رواية حادث حب الفصل الثالث3 بقلم سحر حسين عزت
لحد ما جه يوم كان سيف موجود معايا في المستشفى كان واقف ماسك ايدي وكنت بمشي واحده واحده في الغرفه بتاعتي دخلت علينا بنت جميله قوي وشكلها غنيه ولقتها قربت من سيف وبتحضنه وبتقوله ......
وحشتني قوي يا حبيبي كل ده ماشوفكش .
سيف :
ساندي انتي ايه اللي جابك هنا انتي عرفتي من مين أن انا هنا .
ساندي :
عرفت من مين يعني ايه مش مهم المهم أن انا جتلك عشان واحشتني
سيف :
تمام اعرفكو ببعض دي كارما ودي ساندي .
كارما :
اهلا وسهلا يا ساندي .
ساندي :
اهلا بيكي يا حبيبتي اعرفك بنفسي كويس انا ساندي خطيبه سيف وكمان بنت مدير الشركه بتاعته .
كارما :
اه اهلا وسهلا .
ساندي :
انتي بقي كارما اللي واخده سيف مننا .
كارما :
انا لا طبعا ما اقدرش
ساندي :
سيف اكتر واحد بيقوم بواجبه علي اكمل وجه عشان كده هو موجود معاكي هنا من واجبه انو يخلي باله منك عشان بس ضميره يرتاح .
كارما :
(تبص لسيف ) اطمن يا استاذ سيف وطمن ضميرك انا الحمد لله كويسه جدا وياريت تركز علي شغلك وخطيبتك اكتر وانا أن شاءالله كام يوم وهخرج من هنا انا كويسه جدا الحمدلله .
سيف :
كارما انا مش هسيبك غير لما تخرجي من هنا وطمن انك كويسه بجدا .
ساندي ( بغضب) :
وبعدين بقي يا سيف احنا عندنا شغل وانت مش فاضي طيب ايه رايك ابعت كريم اخويا هو يخللي باله منها .
سيف :
(بغضب ) لا طبعا انا اللي خبطها يبقي انا اللي لزم اكون معاها وانتي يا ساندي لو كده ممكن تروحي الشركه وتخلي بالك انتي من الشغل لحد ما ارجع انا .
ساندي :
( بغضب شديد ) بقي كده يا سيف ماشي براحتك اعمل اللي يريحك بس ياريت ما تزعلش بابا منك تمام سلام يا سيف .
**********************
تخرج ساندي
كارما :
امشي يا سيف لحسن حبيبتك تزعل منك انا كويسه
سيف :
لا مش همشي وياريت تزعل مني بس يا كارما انتي مش فاهمه حاجه خالص .
كارما :
( بحزن شديد) انا فعلا مش فاهمه حاجه غير انك معايا هنا عشان بتشفق عليا وعشان تريح ضميرك مش كده
سيف :
لا مش كده مش بقولك انتي مش فاهمه حاجه
كارما :
طيب فاهمني .
سيف :
افهمك ايه
كارما :
فهمني انت هنا ليه معايا مش مع خطيبتك وفي شغلك فهمني ما قلتليش ليه انك خاطب من الاول فهمني كل حاجه عندك انا مش فاهمه حاجه وحاسه اني هتجنن انت فعلا موجود معايا بس عشان تريح ضميرك
سيف :
انا عارف ان في اسئله كتير في دماغك وصدقيني هجاوبك عليهم كلهم بس في الوقت المناسب اهم حاجه لزم تعرفيها دلوقتي انا موجود معاكي عشان عايز اكون معاكي والموضوع دلوقتي بقي بعيد عن ضميري خالص تمام المهم بقي دلوقتي تركزي علي الجلسات عشان نخرج من هنا بقي ماشي
كارما :
ماشي بس اوعدني لما نخرج من هنا تعرفني كل حاجه ومتخبيش عني اي حاجه ماشي .
سيف :
ماشي وعد يا ستي تمام كده .
