رواية رحلة جديدة الفصل الحادي عشر11والثانى عشر12 بقلم رندا الشرقاوي
بعد مرور ثلاث ايام، كانت نجلاء بتفكر ان تاخد عمر وايمان ويروحوا الحديقة يشموا هوا ويتفسحوا ويشوفوا الدنيا لانهم ما بيطلعوش من البيت خالص، بسبب الوضع المالي، بعدين فعلا قالت الكلام ده لعلاء
علاء وافق وهو ينظر لها بحب لقد حملت المسؤولية معاه في البيت، مسكت ايمان من ايدها وبتنادي لعمر بس هو كانه مش موجود في الاوضة، وزي ما احنا عارفين ان هو بيشتغل عند عمو سعيد الحلاق من غير علم امه وابوه
نجلاء بدهشة:
_ علاء فين عمر؟ انا بدور عليها في البيت بس مش لاقيها، كانه راح مكان و الوضع دي مش من دلوقتي ده بقى ليا ثلاث ايام او اربع ايام بالوضع ده، كل يوم الصبح مالقيتوش غير الساعة 8:00 المساء
علاء بدهشة: كلامك صح لان انا مش بلاقيه في وقت ما ارجع من الشغل، وانا برجع من الشغل الساعة 6:00 مساء او 5:00 مساء ما بلاقيهوش بيرجع بعدي، بيروح فين الولد ده؟ كانه الكلام اللي انت قلتيه لي من ثلاث ايام بيتصرف فيها مش عارفه اقول لك الواد بيروح فين ليكون بيعمل حاجة
نجلاء: ما تقولش كده على ابني، هو مش بتاع الكلام ده وربنا ييسر امره، ان شاء الله هو هيكون في مكان صح
ايمان بهبل وبرود: قلي يقول ليا هتجيب 50% او 40 دلوقتي هو اللي اصلا حتى مش في البيت وما عرفش بيتكلم مع مين ولا حتى بلغنا انه رايح فين، لازم ياخد على وشه لما يجي، انا هوريه قيمته،أعرفه الصح من الغلط
نجلاء بدهشه: اسكتي خالص ما تتكلميش ولا تسمعيني حسك يا قليله الادب، ولا تقولي الكلام ده على اخوك
علاء بغضب: بقى على الوضع اربع ايام وانت ما سالاش ابنك كل يوم بيروح فين؟ على الاقل كنت سالت عليه بيروح فين ولا بياجي منين؟ احسن ما انك جاي تعارك مع دي الصغيره اللي لسه ما عرفاش تستوعب انت بتقول ايه؟
نجلاء بغضب عليهم هم الاثنين: لا صغيره قوي 16 سنه ايه اللي صغرها؟ ده كبرت
علاء: خلاص خلينا نشوف ابنك راح فين ولم يجي البيت النهارده اكيد هكتفه بحبل واخليه على السطح في عمود البيت، علشان يتربى ويعرف نفسه بيروح
فين وياجي منين انا معيش فلوس اسد بيها دين يطلع راكبه هو في الاخر
نجلاء بغضب: ما تقولش كده يكفينا شر الكلام ده
وبعد كده ايمان جالسة تنظر لأهلها بقلق على اخوها اللي لسه ما رجعش فقالت
_ ربنا يخليكم اسكتوا انتم الاثنين لحد ما نشوف عمر راح فين؟ لان الوضع مش كويس.
علاء بغضب: والله ما اطلع الشارع ولا ادور عليه ولا اسال عليه حد، عشان الفضايح من الناس لاقعدة لحد ما يجي الموعد اللي بيجي فيه وبعدين اساله، علشان خاطر اشوفه راح فين واعرف اكتفه ازاي.. الاحداث اللي جاية روعة مين مستني
الفصل الثاني عشر
رحلة جديدة
بقلم رندا شرقاوي
مر الوقت لحد الساعة 6:00 مساء في عمر في مكان الحلاقة مع عم سعيد، بيتكلموا عشان هو دلوقتي يجي موعد انه يروح على البيت
عمر: عمو انا بقى لي اربع ايام بشتغل معاك، بس انت مش قبضتني اي حاجه
سعيد بحنان: هو انا مش قلت ليك هنقبض كل اسبوع، بس عشان انت بتقول كده انا هقبضك النهاردة، اربع ايام في 50 يتبقى 200 جنية.
