رواية عطر البحر الفصل السابع عشر17 والثامن عشر18 بقلم فاطمة خميس هارون
فضل :بتقولي ايه ؟
ورد :بقول لحضرتك لازم اخد اجازه لأنها خطوبتي
فضل :خ م خطوبتك م م مبارك
نظر لها مطولا ثم دفس وجهه
تقدري تاخدي الاجازه
ورد :شكرا
ابتسم بحزن وهو يشير لها بالخروج
التفتت لتغادر
فضل :ورد
نظرت له ورد يتساءل
فضل : ممكن أسأل سؤال من باب الفضول وانتي عارفاني فضولي
ابتسمت لتزيد ابتسامتها من نار قلبه
ورد :اتفضل
فضل :ممكن اعرف هو مين
لمعت عين ورد بشده وابتسمت وهي تهمس :وائل
فضل :وائل ؟! امم ربنا يسعدك
ابتسمت له وغادرت مسرعه
اهذا صوت حطام قلبي
ام صوت انكسار حلمي
ام صوت وداع حبي
لكم عشقت صوتكي
ولكنه هو سد دربي
..
بحر :ورد فضل جوه
ورد :أيوة
بحر :تمام
فضل بسرعه:بحر هسالك سؤال مهم
انت قولت لورد الي قولتلك عليه أو اخوها
بحر :لا بس يا صاحبي في حاجه لازم تعرفها اا
فضل وهو يجلس خلف مكتبه:عارف هتتخطب
بحر :انا كنت هكلمه بس اتشغلت ااا
فضل :ولا يهمك يا بحر ده نصيبي
بحر :لا يا فضل انا السبب
انا نسيت اقول لمحمد زي ما قولتي
فضل :خلاص يا بحر بقي
الي حصل حصل شكلها فرحانه وده هو مرادي
بحر :ياأخي انت ايه بتتعب نفسك ليه وبتضحي بحبك
فضل بابتسامه ساخره: لا ما هو حب من طرف واحد
مش هرغمها يا صاحبي
هي بتحبه
بحر بغضب:وانت عرفت منين ياخي
ما ترد
دخلت جوه قلبها ولا هو الي طلع وقالك اسف يا فضل اصل انا مش هدق ليك
لم يجد رد منه فهتف به بغضب:رددد
فضل :لان عنيها لمعت لما جت سيرته
لانها اتكسفت لما نطقت اسمه
لانها فرحت لما هتكون قربه
لانها متحمسه عشان تروحله
بحر :وانت اي يضمنك انها كده بتحبه مش ممكن ااا
فضل مقاطعا :لاني بحس كل ده معاها
وانا بحبها يا بحر
بحبها
بحر :طيب ليه تنسي حبك ما تحارب عشانه
فضل :خايف تكون بتحبه بجد وادخل افصل بينهم
خايف قلبها يتكسر
بحر :بسس ةاا
فضل :تعالي يا ورد
وضعت ورد الشاي من يدها :اسفه علي التأخير
بس العامل اجازه انهارده وانا الي عملته
فضل :شكرا
وائل :استاذ فضل اا
ورد كويس انك هنا عشان نعزم استاذ فضل علي خطوبتنا
فضل :انا مش محتاج عزومه يا وائل انا من الأهل ولا اي يا ورد
ورد :ااا
وائل مقاطعا:أيوة طبعا حضرتك اخ ليها وليا
نظر له فضل بغضب لثواني ثم ابتسم وهو يحرك رأسه بنعم
وائل بهمس لورد :تعالي اوريكي جبت اي
ضم فضل يده يفرغ بها غضبه ويحاول إخفائه
فضل :ممكن تاخدوا الاجازه من النهارده انفصلوا
وائل :بجد شكرا
فضل :العفو
نظر لورد لثواني ثم هتف بصوت متحشرج :مبارك
خرجوا لينظر له بحر بغضب
بحر :بص بقي انت يا تعترف بحبك يا تجمد كده عشان شغل الغيره من تحت لتحت ده غلط عليك
فضل :طب وانت يا بحر مش غلط عليك
بحر :ها تقصد اي !
