رواية قسوت علي فاتنتي الفصل السابع7والثامن8 بقلم سحر السحرتي
*ذهب حسام مع فتون وصديقتها وكاد أن يتحرك بجانب فتون
: آسفة يا حسام احنا مش بنمشي كابلز احنا بنمشي البنات مع بعض والشباب مع بعض
*غمرت السعادة قلبه : فاهم بس هتمشى معاك لغاية لما اقابل الشباب يرضيكي امشي لوحدي الناس تقول عليا بعاكسكم وهنا صعايدة ممكن يطخوني يابوي
*ضحكت جهاد: لا ما يصحش أبدا دى انت طلعت لذيذ آمال كنت متنشن ليه يوم العزومة
*لتستمع بصوت من خلفها :هو مين ده اللي لذيذ
: سي عبد العال انت جيت دى انا بتكلم عن السوداني الاسواني
:اه بحسب طب اتفضلي معاهم قدام ازيك يا حسام تعالى معانا وصلت امتى
: الحمد لله ازيك انت يا اياد... لسة واصل مع على
:امال هو فين دى واحشني
: هيطلع الشنط ويحصلنا
*زاروا المعبد وبعد الجولة ذهبوا لتناول الغداء فاقترح حسام ان يعزمهم اعترضت فتون
: لا كل واحد بيدفع حسابه احنا متعودين على كدة
*تغير وجه حسام لاحراجها له أمام اصدقائها فارادت ان تحسن الموقف
: بس لو مصر ممكن تعزمنا نركب حنطور بعد الغداء
*تغير وجهه للسعادة فقد شعر أنها احست به ولا تريد أن تحزنه
*طلب كل منهم صنف من الطعام الذي يشتهيه اختار حسام مثل فتون ولاحظ حسام نظرات أدهم لها لكنه اطمئن لان فتون كانت مندمجة مع صديقتها وتخطف منهم الطعام
اياد: بما اننا متجمعين حابب اقول خبر حلو اول ما هنرجع هطلب جهاد ونعمل خطوبة على الضيق كدة وكلكم معزومين
حسام: مبروك وليه على الضيق عندي الروف كبير وموضبه ممكن تعمله عندنا
تحدثت فتون بفرحة : صحيح هو موضبه حلو قوي وحسام جدع يا اياد وقد كلمته ومش بيفتحه الا للناس العزاز
: فكرة حلوة شكرا يا حسام واهي كركر وبودي يحضروا عقبالك
*فرح حسام جدا ان فتون تمدح فيه أمام اصدقائها فقال
: انا واللي في بالي
*ونظر لفتون التي بدورها نظرت لجهاد حتى تخفي خجلها
:مبروك يا دودو فرحت لك قوي
: عقبالك يا فتون
: لسة بدري لما اخلص واشتغل واثبت نفسي مش مستعجلة يلا بينا قبل حسام ما يهرب من عزومة الحنطور
: انت لسة قايلة اني قد كلمتي
*تحركوا لركوب الحنطور لكن واجهتهم مشكله انه لا يركب سوا كل اثنين فاقترحت سيرين ان يركبوا كابلز رفضت بشدة كل من جهاد و فتون
سيرين : وفيها ايه مش انت هتتخطبي لاياد
جهاد: قبل ما يبقى في حاجة رسمي لا عيب
فتون: خلاص يا جماعة بلاش نركب
*وجدها حسام فرصة: بلاش ليه جهاد و سيرين يركبوا مع بعض وادهم واياد مع بعض وانا وفتون بحكم اننا اخوات نقدر نركب مع
بعض
بقلمي سحر السحرتي
*تحمست سيرين وركبت قبل أن تعترض فتون وتفسد لهم النزهة
*اضطرت فتون ان توافق حتى لا تحرجه ثانية أمام اصدقائها وعندما ركبت معه طلبت منه أن يجلس أمامها وليس بجانبها فوافق اهم شئ عنده ان يكون معها
*لم يعترض اياد لكن أدهم ازداد غضبه ولاحظه اياد
