رواية كيف احببتك الفصل التاسع9 والعاشر10 بقلم ساره تيتو
هدي: انا
فادي: كملي
هدي: اسفه يا تولين كل اللي حصل معاكي بسببي انا بسببي ضحكو عليكي انا كان معايا محلول احمر وفضتو علي الكرسي بتاعك
نور: انت مجنونه تعملي حاجه زي دي ازاي هيا مش بنت زيك
فادي: عايزه تشتكي فيها
تولين: لا
وراحت مسحت الكرسي وقعدت
بعد اليوم الدراسي ماخلص
فادي: انت ليه مش عايزة تشتكي فيها
تولين: المهم انها اعتذرت وخلاص ومشت
نور: ايه ده ليه مش هتشتكي انا لو مكانك كنت اشتكيت فيها دي فرصتك تردي اللي عملتو فيكي
تولين: بإبتسامة لا مانا همسك عليها النقطه دي
نور: اه بقيتي مش سهله
تولين: هما عملو فيا كده
نور: ناويه علي ايه
تولين: لما ييجي الوقت المناسب هتعرفي
نور: طيب بس الولد فادي طلع جدع
تولين: مش دا نفس الولد اللي قولتي مش بطيقيه
نور: ايوا بس مش هنكر انه جدع
تولين: فعلاً والله اه بتاع بنات بس جدع
طيب انا همشي
تولين وصلت بيتها
مروة: حمدالله علي سلامتك
انا هنروح لخالتك
تولين: الله يسلمك بس مش هروح انتوا روحو انا هقعد ف البيت
مروة: طيب احضرلك الغدا قبل مامشي
تولين: لا مش جعانه دلوقتى امشي لما اجوع هحضر واكل
مروة طيب ومشت وتولين قفلت وراها الباب ودخلت اوضتها غيرت وفتحت شنطتها وشافت المنديل وحطتو جنب بوقها واستنشقت رايحتو وأبتسمت وافتكرت كل حاجه حصلت معاها وفادي كان واقف جانبها فيها
ايوا هو بتاع بنات وفاشل بس راجل
وشالت المنديل ف الدرج وطلعت حضرت الاكل وبدات تاكل وبعدين لمت الاطباق ودخلتهم المطبخ
ورجعت اوضتها تاني اخدت الهاند والتليفون وبدأت تسمع اغاني وهيا بتسمع اغاني ف اغنيه رومنسية جات وسط الاغاني اللي سمعتها ف سرحت وافتكرت فادي وهو حضنها ف الحمام وابتسمت وبعدين فاقت وقالت لالا ايه دا لا بلاش هبل
وشالت الموبيل وكانت زهقانه غيرت هدومها وقالت هتتمشي شويا
وخرجت من البيت وفضلت ماشيه لاقت نفسها واقفه قدام الكافيه دخلت وطلبت عصير
شافت فادي قاعد علي ترابيزه بعيد عنها شويه بس بيان عليه انه تعبان او دايخ قامت وقعدت معاه
فادي: تولين
تولين: انت بتيجي هنا علي طول
فادي: ايوا في معاكي حد
تولين: لا كنت زهقانه قلت اتمشي شويه لاقتني قدام الكافيه بس انت مالك
فادي: انا مالي برضو علي فكره انت اللي جيتي قعدتي معايا مش انا
تولين: بإبتسامة لا اقصد انت كويس حساك تعبان
فادي: علي فكره ابتسمتك حلوه بتكوني حلوه وانت مبتسمه وبصراحه برضو بتكوني احلي وانت مكشره
تولين: برفع حاجب اظبط انا كنت جايه اشوفك بس عشان حسيت انك مش كويس وقامت عشان تمشي
فادي قام ومسك ايديها وبعدين داخ
تولين: بفزع انت كويس وساعدتو يعقد
انت مالك حاسس بايه انت تعبان
فادي: دايخ وبطني بتوجعني اوي
تولين: طيب اطلبلك حاجه تاكلها
فادي: لا همشي
وهو بيقوم رجع داخ تاني
تولين: لا تعالي هنروح المستشفى
وراحت حطت فلوس علي الترابيزه وساعدت فادي وخرجو
فادي: انا هبقي كويس وكان عايز يركب الموتوسيكل بتاعو ويمشي
تولين: بغضب انت هتسوق وانت كدا
اسمع الكلام
واخدتو وراحو المستشفى
ف المستشفى
تولين: مالو يادكتور في ايه
الدكتور: دي حاله تسمم ممكن يكون اكل او شرب حاجه مش نضيفه او مده الصلاحيه منتهيه
علي عموم خدي دي الادويه بتاعتو واحنا عاملنا الازم
متخافيش انتي اختو
تولين: لا
الدكتور: امال ايه
فادي: خطيبتي
تولين بصت لفادي باستغراب وسكتت
الدكتور: انت محظوظ يابني دي خايفه عليك اوي متضيعهاش من ايدك
