رواية قسوت علي فاتنتي الفصل التاسع9 والعاشر10 بقلم سحر السحرتي
*غضب والده وصرخ : العمر ده كله ومربي واحد حرامي معايا في البيت
*صرخ على بنفس الحدة : انا مش بسرق ده حقي انا عايز اتجوز وانتم رافضين تساعدوني
:انت بتزعق فيا يا كلب
*قام بصفعه على وجهه : طب انا مش موافق على الصايعة اللي انت ماشي معاها وعمري ما هجوزك لها ويا احنا يا هما
: يبقى هما هي واقفة جمبي وبتساعدني ومستحملاني
كريمة: في ايه بتزعق كدة ليه يا عبده
:شوفي ابنك الحرامي بيسرق دهبك وبيبعنا ويشتري واحدة رخيصة
*صرخ على بشدة: ما اسمحلكش تقول عليها رخيصة دي أشرف من بنتك اللي ماشية مع كل واحد شوية
بقلمي سحر السحرتي
*امسكه من قميصه وصفعه
:امشي اطلع بارة بيتي ما تدخلش هنا تاني
*امسك صدره في اتجاه قلبه وبدأ في الترنح حتى سقط صرخت كريمة باسمه أسرعت فتون تصرخ
: بابا في ايه أجيب الاسعاف
والدها: شكلي مش هلحق خلي بالك من نفسك و من امك أنتم دلوقت بقيتوا لوحدكم من غير راجل فكرت اني خلفت سند لكم
: يا بابا متقولش كده هطلب الاسعاف
*قبل أن تجيبها الاسعاف نطق الشهادة وصعدت روحه إلى خالقها صرخت فتون بكل قوة
: بابا لااااا يا بابا ارجع مقدرش اعيش من غيرك
بقلمي سحر السحرتي
*سمع حسام وسميحة صراخها أسرعوا وطرقوا الباب بعنف فتح على وهو يبكي
حسام: في ايه فتون بتصرخ ليه
:بابا مات يا حسام
*خرجت فتون وامسكت بياقة قميصه : انت السبب انت اللي قتلته وحرمتني منه مش مسمحاك اطلع بارة زي ما قالك روح للي قتلته معاك
*امسك يدها وصفعها بقوة
:اخرصي انا دلوقت راجل البيت وما اسمعكيش تغلطي فيها دي هتبقى مراتي
: راجل قوي تقتل ابوك وتضرب اختك
*امسكه حسام لم يحتمل أن يراها تضرب من قبل اخوها
: على فوق ما تمدش ايدك على اختك مش وقت خناق دلوقت امشي قدامي نخلص إجراءات الدفن
*عندما سمعت فتون كلمة دفن أدركت أن وجود والدها انتهى لم تحتمل وفقدت الوعي وهي تقول دفن وقبل أن تسقط حملها حسام ووضعها فوق السرير
*شعور بالحزن لفقده والده الثاني وشعور بالسعادة لأنها بين يديه وفي حضنه لكنه وضعها بسرعة قبل أن يتهور وأسرع لإنهاء الإجراءات
*حالة من الحزن والصمت ملأت المكان اتصل حسام على اياد لإرسال جهاد و سيرين أقرب اصدقاء فتون ليقفوا بجانبها
*صدم اياد وحزن كثيرا واتصل على كل اصدقائها الذين اسرعوا للوقوف بجانبها
*لم تنطق بكلمة هي او والدتها كانت دموعهم تنطق بكل شئ مرت ايام العزاء واقنع زملاء فتون ان عليها العودة للجامعة والدراسة والنجاح بتقدير كما كان يحلم والدها
*لم تكن تتحدث مع أخيها لكن امها لم تستطع فهو في النهاية ابنها
*بعد ثلاث اسابيع كان على يجلس مع هيام
:خلاص بقى يا على الحي ابقى من الميت وانا عملت اللي عليا واستنيتك ان الاوان تخطبني
:دلوقتي بابا لسة ميت