: أدهم هو في حاجة مزعلاك
: ركوب فتون مع حسام في الحنطور شايفه عادي
: هما متربيين مع بعض وهي محترمة وقعدته قدامها عشان ما تحرجوش
*تحدثت فتون مع حسام في الحنطور: لو سمحت بلاش تحرجني تاني بالوضع ده
: ما تزعليش كان قصدي احل مشكلة ونتفسح وننبسط
: كان ممكن ننبسط بحاجات تانية .. ممكن طلب
: انت تؤمري
: تتكلم مع على وفهمه أن اللي بيعمله عيب وياريت توضح له ان هيام البنت الغير مناسبة له
: على بيحبها قوي وهي سالبة ارادته عمر الكلام ما هيجيب نتيجة معاه بس هحاول
*في ذلك الوقت لمحتهم هيام وهم يركبون الحنطور وأشارت إلى على
بقلمي سحر السحرتي
: شوف اختك اللي زعلانة اني جيت راكبة مع حسام طب ليه بتحرمه عليا اني اخرج مع الإنسان إللى بحبه
: واضح انهم اضطروا للتقسيمة دي زي ما انت شايفة و حسام قاعد قدامها والبنات في عربية والشباب في عربية خلينا في نفسنا ننبسط بلاش نكد
: يعني مش هتكلمها وتتخانق معاها
: لو كلمتها حسام هيزعل وهو والمتكفل بمصاريف الرحلة فهمتي
: يعني مش هتاخدلي حقي
: هيام انت بتحبي النكد لما نرجع هبقى اخد حقك اللي مش عارف هو ايه بالظبط
*لتصمت ولا تتحدث وتقرر الانتقام بمفردها من فتون التي تستهين دائما منها
بقلمي سحر السحرتي
*كان كل يوم في الرحلة من اسعد لحظات حسام فقد تقرب من فتون اكتر وهي كانت لطيفة معه لان اسلوبه تغير معها ... كان رقيق ويهتم بها ويحاول اسعادها واحس بتجاوب مشاعرها تجاهه خاصة أنها لم تعد تمانع ان يخرج معها او يشتري لها بعض التذكارات لتحتفظ بها من الرحلة
*كما أنه حدث معه موقف جعله يتأكد من تجاوبها عندما علق على ملابسها ذات مرة
*همس لها : هو مش البلوزة دي قصيرة على البنطلون
: البنطلون واسع وبابا هو اللي شاريلي الطقم ده
*تغير وجهه وصمت لم يستطع التحدث فاكملت
:انت شايف انه قصير قوي خلاص هطلع اغيره
:لا استنى اصله مخليكي قمر بس
*خجلت منه وجهها احمر : هغيره مش هتاخر
*كانت هذه علامة اسعدت قلبه جدا
*مرت ايام الرحلة كانت هيام تحاول باي طريقة انتهاز فرصة لتنتقم من فتون ووجدتها عندما طلب أدهم ان يتحدث معها بمفردهم
*ذهبت تبحث عن حسام وتبخ سمها في أذنه لكي يتهور فقد علمت مدى عصبيته وغيرته عليها من كلام على
بقلمي سحر السحرتي
*جلست فتون مع أدهم في تراس الفندق فهو مكان مفتوح وحولهم الناس
: خير يا أدهم
: خير بصراحه انا معجب بك وكنت عايز اتقدم لك ونعمل خطوبتنا مع اياد وجهاد
*ضحكت فتون ورأها حسام و كانت هيام تقف بجانبه وتصور له ان بينهم علاقة لتكمل فتون
: خبط لزق كدة هو انت متخيل انك معجب بيا ... لا يا أدهم انت بس حاسس بامتنان لاني وقفت جمبك وساعدتك تنجح لكنه مش حب صدقني ده وهم وكمان صفاتي وتفكيري تختلف تماما عن صفاتك وتفكيرك وعمرنا ما هنتفق ولا هنليق على بعض... دور كويس هتلاقي ان في واحدة بتحبك قوي وهتسعدك احنا مجرد اخوات مش أكثر من كدة