دخل الدكان فتح الدرج مسك 200 جنيه ودها لعمر
_ اهو قبضك يا ابني الله يبارك لك في اول شيء تطلعه من عرقك، ربنا ييسر امرك تبقى فخر على طول لأهلك وليا، لانك اشتغلت معايا
عمر: عمو انا والله كنت خايف اخذ وقت معاك وتطلع مش كويس، تخليني اشتغل الوقت ده كله وبعدين ما تقبضنيش، علشان كده انا كنت بلح عليك انك تقبضني في الوقت ده
سعيد بحنان: يروح فين من ربنا اللي ياكل عرق ولاد الناس يا ولدي، ربنا يبعد عننا الكلام ده، نوكل لولادنا عيش حلال
عمر بأدب: اسف يا عمي لو كنت زعلتك في حاجة، لاني اصريت عليك للقبض
سعيد: لا دي تعبك انت مش شحاته يا ولدي، روح ربنا يسر امرك، لان اكيد اهلك هيكونوا مستنينك في البيت
عمر: خلاص مع السلامه يا عم سعيد.
وعندما وصل البيت وجد اهله جالسين في قمة القلق و الحيرة، يفكرون فى أي مكان كان عمر
عمر: سلام عليكم ايه مناسبة قاعدتكم دي، الوقت في حاجة؟
قام علاء من غير كلام ولم يتكلم ولا حتى يسأل كنت فين؟ جري على عمر ابنه عشان يضربه قلم على وشه، وقفت نجلاء في وجهه وهي تقول بغضب:
_ اسأل ابنك كان فين قبل ما تمد ايدك عليه؟
علاء بغضب كبير على نجلاء وابنها:
_ هيكون فين غير صايع مع الولاد اللي جابت لاهلها العار انا مش معايا فلوس زي ما انت عارفة، علشان اسد في الدين.
ايمان بخوف وخجل: ما تزعلش مني يا بابا بس اسال عمر كان فين الأول؟ عشان أحنا ما عندناش حد في العيله راح للكلام ده.
وعندما قالت ايمان الكلام ده سمع منها علاء، قرر يتكلم مع ابنه يسأله ماذا حصل؟ وما هو سبب التاخر في رجوعه الى البيت.
علاء: بس قول لي الكلام من غير كذب، احسن ما امسكك اربطك بحبل فوق السطح على عمود البيت..
نجلاء بحنان: اتكلم يا عمر واحكي لابوك كنت فين؟ من غير خوف، ولا كدب
عندما سمع عمر الكلام دي من اهله وشاف وضع البيت المكركب، قرر يحكي ليهم ان هو كان يشتغل عند عم سعيد الحلاق
عمر ماما وبابا: سامحوني علشان انا مش قلت لكم بس انا سمعت وشفت وضعكم في البيت، قررت اروح اشتغل اي شغل حتى لو كان بسيط، رغم سني فانا كنت بشتغل تحت ايد عم سعيد الحلاق اكنس ليه وامسح، بقى لي اربع ايام، والنهارده لاربع ايام اداني 200 جنيه اهو على اليوم 50 جنيه
علاء بدهشه: انت مين قال لك تعمل كده؟ ومين طلب منك تشتغل وتشغل نفسك وتخليني اخذ فكرة غلط عنك.
عمر برجولة: مفيش راجل قاعد في البيت، عايز حد يقول له شيل المسؤولية مع ابوك.
علاء بدهشه: والله جد انت بتقول الكلام ده
عمر بالرجولة: انا مش صغير انا عندي ١٢سنة.
نجلاء بفرحة: ما شاء الله ما شاء الله، ربنا ييسر امرك ويبعدك من شر الناس والشك اللي في ابوك.
قاطعتهم ايمان وهي تقول _شفت النتيجه النهاردة يا عمر كنت جايبة فيها 50% بس خلاص
عمر: خلاص جبت اللي جبتيه انا تعبان طالع اخذ لي دش وبعدين انام عشان الصبح اروح تاني الشغل
نجلاء بحب: يعني مش تتعشى الاول
عمر: لا اكيد بعد الدش هتعشى على نظافة
علاء بخجل: اشهد له لا اله الا الله اشهد ان محمد رسول الله، مش عارف اعمل ايه في الام وابنه
ايمان بخجل: يعني النهاردة مش هنطلع الحديقة.
نجلاء بفرحة: خليها بكرة يا حبيبتي
ايمان: حاضر خليها حتى بعده
وراحت نجلاء حضرت العشا ونادت ولادها عشان يتعشوا
كل يوم عمر يروح الشغل عند عمه الحلاق وكل اسبوع يقبض 350 جنيه، انما في الوقت ده اللي كان بيجري بسرعة ايمان كانت كل يوم بتروح على مدرسة الصنايع قسم خياطة، كانت عامله اشكال وانواع الفساتين مش عارفه الجمال ده كله ازاي كانت مبدعة