*****************
خلصنا كلامنا وركزنا على الجلسه وبعد شويه خلصت الجلسه وبعد شويه سيف استاذن ومشي وانا كنت قاعده بفكر في كل اللي حصل وكنت مش فاهمه حاجه ومستغربه طب انا اصلا زعلت ليه يمكن زعلت عشان حسيت انه بيشفق عليا انا لازم اخرج من هنا في اقرب وقت انا مش عايزه اعتمد على حد ولا حتى سيف هيجي يوم من الايام وهيسيبني ده خاطب اه يمكن باين عليه مش بيحبها بس شكله مجبور يفضل معاها و انا مستحيل اكون جزء من حياته ومستحيل ادخلها واخربها عليها انا لازم انسحب فضلت اكلم نفسي كده كتير لحد ما غلبني النوم ونمت ما حسيتش باي حاجه عشان طبعا تعبت شويه في الجلسه دي وصحيت تاني يوم لقيت سيف نايم مكانه على الكنبه اللي تحت الشباك بصيت عليه كان باين عليه أنه تعبان شويه ودخلت الممرضه وقالت لي ......
*****************
الممرضه :
الاستاذ سيف جه امبارح متاخر قوي وما رضاش يصحيكي كان شكله تعبان قوي اول ما اجي حط دماغه ونام
كارما :
اه شكله كده عنده مشكله في شغل ربنا يسهل له اموره
الممرضه :
بس اقول لك على حاجه بيني وبينك يعني هو شكله بيحبك قوي بيحبك بجد
كارما :
لا طبعا ايه اللي انتي بتقوليه ده هو بس خايف لحسن يحصل لي حاجه ويكون هو السبب مش اكثر يعني تقدري تقولي كده عشان يريح ضميره
الممرضه :
لا طبعا انتي اللي شكلك مش بتفهمي حاجه في الحب اساليني انا ده كان بيوقف بيبص عليك بصه يا بنتي ركزي في نظراته هتعرفي ان انا معايا حق انتي عارفه ان كل يوم لما يجي يفضل واقف كده جنبك يجي اكتر من 10 دقائق من غير ما يتكلم يفضل بس باصص لك كده ويحسس على شعرك وبعدين يروح ينام
كارما :
(ابتسامه خفيفه ) بجد هو فعلا بيعمل ده بجد
الممرضه :
اه والله هقول لك المره الجايه هبقى اصورها من غير ما ياخد باله عشان تعرفي هو بيحبك وانتي اللي ظلمتيه بتفكيرك .
كارما :
ايوه بس هو خاطب عارفه يعني ايه خاطب يعني فيه واحده غيري في حياته
الممرضه :
اه انتي قصدك على المسهوكه دي وايه يعني بس هو على فكره ما بيحبهاش وشكله كده مغصوب عليها
كارما :
وانت عرفت دي كمان ازاي يا ناصحه
الممرضه :
انا هقول لك ساعه لما خرجت من هنا ومشيت بعديها ب 10 دقائق كده او ربع ساعه طلع من الاوضه عندك وكلمها في التليفون وقال لها اوعي ثاني مره تيجي هنا المستشفى وما لكيش دعوه بي كارما نهائي وخليكي بعيده عني وانا هتعامل معاكي في الشغل وبس واي حاجه بيني وبين باباكي انت ما لكيش دخل فيها .
قولي لي بقى يا ناصحه معقوله حد بيحب حد يقول له كلام زي ده برده
كارما :
طيب كفايه كلام بقى يلا روحي شوفي شغلك
الممرضه :
اه طبعا حقك ما انتي خلاص عرفت كل المعلومات اللي انت عايزه تعرفيها وبعد كده يلا سلام انا بقى مش كده
كارما :
انا كل الحكايه بس انا مش عايزه يسمع الكلام اللي انتي بتقوليه ده
الممرضه :
ليه يعني ما يسمع
كارما :
لا مش عايزه يسمع هفهمك بعدين يلا بقى سلام
الممرضه :
ماشي يا اختي سلام
****************
تخرج الممرضه
وبعدين فضلت ابص عليه وابتسم مش عارفه ليه حسيت نفسي مكسوفه مكسوفه من منه فضلت كده اكثر من 10 دقائق لحد اما لقيته فجاه فتح عنيه وقال لي ......
*******************
سيف :
انت هتفضلي بصلي كده كتير ولا ايه
كارما :
انا انا مبصتش عليك اصلا و هبص عليك ليه
سيف :
ايوه صح انا اللي بصيت عليكي وانا نايم صح
كارما :
انا بس كنت بشوفك صاحي ولا نايم .
سيف :
ليه عايزه مني حاجه
كارما :
لا وانا هعوز منك ايه .