*امسك يدها محاولا أن يترجاها فسحبتها
:أدهم لو سمحت انا عمري ما ضحكت عليك دائما التعامل معاك كان باحترام وعمري ما لمحت ان في مشاعر من ناحيتك ارجوك خلينا نفضل اخوات
*تركته وذهبت
*كانت هيام قد أكملت بخ سمها في اذن حسام خاصة بعد محاولة أدهم لمسك يدها
*ركض حسام كالمجنون وراء فتون التي خرجت من الفندق وهي حزينة من تفكير وتصرف أدهم
*اتصلت على جهاد تبلغها أنها سوف تتمشى بمفردها قليلا
*ابتعدت عن الفندق وأصبحت في مكان شبه خال من الناس وجدت من يمسك يدها بقوة ويشدها اليه لمواجهتها كادت أن تصرخ لكنها توقفت عندما وجدته حسام ولكن تحدثت بحدة
: ايه ده انت اتجننت ازاي تمسك ايدي كدة
: هو حلو لغيري يمسكها ووحش ليا
: انت اكيد اتهبلت وبتقول كلام من غير ما تفكر زي عوايدك سيب ايدي
:مش هسيبها يا فتون انت ليا وقلت لك الكلام ده قبل كدة وعمرك ما هتكوني لغيري
: سيب ايدي بدل ما أصرخ والم عليك الناس وانت لو اخر واحد في الدنيا بعد اللي قلته واللي عملته عمري ما هتجوزك
:صرخي وصوتي محدش هيسمعك ولو سمعوك هقول خطيبتي زعلانة مني او ممكن اقول كنت بشقطها واختلفنا على السعر تحبي اقول ايه فيهم
*رفعت يدها كي تصفعه ولكنه امسكها بقوة وجذبها إلى صدره
:تحبي اخد دلوقتي اللي انا عايزه وبعدين تجري ورايا وتتحايلي على اتجوزك
:تعملها ما انت حقير وسافل وتخون الراجل اللي اعتبرك ابنه وصاحبك اللي اعتبرك اخوه
بقلمي سحر السحرتي
*افلت يدها وصفعها على وجهها
:انا مش سافل ولا حقير بس حبيت اعرفك انك مش قدي وان لو غضبي زاد هتصرف تصرفات تندمي عليها اول ما نرجع هطلبك للجواز وهتوافقي.
: اوافق على واحد زيك مد ايده عليا وضربني قبل اي ارتباط آمال بعد الجواز هتعمل فيا ايه ... عمري ما هوافق عليك الموت اهون على من اني اعاشر حيوان زيك
*صفعها مرة أخرى صرخت بكل قوتها وهي تقول
:انا بكرهك وعمري ما حبيتك وقلبك ده حجر ما يعرفش يعني ايه حب ... قلب كله قسوة وكراهية انت بس عايز تتملكني وصدقني عمري ما هديلك الفرصة دي
*همت لتتركه وتذهب امسك يدها مرة أخرى لكنها افلتتها منه وضربته بقوة في ساقه بقدمها
:اوعى تفكر تلمسني او تمد ايدك القذرة دي عليا تاني لان اللي بيمد ايده ويضرب ست بيبقى من أشباه الرجال
*تالم بشدة واستغلت ذلك وركضت وهي تبكي بعيدا عنه
*كانت تمشي وهي تبكي لا تعرف لمن تشتكي واحست أنها بلا ظهر وسند فاخيها لن يتعارك مع حسام من أجلها لخدمة مصلحته الخاصة ووالدها قد يموت اذا عرف بما فعله من يعتبره ابنا لم تجد سوى
قسوت على فاتتني
حلقة ٨
لم تجد فتون سوى سميحة والدة حسام لتبعده عنها اتصلت عليها وهي تبكي وشهقاتها تعلو اكتر وأكثر
: خير يا بنتي بتعيطي ليه كده مين زعلك .... ردي عليا حسام عندك اقفلي وهكلمه يمرمط اللي زعلك
