رواية لست جميلة الفصل السابع عشر17والثامن عشر16بقلم سحر السحرتي

*طرق حمزة الباب بشدة : سلمى افتحي ... سلمى افتحي بقولك

*لم يسمع اجابة فكسر الباب وجدها ملقاة على الارض فاقدة الوعي حاول مرارا وتكرارا افاقتها ولكنها لم تستجب فحملها بين ذراعيه وسريعا ذهب للمستشفى في الطريق اتصل على نادر حتى يسبقه على المستشفى

*دخلت سلمى العناية المركزة كان لديها ضيق في التنفس وهبوط في الضغط خرج الطبيب

:خير يا دكتور

:هبوط حاد في الدورة الدموية كويس انكم لحقتوها بس مش فاهم ايه اللي حصل يوصل واحده سنها صغير لكده 

*تحدث نادر : تفتكر من العلاج اللي بتاخده والجلسات هو اللي اثر عليها ( وذكر اسماء الادوية )

:ممكن مع الاجهاد الادوية لها اثار جانبية مختلفة من شخص للتاني عموما هي هتفضل ٢٤ ساعة تحت الملاحظة وبعدين هتروح غرفة عادية 

*ليتحدث نادر مع حمزة

: هو ايه اللي حصل بالظبط 

*كان حمزة في غاية الاحراج لم يجد مبرر يخبر نادر به فاخترع كذبة

بقلمي سحر السحرتي

:ابدا شدينا مع بعض لانها نسيت التليفون وسافرت وما عرفتش اوصل لها وعرفت انها راحت الجلسة امبارح لوحدها فزعقت معاها وسبتها ومشيت سمعتها بتقع

:بس ده مش سبب اللي جالها

: يمكن عشان زعقت معاها وصوتي كان عالي وهي مش واخدة منى على كدة غير كام كلمة بايخة انها مهملة في صحتها

: برضة مش مقتنع لما تفوق هيبقى ليا كلام تانى معاها ولو الحكاية غير كدة مش هيحصل طيب انا ما عنديش اغلى من سلمى حتى ابني اللي لسة مولود 

:وانا كمان ما عنديش اغلى منها

*لينهي نادر الحوار مع حمزة حتى لا يزيد همه لانه لاحظ علامات الحزن الشديد على وجهه ليقول حمزة بدوره

:روح انت يا نادر انا هفضل جمبها 

: انا هروح وانت كمان طول ما هي في العناية وجودنا مالوش لزوم وبكرة الصبح هطمن عليها وانا جاي الشغل 

: لا انا مش هسيبها 

:زي ما تحب

*انصرف نادر الى البيت وجلس حمزة امام غرفة العناية يراقب سلمى من الشباك وتغفو عينيه ليستيقظ على صوت عالي من الاجهزة والدكتور والممرضة يسرعون لدخول غرفة سلمى 

*يستخدم الدكتور جهاز الصدمات الخاص بالقلب معها عدة مرات لكن لا يوجد استجابة

*يصرخ حمزة من الخارج باسم سلمى ويخرج الدكتور ويعتذر له 

بقلمي سحر السحرتي

: انا اسف احنا عملنا اللي علينا لكن ربنا يرحمها 

*ليدخل حمزة مسرعا يحتضنها ويبكي ويصرخ باسمها 

:سلمى فوقي اصحي يا سلمى  سامحيني انا اسف مش هعمل كده تاني... سلمى اصحي ارجوك .... سلمى .... ليسقط من فوق الكرسي وهو ينادي باسم سلمى وينتبه انه كان كابوس ويجري ينظر عليها من الشباك ويسرح هل يمكن ان يفقدها فيدعي ربه

: يا رب قومها بالسلامة وانا مش هعمل كدة تاني وخليها تسامحني 

*بعد مرور ٢٤ ساعه تم نقل سلمى الى غرفة عادية دخل اليها حمزة واحتضنها بقوة لتفتح عينيها 