:هو لو كان عايش دلوقت كان هيفرحلك انك بتكمل نص دينك وهو ميت كمان هيحس بيك فرحه في قبره وكمل خطوبتنا
:خليها حتى بعد الاربعين
:مش هقدر ماما مصرة على العريس وبالعافية قدرت اسكتها الفترة دي بعد يومين يا تجيب الشبكة و تيجي تخطبني يا اما هو اللي هيجي
:حاضر هروح افتح الموضوع مع ماما
:ولو رفضت تعالى وانا هكلم ماما توافق من غيرها عشان تعرف انا واقفة جمبك ومتمسكة بيك قد ايه
بقلمي سحر السحرتي
*ذهب على ليفاتح امه في موضوع زواجه
:شوف يا ابني اختك كانت صح لما قالت انك قتلت ابوك واخر كلامه قبل ما يموت انه رافض جوازتك دي وطردك لكن انا ما قدرتش اطردك لاني عارفة انك هتقعد في الشارع بس موافقة على جوازك من دي لا انسى وقبل ما تنطق حرف او تزعق وصوتك يعلى لانه لو على صدقني مش هتردد لحظة اني اطردك روح لهم لوحدك وهما هيوافقوا والدهب اللي سرقته خليه مش عايزاه
:يا ماما الحي ابقى من الميت انا هرضي ربنا وأكمل نص ديني وهي طلباتها مش كتير
:الكلام دلوقت بلا فايدة ليك وليا ورجلها ما تدخلش بيتي مفهوم اتفضل
*قامت من جلستها ودخلت غرفتها وأغلقت الباب
*بعد يومين تعالت الزغاريد والاغاني في شقة هيام وعند عودة فتون من عملها سمعتهم
بقلمي سحر السحرتي
*دخلت شقتها وهي توجه الحديث لامها:ناس ما عندهاش دم ولا احساس مفيش مراعاة أن جمبهم حاله وفاة
*تجد أمها تتنفس بصعوبة :ماما خير يا حبيبتي مالك
:أبدا كرشة نفس وهتعدي
:هي حصلت قبل كدة
:لا شوية وهبقى كويسة
:فين على يطلب الدكتور
:بيخطب
:ايه هو علي اللي جوة والزغاريد دي عشانه وبابا ماكملش شهر
:اه كان عنده حق لما قال انه سايبنا من غير ظهر
*طرقت سميحة الباب ومعها حسام
:كويس يا طنط انك جيتي خليكي مع ماما هنزل اجيب لها دكتور وارجع بسرعة
:آمال فين على
:عند الناس اللي جمبنا بيخطب كانه يتيم وأبوه ماكملش شهر
:طب استني حسام ينزل يجيب هو الدكتور
:شكرا كفاية تعبه وقت الجنازة
:روح معاها يا حسام
:مفيش داعي يا طنط
*همست في اذنها:مامتك مش مستحملة ولو عرفت حاجة من اللي حسام عملها هتتعب بزيادة انسي اي خلافات دلوقت المهم صحة كريمة
:حاضر
*ذهبت معه لإحضار الطبيب لم يستطع أن يتحدث معها ويعتذر فقد كان الوقت غير مناسب وهي أيضا لم تنظر له او توجه له اي كلام
*حضر الطبيب وكشف على كريمة وخرج واخبرهم أنها تحتاج لأشعة وتحاليل لياكد التشخيص وعليها الابتعاد عن اي انفعال
*رفضت كريمة عمل الاشعة والتحاليل فحالتهم المادية لم تعد جيدة بعد وفاة زوجها
*اضطرت فتون ان تبحث عن عمل اخر في أحدى المطاعم لتستطيع توفير ثمن العلاج والاشعة لوالدتها
*لاحظ حسام تأخرها المستمر كل يوم فسأل والدتها وعلم أنها تعمل بداخل أحد المطاعم الكبرى فقرر أن يطلب يدها من والدتها
: انا موافقه يا ابني بس انت عارف انها بتعتبرك اخوها
:طب تسمحيلي اما ترجع اقعد واتكلم معاها
:اتفضل
*عادت فتون من عملها وجدت حسام في انتظارها