؛ حسام.... حسام... هو ... هو اللي زعلني
:ايه عمل ايه خلاك متشحتفة بالشكل ده ومش عارفة تتكلمي
:اتهجم عليا وضربني
*روت لها كل ما حدث معها وسبه لها وخوضه في اخلاقها واتهامها بالباطل
: واخوك فين من ده كله
:اخويا اقري على رجولته الفاتحة عمره ما هيزعل حسام عشاني لانه بقى مصلحجي
:مش قادرة اقولك ما تزعليش لأنها حاجة تقهر بس ارجعي الفندق واقعدي مع صحباتك وانا هكلمه وارجعه هنا
: عرفيه انه لو اتعرضلي تاني هقول لبابا وساعتها هينسى انه زي ابنه وهيخسره للأبد
: حقك تعملي أكثر من كدة دى عقله فلت منه وهجيب اخواته يعقلوه اقفلي دلوقت
*اتصلت على حسام علم ان فتون اشتكت لها لم يرد فأرسلت له رسالة
:تسيب المكان وتكون عندي والا هكون عندك وهقل منك قدام الناس
*عادت فتون بعد وقت طويل إلى الفندق ظنا منها انهم نائمون لكن كان الجميع في انتظارها قلقين من غيابها وعدم الرد على هاتفها وكان من ضمنهم حسام لم يستطع السفر قبل أن يطمئن عليها
*شعر بالحزن والضيق مما فعله وكان واضح على وجهه فسره الجميع انه قلق على فتون
تفاجأت فتون انهم بانتظارها وصدموا عندما شاهدوها وجهها احمر وآثار البكاء في عينيها اسرع اياد إليها قبل الكل وصرخ
:مين اللي عمل فيك كدة وما اتصلتيش علينا ليه
:مفيش يا اياد سبني دلوقت تعبانة عايزه انام
: مش قبل ما تحكي اللي حصل
: وقعت واتبهدلت
*صرخ بها أدهم: ده مش منظر واحدة وقعت انطقي بقالنا ٣ ساعات قلقانين عليك أظن واجبك تطمنينا
بقلمي سحر السحرتي
:بصراحة في واحد حيوان حاول يسرق شنطتي فقاومته ولما ما عرفش ياخد منى حاجة ضربني وهرب
:أدهم: طب تعالي نعمل محضر
:لا الناس اتلمت وضربته
جهاد: وما اتصلتيش علينا ليه
:تليفوني فصل شحن
اياد: فصل شحن ازاي وكان بيرن محدش بيرد
: خلاص يا اياد مش مركزة من الصدمة هو تحقيق
:شكرا واضح انك بتعتبرينا اخواتك
: مقصدش آسفة بس الصدمة شلت مخي ما قدرتش افكر او اتصرف
أدهم: طب اطلعي استريحي لأننا مسافرين الصبح سيرين حطيلها ثلج على وشها لان عمو لو شافها كدة هيضايق وانا هروح الصيدلية اجيب دهان يضيع الآثار دي
*صعد البنات وتحدث أدهم أمام الشباب : انا مش مصدق ولا كلمة ايه رايك يا حسام
:وهي هتكدب ليه
اياد : أدهم انت كنت اخر واحد شفتها ايه اللي خلاها تتمشى لوحدها اصلا
:بصراحة عرضت عليها الجواز ورفضت وقالت اننا اخوات
: وده يزعلها في ايه يخليها برضة تتمشى لوحدها
: اصلي اتغابيت وحاولت امسك ايدها
اياد : انت مجنون انت عارف اخلاقها
:ما انا اعتذرت لها
*أدرك حسام انه ظلمها وان عليه ظبط سلوكه معها لم يدرك انه أضاع اخر أمل في أنها تفكر فيه او توافق عليه كزوج
حسام: طب انا هطلع انام لان كلنا مسافرين بكرة
أدهم: وانا هجيب الدواء
*عاد الجميع إلى منازلهم سمعت العمارة صوت سميحة وهي تعنف حسام
*صعدت كريمة بسرعة لنجدتها قبل أن تتهور عليه
