رواية قسوت علي فاتنتي الفصل الحادي عشر11والثاني عشر12 بقلم سحر السحرتي
:اخوك ماضي على نفسه ليا وصل أمانة بمبلغ كبير ويا الدفع يا الحبس
: وانا مالي
:بجوازك مني هتمنعي حبسه
ضحكت بسخرية واستهزاء منه :والله فاكرني ممكن اضحي بنفسي وافديه واتجوزك خليه يتحبس هو كان عملي ايه هو مسؤول عن نفسه او خلي البرنسيسة خطيبته تقف جمبه زي ما هو قارفنا بانها واقفة جمبه اكيد هي اللي ورطته
:اذا ما وافقتيش عشان السبب ده في سبب تاني هتوافقي عشانه
:مفيش قوة على الأرض تخليني اوافق
: ده حكم من المحكمة بالطرد لامتناعكم عن دفع الايجار لكام شهر
:ازاي ماما بتدي على الفلوس قدامي عشان يدفعهم
:اساليه وداهم فين
: وانت طبعا رفعت قضية واخدت حكم من غير ما نعرف
:طول عمرك عبقرينو
:هطعن بالتزوير ان ما وصلش اي اعلان لينا
:الحكم هيتنفذ على ما تطعني السؤال هنا لو طنط استحملت الطرد هتستحمل ان ابنها يتحبس
:عايزة افهم الحكمة من أن أشباه الرجال امثالك بيحس بايه وهو بيجبر الست تتجوزه غصب عن ارادتها ... هتبقى مبسوط
:جدا كفاية اني هاخد اللي حبتها طول عمري
:وهي ملهاش حقوق هتبقى مستريح وانت شايف في عنيها نظرة الكره والاشمئزاز منك
: انا هعرف اغير كل ده بعدين
:مستحيل لما تفقد الاحترام في عين المرأة بيرجع تاني
:مهما تقولي مش هتنرفز انا دلوقت في مركز قوة
بقلمي سحر السحرتي
:والمطلوب مني دلوقت
:نتجوز
:امتى
:بكرة
:لا اديني يومين ونسخة من حكم المحكمة
:عايزة تسألي خدي وقتك بس اخرك معايا اخر الاسبوع بعد ٥ ايام
:اتفقنا ماما ما تعرفش حاجة عن الاتفاق ده
:وماما برضة
:ايه ده انت خايف منها يعني ممكن توقفك عند حدك
:لا هتزعل مني وانا هنفذ مهما حصل مفيش قوة هتمنعني اتجوزك
: يا زين ما ربت
:بيتهيألي كفاية غلط ادي نسخة من الحكم
*ذهبت فتون إلى محامية الشركة واستشارتها وعلمت أن كلام حسام صحيح وان تاريخ الطعن أيضا انتهى
*خرجت من عندها وهي تبكي قابلها نعمان
: فتون مالك
:دي دموع الفرح
:فرحينا معاك
:كتب كتابي يوم الخميس تسمح تبقى وكيلي
: قوي قوي انت زي بنتي وهديلك اجازة كمان
: مالوش لزوم ده كتب كتاب بس
*قام نعمان باحتضان فتون التي بكت بحرقة داخل حضنه
*صدم أدهم عندما رأي نعمان يحتضن فتون وهي تبكي
بقلمي سحر السحرتي
:تعالى يا أدهم بارك لفتون كتب كتابها يوم الخميس
:معقول
:الناس بتقول مبروك
:مبروك يا فتون تعالي معايا المكتب عايزك
*ذهبت معه:ايه اللي سمعته ده وقبل ما تتكلمي دي مش دموع واحدة فرحانة
:اكيد مش دموع واحدة فرحانة انت بتستهون بشعوري آني اتجوز وبابا مش موجود وما كمل سنة
: ومستعجلة ليه
:ظروف
: اقدر اعرفها
:اكيد لا حابب تحضر مع مستر نعمان اتفضل انا مش هعزم حد غير اياد يبقى شاهد وجهاد تقف معايا
:اكيد هحضر متاكدة انك مش محتاجة اي مساعدة انا موجود اخ لك
:متشكرة يا أدهم
*عادت إلى المنزل وصعدت لحسام تبلغه موافقتها
سميحة: ادخلي يا حبيبتي
: شكرا يا ديحة بس كنت عايزة حسام في كلمتين