فضل :انت عارف يا صاحبي انت نفسك مش راضي عن نفسك
بحر وهو يقف:اااه الصدمه هتصحي فضل الشاعر وهنا انا لازم استئذن
ابتسم له فضل
فضل :فكر يا بحر
الحق حياتك وصلحها قبل ما تندم
نظر له بحر ثم خرج سريعا
ارجع فضل رأسه للخلف واغمض عينيه ليتوه فيها من جديد ابتسم وهو يتذكر وهي تنادي اسمه وتتفنن في التنويع
فضل استاذ فضل
ورد :فااااااااضل
فضل :قلبي
ورد :اي
فضل :اي ؟ خضتيني
ورد :اسفه بس محتاجه توقعيك هنا
فضل :مش قولتلك خدي باقي اليوم اجازه
ورد :لا ما حاتم راح مشوار وبعد كده هيعدي عليا عشان نجيب حاجات فهستني هنا احسن من تحت
فضل :تمام
مبسوطه يا ورد
ورد :الحمد لله
اغمض عينه وعاد لوضعه السابق :روحي علي شغلك يا ورد
....
يقود سيارته شاردا وعقله يحلل ذكرياته معها ويطابقه بكلام فضل
بحر:معقول معاه حق
لا لا يمكن اكون حبيتها
بس ليه بغير
لالا انا مش بغير هي بس الي بتعصبني
أيوة لا يمكن اكون حبيتها
دخل لشركته وعقله ما زال شاردا
صعد لمكتبه ولكنه توقف مصدوم مما سمع
...:يا بنتي اسمعي مني عطر ورامي بيحبوا بعض
....:لا يا بنتي عطر مش كده
....؛كده اي
بقولك بتلف وراه في كل حته وقاعده معاه معظم الوقت الي مش موجود فيه استاذ بحر
:مش عارفه بقي
بكره كله يبان
اكمل طريقه لمكتبه
ليتوقف عقله وهو يراها تجلس معه بل وتبتسم برقه
القي دعابه لتضحك بصوتها الرقيق جحظت عين بحر وضغط علي يده بشده
توجه لهم وااقي عليهم نظره غاضبه
بحر :عطر تعالي ورايا
دخلوا للمكتب
بحر:يعني بتضحكي اهو
امال في البيت بومه ليه
عطر :نعم ؟!
بحر:بتعملي اي مع رامي
عطر :كنا بنراجع ورق
بحر :والورق بيضحك كده
عطر :في أي يا استاذ بحر ما كل البنات بتضحك مع رامي عادي
بحر:انا استاذ بحؤ وهو رامي عادي كده
جاوبيني بصراحه مين فينا جوزك
عطر. مش قصدي بس بوصلك الفكره
وحابه افكرك اني جواز لشئ معين يعني مش مراتك
عن اذنك
بحر بعنف :عطررر
التفتت له عطر
بحر بغضب :بتحبيه
عطر :هو مين ؟
بحر :الزفت الي اسمه رامي
عطر :ماله
بحر :عطررر ردي عليا انتي بتحبي رامي
عطر :فكرني كده احنا اتجوزنا ليه أو زي ما انت بتقول انا وظيفتي اي
بحر :ملهوش لازمه الكلام ده دلوقتي
عطر :لا ليه
كنت بتقول اي اقول أناا
انتي هنا عشان تجيبي ابن ليا بس
بحر مقاطعة:كفايه
تجاهلته عطر واكملت
اوعي تفتكري نفسك مراتي انتي مجرد سكرتيره
ااا
جذبها من يدها وهو يصيح بها :قولت كفايه
حتي لو قولت كل الكلام ده
انا مش ديوث ولا قرني يا هانم عشان تحبي وانتي علي ذمتي
عطر :لا والله ده قبل ما اعرفك اصلا
بحر بحده :عطررررر
عطر :اي
بحر :اياكي تكلمي رامي تاني
عطر :هو انا كلمته اولاني
بحر :بطلي عناد وقولي حاضر
خليكي مطيعه
اقترب منها وهو يهمس بشر:وده احسنلك
رامي :بحر اااا
حاولت عطر أن تجذب يدها من بحر ولكنه قبض عليها لثواني وهو يحدق في رامي بغضب
رامي :هو في أي
بحر وهو يحرر يدها :زي ما انت شايف
نظرت له عطر بصدمه وخرجت سريعا
رامي :عطر
نظرت عطر له
رامي :ممكن تجيبي قهوه لو سمحتي وشكرا
عطر :حاضر اا
بحر :لا
رامي :ايه
بحر :لا . في ناس شغلتها دي
وعطر مش منهم يعني لما تعوز حاجه تطلبها منهم مش منها
رامي وهو ينظر لعطر بابتسامه :لا اصل القهوة بتاعتها تحفه اوي
بحر :اظن الي قولته مفهوم يا رامي
رامي :بس
بحر مقاطعة:يلا بقي علي شغلك
حرك رأسه باحراج وأشار لعطر لتخرج اولا
بحر :استني يا عطر لازم نكمل الي كنا بنعمله قبل ما يدخل رامي
رامي :امم طيب اطلع انا بقي
عطر وهي تنظر لبحر بغضب :اي الي عملته دي
انت فاهم هيفكر اي
انت اي مش هامك سمعتي بتاتا
بحر بابتسامه خبيثه :سمعه اي يا عطر
انا بقول نكمل الشغل
عطر :لا والله
ماشي يا بحر لما نشوف اخرتها
ألقت الملف علي سطح المكتب :راجعها لوحدك بقي
غادرت لينظر لاثرها وهو يبتسم
اختفت ابتسامته تدريجيا وهو يتذكر كلام فضل
بحر :الله يهديك يا فضل مشيتلي دماغي
....