: انت بتعمل ايه هنا ابعد عني انا فين 

: انت في المستشفى تعبتي شويه ارجوك يا سلمى انت ما شفتيش حالتي كانت ازاي انا كنت هتجنن سامحيني وانا مستعد اعمل اي حاجة عشان تسامحيني

: حمزة ابعد واخرج من حياتي انا مش طايقة اسمع صوتك مفيش حاجة ممكن تعملها تخليني اسامحك وانسى خيانتك 

: انا دعيت ربنا انك لو قمتي نروح نعمل عمرة وهحلف لك عند الكعبة قدام ربنا اني مش هعمل كدة تاني

*خانته الدموع : سلمى انا متمسك بيك لاخر لحظة في عمري 

*وقبل يديها ووضعها فوق خده وقبل كفها وعاد وقبل رأسها 

:حمزة لو سمحت ابعد انا لسة تعبانة واديني وقتي واوعدك هفكر بس لو اصريت على قراري ارجوك احترمه

: لا لازم تديني بديل اعمل ايه عشان تسامحيني عاقبيني باي شئ الا بعدك عني

بقلمي سحر السحرتي

*ليدخل نادر : حمد الله على السلامة انت مش عارفه ان الزعل وحش عشانك ايه يعني زعقلك شويه

*لتنظر له باستغراب ليرد حمزة سريعا : خلاص هي وعدتني انها مش هتروح الجلسات لوحدها تانى وانا اسف يا سلمى لاني اتهمتك بالاهمال

*لتفهم سلمى مضمون الحوار وتجيب

: اصلي مش بحب اتقل على حد خصوصا لو عنده شغل مهم 

*ونظرت له نظرة بسخرية ليقول نادر 

: بس حمزة واضح انه بيحبك قوي ما رضيش يمشي ويسيبك رغم انك كنت في العناية وقعدته من غير فايدة 

: سيبه يكفر عن سيئاته 

: ايه بتقولي ايه 

: واضح انه فعلا بيحبني قوي 

*ليقبل حمزة رأس سلمى : خلاص بقي يا حبيبتي ما يبقاشى قلبك اسود انا اعتذرت لك كتير 

*ليضحك نادر : انت هتكمل غلط سلمى طول عمرها قلبها ابيض بس بيبقى زعلها وحش لما الغلطة تبقى كبيره

*لتنظر له مرة اخرى: هي كبيرة بعقل طب احكم انت يا ابيه يرضيك

*ليقاطعها حمزة : ما انا حكيت لنادر على اللى حصل ما كانوش كلمتين وانا بزعق عشان خايف عليك

: خايف على لا فيك الخير ما تبقاش تكلف خاطرك تانى

*اراد حمزة احراجها ومنعها من الرفض 

: ابدا تعبك راحه يا حبيبتي واليومين اللي جايين هقعد معاك في البيت  عشان اخد بالي منك

:تقعد معايا يعنى ايه ان شاء الله وابيه هيوافق على كدة

: فكرة حلوة يا سلمى وجدو اصلا مش هيقدر ياخد باله منك والحمد لله انه كان موجود ولحقك من غيره مش عارفين كان ممكن يحصلك ايه

تمتمت : كنت هبقى كويسة ما هو السبب اصلا 

حمزة: بتقولي حاجة يا حبيبتي

: بقول في واحد بيدبسني وجابه لنفسه

نادر : انا همشي دلوقت لان عندي شغل مش هوصيك عليها يا حمزة

: مش محتاج يا دكتور

*بعد ان خرج التفتت له سلمى وتحدثت بحدة : هو انت بتحطني امام الامر الواقع هتقعد معايا فين وانت اصلا فاضل يوم على المهلة اللي اديتهالك اسمع انا ما بحبش ال .....