:طيب ادخلي هتكلميه على السلم يا حسام تعالى كلم فتون
*اسرع إليها وكله سعادة
:يا بختك كان نفسي ابقى في نص سعادتك دي
سميحة:ربنا يسعدك يا حبيبتي هدخل اعملك حاجة تشربيها
حسام: اقعدي هاه نويتي على ايه
:تفتكر هكون طالعة ارميلك مفتاح شقتك مجبرة اوافق بس ليا شرطين
بقلمي سحر السحرتي
:اومري
:تكتب عقد ايجار للشقة باسمي لمدة طويلة وانك استلمت الايجار لمدة سنة قدام
:ليه ما انا ممكن اكتب الشقة تمليك باسمك
:مش عايزة حاجة منك بس عايزة اضمن ان امي ما تترميش في الشارع وهدفع الايجار ما تقلقش
:هو في فلوس بين الراجل ومراته
:لما يبقى راجل
: هعديها لك والشرط التاني
: هتديني وعد ولو اني اشك انك تلتزم بيه انك مش هتقرب مني الا بموافقتي
:ما انت ممكن ترفضي العمر كله
:لا شوية وقت اتعود عليك واتاقلم على الجواز بالاكراه ده
:لا اذا متجوزاني غصب عنك بلاش
:يا ريت ينفع بس انت فاكر اني موافقة وراضية بواحد زيك بيستغلني ويستغل ان امي مريضة ومفيش عندي استعداد اخسرها زي ما خسرت بابا
: ما انا طلبت بالرضا كام مرة وانت اجبرتيني الجا للاسلوب ده
: اللي حصل حصل اكيد رايك زي ما هو ولا هيتغير
: أي حاجة هتقربني منك هعملها وتبقى ملكي
:ملكي هو ده اللي انت عايزه ابقى ملكك مش مراتك عموما انتهينا
بقلمي سحر السحرتي
*كانت تتحدث بآخر كلماتها والدموع تنساب من عينيها بعد أن قاومت لكن دون عن ارادتها تغلبت عليها وانسابت
:كتب الكتاب الساعة ٧ يوم الخميس انزل اطلبني من ماما وبلغ على ما يحضرش عندي الوكيل والشاهد
: مين
: مستر نعمان صاحب الشركة واياد زميلي
:أدهم مش جاي
:يمكن ايه علاقته بالموضوع
: لازم يحضر ويتاكد انك ليا
: انت مريض نفسي أدهم خارج الاتفاق هو مش أكثر من زميل وأخ زي اياد ما تنساش عقد الشقة يبقى معاك الخميس انا نازلة
: استني بالنسبه لشرط اني ما اقربش ده بشكل عام ولة علاقتنا كزوج وزوجة بس
*احمر وجهها : مش فاهمة
: قصدي من حقي اخدك في حضني بعد كتب الكتاب امسك ايدك ابوسك مسموح
:لا
:يبقى الاتفاق ملغي انا كدة هكون ما عملتش حاجة
*كادت أن تصرخ لكن تكلمت بحدة وعصبية حتى لا تسمعها سميحة : كفاية إجبار لحد كدة هستحملك لامتى اكيد هبقى مش طايقة لمسة ايدك
: هو ده اللي عندي
*بكت بحرقة : ارجوك بلاش كدة هموت بالبطئ
:يمكن لو دخلتي حضني تحسي بحبي
:استحالة محدش يدخل جهنم ويحس بحب
: هو ده شرطي زي ما انت اشترطي
:أغمضت عينيها وتماسكت وعصرت قبضت يدها : موافقة
*نزلت والدموع تملاء عينيها كانت سميحة تستمع لهم وصدمت من أفعال ابنها خرجت له بعد أن نزلت فتون
:ماسك عليها ايه يا حسام خليتها توافق
:انت سمعتي طبعا لانك ما طلعتيش من جوة و قبل ما تحلفي وتتوعدي مفيش قوة هتبعدني عنها بعد ما وافقت
:ايه اللي خلاها توافق يا حسام يا ابن بطني
:هحكيلك
*طرقت فوق صدرها: يا لهوي انا ربيتك تعمل كدة دى تفكير شيطاني عمره ما يطلع منك
:اهو طلع وهو ده اللي وصلني ليها
؛لا ما اصدقش جوازك منها حرام
:ليه بتحرميه هي وافقت