وائل :طب ما الفستان ده حلو يا ورد
ورد :لا ضيق مش هينفع
وائل :مش ضيق ولا حاجه هو مناسب لجسمك بس
ورد :لااا انا هشوف غيره
مسح وائل علي وجهه بعصبيه :ماشي يا ورد اختاري الي يعجبك
وبعد مده أنهت اختيارها واستقرت علي فستان
لم يكن يعجبها فكل الأشكال هنا لا تناسب خمارها ولكن مع إلحاح وائل أخذته .
....
صباح يوم جديد يوم يحمل علي القلوب تأثير يختلف باختلاف صاحب القلب
وائل يبتسم بشده وهو منتظر ان تخرج ورد لتتم الخطبه
محمد لا يعرف ايفرح بأخته الصغري ام يحزن لاقتراب فراقها
وهو
هو حزين منكسر القلب لا يقوي علي النظر خالفت أنظاره أنظار الجميع لينظر من الشرفه تحت ضوء القمر
يصبر قلبه ويطلب الصبر ويقنع قلبه بقبول القدر
ولكن قلبه يرفض القبول فورد له و سبق أن قرر
...
عطر :يلا يا بحر اتاخرنا منك لله
سوق بسرعه شويه
يلاااا
بحر :بتت اسكتي هتموتينا
وبعدين انا مالي انا الي طولت في اللبس
عطر :لا والله مش انت الي خلتني البس خمناشر فستنان عشان تنقي لا وكمان اخرتني عشان اا
بحر بخبث :عشان اي
عطر :انت بارد علي فكره وو رخم وقليل الادب
بحر :يااااه كل ده حب مش قادر
عطر :يلا بسرعه
بحر :يوووه
....
محمد :يعني ملقتيش غير الفستان ده وتلبسيه
لمار بصوت هامس :هشش وطي صوتك الناس بره وبعدين ماله الفستان ومش فاهمه
اقترب منها محمد سريعا لتتراجع للخلف بسرعه
نظر له محمد باستغراب رافعا حاجبه
اقترب منها مجددا
لمار : ف. في ااي يا محمد
محمد :هقرب
لمار :اي ؟وتقرب ليه انت كده حلو
محمد :عشان الصوت
اقترب منها لكنها لم تتحرك تلك المره
محمد :بتقولي اي بقي عشان مش سامع
لمار بتوتر من قربه:احم بقول ماله الفستان
انا كنت لابساه قبل كده يوم فرح عطر
محمد بصوت هاني ولكنه غاضب:يعني كنتي عدله اوي
ما كان ولا يزال زي الزفت اهو
وبعدين اي الي فتح الحته الي تحت دي
لمار بفرحه:انا بقت مش باينه صح
محمد وهو يجذبها من يدها :مش باينه أي يا بت انتي عبيطه
وبعدين انا قفلتها عشان رجلك متبانش بتفتحيها ليه
لمار :ااه سيب ايدي بس وهفهمك
خفف محمد يده من عليها ثم انزلها برفق
اقشعر بدنها ولكنها تجاوزت الأمر سريعا
لمار :اصل. اا اصل يعني الفستان اتقطع لما ااا
محمد بعصبيه :خلصي انتي هتنقطيني
لمار :اصل الفستان انقطع لما كنت بجري من صابر
لانا صلحته بس
احتقن وجهه وتحول للون الاحمر
لمار :مالك يا محمد انت تعبان ولا اي
محمد :ومقولتيش ليه
لمار :ما انا قولتلك عاوزه اروح بيتي انت قولت لا قبل ما تسمع
محمد :استغفر الله
استني هنا
توجه للخزانه فتلك غرفه ورد وورد تستعد في غرفتهم لان مساحتها اكبر
انتقي فستان من بينهم
محمد :خدي البسي ده وبعد الخطوبه هنزل معاكي تجيبي هدومك
لمار :طيب
محمد :يلا
لمار :حاضر
محمد :ما تلبسي
لمار :اطلع طيب
محمد :لا ما انا عاوز اشوفه عليكي
ولو طلعت مش هينفع ادخل غيري وانا هديكي ضهري
لمار :نعم لا طبعا
محمد بعصبيه:خلصي قولت مش هبص يلااااا
لمار :طب روح اقف ف الركن هنااااك وخلي وشك لازق في الحيطه
محمد بسخريه:وهرفع ايدي كمان بس تخلصيني
