رواية نور قلبي الفصل الثامن عشر18 والتاسع عشر19 بقلم نرمين هاني
ف الشركه
تطرق نور باب غرفة المكتب
جاسر من الداخل....اتفضل
نور ......السلامو عليكم
جاسر ببرود......متأخره خمس دقايق
نور بضيق لنفسها......قاعد ماسك الساعه اى البنى ادم دا وانا عينى بتقفل ومش قادره أقف اصلا
جاسر بغضب......انا بكلمك ياانسه
نور بوهن وهى تتوجه لتجلس ........اسفه مش هتتكرر تانى
جاسر بصوت مرتفع وغاضب.......هو انا أذنتلك تقعدى
نور بضيق.....لا
جاسر......يبقى تفضلى واقفه لحد مأذنلك بدا
نور بغيظ وهى تحاول تهدئة نفسها...........اتفضل التصميم
جاسر وهو ينظر للتصميم بانبهار
جاسر بااعجاب......انتى عملتيه لوحدك ف يوم
نور بثقه.......طبعا اى رأى حضرتك
جاسر ببرود.......حلو مش بطال
نور بغيظ لنفسها.......هو انا لو ضربته هيجرى حاجه والله مهيجرى حاجه انسان مستفز كمية برود مشوفتهاش ف حد
نور بغيظ.......هو اى اللى حلو دنا منمتش عشان يطلع بالشكل دا وف الاخر حلو
جاسر ببرود........عايزانى اقولك وحش يعنى
نور بغضب.......والله على الاقل كلمه شكر انى عرفت أخلصه بالشكل دا ف المده دى
ياقطعها طرق الباب
اميره بهدوء.......حضرتك ف اجتماع مع شركة مازن بيه دلوقت يافندم ودا ورق الصفقه
جاسر وهو يقف وياخذ منها الورق....... تمام وخرج
نور وهى تمشى وراه هى الأخرى ولنفسها.....بارد ومستفز وقليل الذوق
ودخل الاسانسير
جاسر باستفزاز......هتيجى ولا هتنزلى على السلم
نور لنفسها......انا مش قادره أقف ولو وقفت اكتر من كدا هيغمى عليا امرى لله هركب معاه بقى وربنا يستر
ودخلت ركبت معاه
وضعظت على الدور الرابع***مكتب جاسر ف الدول السادس ونور ف الدور الرابع*
نور وهى تحاول فتح عيونها ولنفسها....... انا دماغى بتلف كدا ليه اكيد من كمية القهوه اللى شربتها امبارح
جاسر لنفسه باستغراب......مالها دى مش عارفه تقف كدا ليه
وفجأه ......انقطع التيار الكهربى فعلق المصعد بين الخامس والرابع
نور بخضه ووهن.......تانى هو دا وقته اووووف هما هيشغلو المولد الاحتياطى امتى ال كنت ناقصه انا دنا مش قادره أقف
جاسر ببرود....... شويه وهيجى مش كل مره نفس الكلام هيتقال
وفجاءه يسمع صوت ارتطام بالارض فينظر ليجد
جاسر بفزع وهو يرى جسد نور الممدد على الارض.....انتى يابنتى فوقى اى اللى حصلك وبتوتر وهو ينظر ......دى اغمى عليها ينهار اسود
جاسر وهو يخرج هاتفه بتوتر......مفيش زفت شبكه..... ورمى التليفون بغضب على الارض
ثم بدء يطرق على المصعد بقووه
جاسر.......