:مجبرة وافقت مجبرة بسبب مرض امها اللي ممكن تروح منها في اي لحظة بتاجر بموت امها
:ما تكبريش الموضوع وافرحي لابنك الصغير اخر العنقود هيتجوز
:مش هحضر الجريمة دي
:انت حرة لو مش حابة تحضري عشاني احضري عشانها انت عارفة بالموضوع تقفي جمبها اكيد هتبقى محتجالك
:انت اتبدلت كدة ازاي انا السبب دلعي هو اللي عمل فيك كدة
:ادعيلي ربنا يوفقني
:ربنا يهديك وترجع عن اللي في دماغك
بقلمي سحر السحرتي
*في اليوم التالي نزل حسام إلى كريمة كي يطلب منها يد فتون ويحدد موعد كتب الكتاب
:ومستعجل ليه يا حسام بدري قوي يوم الخميس
:انا ما صدقت أنها وافقت انا مستنيها توافق من يوم ما اتولدت
:هي بلغتك أنها موافقة
:اه وهنعمل حاجة على الضيق
:كان نفسي اعمل لها فرح كبير
:هي طلبت كدة لان عمي لسة ماكملش سنة بس انا هعوضها اوعدك
*لم يكمل كلامه ودخلت فتون من العمل
:تعالى يا فتون صحيح انت وافقتي تتجوزي حسام
*ابتسمت ابتسامة مصطنعة : انت عندك شك أنه بيكدب اه وافقت هو انا هلاقي راجل زي حسام باخلاقه دي
*فهم حسام ما ترمي اليه لكنه لم يهتم فاخيرا ستصبح زوجته
: طبعا حسام طول عمره راجل وواقف جمبنا
:طبعا وهيكرم بنت الراجل اللي اعتبره أبوه التاني
:مبروك يا حبيبتي انا كدة اطمنت عليك
:اطمني قوي طول ما انا مع حسام
:ياه واضح انك بتحبيه حب
:مش قادرة اوصفلك هدخل انام قبل الحب ما يولع في الذرة ايه يا حسام بايت معانا
: يا ريت لا بس هننزل نشتري مستلزمات كتب الكتاب امتى
:مستلزمات ايه انا هحضر بالاسود بابا لسة ما كملش سنة كفاية انك تعجيب الماذون
:عايزك تحسي انك عروسة
:الحصرة في القلب قصدي الفرحة في القلب تصبحوا على خير
*ها هي تمر الايام ويأتي يوم الخميس اتعس يوم في حياة فتون كانت تبكي من قلبها لاحظت كريمة حزنها
:انا عارفة يا بنتي بتعيطي ليه لكن ما تزعليش
*نظرت لها بخوف ورعب :عارفة من أين
: هو ده حال الدنيا لو كان موجود كان فرحلك قوي خصوصا انك هتتجوزي حسام هو كان بيحبه قوي
*فهمت انها تتحدث عن والدها فاستراحت:اه انا بعيط عشان كدة
*وارتمت داخل حضنها:اصله وحشني قوي لو كان موجود كان وقف لحسام
:يعني ايه كان وقف لحسام
:اقصد يعني وقف قدامه وسلمني ليه زي اي اب بيسلم بنته لعريسها انت مالك فهمتيها غلط اصلي عروسة بقى ومتوترة
*ثم ضحكت لتغير الموضوع: ايه مش هتقرصيني في ركبتي
:اخرصي انا لو لفيت الدنيا عمري ما الاقي زي ابوك
:عندك حق مفيش أبدا زي بابا هسيبك واروح اكلم جهاد اشوفها اتأخرت ليه لازم يعني تستنى جوزها وانت روحي اعمليله صينية المسقعة احسن اياد بيتوحم عليها قبل ما يسافر انا محضرة كل حاجة
:كويس انه هيلحق يحضر
*ليطرق الباب بنغمات عليه وتفتح فتون
:كركر فين الماذون اللي يكتب كتابك يجوزنا انا وهي
بقلمي سحر السحرتي
*امسكته كريمة من اذنه:هو انت تيجي حاجة جمب ضفر من عبده الله يرحمه
:الله يرحمه مات وسلمك الدفة بس هو كان بيمسكني من قفايا مش وداني
:اللي طولته جاي بدري ليه مش لسة في عروسة هتجهز
