رواية صغيرتي ملكي وحدي
الفصل العاشر10
بقلم سعيدة عكاشة
سند جا البيت وامو استقبلتو من الباب
هدى:سند اتدوش وتعال للغداء
سند:حاضر
جهزو الغداء وكلهم جو
قاسم:طبعا انتو عارفين الحصل شنو
سند:انا م عارف
قاسم:ايوة عشانك هنرجع نعيد الموضوع ملك وسند ومؤمن هيتزوجو ف نفس اليوم
سند(دقيقة هي رضت يعني خلاص بقت حقتي بقت ملكي انا انا م مصدق):رضت؟!
قاسم:ايوة مبروك ليكم كلكم
كلهم:الله يبارك فيك
سند كان حاسس بفرحة عمرو م حسها ف حياتو كلها و م مصدق روحو كالعادة بعد الغداء الكبار مشو الحديقة والشباب ف الصالة
مؤمن:انا م مصدق اني هعرس ملاك واخيرا(ي جماعة شباب العيلة دي كانو بايرين م ف زول فيهم مصدق😂😂💔)
ملك:فرحت ليكم كتير مبروك
سند:و م فرحتي لينا؟!
ملك عاينت ساي ولا ردت
ملك:انا تعبانة ماشة انوم
مؤمن:بكرة م ف جامعة ساهري معانا
ملك:معلش مرة تانية
ومشت غرفتها ولحقها سند وخبط ع باب غرفتها
ملك:مؤمن ادخل
سند دخل:بس انا سند
ملك:افتكرتك مؤمن
سند:عندنا نفس الخبطة
ملك:صح
سند:ملك انتي رضيانة انك تتزوجيني يعني م مجبورة صح(مع انو م فارقة حتى لو م راضية هتكوني لي)
ملك:(كيف هقدر اقوليك وانا عارفاك ف الحالتين هتتصرف زي م عايز)اكيد م مجبورة
سند:كويس بس حبيت اتطمن
ملك:لو اتطمنت ممكن تتفضل لاني نعسانة
سند:(عارف انك م بتحبيني بس هخليك تحبيني)طيب تصبحي ع خير
ملك ولا ردت وقفلت الباب وراه
جا الصباح وكلهم جو للسفرة:
قاسم:وين ملك
مؤمن:الليلة م ف جامعة فعشان كدة خليتها نايمة
هالة:نايمة لحدي هسي😒
سند:هي تعبانة و من حقها تنام و م ف زول يصحيها(وهو بيعاين لعمتو)
هدى:احم اها نمشي عناس ملاك ونحدد موعد الخطوبة كلكم مع بعض
قاسم:حلو
سند:انا اصلا مؤجز اليوم
قاسم(سند اللي عمرو م غاب عن شغلو انا متأكد انو دة تأثير ملك)
كلهم مشوا عناس ملاك وحددو انو يكون نهاية الاسبوع وجو راجعين البيت
ملك:مؤمن انت م جادي كيف يعني يوم الخميس
مؤمن:انا عارف انك مجبورة بس م عارف شنو اللي جابرك
ملك:لا م قصة كدة بس انو الموضوع كلو حصل بسرعة واليوم الاتنين يعني م هقدر الحق
مؤمن:ملك انا مؤمن معقولة تخبي علي
ملك:م ف شي ي مؤمن ماشة اتصل ع البنات واوريهم واشوف ملاك كمان
مؤمن:تمام
ملك نزلت تحت عشان تجيب جوالها
سند:عايزة حاجة
ملك(شنو هو الزول م يحوم براحتو كمان):لا بس جيت آخد جوالي
سند:لو م عندك حاجة تعالي اقعدي نتونس
ملك:عندي كم محاضرة عايزة اقراها مرة تانية ان شاء الله(قالت كلامها ومشت و م انتظرتو انو يرد)
سند:اخخ منك ي ملك انا اسي كيف اتقرب منك واخليك تتقبليني
سند مشى وراها ف المكتب:لو محتاجة حاجة ممكن اذاكر ليك
ملك:انت مش قاري ادارة اعمال شنو البيفهمك ف الفنون
سند:عندي فيها خلفية قوية جربيني و م بتندمي
قعد يراجع ليها زي ساعة كدة
سند:ملك هو احنا ممكن نبقى اصحاب
ملك(عارفاك عايز تصل لشنو بس انا عمري م هحبك):طيب
سند:طيب بصفتي صحبك عازمك الليلة ع اسكريم(نقطة ضعف ملك مش بقول ليكم زولتي☻️)