: خير يا سميحة صوتك جايب لاخر الشارع
:مفيش اكتشفت ان البيه عايز يتربى من اول وجديد
: ايه اللي حصل لكل ده حسام مؤدب
:اه بس لما بيتعصب بتهرب اخلاقه ضرب واحد هناك وكان هيموته وكله بسبب تافه
حسام: لا يا امي مش تافه
:بلاش اتكلم يا حسام استنى اما اخواتك الكبار يوصلوا
كريمة: انت هتدخلي اخواته الكبار بس دول شداد قوي عليه نزليه لعمه تحت يعقله
: اخواته اولى بيه يعني لو كان الراجل اشتكى وراح القسم كان اتحبس فيها وعشان الراجل غلبان افترى عليه
:اخص عليك يا حسام الافتراء حرام على الضعيف
:انزلي انت يا كريمة معلش لأنك لو قعدتي أكثر من كدة هتكرهيه
: اكرهه ازاي ده ابني
:معلش اصل اخواته لما يوصلوا هيقولوا كلام صعب متشكرة يا حبيبتي
:طب بالراحة عليه عشان خاطري
: والله لو تعرفي الحكاية كلها كنت هتضربيه للصبح
: لا لو على كدة انزل انا بحبه وعايزة أفضل احبه
*نزلت كريمة إلى شقتها
:شايف بيحبوك قد ايه وانت تبهدل بنتهم وتسمع كلام واحدة عقربة استفدت ايه.... بعد ما حسيت انها اتغيرت معاك لما سمعت نصيحتي ورجعت لتصرفاتك اديك خسرتها للابد
:ما تقوليش خسرتها انا هعمل المستحيل واتجوزها
:ابقى قابلني لو وافقت
قال بتحدي : قلت وباكد عليك غصب عنها
: دى انا بقى اللي هقفلك
*دق الباب بشدة ودخل شقيقاه
أحمد: هو انت لسة صغير يا حسام هنكتفك ونضربك أظن عيب وانت في السن ده نمد ادينا عليك
مصطفى: التصرف ده مش تصرفات راجل عايز يبقى مسؤول ويفتح بيت واللي خلقها خلق غيرها وكل البنات تتمناك
أحمد: ما فكرتش في الراجل اللي وقف جمبنا واعتبرك ابنه لما يعرف حاجة زي دي هيعمل ايه وصحته دلوقت على قده
مصطفى: انا واخوك بنمنعك تتعرض لها وتنسى جوازك منها والا لينا تصرف تاني ما تحبوش فاهم
*صمت حسام لم يستطع أن يجادل شقيقاه الاكبر فهو يحترمهم صرخ مصطفى بحدة: فاهم رد
:فاهم حاضر
مصطفى: ماما اتصلي على فتون تطلع يعتذر لها
: مش هتوافق تطلع هنا تاني كانت بتسأل عليا وتودني وانتم في بورسعيد مشغولين مش بيتجوا غير في الأعياد وهو في الشغل خلاص بوظ علاقتي بيها
أحمد: شفت اخر مرة تتهور لو لسة هتكمل في التصرفات دي روح اتعالج نفسيا بدل ما تتعب بنات الناس معاك احنا ماشيين يا ماما ولو عمل حاجة تاني بلغينا هنسلم على عم عبده قبل ما نمشي ولو لقينا فتون هنعتذر لها بالنيابة عن الأستاذ المتهور
بقلمي سحر السحرتي
*بالفعل فتحت فتون الباب همس أحمد
:كويس ان القمر هو اللي فتح لنا
*ابتسمت له ابتسامتها الجميلة الصافية داعب مصطفى خدها وهمس
: ايوة كدة انا بموت فى ابتسامتك لو كنت أصغر ب ١٥ سنة كنت اتجوزتك انا
*ضحكت : وانا موافقة جدا
:احنا بنعتذر لك من قلبنا وماما ملهاش ذنب وملصتلك ودانه ولو ينفع كنت خليته ينزل يعتذر بنفسه وباس ايدك ورجلك كمان