:جاي اقف معاك في المطبخ اتعلم المسقعة واطبخها لنفسي في الغربة ادخلي يا جهاد مع فتون وانا هدخل مع كركر اساعدها واتعلم منها
:مبروك يا طنط عقبال ما تفرحي باولادها
:وأولادك يا حبيبتي
:يلا يا كركر هترغي عندنا مسقعة لسة هتتعمل
فتون: تعالى يا جهاد ادخلي بس مش عارفة هنعمل ايه
:هتلبسي وتحطي ميك اب فين الفستان
: أي واحد اسود عندك
:اسود ليه
:شبه حياتي
:هو انا حاسة انك مش فرحانة ليه
:يمكن لان بابا مات وسابني
:او يمكن لأنك بتكدبي وفي حاجة تانية
:لا تانية ولا تالتة هي جوازة ولة أكثر
*طرقت سميحة الباب فتحت لها كريمة
:مبروك يا كريمة أخيرا هنبقى أهل بجد
:الله يبارك فيك يا حبيبتي بس بقولك انا حاسة ان فتون فيها حاجة وفرحتها مطفية بس هي كتومة ما تحاولي تعرفي منها في ايه
:ما انا عارفة معقولة انت مش عارفة
:عارفة ايه طمنيني
:فتون كانت متعلقة قوي بابوها ولسة مش مصدقة انه مات ما بالك وهي بتتجوز و هو مش معاها هي فين
:عندك حق جوة مع جهاد
*طرقت الباب ودخلت:ازيك يا جهاد معلش تساعدي كريمة شوية وانا هقعد مع عروسة ابني اقول لها الوصايا العشر
:حاضر يا طنط
*اخذتها سميحة بداخل حضنها : معلش يا حبيبتي لو اتاسف من هنا لسنة قدام مش هقدر اعوضك
*بكت فتون وأخرجت كل الم بداخلها :انت عرفتي
:اه سمعتك وواجهته بعد ما نزلتي اقدر اعمل ايه وامنع الجوازة دي
قسوت على فاتتني
حلقة ١٢
:ولا حاجة ابنك ماسك فيا ومتبت واللي خلاه يدفع الفلوس دى كلها لعلى يخليه ينفذ ومش هيهمه حياة ماما
:فلوس لعلى بتاعة ايه
: آمال انت عرفت ايه
:انه جاب حكم بطردكم من الشقة
:لو على كدة كنت اخدت ماما وقعدنا في الشارع دى لاوى ذراعي بحاجتين الشقة ووصل أمانة على كاتبه وممكن يسجنه وماما مش هتستحمل ضربتين مرة واحدة ابنها يتسجن وتطرد من شقة عمرها وذكرياتها مع بابا
:انا متأكدة ان ده مش تفكير ابني
:حتى لو مش تفكيره اهو وافق ونفذ والنتيجة واحدة
:انا همنع الجوازة دي باي شكل بس لما اخواته يوصلوا عشان يحضروا كتب الكتاب
:لا يا ديحة يبقى على السبب في موت بابا وانا السبب في موت ماما الدكتور ماكد عليا ما تتعرضش لاي انفعال بعد موت بابا وزعلها قوي عليه وهي بتحب حسام قوي و هتتصدم انه عمل كدة... ومش هتفرق حسام من غيره قلبي فاضي في كل الاحوال
:طب انا جبت لك فستان اسود شيك البسيه عشان خاطري وكمان امك ما تلاحظش حاجة وحطي شوية مكياج بسيط كدة في وشك احسن تحس انك متجوزة غصب دي لسة سألاني فيكي ايه
:حاضر
:انا هزغرد كام مرة عشانها برضة خلي الفرح يدخل قلبها ونشغل كام اغنية ترقصوا عليها بلاش نحسسها أنها في ميت
:اللي تشوفيه يا طنط
:انا وصيت حسام يعمل كام علبة شوكولاته توزعيهم على الناس اللي جاية
:مفيش حد جاي هو مستر نعمان وكيلي يبقى صاحب الشركة ووالد أدهم واياد شاهد وجهاد مراته
:هو على مش جاي
: لا قلت لحسام يبلغه اني رافضة وجوده هو سبب الورطة دي غير موت بابا واخد فلوس المكافأة كلها وصرفها على العقربة وهو عارف اني كنت بجمع فلوس اشعة ماما والدواء .... احنا ما لناش وجود في حياته بالتالي لازم يتحرم من وجوده في حياتنا يمكن يحس