طق...طق....طق..... انتو يااااا اغبيه ف حد سااااامعنى انتو ياحيوواناااات البت هتتخنق هنا وبزعيق.........حد يررررد عليااااا
***********************************
ف المطعم
مازن بضيق......... اتأخر ليه دا
المحامى..........شويه وهيجى حضرتك عارف جاسر بيه مواعيده زى الساعه
مازن ...........مهو باين وبخبث لنفسه.......يالا خلينا نخلص منو خالص
**********************************
ف الشركه
مروان وهو يدخل على اميره
مروان........ازيك يااميره جاسر ف مكتبه
اميره..........لا يافندم عندو اجتماع مع مازن بيه
مروان......تمام ولأميره....الأسانسير مش شغال ليه
اميره.......فى قافله ف الكهربا يافندم وبيحاولو يصلحوها
مروان......اتصلتى بمهندس الصيانه
اميره.......ايوا يافندم
عم متولى وهو يتوجه نحوهم بفزع.............الحق ياسعات البيه ف ناس محبوسه ف الاسانسير ف الدور الرابع
اميره ومروان بفزع...........بتقول اييييه
لم يكمل عم متولى كلامه حتى جرى مروان نحو الدرج ليتوجه للطابق الرابع ووجه يعلو علامات الفزع
وصل مروان وهو يلهث الى الطابق الرابع فرأى تجمع الموظفين امامه
مروان بزعيق.......مين اللى محبوس جوه
موظف ما بخوف.......جاسر بيه ياباشا
مروان بصدمه.........بتقول مين
جاسر من الداخل بغضب...........والله لوريكووو يااغبيه اخلصو البت هتموت هنا
مروان بصوت مرتفع........متقلقش المهندس هيجى يصلحو
جاسر بغضب........الله يخربيتك يامروان نور معايا يازفت واغمى عليها المشكله مش فيا ياحيوااان
مروان بزعيق......البت هتموت جوا فين المسئولين عن الSavety والصيانه فيييين
موظف ما بخوف.......بيصلحوا ياباشا متقلقش
مروان بصوت عالى........ متقلقش هيشتغل دلوقت
جاسر وهو ينظر لنور بتوتر وهو يحاول افاقتها ولكن بلافائده
جاسر بغضب شديد...........اخلصوووو والله هموتكوااا كلكوووو اما اطلع ياكلالاب دى مهزله اللى بيحصل دا
ثم جاء التيار الكهربى* الحمد لله*
جاسر وهو يحمل نور وبزعيق..........اتصلو بدكتور بسرعه وبتوعد ......و حساابى معاكو بعدين
***************************************************
ف منزل نور
حنان بقلق........ اتصلى بختك يابت دى منمتش طول الليل ووشها كان مرهق اووى وانا قلقانه عليها
اسماء بمرح........ متقلقيش ياحنون وبعدين اشمعنا انا محدش بيعبرنى ولا يقلق عليا كدا هو انا بنت الغساله ولا حاجه
حنان بغيظ وهى تضربها.........خشى ذاكرى ياجزمه انا غلطانه انى بكلمك اصلا
اسماء وهى تدخل غرفتها بمرح وغمزه ....... ماشى بكره تندم ياجميل
***************************************************
ف الشركه
ياسمين بقلق........نور اغمى عليها انا لازم اروح ورا جاسر بيه مينفعش اقف اتفرج كدا
ياسمين وهى تدخل ورا جاسر بيه المكتب
ياسمين بتوتر وهى تحاول افاقتها......نور نور حببتى فوقى ......ولكن بلافائده
حضرت الطبيبه...
الطبيبه.......وسعى لو سمحتى
ياسمين بقلق .......اتفضلى
بعد ان قامت الطبيبه بالكشف على نور وعلقت لها بعض المحاليل
جاسر بنظرة قلق يحاول اخفاؤها.......خير يادكتوره
الطبيبه.......متقلقش ياجاسر بيه جالها هبوط مش اكتر واضح انها مكلتش حاجه من امبارح وياريت لو تاخد اليوم اجازه وترتاح ف البيت
جاسر بهدوء...... تمام شكرا لحضرتك
الطبيبه .......العفو عنئذنك يافندم
جاسر.....اتفضلى ولنفسه بضيق......كل دا بسببى اكيد مكلتش عشان خاطر تخلص التصميم