تابعته حتي امتثل لطلبها وبدأت في تبديل ثيابها
بعد فتره
محمد :خلصتي
لمار :لا
التفت محمد سريعا:نعتمممم نص ساعه ولسه ليه بتقلعي بدله حربيه
لمار :ااامم مش عارفه اقلعها ناديلي ورد
محمد :هي اي دي
لمار باحراج: السوسته
محمد :ورد بتجهزاستني هشوفلك عطر
اخرج رأسه من الباب ونظر يمين ويسار
ثم دخل الغرفه مجددا
محمد :مفيش بره غير هنا
لمار :طيب خليها تيجي
محمد بعصبيه:نعم ياختي عاوزه انادي واحده اقولها تعالي افتحي السوسته لمراتي
ليه سوسو معاكي انا
اخلصي انا هعملها
لمار :تعمل اي ؟؟
لاااا مش هينفع
محمد وهو يقترب منها ويديرها :استني بقي
غطت بيدها وجهها
محمد بأنامل مرتعشه يمد يده ليتم المهمه
محمد لنفسه :في أي يا محمد دي مجرد سوسته
اغمض عينيه ومد يده سريعا ليفتحها فانساب الفستان عن كتفيها معه
لمار :انت بتعمل اي
فتح عينه وتبعها فمه علي المنظر تحاول أن ترفع فستانها ولكنهاوتفشل
لمار :انت ااا اعااااااا صرصار
الحق
لم ينتبه ولا لأي كلمه وما زال علي وضعه
اقترب الصرصار من لمار لتصرخ مجددا بمحمد الذي تنحنح بحرج
تعلقت به وهي ترفع نفسها عن الأرض بعض أن اقتربت الحشره منها
لينزلق الفستان
محمد :احييييه هو كان ناقص
انزلي يا حجه الله لا يسيئك
لمار :لا وديني اقف علي السرير لحد ما تقتله عندي فوبيا من الحشرات هيغمي عليا
محمد :انتي بتقوليلي ما انا شوفت بعيني
حملها واتجه السرير
عطر وهي تفتح الباب :تعالي يا بحر عشان تشيل معايا
بحر :ادخلي
نظر محمد لهم بصدمه وهو يحمل لمار بين يديه
نظر له بحر بغضب
بحر :انتوا بتعملوا اي ؟
شهقت عطر باحراج :ااانا اسفه كنت فاكره مفيش حد عن اذنكوا كملوا انتوا
بحر :يكملوا اي
عطر :اطلع يلا يا بحر
محمد :استني بس انتي فاهمه غلط
ااا
عطر :ولا يهمك يا حبيبي احنا الي غلطانين
وأغلقت الباب
محمد وهو يلقيها علي السرير :انزلي بقي
لمار :ااااه وانا مالي
محمد :عجبك كده
كل مره بسبب حشراتك تحطيني في موقف محرج
لمار :لا والله ما انا محشوره في نفس الموقف وبعدين هو انا الي جبته
انت السبب لانك ااا
ضرب الأرض بقدمه بقوه
قووومي
لمار :اهدي يا محمد
محمد :بقول قومي خلصصيي
لمار: انا اسفه طب
محمد :قومي البسي يا بنتي قتلت الصرصور خلاص
محمد وهو يعطي وجهه للحائط :يلا خلصي
لمار :والله ما يحصل اطلع بره
ياما مش مغيره خالص
وز
محمد :خلاص اسكتي
كده كده عطر جت هجبها تساعدك
خرج محمد وأشار لعكر لتدخل لها
عطر :اي يا لمار انتي مكسوفه ولا زعلتي محمد ليه
متخافيش احنا دخلنا وخرجنا بسرعه وو
لمار :يا بنتي مفيش حاجه اصلا كل الحكايه بسبب صرصور
استني هحكيلك
....
بحر :مش عايز تقول حاجه يا محمد
محمد :لا وانت
بحر :انا عايز بس مستنيك تقول
محمد :مش هقول لاني مش عندي حاجه اقولها
بحر :بطل استعباط
انت لست ماشي علي اتفاقنا صح
جوازك انت ولمار جواز علي ورق بس ولفتره وينتهي
محمد بغضب :اي الي بتقوله ده
لا ده وقته ولا مكانه وانا مسمحش انا حياتي الشخصيه تتناقش كده
بحر :طيب بس ريحني صح ولا لا
محمد :صح استريحت
بحر بابتسامه :جدا
محمد :ده انت غتت
....