:طب هندهلك جهاد تحطلك شوية مكياج وهساعد كريمة واضحكي قدامها بلاش تحسريها
:كل ده وحسرتها
:معلش احنا بنعمل كل ده عشانها
*دخلت جهاد وارتدت فتون الفستان الأسود كان جميلا ورقيقا
: لا يا فتون طرحة بيضاء معقول كله اسود في اسود وهحطلك مكياج بسيط
:حاضر لازم النهاردة اقول حاضر وبس
بقلمي سحر السحرتي
*حضر الضيوف والماذون والعريس الذي كان في غاية الوسامة يرتدي بدلة باللون الكحلي .... وعيناه غارقة في السعادة عندما رأي فتون بفستانها الرقيق وجمالها الخلاب الذي سلب قلبه وعقله كاد أن يحتضنها
سميحة:ايه استنى بعد كتب الكتاب مستعجل انت قوي
*دخلت هيام لتشمت في فتون وتراها وهي تتزوج بالغصب وقفت فتون أمام الجميع
: آسفة مش هكتب الكتاب
*تفاجأ حسام من قرارها وكاد أن يغضب ولكنه تماسك
:في ناس هنا في البيت غير مرغوب في وجودهم وطول ما هما هنا مش هتجوز
*فهم حسام ما تقصده وهدأت نفسه فقام ليتحدث مع هيام بهمس
:ارجعي على شقتك محدش عزمك
:هفضل عايزة اتفرج والا هقول اللي عندي كله
:مش هتقدري اعلان الطرد كان جمب اسم فتون اسمك انت كمان وانت استلمتي ووقعتي والحكم معايا غير وصل الامانة بتاع حبيب القلب كاتب فيه الشقة ضمان يعني ممكن اسحبها فامشي بالذوق
بقلمي سحر السحرتي
:بقى كدة طيب يا حسام انا غلطانة اني ساعدتك
: واخدتي حقك ما عملتيش حاجة لله
:ماشي انا هوريك
*خرجت وهي تحترق من الغضب كانت تظن أن فتون لن تجروء على طردها خوفا على صحة والدتها لم تكن تعلم أن كريمة لن تحزن على طردها وهذا ما كانت تدركه فتون
*قالت بصوت عالي حتى تسمعها هيام
:كدة نقدر نبدأ اتفضل يا شيخ سمعينا زغروطة يا ام العريس
*تعجب حسام من تصرفاتها لكنها كانت جميلة رغم حزنها الواضح في عينيها
*لم يحضر أدهم فهو لم يكن قادرا على رؤية فتون وهي تتزوج أحد اخر
*رسمت فتون السعادة على وجهها بعد انتهاء المأذون من عقد القران وخاصة عندما وجدت والدتها سعيدة وسمعت الزغاريد تملاء المكان
*استغل حسام وجود الجميع فقام بضم فتون إلى حضنه وقبلها من رأسها ثم من وجنتيها كان جسدها يرتعش من لمساته تظاهرت بالخجل وابتعدت عنه حتى لا يدرك أحد انه اشمئزاز منه بارك لها الضيوف واحتضنتها امها وحماتها
*دعت الضيوف إلى العشاء
*جلست تفكر ان بعد العشاء سوف يغلق عليها هي وحسام باب واحد فهل سيلتزم حسام بكلمته هل التزم من الاساس بكتابة عقد الايجار فقد نسيت سؤاله عنه قبل عقد القران لتقف وتنادي باسمه وتاخذه لتتحدث معه في البلكونة
: نسيت اسالك على عقد الايجار كتبته
:لا
*جحظت عينها وتحدثت من بين أسنانها حتى تكتم غضبها الشديد منه ولا يستمع لها أحد
: نعم ليه مش اتفقنا انت هترجع في كلامك
:لاني كتبت الشقة باسمك وكان نفسي اكتب العمارة كلها يمكن ترضي عني وتسامحيني
:لكن انا ما طلبتش منك ده بكدة هحس انك اشترتني
: ليه يا فتون انا بحبك اعتبريها مهر او شبكة انت ما طلبتيش حاجة منهم