:تصبحي على خير يا ماما تعبانة وداخلة انام
:تعالي يا حبيبتي حسام عايزك في كلمتين هحضر لك العشاء على ما تخلصوا
:نعم
:انا طلبت ايدك من ماما
:احنا مش كنا قفلنا السيرة دي وأبيه أحمد وأبيه مصطفى وعدوني انك هتبطل تتعرض لي
: انا عايز اريحك من الشغل وتبقي مسؤولة مني انت و طنط
: هو انا اشتكيت لك او طلبت منك مساعدة
: من غير ما تطلبي انت بنت الراجل اللي وقف جمبنا واحنا صغيرين
:واضح وجميله رديته في الرحلة واتهجمت وضربت بنته كثر خيرك
: انا اسف بحاول من يومها اعتذر وانت ولا معبراني لما تشوفيني في الأسانسير بتنزلي على السلم وغيره كثير
:ده اقل واجب اعمله مع واحد زيك
:زيي يعني ايه
:افهمها زي ما تفهمها ولو هي بمعنين اختار الاسوء
بقلمي سحر السحرتي
*تملكه الغضب ووقف من جلسته
: ايه ناوي تمد ايدك عليا تاني لسة بترد باقي الجميل
:انت ليه كدة بتعملي فيا وفيك كدة ليه
:انا مش بعمل حاجة انا بواجهك بالحقيقة انت عايز تتملكني وبس قلبك قاسي مفيهوش حنية وانا طول عمري عايشة على الحب والحنية في بيتنا
:بايدك تخليني شخص تاني
:اللي فيه طبع فارحمني وارحم نفسك وانسى ان في واحدة اسمها فتون... يا ماما حسام عايز يسلم عليك قبل ما يمشي
*خرج وعلامات الغضب عليه لمحته هيام فقررت ان تقوم بخطة يحصل هو على فتون وتستفيد من وراء ذلك
قسوت على فاتتني
حلقة ١٠
*علم نعمان من اياد ان فتون تعمل في أحد المطاعم وليس لديها وقت الان ان تستذكر لادهم فذهب إلى المطعم كأنها صدفة
:فتون بتعملي ايه هنا
:مستر نعمان أهلا بشتغل
:طب ايه رايك عندي لك عرض شغل احسن من هنا هيكون وقت ومجهود اقل وراتب اعلى
:اسمع حضرتك
:ايه ده غيرك كان وافق من غير ما يسمع
: لو مناسب مش مجرد مساعدة اكيد هوافق
:انت كنت بتدربي ٣ ايام عندي صح
:صح ولسة متمسكة بالتدريب
:هيكونوا ٣ ايام تدريب وال ٣ ايام التانية تشرحي لابني المنهج وتذاكريله برضة في الشركة نفس عدد ساعات التدريب ولك مرتب مغري ولو جاب تقدير لك مكافأة كبيرة
: بس ابن حضرتك ممكن يعطلني لو في سنة غيري
: لا معاك وزميلك وتعرفيه
:ازاي
:هحكيلك
*وأخبرها كل شيء عن أدهم
:انا مش بطلب منك انا برجوك تقفي جمبه يخلص اخر سنة بدل ما يرجع لحالة الضياع
:حضرتك زي والدي ووقفت جمبي في الشركة كثير ووجهتني ونصحتني انا هقف جمبه من غير فلوس كل يوم جمعة هشرحله بس هفضل اشتغل هنا لاني بكره المساعدة والشفقة
: دي مش مساعدة انا لو جبتله مدرس في البيت هياخد فلوس انت اولى بيها كانك بتديله درس خصوصي اريحلك من الشغل هنا انت هتلتزمي قدامي انك تشرحيله المنهج كله وتواظبي على ساعات الشرح يبقى شغل باجر ولة مساعدة انت الاول كنت بتعمليها جدعنة دلوقت باجر ... وهخليك تذاكريله في الشركة لان بقى صعب دلوقت في البيت بعد والدك الله يرحمه ما مات وممكن اخوك ما يبقاش في البيت