فادي: بإبتسامة حاضر
والدكتور خرج
تولين وشها بقي لونه احمر انت مجنون ايه اللي قولتو دا انا خطيبتك من امتي ده
فادي: انا كنت بهزر بس لو عايزه تكوني خطيبتي انا موافق
تولين: برفع حاجب نعم انا ابقي خطيبتك انت لا طبعاً
فادي: نعم انت تطولي دا كل البنات بتحبني
تولين: مادي المشكله انك متاح للجميع انا يوم مافكر ارتبط هيكون ليا ولوحدي
فادي بصلها وضحك
تولين: يلا نمشي
فادي قام من السرير وخرجو
ف الطريق وهما راجعين البيت
تولين: استنا هنا انا جايه
ودخلت جابت العلاج وطلعت خد العلاج بتاعك وبعد كدا متبقاش تاكل برا البيت
فادي: بكام
تولين: ليه
فادي: عشان تاخدي حقهم
تولين: بغضب عيب عليك ومسمعش صوت امشي
فادي: بإبتسامة حاضر
تولين: ناخد تاكسي ولا تقدر تمشي
فادي: لا همشي انا بيتي قريب
تولين: كويس طيب انا همشي بقي
فادي: لا تعالي معايا اعرفك علي ماما
تولين: لا مش هينفع ماما متعرفش اني خرجت من البيت مرا تانية
فادي: خلاص احنا وصلنا تعالي شويه وامشي علي طول
تولين: اممم خلاص ماشي
ف البيت فادي
الباب خبط
مني: فتحت الباب
فادي: ادخلي يا تولين
تولين: اذيك يا طنط
مني: الحمد لله اتفضلي يا حبيبتي
فادي: طيب يا ماما جيبي عصير
مني: بهمس مين دي دي من صحابك البنات ايهم
فادي: بصوت عالي لا دي غيرهم انا عشان تكلمني ضربتي لحد دلوقتي كفين غير البهدله والشتيمه
تولين: لا ياطنط بيكدب
فادي: متخافيش ماما مش هتعملك حاجه زي لازم تكون مبسوطه دلوقتي انها لاقت بنت انا اللي عايز اكلمها وهيا مش موافقه
مني: بضحك بصراحه ايوا ثواني هجيب العصير وجايه
تولين: انت بتقول لمامتك ايه وبعدين هو بجد انت عايزني اكلمك
فادي: لا والله وانت لحد دلوقتي ماخدتيش بالك
تولين: اششش مامتك جات
مني: اتفضلي يا حبيبتي اشربي العصير وقعدت جانبها وفضلت تقشر بتقال وتفاح وتاكل تولين
تولين: كفايا ياطنط والله شبعت اكلي فادي عشان يخف بسرعه
مني: ليه هو مالو
فادي: فضل يحكي اللي حصل
مني: شكرا يا تولين يا حبيبتي والله انا حبيتك اوي
تولين: لا لا شكر علي واجب معلش بقي لازم امشي دلوقتي عشان اتأخرت
مني: لسه بدري خليكي شويا
تولين: معلش ماما زمنها رجعت البيت لازم امشي
مني: خلاص بس لازم اشوفك تاني
تولين: ان شاءالله ياطنط
فادي: طيب هشوفك بكره بقي
تولين: مردتش عليه
مني: انت معاه ف الفصل
تولين: ايوا
بس ازاي انت عندك 18سنه شكلك اكبر من كدا
فادي: لا انا عندي 21سنه
تولين: ازاي وانت ف 3ثانوي
فادي: اممم فكك بقي
مني: عشان دخل المدرسه متأخر سنه و عاد مره ف الاعدادي ومره ف الثانوي
تولين: بضحك اوه فاشل يعني
فادي: عسل ضحكتك عسل
تولين: خلي ابنك يسكت يا طنط
مني: اتلم يا فادي
تولين: طيب عايزه حاجه ياطنط
مني: مع السلامه ياروحي ابقي تعالي تاني
تولين: حاضر
فادي: وانا مش هتسأليني عايز ايه
تولين: هيا مش طنط قالتلك اتلم
عن اذنكم بقي ومشت
مني: ايه الموضوع
فادي: بصي بقي البنت دي حبه مغروره علي شايفه نفسها وكمان ساعات بشوفها كيوت خالص وطفله واول مره شوفتها بتعيط استغربت بصراحه دي مره مسكت هايدي من راقبتها وكانت هتموتها عشان دايقتها بالكلام وضربتني انا مرتين اي حد يدايقها تضربو علي طول
مني: لا بجد البنت دي جدعه وعجبتني
كفايا انها ضربتك مش زي البنات التانيه
فادي: اه خليها بقي موضوع
مني: بضحك بس عسوله اوي
❤❤❤❤❤❤❤❤❤❤❤❤
ف بيت تولين
مروة: كنتي فين يا تولين
تولين: روحت الكافيه وحكت اللي حصل.....................