عطر :يا نهار ابيض
ظلمتك
لمار وهي تضع اللمسات النهائيه قبل أن تخرج
شوفتي ربنا يسامحك
عطر :طيب انا هروح اشوف ورد وانتي تعالي ورانا
لمار :تمام
بعد فتره خرجت لمار بفستان واسع ولكنه عليها مناسب لاختلاف مقاسها عن ورد
محمد بعصبيه :اي الي انتي عاملاه ده
التفتت له لمار بفزع :في حد يعمل كده
حرام عليك
محمد :حرام عليكي انتي روحي غيري يلااا
لمار :لا
كاد محمد ان يجيب لولا خروج ورد
محمد وهو يمد يده يمسح ما تضعه في وجهها
ماشي يا لمار حسابك بعدين
لمار :حرام عليك بوظت شكلي
محمد :يا ريت بس للاسف محصلش
...
نظر لها ليعلو نبض قلبه ويتوقف الزمن حوله قادمه هي تجاهه عينها عليه
ابتسم لا إراديا لتنظر في الأرض
ولكن قطع بينهم وائل الذي التقط يدها
قبض فضل يده بغيظ
سحبت يدها منه سريعا لتعود الابتسامه إليه
بدأت الخطبه
وعلت الزغاريط والاغاني الشعبيه
وبعد فتره هدأ الكل وانشغل بشي
لتصدح كلمات الأنشودة
يا من هواه أعزه وأذلني
كيف السبيل الى وصالك دلني
انت الذي حلّفتني وحلفت لي
وحلفت أنك لا تخون فخنتني
...
وحلفت أنك لا تميل مع الهوى
أين اليمين وأين ما عاهدتني
وتركتني حيران صباً هائماً
أرعى النجوم وأنت في نوم هني
عاهدتني أن لا تميل عن الهوى
وحلفت لي يا غصن أن لا تنثني
هب النسيم ومال غصن مثله
أين الزمان وأين ما عاهدتني
جاد الزمان وأنت ما واصلتني
يا باخلاً بالوصل أنت قتلتني
واصلتني حتى ملكت حشاشتي
ورجعت من بعد الوصال هجرتني
لما ملكت قياد سري بالهوى
وعلمت أني عاشق لك خنتني
ولأقعدن على الطريق فاشتكي
في زي مظلوم وأنت ظلمتني
ولأشكينك عند سلطان الهوى
ليعذبنك مثل ما عذبتني
ولأدعين عليك في جنح الدجى
فعساك تبلى مثل ما أبليتني
....
انتهت كلمات الأنشودة واختفي معها فضل نظرت ورد يمين ويسار ولكنها لم تجده
انشغلت في أجواء الخطبه
وعاد هو يجر ذيول الخيبه
ماذا يخبأ لهم القدر سيلتقيان ان لا فرار من الهجر
بحر العطر ١٨
بحر:وانا قولت مش هتروحي بالبس ده
عطر :ماله لابسي بس
بحر:مش عارفه بس اكيد مش هخليكي تمشي كده
عطر :لا بقي انا همشي كده
بحر :وريني كده هتمشي ازاي
ما أن سارت بمحازاته جذبها من يدها وهو يهتف :انا نازل تحت قدامك عشر دقائق لو منزلتيش مغيره هتندمي
ترك يدها بعنف
ضربت عطر الأرض بقدما
عطر :انت مالك ياخي ده انت غتت
سارت بغضب للخزانه وأخذت تبحث عن فستان اخر للعمل
ابتسمت بشر وهي تمسكه بيدها
عطر :انت الي جبته لنفسك يا بحر
ارتدت ذلك الفستان الازرق بلون البحر معه حجاب ازرق به سحب زرقاء
لم يكن الفستان ضيق ولم تكن تضع الزينه ولكنها تعلم جيدا أن هذا من اجمل الفساتين واكثرهم ملائمه لبشرتها
نظر لها بحر مطولا
بحر :اي ده
عطر :فستان وواسع اهو
بحر :هاا احم أيوة بس
توقف علي صوت هاتفه ليخبره المترجم أنه وصل مع الفوج التركي الي الشركه
بحر :يلا بسرعه اتأخرنا
ميرنا :فين البوسه بتاعتي يا بيبي
نظر بحر لعطر ثم اقترب من ميرنا وقبل رأسها بهدوء
ميرنا :باي يا حبيبي
نظرت لعطر بخبث :تعالي يا عطر اديكي بوسه
عطر وهي تخرج :باستك عقربه انتي وهو
ابتسم بحر لميرنا وغادر
...