:هاخد رأي ماما وارد على حضرتك
بقلمي سحر السحرتي
*في منزلها روت لامها كل شئ
:وافقي يا بنتي بدل وقفتك طول الليل ورجوعك متاخر وهتبقي في الشركة كل يوم بدل ٣ ايام واهي برضة هتبقى مذاكرة لنفسك
:بس هو كان مخبي عليا ليه انه ابن صاحب الشركة
:ما الراجل شرحلك وعنده حق عايزه يحس بالنعمة ويصلح حاله
:خلاص هبلغه بالموافقة بكرة
*في مكتب نعمان ابلغته فتون بالموافقة بدوره أبلغ أدهم وفي اول جلسة لهم سويا
:فتون فاكرة اخر حوار بنا في الرحلة
:اه ماله
:لقيت ان عندك حق انا كنت معجب ومشدود لشخصيتك لانها جديدة عليا ينفع نبقى اخوات
:اكيد بس عرفت من أين ان عندي حق
: الفترة اللي غبتي عننا بسبب وفاة والدك ما وحشتنيش ما حسيتش اني عايز اشوفك قلت الحب اشتياق ولوعة
: انت بقيت تلميذي النجيب كويس انك قلت الكلام ده ريحتني في التعامل معاك هكون على حريتي وكنت هخاف اي حاجة تتفهم غلط
:لا خدي راحتك لاني حسيتك قلقانه
: طب ركز معايا لاني مضطرة اخلص بدري ماما عندها معاد مع الدكتور
:سلامتها تحبي اوصلكم
:بايه لما تبقى ترجعلك عربيتك مش هركب معاك برضة ههههه
بقلمي سحر السحرتي
*ذهبت إلى الطبيب بعد أن دبرت مبلغ الاشعة والتحاليل
الدكتور:لا ماما زي الفل ما تقلقيش هيا تقعد بارة مع الممرضة وتعالي اشرح لك طريقة الدواء
:خير يا دكتور خرجتها ليه
:حالة القلب حرجة بلاش تتعرض لاي مجهود او انفعال والا هتضطر لعمل عملية نجاحها مش مضمون هنمشي على العلاج والراحة والشفا من عند ربنا
:حاضر هريحها
*جلست ام هيام مع على
:شوف يا على انت عارف ان كان متقدم لبنتي عريس جاهز واحنا فضلناك عليه
:عارف يا طنط
:لا طنط ايه قول يا ماما احنا بقينا اهل انا مش طالبه كتير كل اللي انا عايزاه شقة تمليك كبيرة او صغيرة اللي تقدر عليه انت شايف المرمطة كل شوية من ايجار للتاني كل اللي طلباه أنها تستقر
: من أين يا طنط انت عارفة ظروفي
:في شقق دلوقت بالتقسيط يعني اللي هتدفعه ايجار تحطه قسط وفي الاخر الشقة هتبقى ملكك
:حاضر يا طنط هدور
:قلنا ماما تعالي يا هيام اقعدي مع خطيبك
:مالك مبوز ليه
: انت شايفة مامتك شقة تمليك ايه اللي هجيبها مش قلتي هتستحملي ظروفي
:ما هي قالت بالتقسيط وقالت حتى لو صغيرة هي بتحبني وعيزاني أستقر بدل البهدلة غلطت
:وهجيب المقدم من أين
بقلمي سحر السحرتي
:اقولك انت قربت تقبض مكافأة نهاية الخدمة بتاعة والدك وكمل الباقي من حسام... حتى لو تكتبله وصل أمانة وانتم اصحاب عمره ما هيضرك
:بس المكافأة مش بتاعتي لوحدي ماما وفتون لهم نصيب
:ما تستلف نصيبهم هيستخسروها فيك وهيعملوا بيها ايه
:طب و حسام ما بيحبش يسلف حد
:جرب تطلب منه وانا متأكدة انه هيوافق انت مش صاحبه بس انت اخو البنت اللي بيتمناها واكيد مش هيزعلك
:هكلمه اما استلم المكافأة
*انتظرت هيام في الشرفة إلى أن يصل حسام لتتحدث معه وتخبره بخطتها وصل فعلا فانتظرت حتى صعد في الأسانسير وفتحت الباب