:لو كنت اتجوزت طبيعي كنت طلبت واتشرطت كمان زي اي بنت لها حقوق لكن انت حرمتني من كل الحقوق بتاعتي انا هاخد العقد لغاية لما تغيره وتعمل المتفق عليه
:طب نتفاهم بعد الناس ما تمشي
: هنتفاهم ازاي وكل واحد هيبات في شقته
:لا انت النهاردة هتباتي في شقتك شقتنا فوق جمب شقة ماما
:احنا ما اتفقناش على كده انت وعدتني انك مش هتقرب مني
:اه وعدتك بس ما قلتش انك في شقة وانا في شقة
بقلمي سحر السحرتي
*كانت ترتجف من داخلها فتحججت
؛مقدرش اسيب ماما لوحدها انت عارف انها تعبانة
امسك يدها :سبيها النهاردة وهخلي ماما تبات معاها وبعدين نبقى نرتب هتبات ازاي تعالى بقى ندخل للناس
*سحبت يدها من يده وخرجت وهي أكثر قلقا
*بعد العشاء انصرف الضيوف امسك حسام يد فتون وقال
:كرملة عايزة حاجة هطلع انا وفتون شقتنا ماما هتبات معاك
:لا يا حبيبي خلي بالك منها وانت يا سميحة اطلعي نامي في شقتك انا هبقى كويسة ولو احتجت حاجة أنتم فوق مش بعيد
*سحبت فتون يدها من يد حسام:معلش اطلع انت هروق الشقة على السريع لان عارفة ماما مش هيجلها نوم واكيد صعب تعملها لوحدها ساعة وهطلع لو سمحت
*خلع جاكت البدلة وثنى أكمام قميصه وقال بابتسامة وحنية
؛نعملها سوا
ردت سميحة: لا انت ولا هي اطلعوا وانا هعملها
*وضع يديه على كتف فتون بحب :جرى ايه يا ماما راجل وهيساعد مراته ولة غيرانة وهتشتغلي شغل حموات من دلوقت
:ما تحاولش توقع بيني وبين تونة يا سوسة هي عارفة اني بحبها
:خلاص اطلعي فوق وانت يا كرملة ادخلي نامي واحنا هنخلي الشقة زي الفل
كريمة:سيبوها بكرة هعملها أنتم عرسان
:قدامنا العمر كله والشقة نظيفة مش هتاخد وقت وأيدي على ايد مراتي هنخلص بسرعة
بقلمي سحر السحرتي
*كانت تختلج فتون مشاعر مختلطة هل بداخله كل هذا الحنان ام ان قلبه ملئ بالقسوة لكن في هذه اللحظة رأت والدها وهو يساعد والدتها واحست بشعور غريب... وتحدثت
:خلاص هدخل البس حاجة مريحة وارجع بسرعة
*خرجت وهي ترتدي بيجامة برمودا قصيرة كات وترفع شعرها الأسود الناعم ذيل حصان كانت في منتهى الرقة والجمال
*لم يرى حسام شعرها منذ كانت صغيرة قبل أن ترتدي الحجاب ظل ينظر إليها وهو مشدود لجمالها وسارح قاطعت حبل أفكاره
: هو انت قلت هتساعدني ولة كان بق على الفاضي قدامهم
:لو تحبي ترتاحي واقوم انا بكل حاجة انا من ايدك دي لايدك دي بس انت تؤمري
:لا اتفضل ايدي بايدك عشان نلحق نخلص عايزة انام
*بدأوا بتنظيف الصالة ثم دخلوا المطبخ كانت فتون تغسل الاطباق وحسام يقوم بتجفيفها
*ترك حسام الاطباق من يده وحضن فتون من ظهرها وهي تغسل الاطباق وقبلها من عنقها واشتم رائحة شعرها ارتجف جسدها بشدة كاد الطبق ان يسقط من يدها وينكسر
: انت مكسوفة ولة خايفة مني
:مش متعودة
:بكرة تتعودي
:لو سمحت ابعد خلينا نخلص لاني تعبت
:احنا خلصنا خلاص البسي بقى عشان نطلع
:هو احنا لازم نطلع ممكن كل واحد ينام في بيته
:بس فوق بقى بيتك
قالت بعصبية : يعني مش هينفع اختصار للكلام هروح البس الاسدال وجاية
*امسك يدها بقوة