت تدخل قلبى وتسكن فيه غيرك انتى وعمرى ما قولتلها لجنس مخلوق بعد امى الله يرحمها غيرك
ابتسمت تاج وقالت بخجل: اممم افكر
ثم جرت بسرعة من امامه وهى ف غاية السعادة بعدها وجد عمار هاتفه يرن وكان صديقه الضابط صلاح ..عمار: ايه ي صاحبى؟!
صلاح: تمام ي صاحبى الفلاشة اللى عليها الفيديو معايا وووووو....