رواية من انا الفصل الثالث3 بقلم سحر حسين
وفجأة نور شديد قوي خرج من المرايا وبعد كده ظهر اتنين بيتخانقو مع بعض والراجل بيقولها انتي خاينه وده ابني انا مش ابن حد تاني وست بتقوله انت السبب في كل اللي انا فيه وزاد الخناق بنهم والراجل ضرب الست وقلها انتي مستحيل تشوفي ابنك تاني ونزل الراجل ركب سيارته وست نفس الكلام والاتنين عامله حادثة والاتنين ماتو وبعد كده ناس راحو قالو لجدي أن ابنك ومراته ماتو هما الاتنين في حادث .
********************
وساعتها بس عرفت أن دول يبقو اهلي بس انا كده ابقى ابن مين ومعقوله الراجل اللي اتربيت معاه مش جدي في الاخر .
الشرير : لا استني كمان لما تعرف حقيقة جدك هتتصدم اكتر
الطيب : انت هتستفاد ايه لما تخدعه في كل الناس
الشرير : لزم يعرف حقيقه الناس اللي حوليه علي فكره جدك كان عايز يرميك .
الطيب : بس صعبت عليه ومهنش عليه تخلي عنك متسمعش كلامه .
الشرير : لا ده عمل كده بس عشان ما يفضلش لوحده يعني عشان مصلحته وبس اسمع كلامي .
انا : انا عايز اعرف كل حاجه عن جدي كمان .
الطيب : لا كفايه كده اللي عرفته لحد دلوقتي وسيبه في حاله بقي .
انا : بقي الراجل الوحيد اللي كنت عايش في خيره معقول يتخلي عني هو كمان أنا كده فضلي مين تاني في الدنيا دي .
الشرير : خليك معايا وانا هكسبك الدنيا كلها اسمع مني هخليك ملك زمانك صدقني .
الطيب : اوعي تخسر نفسك كمان اوعي تمشي ورا كلامه .
الشرير : بس يا ضعيف انت لو مسمعش كلامي هيسمع كلامك انت .
انا : اعمل ايه مش عارف اتصرف ازاي .
الشرير : اول حاجه لزم تعملها ت-ق-ت-ل الضعيف ده من جواك .
انا : ازاي .
الطيب : لا لا اوعي تسمع كلامه انا لو انتهيت مش هرجع تاني .
انا : مش عايز اكون ضعيف انا لزم اكون قوي وقوي جدا كمان .
الشرير : يبقي خليك معايا انا وسيبك منه .
انا : اخلص منه ازاي طيب
الطيب : لا لا لا اسمعني بص . .....
الشرير : في صفحه عندك مكتوب فيها انتهاء الجانب الطيب هتلاقي كلام قوله ٣ مرات هتخلص منه .
الطيب : لا ......... صدقني هتندم ..........
انا فعلا رديت الكلام ده وحسيت أن فعلا في حاجه جوايه اتكسرت وحسيت أن معنديش قلب .
الشرير : وبكده مفيش غيرنا احنا الاتنين بس .
انا : انا عايز اكون قوي واستمتع بكل حاجه في الدنيا دي .
الشرير : متخفش وانت معايا عمرك ما هتندم علي اي حاجه .
انا : عايز اعرف كل حاجه عن جدي .
الشرير : سيبك بقي من الماضي وركز مع الحاضر احنا بتوع المستقبل .
انا : طيب وهنعمل ايه دلوقتي .
الشرير : انا هوريك الجانب المظلم اللي جوه كل شخص تقرب منه .
انا : يعني كده انا هقدر اشوف كل واحد من جواه طب ازاي .
الشرير : لا ازاي دي بتاعتي انا .. انا هخلي كل الناس تجري عليك ويكونو تحت امرك في اي حاجه .
انا : تمام .
الشرير : يلا بقي دلوقتي روح يا بطل وانام كويس عشان تكون مستعد للشخص الجديدة .
انا : تمام .
*********************
وفعلا روحت انام وانا نايم .
خرج الشخص الشرير من المرايا وداخل في جسمي
وتاني يوم :
قومت لبست عشان اروح شغلي اه انا اشتغلت مع محامي كبير واشتغلت معاه اول ما تخرجت .
واول قضيه طلبت من المحامي أن انا اللي امسكها مش عارف ليه وكانت قضيه خيانه
وكان واحد جاي يشتكي أن مراته بتخونه وشاكك أن ابنه ده يكون ابنه اصلا .
حسيت أن القضية دي قضيتي انا ولحظه فكرت أن الراجل ده ابويا مش عارفه ليه .
وفجأة لقيت نفسي بقوله اخلص منها وانا هخرجك منها بسهوله جدا متخفش وكان في شخص تاني جويا هو اللي بيتكلم مش انا وكنت بحرضه علي أن يخلص منها .
وفضلت اقنع الراجل بكده لحد ما فعلا راح ونفذ كلامي وبعد كام يوم لقيته جي وقالي انا عملت اللي انت قولت عليه .......
اخدت منه فلوس كتيره قوي ويوم النطق بالحكم قدمت ادله جديده ضده وخليته يتحبس ويقضي بقيت عمره في السجن .
والراجل من الصدمه جاتله ساكته قلبيه وتوفي .
وللاسف انا حتي محستش باي ندم ولا كاني عملت حاجه .
بقيت بعمل كل حاجه غلط وحرام وانا مرتاح وكان ده شئ عادي ولا كأني بعمل حاجه .
المشكله الأكبر أن مبسوط أو حاسس بكده جوايه احساس مش عارف اوصفه بظبط لحد ما فجاه
أقبلت شخصيه جميله جدا ومحترمه قوي .
حاولت اعمل معاه كل حاجه وحشه عشان تكون ليا وبس هي للاسف رفضتني ومنفعش معاها اي حاجه خالص
بس فجأة جت في بالي فكره يمكن تنفع معاها ...........