: انا مش عايزة اشوف وشه وكفاية انه يبعد عني
:حقك بابا هنا نسلم عليه
: اه اتفضلوا
*جلسوا قليلا مع والدها وانصرفوا
*حاول حسام كثيرا ان يعتذر لفتون لكن دون جدوى لم يجد حل سوى الاتصال باياد
: ايه يا عم مش قلت هتخطب ونعمل الحفلة عندي الروف مستني
:انا فكرتك نسيت واتكسفت اسال فتون
:هي مش قالت اني قد كلمتي ناويين على امتى
: بعد بكرة ان شاء لله
:خلاص تعالى شوف المكان ناقصه ايه عشان نحضره وهات جهاد و فتون
:خلاص النهاردة الساعة ٨ نكون عندك
بقلمي سحر السحرتي
*علمت فتون بمخطط حسام فقررت ان تفسد له الخطة واصطحبت معها والدها
: انا جبت لكم بابا لانه احسن مشرف هتبقى حفلة تجنن على ايده
*نظر لها حسام بخيبة أمل ونظرت له بتحدي
عبد الرحمن : خلاص يا ولاد التنظيم عندي شكرا يا حسام هو ده ابني اللي ربيته
فتون: ونعم التربية يا بابا
*يوم الحفلة ارتدت فتون الملابس التى ضايقت حسام في الرحلة فعلم أنها تستفزه وأكثر من ذلك كانت ترقص بصحبة والدها وتتمايل عليه ازداد غضبه وكلما حاول محادثتها كانت تجلس اما بجانب والدتها او والدها
*لم يجد مفر من أن يجلس بجانبها وهمس لها
:عايز اتكلم معاك كلمتين ممكن
:لا وإنساني بقى وطلعني من دماغك ويا ويلك تحاول تتعرض لي هقول لبابا وانت عارف هيعمل فيك ايه
: عايز اعتذر لك عن اللي حصل
:اللي حصل ما ينفعش فيه اعتذار وهتعتذر عشان ايه أظن ما انت مفكر اني ممكن اغير رأيي فيك في أحلامك اتفضل قوم
:لا مش قبل ما تسمعيني
: يبقى هقوم انا وهنزل كمان انا مش طايقة ابصلك مش اسمعك
*تركته في قمة غضبه واستاذنت ان لديها صداع وانتهت الحفلة
*كادت أن تنتهي الاجازة وظلت هيام تتحايل وتبخ سمها في اذن على أن هناك عريس اخر يريد الزواج بها وان والدتها توافق وتغصب عليها
بقلمي سحر السحرتي
: يعني اعمل ايه يا هيام مش معايا
:عاوزني اضيع منك
:لا انا بحبك مقدرش ابعد عنك
: خلاص اتصرف لو حتى في فلوس الشبكة ماما تهدى والباقي بعدين وانا واقفة جمبك
: اجيب من أين
: يعني لو مامتك عندها اي حاجة دهب ينفع نبيعها ونشتري الشبكة
: مش هتوافق
: هي لازم تعرف خودها دلوقت وابقى اشتريها تاني بعدين العريس جاهز ومستعجل وواكل عقل ماما
:خلاص هتصرف
*دخل غرفة نوم والديه وفتح الدولاب وقام بسرقة قطعة من الذهب وعاد إلى هيام
: هي دي هتجيب ايه يا على بقولك العريس جاهز وتقيل عايزين نجيب شبكة اغلى من بتاعته تغري عين ماما انا مش بتفرق معايا الحاجات دي بس اقول ايه (بدأت في البكاء المصطنع ) لو بابا كان عايش كان وقف لها وجوزني اللي بحبه من غير ولا مليم
*عاد على إلى الغرفة وأخذ ثلاث قطع إضافية وهو مازال في الغرفة دخل والده
*توتر على ولاحظه والده : بتعمل ايه عندك وفاتح الدولاب بتاع والدتك ليه
:كنت بجيب طرحة لماما اصلها مصدعة
*من توتره سقطت قطعة ذهبية من يده كان يحاول إخفائها