ملك:طيب خلينا نطلع هسي عشان انا باكل كتير
سند:طيب يلا
مشوا اكلو وملك م خلت نكهة الا وذاقتها وهم ف العربية
سند:كفاية ي ملك كدة بتمرضي
ملك:لا الاسكريم م بيمرضني د العشق يخ
سند وهو بيضحك:مجنونة(ف اللحظة دي ملك ركزت معاه ضحكتو وشكلو هو بالجد طيوب معاها م عشان موقف واحد تكرهو لازم تجرب امكن يكون لخير)
سند:عارف روحي سمح(التواضع خلو ليك👏)
ملك:انن م كنت سرحانة فيك بس كنت بفكر ف شي وعيني جات فيك بالغلط
سند:ياهو السرحان فيني زاتو
ملك:سند اتلم مني قبل م اغير ليك ملامحك بالاسكريم دة(دي اول مرة تتكلم فيها ملك مع سند بدون اي حواجز سند فرح لان حس انو هو انجز)
مشو البيت:
مؤمن:ي خونة تمشو للاسكريم بدوني اصبرو لي
سند:واحدة وخطيبها انت الدخلك شنو
مؤمن:لسه م اتخطبتو😒
ملك:برضو م دخلك ولة كيف ي سند😒😂
سند:حصل
مؤمن:لقيتو بعض واتفقتو علي وانتي اصبري لي ي ملك بعتيني بالرخيص
ملك:معقولة يخ انت مؤمني حبيبي م بيهون علي ابيعك
مؤمن:كلو كسير تلج
سند:مؤمنك وحبيبك ف تطورات حاصلة😑👏
مؤمن:هتغار مني كمان ولة شنو
ملك:اوفف انتو مملين انا ماشة احضر(كانت عايزة تتهرب من الموقف)
سند:وانا جاي احضر معاك
مؤمن:انت م جادي ولة شنو انت الطقولة اللي بيقضوها الناس قدام التلفزيون م حضرت وجاي تحضر اسي بركاتك ي ملوكة😂(مسيطرة همشيك مسطرة👏😂)
ملك:احم احم كلو يحدث عشاني😌
سند:بطلو رغي ويلا قدامي
مشو يحضرو و ف خلال الايام دي فعلا سند قدر يخلي ملك تتعود عليهو بس لسه م حبتو وجا يوم الخطوبة
هدى:بسم الله م شاء الله طالعة قمر حبيبتي
ملك:تسلمي ي خالتو
هالة:طالعة حلوة تبارك الله
ملك:شكرا ي عمتو
نزلت تحت ولقت سند واقف طبعا مؤمن وملاك وملاك كانت ملاك بكل م تحمل الكلمة من معنى خطبو اول وهم خطبو بعدهم وانتهت الحفلة ف اليوم التاني:
سند:ملك بعد دة انا هوصلك للجامعة م ينفع مؤمن يوديك
مؤمن:زاتو انا وملاك هنمشي مع بعض
ملك:مستغني دة اصلا ماشة مع سندي انا😌(طبعا قالتها بدون قصد نظام تغيظ مؤمن)
سند(انا عارف انك بديتي تحسي بمشاعر ناحيتي صدقيني هخليكي تعترفي لي)
سند وملك مشو للجامعة وبعدها سند مشى شركتو
مرت الايام كالعادة لحدي م ف يوم جات رسالة لملك محتواها:فرحانة بخطوبتك صح بس انتي هتكوني زوجة قاتل
ملك قرت الرسالة واتخلعت كيف زوجة قاتل سند مستحيل يقتل زول
جا نهاية الدوام وسند جا عشان يرجعها
سند:ملوكة مالك لي ساعة بتكلم معاكي
ملك:لا م ف حاجة بس كنت بفكر كيف هقرا وكدة
سند:متأكدة بس كدة
ملك:اكيد م تقلق
سند ابتسم ليها وفضل سائق لحدي م حصلو البيت وملك بحجة انها تعبانة م قعدت معاهم ف زول خبط ع بابها
.. :انا سند ممكن ادخل؟
ملك:اتفضل
سند:ملوكة انا حاسك م كويسة مالك ف شنو؟!
ملك:لا م ف شي بس ممكن اسألك سؤال
سند:اكيد
ملك:انت م بتخبي عني شي صح
سند:اكيد لا ليه بتسألي
ملك:لا بس مجرد سؤال
سند:طيب تعالي نقعد جنب المسبح عشان تريحي اعصابك
ملك:طيب يلا
ملك مشت معاه وقررت انها م تفكر ف الموضوع اكيد دة واحد عايز يمقلبها