رواية قسوت علي فاتنتي الفصل الخامس5 والسادس6 بقلم سحر السحرتي
على: طب هعزم هيام ومامتها
:لا باي مناسبه
: تساعدك وتتعرفي عليها يمكن تحبيها
: لا سميحة هتساعدني زي كل سنة وانا لا عايزة اتعرف عليها ولا احبها خليها بعيد عني بعد التغيير السيئ اللي انت بقيت فيه بسببها نفسي يعزلوا من هنا
*تركها على وذهب غاضبا .... طرق الباب ودخلت سميحة لتساعد كريمة كالعادة
*وصل اصدقاء فتون واستقبلتهم ودخل اياد مبتسما فرحا
: حبيبتي كركر فين
*وجدها تستقبله وهي سعيدة بوجوده فامسك يدها وقبلها
: وحشتيني يا كركر كل يوم بتحلوى
*وجد من يمسكه من ياقة قميصه
عبد الرحمن: فتون انا مش قلت لك ممكن تعزمي الجامعة كلها ماعادا الواد ده اللي عايز يخطف مراتي منى وعمال يدلعها ويقلبها على دائما وتقولي مش بتدلعني زي اياد
اياد:طب يا عمي نتفاهم تصدق انك وحشتني اكتر منها
عبد الرحمن: أصدق يا بكاش
*وقام باحتضانه وأكمل
: طبعا جاي عشان المسقعة مش عشانا يا مفجوع
:ده كلام تقوله يا بودي طبعا عشان المسقعة
*ضحك الجميع
كريمة: كدة يا اياد ما تسالش طول الاجازة أظن السنة هتخلص ومش هتعبرنا
اياد : أبدا يا كركر بنتك السبب خلتنا ننزل تدريب في الصيف وبعد ما حددولنا ساعات عمل قليلة طلبت زيادتها قال ايه عشان نستفاد خبرة
عبد الرحمن: شكرا يا حبيبي عرفت أنك اللي قلتلها تقدم وبتشكر في الشركه وقد ايه كبيرة وناس محترمة وانك كنت واخد بالك منها
بقلمي سحر السحرتي
اياد : على ايه يا عمي فتون اختي
جهاد: والله يا عمي فكرتك هترنه علقة من مسكتك له كدة وكنت هفرح فيه
عبد الرحمن: اياد ده ابني بس بعد ما تتجوزوا لو عملك حاجة تزعلك هضربه
اياد : فيك الخير والله يا جهاد من حبك ليا عايزاني اضرب
كريمة: مش قلت لك يا جهاد تعالي اعلمك طريقة المسقعة عشان تبقي تعمليها لاياد
جهاد: وليه اتعلمها والمصدر موجود كل جمعة نيجي ناكلها عندك
كريمة: تنوروا بس أنتم كلام وبس الصيف ما شفتش وشك خالص
جهاد: بس كنت بكلمك اسال عليك واتسحلت في الشغل مع بنتك وعملوها الرئيسة بتاعتنا وهي مش بترحم
كريمة: هتقوليلي عرفاها في الشغل جد وما تعرفش ابوها
*كان أدهم يراقب هذا الدفء العائلي والمحبة بين الجميع وكيف ان اياد متاقلم معهم كأنهم أهله وأكثر.... أخرجته فتون من شروده
: بابا اعرفك على أدهم ابن عم اياد منقول عندنا السنة دي من الصعيد الجواني ههههه واياد خلانى اتبناه
كريمة: أهلا يا حبيبي انت كنت في الصعيد يا عيني
عبد الرحمن: أهلا يا ابني وتتبنيه ازاي
فتون: هذاكرله عشان ينجح اصله واضح انه كان هناك الحر مسيح عقله شوية فاسمحولي بقى يبقى يجي مع زمايلنا نذاكر هنا
عبد الرحمن: وماله البيت بيته كفاية انه ابن عم اياد