نور وهى تفيق......اه اه دماغى اى اللى حصل
ياسمين.....اهدى يابنتى انتى اغمى عليكى بس انتى كويسه دلوقت
نور وهى تنظر حولها.......اى اللى جابنى هنا انا اخر حاجه فاكراها ان كنت مع هولاكو ف الاسانسير والاسانسير عطل
جاسر بااستغراب.......هولاكو
نور بخضه بعد ان لاحظت وجوده.......مش انت مش انت اقصد اى
تقاطها ياسمين........اهدى يابنتى عشان المحلول اللى ف ايدك دا
جاسر بغيظ لنفسه.......بقى مسميانى هولاكو يبقى تستاهلى اللى جرالك
نور وهى تقف.......يالا عشان ورايا شغل
جاسر ببرود.........انتى هتاخدى بقيت اليوم اجازه دا كلام الدكتوره
نور بعند وهى تقف.........انا كويسه مش عايزه أجازات
جاسر ببرود وهو يتوجه ليجلس على مكتبه........انا قولت اللى عندى وياريت بعد كدا تاكلى كويس مش ناقص مصايب انا غير كدا عطلتينى على اجتماع مهم وهأجله بسببك
نور بغيظ وغضب ........والله مكنتش
تقاطعها ياسمين وهى تمسك يدها........نور اهدى خلاص انتى تعبانه روحى استريحى يالا قومى ومفيش اعتراض
نور بقلة حيله....ماشى يالا
ياسمين ........عنئذنك يافندم
جاسر ...........اتفضلى
نور لنفسها.......بنى ادم غبى وبارد
جاسر لنفسه.........هعمل اى مع مازن الهاشمى هتلاقيه على اخرو دلوقت
********************************************************
ف المطعم
مازن بغضب........دى مهزله ازاى يعنى بعد دا كله يأجل الاجتماع ما كان جه مضى على الصفقه وخلصنا
المحامى وهو يحاول تهدئته......اهدى يامازن باشا اكيد ف ظروف حصلت عندو جاسر باشا مش من السهل يأجل مواعيده
مازن بغيظ وتوعد لنفسه........ ماشى يابن الشرقاوى فلت منها المرادى بس انا وراك والزمن طويل
********************************************************
ف الشركه
نور تدخل المكتب
مصطفى.......حمد لله على السلامه يابشمهندسه
نور......الله يسلمك
ياسمين لنور..........هو اى اللى حصل يابنتى انا فاجئه لقيت بيقولو جاسر بيه محبوس ف الأسانسير وانك معاه ومغمى عليكى وحكتلها اللى حصل
نور بفزع......ايه كل دا حصل وبتقولى شلنى كمان انتى بتستهبلى ازاى تخليه يشلنى
ياسمين.......اومال كان هيسيبك هناك وبعدين شكلو كان قلقان عليكى اوووى انا استغربت والله اما شوفت نظرة القلق ف عينو عليكى
نور ........هههههه قلقان اى انتى هبله دا لوح تلج هو دا بيقلق زينا المهم انا هروح عشان مش قادره سلام
ياسمين.......سلام
*******************************************************
ف الفيﻻ
فارس بمرح..... انتى كل يوم هتبقى هنا يبت انتى معندكيش بيت تقعدى فيه وﻻ اى
نادين بغيظ...... انت مالك يارخم ولأمينه........ها ياخالتو هتعملى اى بقى ف الموضوع دا
فارس بعدم فهم........ موضوع اى دا
امينه بخبث.......هشوفله عروسه تانيه طبعا والمرادى مش هيعرف يهرب زى اللى قابلها
فارس بفزع........عروسه تانى مستحيييل دا يحصل
نادين بغيظ...........مش ليك يا متخلف لجاسر
فارس باستهزاء وغيظ.......مهى بتبقى كدا ف اﻻول يااختى وبعدين البسها انا مش كفايا زفته عليا انسو الموضوع دا خالص فاهمين
امينه بنفاذ صبر..........خﻻص متبقاش تيجى معانا
فارس بستهزاء.........ودا يمنع يعنى مهو ممكن يلبسهالى وانا مش موجود كمان ابنك دا مفترى
امينه بتفكير..........والله يعملها احنا ﻻزم نشوف حاجه تانيه
نادين بتفكير هى اﻻخرى.................صح ياخالتو ﻻزم نشوف حاجه تانيه