وائل :وحشتيني
ورد :مش قولتلك بلاش تيجي
وائل :حاولت بس مقدرتش لقيت نفسي باجي هنا
ورد :وائل لازم نلتزم بضوابط الخطوبه ااا
وائل مقاطعا:بحبك
ورد :...
وائل :بحبك يا ورد
وررررد
ورد :أيوة
يلا اتاخرنا اوي علي الشغل
وائل :يلا يا قلبي
....
محمد:تعالي هنا بقي
ادي ورد الي كنتي بتتحامي فيها مشيت
لمار وهي تركض من الغرفه للخارج :اعاااا استني بس يا محمد هفهمك
محمد :بقي اقولك غيري تلبسي واحد انقح لا وحطالي زفت في وشك كمان
لمار :مش انت الي جبته ولا انا الي اخترت
محمد :ما ده الي قهرني
لمار :طيب
اهدي بقي كده وسيبني انزل
محمد :تنزلي فين
لمار :هروح اجيب هدومي
محمد :طيب تعالي هوصلك
....
فاطمه :صور يبني صور
ده سبق صحفي
انهارده اكيد يوم حظي
وضع المخبر يده علي كتفها :فعلا
قداااامي
فاطمه :يااااااني
ولااااا يا طارق خبي الصور دي واجررري
المخبر :قدااامي
فاطمه :ابعد ايدك يا بنأدم انت
المخبر :طيب ياختي اركبي
وصلوا لقسم الشرطه
دخلت فاطمه
فاطمه :انا عاوزه اعرف اي الي بيحصل هنا
انا سلطه رابعه
انتوا وقفتوني وانا بقوم بشغلي كصحفيه وده لا يجوز
انت يا استاذ هفضل اكلم ضهرك مده طويله
التفت كامل لها ليهتف بصدمه مصتنعه:مش معقول انتي اي الي جابك هنا
فاطمه :استاذ كامل هو حضرتك جيت القسم هنا امته
كامل :لسه جاي معاكي
فاطمه :نعم
كامل :ااا اقصد لسه من شويه يعني
فاطمه :طيب
اقدر امشي
كامل :ليه خليكي شويه
فاطمه :هو انا قاعده في بيتكم
كامل :نععمم
فاطمه: اقصد شكرا عاوزة اروح بقي
كامل :لاااا لازم تقعدي انا مش هجاملك عشان عيونك الحلوين يلا اتفضلي اديني بياناتك
نظرت له فاطمه باستغراب وامتثلت لطلبه
طارق :ازاي يعني مينفعش ندخل
العسكري:ارجع يا استاذ ورا كده مينفعش
كامل :اي الصوت ده الواحد ميعرفش يروق عن نفسه نصايه
فاطمه:هو كان قاعد في جاكوزي وانا مش عارفه
كامل :سمعتك علي فكره
اي يابني الدوشه دي
دلف طارق للداخل
طارق:متخافيش يا فاطمه انا جيت
كامل :بجد
الحمد لله انك جيت بالسلامه
امسكه من مؤخره قميصه وهو يحركه يمين ويسار :انت مين يا روح امك وايه الدوشه الي عملاها دي
فاكر نفسك في صالة بيتكووو
طارق وهو يزيح يده :انا صاحبها ومعايا المحامي بتاعها
نظر كامل لفاطمه :صاحبها اممم
لا يا حلو مفيش داعي للمحامي تقدروا تمشوا انا اخدت البيانات
فاطمه:يلا يا طارق
كامل :مع السلامه يا طروقه
لو شوفتك هنا تاني هحبسك
طارق: ههه
حرك كامل رأسه وهو يهتف:مش بهزر
طارق بخوف :ماله ده
ده كسر رقبته
فاطمه :امشي بقي وانت ساكت بدل ما يشفطنا
خرجوا واغلقوا الباب خلفهم
كامل :انت يا ززززفت
المخبر:ايوه يا باشا
كامل :وراها وكام ساعه كده وهاتها تاني بس من غير ما البغل الي معاها ده يشوفك
المخبر وهو يخرج:امرك يا باشا
كامل :صاحبها
صاحبهااااا ماااشي
....