*كان حسام يراقب هذا كله واشتعلت الغيرة في قلبه والغضب بداخله فأراد أن ينهي هذا الحوار دون أن يفكر
: هو اللي ما فلحش هناك هيفلح هنا وهتسيبي مذاكرتك واخر سنة لك وتقعدي تذاكريله
*قبل أن تتفوه فتون بحدة وتحرجه أمام الناس امسك والدها قبضة يدها ففهمت وتحدث
:حسام يا أدهم ابني اللي ما خلفتوش ودائما يتكلم كدة من غير ما يفكر ومتسرع هعمل ايه مضطر استحمله
بقلمي سحر السحرتي
*وتوجه بنظره إلى حسام
:يا حسام انا ابوها وعارف أنها قدها وربنا بيكرمها وبتجيب تقدير لأنها دائما بتساعد زمايلها وانا عارف انك خايف عليها بس ما تقلقش فتون قدها وهترفع راس ابوها وتجيب تقدير حلو زي كل سنة
:اسف يا عمي
: محصلش حاجة بس طبعا لازم تتعاقب وعقابك هتعمل الشاي بعد الغداء وفتون هتساعدك وادهم لانه ضيف واول مرة هيفرش بس السفرة
*ظل عبد الرحمن يوزع المهام عليهم ليشعر جميعهم انهم داخل منزلهم
*لم يكن لدى عبد الرحمن و كريمة أقارب فارادوا ان يكون أصدقائهم وأصدقاء أبنائهم هم أقاربهم ويحس احساس العائلة
*كان اياد يغيظ فتون
:انا هقعد جمب كركر وتاكلني في بقي
*قالت بكل غرور :هسيبك تقعد جمبها النهاردة وهقعد انا جمب ديحة بس عبده لو سمعك بتقول تاكلك في بقك هياكلك هو علقة ما حصلتش (وأخرجت له لسانها )
عبد الرحمن: سمعته وجبت الخرزانة جمبي اهيه ومحضرها
*صفقت فتون وجهاد وقالوا : الله أكبر ايوة كدة اديله يستاهل
*ضحك أدهم بشدة وتمنى أن يضرب اياد... اشاح عبد الرحمن بالعصا أمام وجه أدهم
: ما تضحكش عليه لحسن انت اللي تنول الشرف ده وعقابا لك عشان ضحكت على ابن عمك هتغسل الكوبايات بعد الشاي ويا ويلك تغسلهم وحش
كريمة: انا اللي هغسل المواعين دول ضيوف
عبد الرحمن: انا قسمت الشغل خلاص وهشرف عليهم كفاية انت عملتي الاكل ده بيتهم ولازم يساعدوا فيه
*الجميع: طبعا يا عمي أمرك
اياد بمرح: طب ما تخلينا نكنس ونمسح الشقة بالمرة
عبد الرحمن: كله هيروح وانت هتقعد تعملها
*ضحك الكل على اياد
اياد: بتضحكوا على ايه بودي بيهزر معايا
جهاد: ايوة يا كركر علميه الكنس والمسح عشان لما نتجوز يعرف يكون مسؤول
*كانت وجبة لذيذة شكر الجميع كريمة .. لم تخل من الهزار والضحك
*دخل حسام مع فتون لإعداد الشاي وانتهز الفرصة للاعتذار لها عما بدر منه اخر مرة
: ممكن اتكلم معاكى كلمتين
: اتفضل اصلي مجبرة اسمعهم بسبب وقفتي هنا
: اسف ما تزعليش مني
: على ايه ولة ايه
: على اني مسكت ايدك وزعقت اخر مرة شفنا بعض من يومها انت بتهربي مش عايزة تشوفيني وما قدرتش اعتذر
: وبالنسبة لاحراج زميلي النهاردة عادي ولة عايز تقول كلمة عنه
: انا اعتذرت لعمي
: هو انت غلطت في عمك
: اه لما قلت الكلام ده في وجوده وفي بيته ابقى غلطت فيه ولو عايزاني أعتذر لك اسف يا ستي