.......... واتعرفت علي مامتو
مروة: طيب بقي كويس
تولين: ايوا
مروة: اكلتي
تولين: ايوا وهدخل انام عشان اصحا اروح المدرسه
ودخلت اخدت دوش وغيرت هدومها ونامت
ف بيت فادي
دخل الاوضه بتاعتو
وفاضل قاعد علي الموبيل وجاه ف بالو انه يدور علي الاكونت بتاع تولين
وعمل بحث وفعلا لاقاه وكانت حطه صوره ليها وهيا وافقه قدام مرايا ولابسه بدي قط وبرموطه جينز
ودخل يشوف المنشورات وشاف صوره ليها وهيا بتبص للبحر وصوره كانت لابسه تنورا و بدي حامله وجاكت وفضل يقلب ف صورها ومعجب بيها وشاف التعليقات ومعظمها واحد اسمو مصطفى معلق ليها
مين دا مصطفي ممكن يكون اخوها
وبعدين جاب المنديل اللي كانت رابطت بيه ايديه وفضل يبصلو ومبتسم واخدو شم رايحتو عشان فيه رايحه البرفيوم بتاعها واخدو شالو بين هدومو
وراح علي السرير وسرح وافتكر كل اللي حصل انهارده معاه وازاي ساعدتو يروح المستشفى
ايه دا انا اول مره افكر ف بنت بالشكل ده مالك يا فادي دي مجرد بنت يعنى
لا بس موزه عسوله وكل حاجه حلوه والله وضحك واخد المخده ف حضنو ونام
تاني يوم
ف المدرسه
تولين دخلت المدرسه وكان في حاجه مختلفه فيها
كل البنات كانت بصلها
نور: فيكي ايه مختلف انهارده
تولين: ايه مفيش
نور: حساكي احلويتي فجأ
تولين: لا نمت كويس امبارح ومعيطش زي كل يوم
نور: في حب جديد ولا ايه
تولين: ابتسمت انتي مجنونه دا مستحيل وف الوقت دا دخل فادي وهو راكب الموتوسيكل ووراه ساندي
نور: مالك اتعصبتي ليه وملامح وشك اتغيرت
تولين: لا انا هتمشي شوية لوحدي
فادي: يلا انزلي ساندي وهيا بتنزل مسكت ف فادي
تولين واقفه تشوف اللي بيحصل بغضب
فادي شاف تولين راح عندها
تولين شافتو جاي مشت بعيد
فادي: استني
تولين: واقفت
فادي: صباح الخير
تولين: طيب
فادي: نعم طيب مش هتسأليني كويس ولا لا
تولين: لا خلاص انت بقيت كويس انت وساندي جايين مبسوطين اوي مع بعض ومشت وسابتو
فادي: مسك ايديها استني بس ايه انت غيرنا
تولين: برفع حاجب انا اغير ليه
يعني هيا تيجي جانبي ايه
فادي: بإبتسامة بصراحه ولا حاجه يعجبني الواثق ف نفسو
تولين: بحده انت مش ملاحظ انك ذواتها
فادي: بصراحه بقي ومن غير حورات انا معجب بيكي
تولين: رفعت صوابعها ف وشو انت لو فاكر اني زي بنت من البنات دول تبقي مش بتفهم ولو عايزني اعمل معاك زيهم تبقي بتحلم
فادي: بجد يعني انت عايزه تقوليلي انك مش معجبه بيا
تولين: طبعاً لا
فادي: طيب هنشوف هما يومين وتيجي تكلميني يا تولين ومش هتقولي معجبه بيك هتقولي بحبك
تولين: بضحك اه اه انت لسه نايم وبتحلم شكلك كدا
يابني انا لو يوم يعني حبيتك لو يعني ودا مستحيل يحصل اول حاجه هتعملها هتبعد عن البنات دول وثانيا لازم تبقي شاطر وتخلص دراسه