بحر :اتفضلي راجعي ده بسرعه
وانا هدخل ارحب بيهم تكوني جهزتي كل حاجه للاجتماع
عطر :طيب
بعد فتره قصيره
رامي :اتفضلوا
كانت عطر تقف بجانب الطاوله بعد أن جهزتها تحمل في يديها الأوراق التي ربما يحتاج إليها
بينما وضعت علي الطاوله ملفات الصفقه بالترتيب
ابتسمت ابتسامه هادئه تسحر القلوب
وزعت نظرها بينهم بانبهار
مالت علي رامي قليلا:هما دول اتراك اتراك يعني صح
رامي :لا اتراك نص نص
عطر :لا يا عم ده الراجل ده شبه ارطغول اهو
رامي :بس شكلك متغير انهارده
وشك منور كده
عطر :طبعا انا بحب الاتراك ومسلسلاتهم
رامي :وانا بحب ااا
بحر:في أي يا رامي يلا علي الشغل
بحر وهو يمر من جانبها :عاجبك
عطر :اوي
نظر لها بغيظ وهو يسحق اسنانه:
عطر :اااا انا بتكلم علي المسلسل
رامي :اتفضلوا
نظر بحر للمترجم
...:لا يوجد داعي له أنا اجيد العربيه
عطر بسرعه :الله اكبر وانا كمان بتكلم تركي
نظر لها بحر بغضب
عطر :مكسر يعني
بحر :اسكتي
عطر :ماشي
... :خفيفه الظل يعجبني ذلك
هل ستنضمي الينا
عطر :أيوة
...:اجلسي إذن
عطر :شكرا ااا
ضغط بحر علي قدمها دون أن يراه أحد
عطر. اعااا
...:خير
عطر:لا اصل لازم اقف انا مستريحه كده شكرا
...:بس اا
بحر :نبدأ. بقي في المهم
انخرطوا في أجواء العمل
وكانت عطر تنظر لواحد من ذلك الوفد
بحر بحده :عطر
عطر :هااا
بحر بقالي سنه بنادي هاتي الملف بتاع الصفقه التانيه
عطر :احم اتفضل
بحر بهمس :ركزي هنا بدل ما اشيلك عينك
عطر :نينيني
بحر:اي
عطر :بقول اه يا عيني
بحر:صبرك
....
كامل :انتي تاني
مش معقول كل يوم كده تجيلي القسم
فاطمه :والله حضرتك انا مش عارفه في أي
بيقولي سايقه بسرعه وانا اصلا راكبه ميكروباص حضرتك
كامل :ولو ولو مش انتي راكبه فيه
كان من واجبك تطلبي منه يقلل السرعه
فاطمه :حضرتك انا بقوله نازلني علي استحياء كده ده ممكن يشتمني عادي
نظر له باستغراب
فاطمه بهمس :ما انت يتركب ملاكي ولا علي بالك
تنهدت وهي تهتف :يلااا حظوظ
كامل :بتقولي اي
فاطمه :بقول ربنا يهدي النفوس
كامل :طيب اتفضلي اقعدي بقي عشان اخد بياناتك
فاطمه :ما حضرتك اخدتها المره الي فاتت
كامل :لا ما في اسئله جديده عشان كده جبتك
فاطمه:نعممم
كامل :اااقصد عشان كده لازم تقعدي يعني
يلااا يا انسه اتفضلي اقعدي
فاطمه :اتفضل
كامل :هو حضرتك مش متجوزة ليه
فاطمه:واي دخل ده بالسرعه
كامل :ليها دخل كبير عشان متسرعش وأندم
فاطمه :مش فاهمه
كامل :ولا هتفهمي جاوبي علي السؤال
فاطمه :نصيب
كامل :يعني انتي مش معقده
فاطمه:تؤ تؤ نصيب
كامل :طب اي مواصفات رجل احلامك
فاطمه:وده ازاي ليه دخل ؟!
كامل بعصبيه مزيفه:الله ما تيجي تفعظي مكاني احسن
انتي هتعلميني شغلي
فاطمه وهي تضرب المكتب بغضب: متزعقيش
انا مش هتكلم قبل ما اعرف تهمتي ايه وفي وجود محامي
كامل :شخصيتها قويه
مش مشكله بكره تلين
فاطمه :انت يا استاذ
انا عاوزة امشي
كامل :اتفضلي
فاطمه:امشي
كامل :أيوة
فاطمه :همشي اهو
كامل :مع السلامه
خرجت فاطمه ليتكأ كامل علي مكتبه وهو يهتف :اشوفك قريب
قريب جدا
.....