*نظرت له بدهشة: اتغيرت يا حسام وبقيت بتعتذر خير ايه اللي حصل
: كنت عايزك تفكري في قرارك مرة تانية وخدي وقتك وهستناك العمر كله
: حسام انا رفضت لأنك زي اخويا وعمري ما فكرت فيك غير كدة
:طب ادي نفسك فرصة وفكري انا مستني وعمري ما هفكر اتجوز واحدة تانية
: ما تعطلش نفسك وشوف واحدة بنت حلال وتسعدك
:فتون اديني وعد انك هتفكري
: حاضر هفكر بس بلاش تتعشم
: كفاية عليا وعدك
بقلمي سحر السحرتي
*عند هيام في شقتها كانت تسمع أصوات عائلة على اشتعلت نيران الغيرة في قلبها فاتصلت بعلى وهي تتظاهر بالبكاء
قسوت على فاتتني
حلقة ٦
على: ايه يا حبيبتي بتعيطي ليه
: افتكرت بابا وجو العيلة اللي كنا عايشين فيه معاه قلت اتصل عليك انت سندي وعيلتي كلها ممكن تيجي تقعد معايا شوية انا ماليش حد غيرك
:حاضر يا حبيبتي هستاذن واجي على طول
*دخل المطبخ وجد حسام و فتون يقومون بإعداد الشاي
: هو فاضل اكل يا تونة
: تونة بقالك زمن ما قلتها ... ليه انت لسة جعان
: اصلي رايح لهيام وكنت حابب تدوق اكل ماما
: للاسف اللي اتبقى ماما لفته لادهم واياد لأنهم استاذنوا يأخذوا منه ومش معقول بعد ما تقولهم ان لكل واحد طبق ترجع في كلامها
: معلش بقى هاتي واحد وهما يتصرفوا هما ولاد عم
: لا ما يصحش اقولك روح استأذن بابا
*غضب منها وتعمد ان يصطدم بذراعها فسقط بعض الماء الساخن على يدها
: اه يا غبي طب انا اللي هقول لبابا
*كادت أن تبكي من الألم وهرب على ... اسرع حسام وامسك يدها ووضعها تحت الماء وأحضر لها ثلج
: هاه احسن دلوقت
*نظرت له بدهشة من حنيته وخوفه عليها فقالت بكل رقة
: اه شكرا يلا نطلع الشاي اتاخرنا عليهم
*هذه اللحظة شعرت بخوفه ولهفته عليها لكنها تعرف أيضا قسوته وغضبه وعدم تحكمه في نفسه
*كان يوما سعيدا على الجميع تغيرت به أشياء كثيرة أهمها تفكير كل من أدهم وحسام وفتون بعض الشئ
بقلمي سحر السحرتي
*بدأت فتون عندما تلتقي حسام بعد أن اعتذر لها ان تغير قليلا من معاملتها معه وكلما صادفته كانت تبتسم في وجهه أحس أن هناك أمل وان كلام والدته عن المعاملة الجيدة تأتي ثمارها
*بدأت هيام تفرض سيطرتها على على أكثر وأكثر وكان دائما يتشاجر مع والديه بسبب استعجاله للزواج بها
*استمر أدهم بالتعرف على فتون واصدقائها واندمج معهم أخيرا وتوسطت له فتون لينزل التدريب معهم لم تعلم أن والده هو مالك الشركة وسعد نعمان بهذه الخطوة من قبل فتون وموافقة أدهم على ذلك
*مرت شهور الترم الاول وها هي الامتحانات فكان في منزل فتون معسكر للاستذكار يقوده والدها وينظم ويشرف عليها هي وزملائها كان اهم من يحضر أدهم واياد و جهاد و انضمت لهم سيرين باستمرار فهي أكبر معجبة بادهم وتحاول التقرب منه لكن أدهم مشدود لفتون و معجب بشخصيتها
