رواية رهان الحب
الفصل الاخير
بقلم جمانه السعيدي
رائد....اني اعترف اكثر وحده أثرت عليه بحياتي انوار
الحد هاي اللحظه ماكدرت انسها
رغم اني متأكد هي بعدها زعلانه من تصرفي الاخير وياها
بس حقه لو اني بمكانه اكبد ازعل
مشاعر الناس مو لعبه
لوما وجودها اثر على حياتي ماتركت الرهن
وبطلت هاي السوالف التعبانه
لو ما تركت بصمه بحياتي مابقيت الحد هاي اللحظه بدون زواج
بس شلون اخليه تنسى وتسامحني
انوارمو مثل باقي البنات بكلمتين تقبل وتنسى
صعبه حيل
بس احس رب العالمين رجعه علمودي اني ماحبيت وحده غيره ابد
انوار....ليش رجع رائد طلع بحياتي رجع فزز مشاعري
مشاعري الي ماتت من يوم مات هاشم
من يوم زواجي لليوم واني عايشه بس مشاعري ميته
هسه رائد رجع حتى يفزز هاي المشاعر
مااريد استسلم بسهوله
لازم احاول ابعده عني اني شمعرفني تغير لو لا
ايجوز بعدا صاحب علاقات وعندا ابدال الوحده عشره
ايجوز يريد ينتقم مني
جمانه السعيدي
بعد اسبوع من دوام رائد
انوار...طلعت بعد ماخلص الدوام لكيت رائد ينتضرني يم سيارتي
خفت اي خفت أضعف كدامه
وصلت للسياره
رائد....ممكن نحجي اني وياج
انوار...بخصوص شنو
رائد...شغله تخصني وحاب اخذ رائيج
انوار....نفس اسلوبك القديم تتحايل
رائد....لا رائد القديم انتهى انتي الي انطيتي درس غير
حياته من بعد الي صار بينا
بطلت اعرف بنات واسوي علاقات
انوار....مطلوب مني اصدك
رائد....اني مامجبور اكذب عليج اذا مرتبط اكول مرتبط
بس اني اكو بكلبي شي يخصج
انوار....مااكدر اصدك كلامك
رائد....مستعد اثبتلج صحة كلامي
بس اربد وقت نكعد ونحجي سوا اعتبريني صديق
ويريد ياخذ رائيج بموضوع
محتاج منج ساعه نكعد نحجي وبس
انوار....فتحت باب السياره ميخالف احاول افرغ نفسي
فد يوم
رائد...اني هسه احجي وياج مو بصفتج مديرتي بالعمل
احنا هسه خارج العمل
احجي وياج بصفتي صديق
انوار....شوف اهم شي بااي علاقه اي علاقه
علاقة اخوه او صداقه او حب او حتى الزواج الثقه
وانت اول شي دمرته ثقتي بيك
لاتحاول هسه بكلمتين ترجع كلشي المكانه
صعب يرجع كلشي المكانه بهاي السهوله
جمانه السعيدي
رائد...لا يكون كلبج اسود حتى رب العالمين يقبل العبد العاصي وينطي فرصه وثنيين
انتي ليش هلكد كارهتني
انوار....كارهتك لان الي سويته بيه مو قليل ضليت تركض وراي لمن تعلقت بيك بعدين طلعت تضحك عليه
برائيك هذا شي قليل
وسهل انسى وابدي وياك من جديد
رائد....ولله انتي ضالمتني جنت طايش عديم المسوليه
بس هسه عقلت خلاص
انوار....ليش مامزوج الحد هسه
رائد....مالكيت الانسانه المناسبه
انوار...الله يهيدك
صعدت سيارتي ومشيت وهو بقا واكف وعينه عليه
انوار....مااعرف انطي فرصه واختبره
لو لا مايستاهل هاي الفرصه
بس اني حسيت من كلامه متغير مو مثل رائد القديم
يمكن انطي فرصه واسمعه
بس اكون حيل حذره وياااا
بقه اسبوع يلح على موعد حتى نكعد ونحجي واني مطنشه
رائد...ممكن اعرف ليش ماتقبلين تحجين وياي
اريد فرصه ابرر موقفي
انوار...من يكون عندي وقت
رائد....ولله شلعتي كلبي دمرتيني
انوار....اي انتضر شنو الصبر خلص من العالم
رائد...اني الصبر خلص عندي
انوار...مشكلتك
رائد...لا تخليني اتهور واخطفج