فارس بقلق وهو ينظر لهم..........ربنا يستر من دماغكو دى ومتحصلش مصيبه تانيه
****************************************************
ف منزل نور
نور وهى تدخل المنزل
نور بتعب......... السﻻمو عليكم
حنان وهى تتوجه نحوها بقلق..................مالك يانور وشك عامل كدا ليه وجايه بدرى ليه
اسماء بقلق..........مالك يانونو ف اى
نور بتعب............مفيش اغمى عليا ف الشركه
حنان بخضه............اييييييييه
اسماء وهى تنظر لها بدقه......انتى كويسه طااه ف حاجه بتوجعك
نور......ياجماعه دا هبوط مش اكتر
حنان وهى تقف......طيب انا هروح اجبلك تاكلى واعملك كوباية عصير
اسماء بمرح.......اه ياااانى تصدقى حسيت بهبوط انا كمان زودى الطلبيه بقى ياحنون والنبى هاتى الاكل اللى عندك كلو
نور.......ههههههه استهبلى استهبلى طيب انا تعبانه وانتى بقى
اسماء بغمزه.........اخت التعبانه وبعدين انا ثانويه عامه ياماما يعنى لازم اتغذى كويس عشان اعرف اكل الكتب دى والمعلومات تثبت بدل منا بجرى وراها بالشبشب عشان تثبت كدا
نور .........يخربيتك صدعتينى انا قايمه اغير على ما ماما تحضر الاكل
ودخلت غرفتها
اسماء بصوت عالى........بسرعه ياحنون اصل الهبوط داخل عليا اهو واتوصى والنبى
********************************************
امينه وهى تتحدث ف الهاتف
امينه.........بكره ان شاء الله تيجى نتعشى مع بعض وعشان اعرفك على ولادى
شخص.........اكيد ياحببتى ومالو دا انا نفسى اشوفهم اوووى
امينه بفرحه.......خلاص اتفاقنا مع السلامه
شخص........سلام
امينه لنفسها........اما نشوف هتهرب المرادى ازاااى ياجاسر
***********************************************************
واليوم عدى وبالليل
ف منزل ايه
**قومى يالا يابت عريسك جه بره يالا عشان نخلص منك بقا والشقه دى تبقى بتاعتى****
تقولها منيره وهى تتوجه نحوها
ايه بفزع.........هووو جه
منيره........اه جه يااختى يالا البسى بسرعه واخلصى اطلعيلو
ايه بدموع وخوف.......حاضر
وقامت ايه تغير ملابسها وخرجت
ايه وهى تدخل بالعصير .......السلامو عليكم
سعيد بصوت اجش........وعليكم السلام اى الحلاوه دى
ايه بصدمه وهى تنظر له وقت وقعت الصنيه من يدها فقد رات رجل ف نفس عمر والدها تقريبا
فرغلى بسعاده........نقرا الفاتحه بقى
سعيد ببتسامه وهو ينظر لايه ........فاتحة اى انت تجيب المأذون وخير البر عاجله
فرغلى بفرح........على خيرة الله
ايه وهى تدخل غرفتها بسرعه والدموع ف تنزل من عينايها كالشلال........مأذون دا هيجوزنى راجل اده دا لو مكنش اكبر منه كمان
ثم نظرت للسكينه التى امامها وبدموع شديده........سامحنى يارب بس غصب عنى
تررررن ترررن
فرغلى......تعالى ياشيخنا سمعينا زغروطه ياوليه
منيره......لولولولولولى لولولولولى
فرغلى........روحى اندهى للبت يالا عشان نكتب الكتاب
منيره......من عنيا
وتفتح باب حجرة ايه
منيره بفزع.........يالهووووووى ياااامصبتى البت ماااااتت الحقوووونى
فرغلى وهو يهرول الى الحجره وينظر داخلها بصدمه
فرغلى بصدمه ينظر ولا يستطيع النطق
المأذون........ لاحول ولا قوة الا بالله انتو هتتفرجو البت دمها هيتصفى يالا بسرعه اطلبو الاسعاف
واتصلو بالاسعاف ونقلوها المستشفى
فرغلى بقلق نوعا ما........خير يادكتور
الدكتور بأسف..........................................................