: طالعة ولا نازلة
: لا انت اللي نازل هنا اتفضل عيزاك في كلمتين مهمين لك
: مفيش بنا كلام انا وانت
: ولو قلت لك على الطريقة اللي تقدر تتجوز بيها فتون غصبن عنها
:ازاي
:اتفضل جوة مش هينفع على السلم الحيطان لها ودان
*بعد أن دخل وجلس: سامعك
:دلوقت على محتاج مبلغ عشان يجيب شقة تمليك نتجوز فيها هيجي يستلف منك
:بس انا مش بسلف حد
: لا هتسلفه ويكتب لك وصل أمانة بالمبلغ أظن كمان من يوم موت والده هما ملبوخين ومحدش دفع الايجار هتستنى المدة القانونية وترفع قضية طرد وتعمل العنوان عليا .... وانا هستلمه وتاخد حكم بالطرد انت كدة مسكتها من ايدها اللي بتوجعها يا توافق على الجواز يا اما تطردهم وتسجن اخوها
:تفتكري هتوافق
:طبعا لان على قالي ان والدتها دلوقت تعبانة وممنوعة من اي انفعال يوم ما يصدر حكم الطرد تاخد البوليس بايدك اليمين والماذون بايدك الشمال
:وبعدين
:وبعدين ايه يا تتجوزك يا تلم شنطة هدومها هي وامها وفي الشارع
:انت مش سهلة ربنا يكون في عون على
:غلطانة اني بساعدك
: اكيد في مقابل
:المبلغ اللي يطلع من ذمتك
:اتفقنا فاضل شهر والمدة القانونية تخلص تكون فتون خلصت امتحانات بس الكلام يفضل بينا
:يعني لو على عرف هيعمل ايه
:على رايك اول ما تستلمي الإعلان الفلوس هتوصلك
*مرت الايام على فتون بين الجامعة والشركة
بقلمي سحر السحرتي
*واستلم على أموال مكافأة والده وزور توقيع والدته وأخته واستلف المال اللازم من حسام وكتب له وصل أمانة
*نصحه حسام انه اذا أرادت هيام ان يسجل الشقة باسمها فعليه الا يفعل
:ليه بتقول كده
: اسمع كلامي انا صاحبك لان لو حصل حاجة هتلاقي نفسك في الشارع
: طب اعمل ايه لو أصرت
:اكتب لها عقد مزور لو طلعت كويسة بعدين انقلها باسمها لو طلعت استغلالية اديك مأمن نفسك
: لا هيام ما تعملش كدة
:مافيهاش حاجة تاخد احتياطك وتامن نفسك
*وافق على واخذ بنصيحة حسام هذه المرة لا يدري لماذا
*تم تعيين فتون في الشركة هي وجهاد واياد
*قرر اياد ان يتزوج جهاد في منزل والده ويسافر يعمل بفرع الشركة بالخارج حتى يستطيع تأسيس شقة خاصة به ووافقت جهاد
*حاولت سيرين بكل الطرق مع أدهم لم تجد طريق إلى قلبه فياست و ابتعدت
*ظهرت النتيجة وذهب حسام ليبارك لفتون وطلب من والدتها ان يجلس معها بمفردهم عدة دقائق فوافقت
:انت بتطلب من ماما اني اكلمك لأنك عارف ومتأكد انك لو طلبت مني هرفض
:هما كلمتين اسمعيهم وابقي ارميهم في أقرب سلة زبالة
: ولما هما هيترموا في الزبالة لازمتهم ايه
: ابقى عملت اللي عليا واديتلك حرية الاختيار
:اختيار ايه
:انك تتجوزيني او لا
:هو المقرر ده مكتوب علينا كام سنة
:دي اخر سنة
:كويس احسن زهقت اصله مقرر بايخ وتقيل على قلبي قوي
:اسمعي وركزي كويس في اللي هقوله
: ما انا سمعاك مجبرة انجز