انوار....ههههه هههه تخطفني
رائد...همزين شفناج اضحكين يمعوده الدنيا ماتسوه واحد
هيج يزعل انتي ليش تعقدين الامور
انوار....ولو من افرغ
رائد...لا الجمعه الجمعه ماكو دوام اريد احجي وياج
ترا اكثر وحده بلدنيا شلعت كلبي انتي
راح أعلن توبه لله نصوحه بسببج راح ادخل الإسلام من أوسع ابوابه
انوار....اشوف
رائد..ماكو تشوفين اخر انذار اللج
انوار....اني منتضره هذا الموعد اكثر منه اريد اسمعه اريد اعرف شصار وياا بهذا الوقت
مرن ٣سنوات ونص اريد اسمع اخباره
يوم الخميس اجا رائد اكد على الموعد
يوم الجمعه العصر اتفقنا نلتقي بلمطعم حتى اسمعه
ساعته اقرر اقبل بهاي العلاقه لو لا
وصلنا للمطعم كعدنا طلب عصير بلبدايه
رائد....خل احجي اني بلبدايه كلشي عندي واسمعيني للاخر لا تقاطعيني
انوار...اني جايه حتى اسمعك
رائد....بلبدايه انت تعرفين وضعي شلون جان داخل الكليه
بس مو كل الذنب عليه
ولله اكو بنات استحي احجي شلون يجن يعرضن نفسهن عليه من غير كلمات الاعجاب
منا وانتي قيسي نخلق الغرور بداخلي وكمت اشوف نفسي
ماكو مني بلدنيا كله بعدها اصدقاء السوء اثرو عليه
واني كان عندي استعداد اخطي هيج خطوات اضحك على البنات واراهن عليهن يعني اني عندي استعداد نفسي للغلط
جنت محتاج بس تشجيع
وأصدقائي ماقصرو ابد بدينا هاي اللعبه بس حتى نتونس
بيوم الي تراهنه عليج
ماكانا متقصدينج بلذات الرهن كان على أول وحده تدخل من باب الجامعه فجئه انتي طلعتي
حاولت انسحب لان شفتج لابسه عبايه
حسيتج مختلفه عن اللبنات البقيه كلشي بيج كان مختلف
عبايه ومشيتج وانتي واثقه من نفسج كلشي بيج هادء وصعب بنفس الوقت
حاولت انسحب بس شيطان نفسي خلاني اقبل هذا التحدي
من قربت عليج شفت انتي شكد صعبه وخاصه من صديتيني اكثر من مره
اما من شفتيني باب بيتكم ماكانت صدفه ابد اني جنت امشي وراج بلسياره واخترت هاي الكذبه حتى اشوف اهلج
واتعرف عليهم والمفاجئه من طلعتي شفتي السياره
كانت اكبر مفاجئه بلنسبه اليه
بعد ٣ اشهر واني اركض وراج حسيت اكو صراع داخل نفسي كلبي يكلي تستاهل تحبه
انسانه محترمه وحافظه نفسه بس غروري كرجل يكول لا اذا تنسحب من هذا الرهن راح تصير مضحكه الجماعتك
لا زم تستمر على فكره الرهن ماكان بس على كلمة احبك كنت متراهن اخليج تنزعين العبايه
بس الصراحه ماكدرت اقاوم يعني اللعبه انكلبت عليه
بديت احبج واتعلق بيج بيوم حفلة عيد ميلاد
كنت راح اكتفي بكلمة احبك منج وتستمر هاي العلاقه بينا
لان كنت واثق من جماعتي مستحيل يحجون بلرهن
بس تفاجئت انتي عرفتي كلشي واخذتي موقف مني
وزعلتي وعفتيني بيومها اني سويت حادث وخلصت كل اليوم بلسجن واليوم الي بعدا سويت عمليه وغبت عن الكليه
اسبوعين لمن رجعت حتى اصحح هذا الموقف تفاجئت انتي انخطبتي انصدمت اكثر من عرفت انتي وصلج خبر الرهن وحاولتي تبدلين الأدوار بيني وببنج
ما قبلتي تنطيني مجال أوضح الموقف وشغلت زواجج اجت صفح واني الصراحه جنت كلش خجلان من تصرفي وياج كلت هي تستحق واحد احسن مني
خليه تشوف حياته مراح اوكف بطريقه ابد رغم اني كلش ضجت لان ازوجتي بسرعه
قررت بعدها ماكو علاقات وماكو بنات بعد الحادث والعمليه