الفصل التاسع عشر
ف المستشفى
الدكتور بأسف.......للاسف بنت حضرتك فقدت النطق
فرغلى بصدمه.......بقت خرصه
الدكتور بهدوء....... ﻻ ياحاج هى محتاجه بس راحه نفسيه ومتتعرضش ﻻى حاجه تأثر على نفسيتها وفى دكتور نفسى كويس هيتابعها وان شاء الله هتتكلم تانى واحسن من اﻻول
فرغلى......شكرا ياضكتور
منيره بخبث......بنتك بقت خرصه وهتﻻقى الضكتور النفساوى دا هيبقى عايز فلوس والفلوس اللى هتصرفها عليها ابنك اولى بيها
فرغلى......ابنى هو فين ابنى دا
منيره بخبث.......هو انا مقلتلكش انى حبله يقطعنى يااخويا من لبختى فى البت نسيت اقولك
فرغلى بفرحه...........بجد انتى حبله وهتجبيلى الواد اللى نفسى فيه
منيره........طبعا بس بنتك مش هتيجى البيت دا تانى دا بيتى انا وبنك وبس
فرغلى بتردد.........بس
منيره بخبث.......مبسش وتكتبلى كمان البيت بااسمى عشان اضمن نصيب ابنى فيه
فرغلى.......اما نتأكد انك حبله ف ولد اﻻول
منيره........وبنتك هتعمل فيها اى
فرغلى بحيره......مش عارف ومفيش حد هيرضى بيها بعد مبقت خرصه كدا
منيره بخبث...........اعتبرها ماتت وخﻻص هى بتعملك اى يعنى الواد اللى ف بطنى هو اللى هيسندك ف الدنيا دى
فرغلى بتردد.....بس هى هتعيش ازاى من
تقاطعه منيره.......متقلقش هتعيش مش هى كانت عايزه تموت اعتبرها ماتت
فرغلى......هه
منيره...........ياﻻ بقى نروح عشان الوقفه دى خطر على ابنك
فرغلى بلهفه......ايوا صح ياﻻ بينا
محمد وهو يقف وقد استمع لحديثهم بدون قصد..........اى الناس دى وازاى اب تهون عليه بنته بالشكل دا انا ﻻزم اتابع الحاله دى بنفسى واتكفل بكل المصاريف حرام اللى بيحصل دا ﻻزم اقف جمب المسكينه دى
***********************************************
ف منزل نور
نور وهى ممده على الفراش........معقول يكون قلق عليا فعﻻ زى ما ياسمين قالت وﻻ هى اللى اتهيئلها كدا البنى ادم دا غريب اووووى شويه يبقى بارد ولوج تلج بس تصرفاته سعات بتكون عكس كدا وانو يوصلنى دى كانت حركه حلوه منو تبين انو جدع بس بيقلب ف ثانيه ثم فاقت لنفسها.......اى الهبل اللى انا بعمله دا انا اقوم انام احسن
************************************************
ف صباح اليوم التالى
ف الشركه
نور وهى تدخل مكتبها
نور.......السﻻمو عليكم
كلهم.......وعليكم السﻻم
ياسمين بمرح........ﻻ دا احنا النهارده حلوووين اهو
نور........هنقر وﻻ اى يابت
ياسمين وهى تنظر لمصطفى المشغول ف عمله........ﻻ انا بحسد بس
نور بوشوشه............عينك رايحه فين ياحلوه
ياسمين..........مصطفى بقى بيتجاهلنى هى سﻻمو عليكم وبيقولها للكل عموما بس
نور بااستغراب.........وانتى عايزه اى اكتر من كدا انتى دلوقتى اى اللى مضايقك
ياسمين بتنهيده.........مش عارفه انا متلخبطه ومضايقه اوووى
نور بتركيز.......ليه ف حاجه حصلت مع خطيبك
ياسمين بضيق..........عايزنى اخس وبيتريق على شكلى وبيقولى مينفعش اخرج معاكى وانتى تخينه كدا
نور .........ههههههههههه طيب متخسى
ياسمين بضيق.......انتى بتضحكى
نور ..........اصل انتى غريبه بصراحه كان قدامك مصطفى وبيحبك ومش همه خالص ان كنتى تخينه وﻻ رفيعه انتى اللى قولتى ﻻ عايزه واحد شكله حلو دلوقتى مش عاجبك اللى شكله حلو وغنى انا مش فاهماكى بصراحه اقعدى مع نفسك وحددى انتى عايزه اى بالظبط
ياسمين بتنهيده وحيره......ماشى