*كان حسام ينزل أثناء تجمع المذاكرة بحجة مساعدة عبد الرحمن ويقوم بعمل الشاي لهم ودائما يسأل فتون على أماكن الشاي والسكر لتنهض وتترك المذاكرة وتحضرهم له
:بلاش تتعب نفسك بابا او ماما يعملوه انت دائما تنسى مكانهم وتقومني اجيبهم
:يا ستي فرصة
:فرصة ايه
: فرصة تريحي شوية وتمشي رجلك ولة فكرتي ايه بتلكك عشان اشوفك
*ابتسمت له واحمر وجهها خجلا
: طب المرة الجاية لو نسيت اطلع فوق لديحة واعمله عندكم وبلاش عطلة
*وتركته وذهبت وهي تبتسم وهو شارد في هذه الابتسامة
*انتهت الامتحانات ونجح أدهم بتقدير ... فرح والده كثيرا وأراد أن يشكر فتون على تعبها بطريق غير مباشر فخصص مكافأة لفريق التدريب وهي رحلة لقضاء عدة أيام في مدينتي الأقصر وأسوان في اجازة منتصف العام
*شكرته فتون ورفضت لان والدها لن يوافق فطلب رقم والدها واتصل به واقنعه أنها كانت تعمل بجد ونشاط واذا اراد ان يرافقها فلا مانع لديه
*شكره والد فتون ووافق على الرحلة عندما علم ان جميع زملائها في التدريب ذاهبين
*اخبره نعمان أيضا انه خصص مكافأة مالية خاصة لفتون لأنها متفوقة عن زملائها في العمل
*سعد عبد الرحمن وكان فخورا بفتون
بقلمي سحر السحرتي
*ذهبت فتون إلى الرحلة مع اصدقائها وعلمت هيام بذلك ارادت ان تذهب هي الاخرى لكن على لا يملك أي نقود فهي دائما تقضي على جميع أمواله بطلباتها هي وامها
:يا على انا كان نفسي قوي اروح هناك عمري ما روحتها
:من أين يا حبيبتي مش معايا فلوس
: انت مش بتقول حسام بيحبها ما تقترح عليه تروحوا سوا وتاخدني معاك
: فكرة تفتكري هيوافق
: لما توهمه انك عايز تروح تطمن عليها لأنك حاسس ان زميلها معجب بيها
: أي واحد فيهم
: أي حد المهم انك تروح وتبقى جمبها وهو ما هيصدق وتعرفه ان مش معاك فلوس
: طب هاخدك ازاي
:تقوله عشان فتون ما تفهمش انك رايح تراقبها هتاخدني معاك كانك بتفسحني لان باباك لو عرف هيزعل منك انك ما بتثقش في اختك
: فكرة حلوة
*نفذ على خطة هيام ورحب حسام وتكفل بمصاريف الرحلة وكله لهفة واشتياق ليطمئن على فتون والتأكد من ان زميلها ليس معجب بها
*أبلغ على والده انه ذاهب مع حسام إلى الأقصر لتغيير جو ولم يخبره ان هيام معه
*رحب والده وشعر انه بذلك سوف يطمئن على فتون واخيها معها لم يكن يعلم أنها لا تخطر على بال أخيها وان كل تفكيره واهتمامه منصب على هيام
*سافر كل منهم إلى الأقصر وحجز حسام في نفس الفندق
*تفاجأت فتون عند رؤيتهم وهي جالسة بالمطعم مع صديقتها جهاد و سيرين
*التي أصرت ان تذهب معهم لتلفت نظر أدهم وسافرت على نفقتها الخاصة
بقلمي سحر السحرتي
*شعور بالسعادة ملاء قلب حسام عندما وجدها تجلس مع صديقاتها في المطعم بعد السؤال عن مكانها
*وقفت تستقبلهم وتستفسر عن سبب وجودهم