بعد تخرجي امي حاولت تخطبلي بس ماكان تعجبني اي وحده اريد وحده قويه مثلج مااريد وحده من نضره
وحده تجي تتوسل صعب اذا واحد تعود على الغالي يقبل بلرخيص طول هاي الفتره ماطلعتي من بالي ابد
واي وحده تلاكيني لابسه عبايه ابقى اباوع عليه اكول
يجوز هاي انوار امي تعبت وبطلت ادور عروسه
الحد مااجيت جبت تعييني وشفتج اول مره كلش فرحت
وبعدين من شفت اسلوبج وياي ضجت
بس قررت مااستسلم ابد هاي قصتي يمكن كثرت عليج الكلام بس هسه اني ارتاحيت من حجيت كلشي
انوار...وهسه شتريد مني بلضبط
رائد...لمعة عيونج تكول وصلج احساسي وصدكتيني
انوار... نزلت عيوني لان حسيت نفسي انفضحت
رائد...لا تبعدين عيونج اني اريد اتقدملج اخطبج واذا وافقتي اليله نجيكم خطابه
انوار...هيج بلهسرعه
رائد...وليش نضيع وقت اكثر كافي الوقت الي ضاع منا
انوار...افكر وارجعلك خبر وهسه من رخصتك ارجع للبيت
لان امي بقت تشك من طلعت اني ابد مااطلع من الببت
اله اني ويها سوه
رائد...تفضلي اخذي راحتج
جمانه السعيدي
انوار....رجعت للبيت واني مصدكه كل كلمه حجها رائد
يربد يرتبط بيه واني ارمله مع ان يكدر يخطب وبزوج
اي وحده تعجبه ولد شاب حلو وموضف وماناقصه شي
بقيت اسبوع واني مامرجعتله خبر رغم كل شويه بلدوام
يجي للمكتب بحجه
ويبقى منتضرني من اطلع
رائد...يمعوده فضيه ليش مصممه تشلعين كلبي
انوار....بس لازم تسمع قصة زواجي
رائد..مايهمني زواجج لا اذا انتي بعدج تحبين زوجج
انوار....اكيد احترمه لان ماشفت منه شي موزين ابد
رائد...بعد الزواج لا اذكرينه كدامي ممكن
انوار...ولو لا زم احجيلك قصتي شنووو
رائد...اسمعج كولي
انوار...ارجع للبيت واتصل واحجيلك كلشي
رجعت للبيت ورائد كل شويه دازلي اوكي لو وينج
ياربي شكد يلح مو معقول ابد
انوار...هلو رائد
رائد...لا اني يمكن راح انجلط بسببج
انوار...اسمع قصتي وبعدين قرر
بديت احجيله كلشي صار وياي من اول الخطبه الحد يوم رجعتي للكوت
رائد...يعني زواجج كان مجرد زواج على الورق انتي بعدج
موووو
انوار....مالحكت اتهنى حتى لحظه وحده خلصت كل الوقت خوف وحزن وبجي
رائد....اني راح اعوضج واعيشج احلى عيشه بس وافقي انتي من قسمتي ونصيبي ورب العالمين رجعج اليه
باجر اجي اتقدملج حبيبتي
انوار...انطيت اهلي خبر زميلي بلعمل يريد يتقدملي
ماتصدكون فرحت اهلي لان اني جنت قافله فدمره على موضوع الزواج
ثاني يوم اجا رائد وابو حتى يتفقون اتفاق مبدئي واجت امه تشوفني
احمد اول ماشاف رائد
احمد...اني اعرفك أتصور شايفك قبل
رائد...اي عطلت سيارتي بابكم وانوار صلحته
احمد....بس لا جاي تخطبها حتى تصلح سيارتك
رائد....اي طبعا تعرف تصليح السيارات كلش غالي
الكل ضحك على كلامهم
ام رائد.. كلش انعجبت بيه من اول ماشافتني انخطبنا
وبعد شهرين ازوجنا زواجنا كان بداية ٢٠١٩
اني حولت قدمت على التدريس لان اريح وبي عطله
بس دوامي بلتربيه صيف شتا وتعب كلش
صار عدنا اطفال ثنيبن ولد وبنيه السنه طلعنا بيت وحدنا
الحمد لله رائد بطل كل سوالفه القديمات
حتى ماعندا اصدقاء وتليفونه بدون رمز
سبحان الله الي هدا للطريق الصحيح
وغيرحاله سبحانه مغير الاحوال من حال إلى حال
تمت