فادي: يعني دي شروطك
تولين: انا قولت لو
فادي: اممم طيب لين
تولين: اسمي تو لين
فادي: طيب قولي كدا تاني تو
تولين اخدت بالها ان تو فيها ضمة شفايف فهمت يقصد ايه
فادي: قولي تاني تو لين
تولين: لا ومشت
وهيا ماشيه اول مالفت وشها ابتسمت
فادي: والله لتيجي
وعمل حركتو كالعاده وحط ايديه علي رأسو ورجعها لوراه
نور: تولين يلا الحصه هتبدأ
ف الفصل
تولين قعدت وفادي قاعد جنبها
والمستر بيشرح وبعدين طلب من كل اتنين يعملو مشروع سوا
مروان: طيب انا وتولين سوا
تولين: لا يا مستر انا ونور
المستر: لا كل اتنين جنب بعض يعملو المشروع سوا
فادي بص لتولين وابتسم وتولين بصتلو
المستر: المشروع عباره عن كل اتنين هيدخلو المعمل ويجربو سوا التفاعلات الكيمايئه ويسجلو ايه اللي هيحصل بالتفصيل بس تاخدو بالكم وتتاكدو انكم بتنفزو صح
فادي: حاضر يا مستر
بعد انتهاء اليوم الدراسي
خرجو من الفصل
تولين راجعه بيتها
ومش لاقيه موصلات
فادي: تعالي اوصلك
تولين: لا انا هستني تاكسي
فادي: مفيش تاكسي تعالي الكل مشي ومفيش حد غيرنا هنا
تولين: لا
فادي: طيب براحتك
ومشا بس واقف علي اخر الشارع بعيد عشان يشوفها ويطمن انها ركبت الاول
تولين: ايه دا بقي ليه مفيش موصلات انهارده كدا اتأخرت اوي
وبعد شويا شابين عدو من قدامها
وفضلو يدايقوها بالكلام
واحد منهم: انت واقفه هنا لوحدك ليه تعالي اوصلك
والتاني: هيا الساعه كام مش لسه بدري علي الليل عشان القمر يطلع
فادي اخد بالو وجري راح عندها ونزل من الموتوسيكل وضرب الشباب و طبعاً هو بيروح الجيم وجسمو فورمه يعني ضربهم بقسوه وهربو
فادي: بغضب مش قولتلك تاجي معايا عجبك كده يعني لو كنت سمعت كلامك ومشيت
تولين:بصوت واطي طيب متعليش صوتك عليا خلاص مكنتش اعرف انهم هييجو
فادي: بصوت عالي طيب لو كان حصلك حاجه
تولين: بدموع خلاص ف الوقت دا افتكرت مصطفي عشان كان بيخاف عليها كدا
فادي: بصوت حنين انتي بتعيطي والله ماقصد بس انا خايف عليكي طيب انا اسف
تولين: اممم طيب خلاص
فادي: طيب يلا اركبي
تولين: فين
فادي: ورايا
تولين: لا
فادي: بصوت عالي وبحده اركبي
تولين: حاضر خلاص
وركبت وراه
ف الطريق وهو بيسوق اسرع شويه
تولين براحه شويه هنوقع
فادي: امسكي فيا
تولين: لا
فادي براحتك ومشا بسرعه اكتر
تولين: بصوت عالي يا مامااا وحضنتو
فادي: بضحك يا خوافه
تولين: وفق عايزه انزل
فادي: خلاص بس عارفه انا اول مره اقول لحد انا اسف وكانت ليكي
تولين وهيا حضناه ابتسمت
فادي: عجبك الحضن اوي كدا طيب انزل واحضنك انا عشان تبقي وافقه قدامي بدل مانتي حضنه ضهري
تولين بعدت عنه
فادي: كدا هتوقعي امسكي فيا بسرعه
تولين: لا
فادي: انت حرا
تولين: طيب خلاص امشي براحه واتلم وممتكلمش ورجعت مسكت فيه