****************************************************
ف الفيﻻ
امينه لفارس........ف ضيوف جايين النهارده على العشا تيجى بدرى
فارس بعدم فهم........ضيوف مين
امينه بخبث.........صاحبتى وبناتها
فارس بقلق.........ناويه على اى يامونى
امينه ...........متقلقش المرادى غير كل مره وانا مش هجاوزهاله علطول انا هخليه هو اللى يجى يطلب دا
فارس بقلق........ربنا يستر
****************************************************
ف الشركه
جاسر وهو يتحدث ف الهاتف بنفاذ صبر........ماشى هاجى بدرى بس لو كان ف عروسه هتصرف تصرف مش هيعجبك
امينه........ﻻ مفيش الكﻻم دا
جاسر........ماشى ياماما سﻻم
طق......طق.....طق
جاسر.........ادخل
اميره بتوتر.........احم صباح الخير يافندم
جاسر ببرود........خير يااميره قولى علطول ف اى
اميره.......اى انا كنت جايه اقول لحضرتك انى كمان 15 يوم هتجوز وخطيبى مش عايزنى اشتغل بعد الجواز
جاسر ببرود........ها وبعدين
اميره بتوتر.........يعنى جايه اخد اذن حضرتك وننزل اعﻻن نطلب سكرتيره فيه عشان اعرفها النظام قبل ما امشى
جاسر بتفكير وسرحان ولم يرد عليها
اميره........احم اى رأى حضرتك يافندم
جاسر ببرود............ابعتى للمهندسه نور تيجى
اميره بتعجب........حاضر عنذنك وخرجت
اميره لنفسها.......الله يكون ف عونها اللى هتتجوزك وﻻ كأنى قولت حاجه زى مكون كنت بكلم نفسى
اميره وهى تتحدث ف الهاتف.......الو نور جاسر بيه عايزك ف مكتبه
نور........تمام جايه
وذهبت لمكتب جاسر
نور........اى يااميره هوﻻكو عايز اى
اميره بعدم فهم.......والله منا فاهماله حاجه فجأه قال انو عايزك ليه بقا متعرفيش
نور بقلق................ربنا يستر
وطرقت مكتب جاسر
طق.......طق....طق
جاسر من الداخل.........ادخلى
نور.......ايوا يافندم
جاسر وهو يشير لها ان تجلس.......اتفضلى اقعدى
نور لنفسها......لا انا كدا هبدأ اقلق دا بيقولى اقعدى
جاسر بخبطه على المكتب......ياانسه
نور بعد ان فاقت من سرحانها........ايوا هقعد اهو
وجلست على كرسى امامه
نور بقلق.......خير يافندم
جاسر .........انتى معاكى كورسات ف لغات كتير صح
نور بااستغراب......ايوا
جاسر ببرود ........تمام يبقى اعملى حسابك انك من بكره هتدربى عشان تكونى السكرتيره بتعتى
نور وهى تقف بفزع.........ننننعم اكون اى
جاسر ببرود.......صوتك مايعلاش واقعدى مكانك
نور بعد ان جلست بضيق.......انا مهندسه علفكره
جاسر ببرود .......عارف
نور بغيظ من بروده........طيب لما حضرتك عارف ازاى تطلب منى اكون سكرتيره
جاسر بهدوء......اميره هتتجوز وهتسيب شغلها ومش سهل الاقى سكرتيره حاليا ومش فاضى بمعنى أصح اختار وانتى أنسب واحده قدامى لانك معاكى لغه واميره هتفهمك النظام المده اللى قاعداها قبل ماتمشى
نور بتفكير.......بس انا بحب مهنتى وعايزه اشتغل فيها
جاسر ببرود........والله لو عايزه تشتغلى الاتنين معنديش مانع
نور.........نعم ليه شايفنى اى قدامك
جاسر ببرود.......قدامك لحد بكره تفكرى مع انى معتبر موافقتك جاهزه من دلوقتى بكره تيجى تستلمى مكان اميره وهيكون ليكى مكتب جمبها لحد متتدربى كفايه
نور بغيظ.......عنئذنك وخرجت
نور لنفسها بغيظ......قال سكرتيره قال ويفضل ف وشى علطول ناقصه انا قرف بقا
اميره بلهفه......كان بيقولك اى هه