سيف :
ماشي ممكن تبصي في أي حته تانيه عشان عايز اكمل نوم ومش بحب حد يبص عليا وانا نايم
كارما :
تمام ماشي انا مش هبص عليك خالص نام براحتك
سيف :
ماشي ولما تيجي الممرضه ما تتكلميش معاها كتير عشان هي رغايه شويه
كارما :
ايه الممرضه
سيف :
اه الممرضه
كارما :
اهي بتسليني لحد ما تصحي انت من نومك .
سيف :
بتسليكي
كارما :
اه
سيف :
ماشي .... يلا بقي بصي النحيه التانيه عشان اعرف انام .
كارما :
تمام ماشي .
******************
سبت سيف نايم وقعد علي الكرسي المتحرك و خرجت شويه .
بعد ساعتين .
صحي سيف من النومه
اول ما فتحت عيني بصيت علي كارما وكانت الصدمه انها مش في مكانها قومت جري ادور عليها لبست الجزمه وطلعت ادور عليها سالت الممرضه وهي قالتلي
الممرضه :
مش عارفه والله انا مشوفتهاش خالص
سيف :
( بغضب )يعني ايه مش المفروض أن انتي اللي مسؤوله عنها
الممرضه :
انا كنت عند الدكتور
سيف :
طيب اتفضلي دوري عليها
سبت الممرضه كنت بجري وبلفها في المستشفى زي المجنون وانا مش لاقيها مش عارف اعمل ايه مش عارف ليه حسيت لحظه ان روحي راحت مني فضلت ادور عليها لحد ما فجاه لقيت الممرضه بتكلمني وبتقول لي ان كارما قاعده في الجنينه نزلت اجري زي المجنون على الجنينه اول ما شفت كارما ما كنتش عارف اعمل ايه ولا كنت عارف اقول اي حاجه ما حسيتش بنفسي غير وانا فجاه باخدها في حضني وبقول لها اوعي تسيبيني ثاني مره
كارما :
انا اسفه كل الحكايه ان زهقت من القعده اهو فقلت انزل اشم هوا وانت كنت نايم فما رضيتش اصحيك
سيف :
ثاني مره لما تعوزي تعملي اي حاجه عرفيني قبليها حتى لو نايم صحيني سامعاني
كارما :
تمام حاضر هقول لك بعد كده انا اسفه خضيتك عليا
الممرضه :
انا اسفه يا استاذ سيف على عدم اهتمامي بالاستاذه كارما
سيف :
تمام ماشي انا اللي اسف علي الطريقه اللي كلمت حضرتك بيها .
الممرضه :
لا ولا يهمك بعد ازنكو
كارما :
هو ايه اللي حصل
سيف :
ما كل ده كان بسبب حضرتك يا هانم
كارما :
ليه انا عملت ايه
سيف :
خفت عليكي لما صحيت من النوم و ما لقيتكيش موجوده علي السرير قوم اجري اشوف انتي فين وللاسف زعقت مع الممرضه
كارما :
زهقت من الغرفه ف قولت اقعد هنا شويه
سيف :
كنت عرفيني عشان مقلقش عليكي
كارما :
انت كنت نايم مردتش اصحيك بس مش اكتر
سيف :
تمام ماشي بس بعد كده صحيني تمام
كارما : تمام حاضر
********************
قاعدين نتكلم وما حسيناش بالوقت كان الهوا جميل والقمر طالع ومنور المكان كان الجو حلو قوي وكانت ساعات جميله جدا عمري ما هنساها فضلنا نتكلم ونضحك لحد اما حسينا ان المكان فاضي علينا وفجاه جت الممرضه وبتقول لنا قوموا بقى كفايه كده خالص شويه الفجر هياذن ما كناش مصدقين لحد اما سيف فعلا مسك تليفونه وبص فيه ولقينا فعلا ان احنا بقينا الساعه 3:00 الفجر بجد ما حسيناش بالوقت كان امتع وقت عديت بيه في حياتي اول مره احس اني مبسوطه كده واللي مش عايز الوقت ده ينته مع انه للاسف انتهى بسرعه جدا المهم قومنا وسيف زقني بالكرسي وطلعنا الاوضه وسندني ونمت على السرير كان اجمل وقت نمت نوم عميق جدا ما حسيتش بنفسي وثاني يوم .