*تعمد حسام سؤالها عن اياد وادهم .... أخبرته انهم لا يستيقظون مبكرا وانهم لا يلتزمون ببرنامج الرحلة ولكنها هي وصديقاتها يريدون رؤية جميع الآثار
: هما شكلهم جايين يناموا فاحنا بنروح المعابد لو لحقونا بنتقابل ما لحقوناش بنسيبهم
:أنتم بقى بتناموا ازاي كل واحدة في غرفة
: لا يا سي على احنا قررنا ناخد غرفة واحدة نسهر ونلعب مع بعض ما صدقنا نبات سوا هتبقى كل واحدة في غرفة لوحدها
: يعني ما ينفعش تاخدوا واحدة معاكم
: واحدة مين دي
: هيام اصلها جت معايا وقاعدة في الاستقبال بارة عشان ما تقعدش لوحدها
: لا السرير صغير والغرفة ٣ سراير بس زي ما جت معاك لوحدها خليها لوحدها
: انت دائما كدة الواحد ما يعرفش يستفاد منك بحاجه
: هي ازاي اصلا تسافر معاك ايه البجاحة دي باي صفة وازاي مامتها وافقت على كدة من الاساس
: لأنها بتثق فيا وانا ابقى في حكم خطيبها وبعدين ما انت مسافرة مع اصحابك
: انت بتقارن دي بيا مش واخد بالك اني مسافرة رحلة تبع الشغل وقاعدة مع صحباتي يعني مش جاية أحب وبابا عارف وموافق على وضع صح
*تدخل حسام حتى ينهي هذا النقاش
: خلاص يا على ما انا حجزت لها غرفة مفيهاش حاجة تقعد لوحدها وانا وانت هنقعد مع بعض
فتون: وليه ما هي تقعد معاه بحكم انه خطيبها وانت تقعد لوحدك
*كاد على أن يتهجم على فتون لولا حسام
: سيبه يا حسام انا عايزة اشوف المرجلة اللي بتطلع بس عليا ... الوضع ده بابا لو عرف هيعترض على الجوازة كلها
على : لو نطقتي بكلمة لبابا هقوله اني قفشتك مع زميلك
:عايز تسوء سمعة اختك عشان واحدة زي دي
حسام:عيب يا على دي اختك وأخلاقها يضرب بيها المثل وعمري ما هسمحلك تقول كدة عليها
: شكرا يا حسام المفروض الكلام ده اخويا هو اللي يقوله الدنيا حالها اتقلب الغريب بيدافع عني واخويا بيتهمني باطل
: انا مش غريب يا فتون احنا جيران وعشرة عمر
بقلمي سحر السحرتي
*كانوا يتحدثون بعيدا عن جهاد و سيرين فشعرت جهاد ان النقاش أصبح حاد بينهم فتدخلت لتنهيه
: يلا يا فتون لان الجولة هتبدا و اياد و أدهم جايين انا كلمت اياد
:لسة هيفطروا ويعطلونا
: لا انا عملت سندوتشات لاياد و سيرين عملت لادهم
*اطمئن حسام ان كل فتاة مرتبطة بشاب توجهت فتون بالكلام لحسام
: حسام لو تحب تنضم للشباب انت تعرفهم لكن قول لصاحبك واللي معاه بلاش نتقابل طول ما احنا هنا لاني هقول كلام يزعل الكل
*وجدها حسام فرصة أخذ على وتحدث معه على جانب
: روح طلع الشنط وهيام وانا رايح معاها اهديها واقنعها ما تجبش سيرة لعمو
:يعني حتة بنت هتمشي كلامها على وتخلينا ما نخرجش معاها
:انت يهمك ايه انت عايز تبقى لوحدك مع هيام احجز في جولات تانية يلا سلام
*اقتنع على بكلام حسام وذهب لهيام التى كادت أن تموت من الغيظ لان فتون لم تهتم بوجودها ولم تكلف نفسها بأن تسلم عليها