نور بغيظ .......حكتلها كل حاجه
اميره بفرحه.......بجد يعنى وافق
نور بغيظ شديد......دا اللى همك انا همشى قبل ميحصلى حاجه وسابتها ومشيت
***********************************************************
ف المستشفى
محمد.......سلامو عليكم***محمد دكتور نفسى شاطر بيحب مهنته جدا اخلاقه عاليه ودا اللى خلى كل المستشفى تحترمه وتحبه واى حاله بتحتاج مساعده ماديه مبيتأخرش عليها****
كبير الاطباء.....وعليكم السلام ازيك يادكتور
محمد.......الحمد لله انا كنت جاى لحضرتك عشان اقولك انى عايز امسك الحاله اللى جت امبارح بالليل وهتكلف بمصاريفها كامله
كبير الاطباء......تمام كويس انا كنت هطلب منك انك تتابعها انت اشطر دكتور نفسى عندى والبنت باين عليها لسه صغيره واهلها سابوها ومشيو
محمد......تمام يادكتور وان شاء الله اكون عند حسن ظنك
كبير الاطباء.......تمام بالتوفيق
محمد......عنئذنك
كبير الاطباء......اتفضل
**********************************************************
ف الشركه...
نور......يالا معاد الانصراف جه مش هتروحى
ياسمين وهى تنظر لمكان مصطفى الفارغ......لا هروح يالا ولنور......غريبه مصطفى مشى بدرى يعنى
نور بغمزه.....دا انتى مركزه اوووى بقا
ياسمين بغيظ.......يالا نمشى بدل متنضربى
نور......يالا
************************************************************
ف مكتب ما بجهة سيادية.......
طرق الظابط حسام بأصابعه بحركة ثابتة على سطح المكتب الزجاجي ثم فرك طرف ذقنه بكفه الأخــر وتطلع إلى القائد بنظرات قوية ، ثم استطرد حديثه قائلاً بهدوء .......بس يافندم مازن مش سهل نوقعه
القائد بجديه.......اومال انت بتعمل اى ياحضرة الظابط دى مهمتك
الظابط حسام بجديه......وانا قدها يافندم وان شاء الله هيتم القبض عليه بااقصى سرعه
***حسام يمتاز كغيره من الضباط بالجسد الرياضي القوي والطول الفاره ، بالإضافة إلى شخصية جادة للغاية ..
هو متفوق دراسياً ، وبـــارع في المهارات العقلية والبدنية ، ولديه سرعة بديهة ..
لديه بشرة بيضاء لكنها اصطبغت باللون البرونزي بفعل أشعة الشمس ، أما عينيه فهما عسليتان ، وشعره يميل للون البني وهو من عائلة مرموقة في مستواها الإجتماعي والثقافي********
القائد........اهم حاجه السريه التامه ومش لازم تيجى هنا كتير كفايا التلفيون وتأمن المكان كويس قبل متتكلم
حسام بجديه.......تمام يافندم بس من خلال مراقبتى وتحرياتى لمازن عرفت انى ف خطر على مهندسه ف الشركه بالاضافه الى جاسر الشرقاوى طبعا
القائد............وظيفتك حمايتهم ياحضرة الظابط وكفايا ان جاسر عارف كل حاجه وهو هياخد بالو كويس من مازن جاسر ذكى وانت تابع معاه خطوطه بخطوه
حسام........تمام يافندم
القائد.........بالتوفيق ياحسام ولا اقول.....يا مصطفى
حسام......ههههه لا انا دلوقتى حسام ولا اى
القائد.......ماشى ياحضرة الظابط بالتوفيق
حسام وهو يؤدى التحيه العسكريه.........تمام يافندم عنئذنك
القائد .......اتفضل
*****بالنسبه للناس المصدومه اقفلى بوقك يابت انتى وهى
بالليل
ف الفيلا
تررررن تررررن
بطه......اتفضلو
كلهم.....شكرا
جاسر......انتى
نور بزهول.....انت
فارس......انتى
اسماء بتعجب......انت تانى
حنان وامينه بااستغراب.......انتو تعرفو بعض يااولاد
نور بزهول.........................