وائل وهو يمد يده :يلا يا ورد
ورد :وائل قولتلك مش بحب كده
وائل :يعني هتكسفيني قدام الناس يلا هاتي ايدك ندخل سوا
نظرت له ورد ليهتف بتوسل :عشان خاطري المره دي وبسابتسمت وامسكت يده بيدخلوا سويا
وتلقوا التهاني والمباركات من الجميع ثم توجهوا لمكتابهم
...:مبروك يا وائل اخيرا خطبت
وائل وهو ينظر لورد :شوفتي وقعني القمر
ابتسمت ورد بخجل
... :يلا بكره نشوف هتوصل لفين
اقتربت منه
اصل عارفاك بتزهق بسرعه
وائل وهو يحتضن ورد :لااا مظنش ازهق ابدا
...:ماشي يا روميو
ابقي اسال زي زمان
وائل :عيب عليكي اكيد هسال ده انتي اعز من اخت يعني
كان هو يتابع المشهد دون سماع الحوار الدائر
قبض علي يده بعنف ثم تنهد بقله حيله ورجع لمكتبه
إزاحته ورد بعيدا عنها ثم قالت بتحذير :اياك تعمل كده تاني يا وائل فاهم
وائل :ورد اناا
تركته وحملت تلك العلبه البلاستيكية التي بيدها وتوجهت لمكتب فضل
..
ورد :استاذ فضل
فضل :تعالي يا انسه ورد
دخلت ورد وهي تستعجب لطريقته الرسميه معها
ورد :حضرتك مشيت بدري امبارح ومش اكلت جاتوه فأنا جبتلك مع اصحابي في الشغل
فضل :متشكر
ورد :العفو
امممم
نظر لها فضل:خير يا ورد
ورد :هو حضرتك مشيت بدري لي
اقصد اختفيت بسرعه يعني
فضل :الصراحه
معجبنيش الوضع وانا راجل احب الوضوح يعني ياما اقول راي الي ممكن يزعلكوا ياما امشي وده الاحسن والي عملته
ورد :اي الي مش عجبك
فضل :انتي تفتكري اي
ورد :امم مش عارفه مكنش في حاجه وحشه
فضل بعصبيه:لا والله والفستان الي حضرتك كنتي لابساه يا مختمره
ولامسات الايد والهزار وغيره
نظرت له ورد مطولا
فضل:احم انا بقول كده عشان بعتبرك اختي
ورد :اه شكرا
عن اذنك
ليت صوت القلوب يسمع
ليت لغه العيون تفهم
ليت قلبك لقلبي يصبح
ليت عيني تقر بقربك
.....
محمد :يلا يا لمار
انا اناخرت
لمار :اعاااا
محمد. :في اي
لمار :الفون فصل والدنيا ضلمه هنا
محمد :افتحي الشباك
لمار :مفيش شباك
محمد :خدي فوني اهو خلصي
لمار :طب روح طلع الشنطه دي بره
وانا هخلص
محمد وهو يحمل الحقيبه :شيل الشنط ووصلني وطلعني ونزلني
اي الجواز الي بخساره عليا ده
ابتسمت لمار وهي تستمع لكلامه:شكله حبني ولا اي
اقوله ولا استني لبكره
رن هاتفه لتجيب
لمار :الو
ابتسمت بخبث وادعت انها لم تسمع صوتها
هنا :أيوة يا محمد
انا لقيت حل للي قولتي عليه
انت لازم تفضل تعاملها وحش كده
وتفضلوا زي الاخوات وهي الي هتطلب الطلاق وكده عطر مش هتزعل
انا عارفه أن عطر هي الي اجبرتك تعيش معاها
استحمل بقي
الوو
انزلت الهاتف ببط وأغلقت الخط
مسحت وجهها وازاحت عبرتها
محمد :لمار انت كويسه
لمار :....
.... .......
بحر :طيب كده اتفاقنا علي الأساسيات
نتقابل الاسبوع الجاي باذن الله
....:انا نزيل في فندق ****أتمني أن تأتي غدا برفقه زوجتك لنكمل الحديث ونعزز العلاقات
نظر لعطر التي تنظر للأرض بصمت
انسه اااا
رامي :عطر اسمها عطر
....:عطر لو احببتي يمكنك المجيئ
و تلتقي الممثل نور الدين سومناز
عطر :قول ورب الكعبه
.... بابتسامه:ورب الكعبه
عطر :يا احلي يوم في حياتي
اكيد هاجي ده بامسي ياااناااس
لو فيها غتاته بس تجيبوا تورغوت يبقي كده ليله العيد صحيح
ضحك الرجل بشده وهو يقول:انتي مرحه للغايه احببت الحديث معك
واتشوق لاري تعابير وجهك عند رويتهم
عطر :انا متشوقه اكتر منك والله
...:حسنا إذا بيننا صفه مشتركه الان
الي اللقاء حتي غدا
عطر. :يا رب يجي بسرعه
....:مليئه بالحماس والحيوية
عرفت هذا من لون فستانك
أحببته عليكي
بحر :رامي خليك معاهم
حرك رامي رأسه وخرج معهم
بحر وهو يقترب من عطر ويمسكها من مؤخره عنقها
قولتي بقي انتي اي