*لتدخل مي وهي خائفة على سلمى 

: حبيبتي ازيك عاملة ايه انا اتخضيت لما عرفت اللي حصلك الف سلامه عليكي

: منه لله بقي اللى كان السبب 

: معلش يا حبيبتي عندك حق هما الرجالة كده كلهم رمرامين يسيبوا طبق الفاكهة المتغلف وياكلوا من الزباله

*ليلكمها حمزة في ظهرها

بقلمي سحر السحرتي

: هو انت كنت عارفة يا مي اخص عليك

: ابدا دي هو اللي حكالي بالليل في التليفون ومكانش في حد يجيبني اشوفك استنيت الصبح اول ما طلع جيت جري وكان عايزني اكلمك تسامحيه بس الصراحة عندك حق وانا معاك هو ما يستاهلش سبيه واطلقي وعيشي حياتك

*حمزة بغضب : هو انا جايبك تهديها ولة تشعليليها 

*لتنظر له وترفع حاجبيها بمعنى انها تفهم ماذا تفعل 

: سلمي اختي وانا لو مكانها هعمل زيها واكثر اتفضل روح هات فطار لاننا عايزين نتكلم مع بعض كلام بنات

*خرج وقام بغلق  الباب بقوة افزعتهم لتقول سلمى 

: شفتي غلطان كمان وبيبجح

:انت ناوية على ايه

: ايه زي ما قلتي بالظبط هتطلق 

: اه وتبقى عملتي اللي السوسة عيزاه وبتخططله من زمان  وهي هتعرف بعد كدة تقرب وتواسيه وتاخده منك 

: تشبع بيه وبعدين هو لا يمكن يتجوز واحده زيها

:مين قالك ما هو برضة كمان كان لا يمكن يخون او يعمل حاجة زي دي لكن لانها  عقربة عرفت توقعه

: خلاص يغوروا هما الاثنين

: حمزة او غيره ده حقك انت ولازم تدافعي عنه حمزة خطبك واتجوزك واختارك انت مش هي يعني هي بتاخد شئ بتاعك وملكك هتسيبيه بالسهولة دي

: هو اللي باع وخان 

: غلط ربيه عليها وخليه يلف حوالين نفسه 

: مش هقدر اثق فيه تاني

: خليه هو يكسب ثقتك من تاني انت عارفه انا بحبك قد ايه من قبل ما تبقي خطيبة اخويا وباكد لك ان حمزة بيحبك ودي غلطة حمزة طبعه مش بتاع ستات  وانا معاك يا ستي وهنخليه يندم عليها اشد الندم عشان ما تتكررش

: يعنى هعمل ايه

: هنستعمل معاه اسلوب شوق ولا تدوق

:ناصحة قوي كنت مستعملاه معاه وراح داق ورمرم من بارة

:اه صحيح طب خليه الاول  يجيب اللى اسمها نهى هنا ويضربها قلمين ويهنها  قدامك ويحذرها ان عمرها ما تتصل بيه او تكلمه تاني

: يضربها لا حرام واكيد ايده تقيلة

: انت هبلة صح يعنى مش حرام اللي عمله معاها  هي تستاهل قطم رقبتها وخليه يمسح بكرامتها الارض كمان

: طب وبعدين 

: يغير الشقة اللى لوثها بقذارته معاها

: لا حرام انا تعبت فيها وحبيت كل ركن عملته بايديه وعلى ذوقي وبعدين كمان عايزة اكون جمبك

: يا ستي قوليله كده وانا ساعتها هدخل واكلمك تغيري رأيك  ايه رأيك

: فكرة حلوة انا ممكن اغير ديكور الاوضة بس البورتريه اللي رسمته وتعبت فيه 

:لو تقدري تغيري اي شئ فيه مش لازم كله 

:تمام وبعدين نعمل ايه تاني

: معاملتك تبقى ناشفة معاه شويه الفترة دى

: اكيد هو انا هبلة

: ما هو واضح بأمارة اني ما اخدتش وقت في اقناعك 

: قصدك ايه

: كنت مفكرة انك هتعذبيني على ما توافقي

*بكت سلمى : بصراحه انا بحبه قوي وكنت مفكره اني جامدة وهقدر اتغلب على بعده عني ... وفعلا مثلت فترة واديني انهرت ووقعت وكنت هموت فيها

*حضنتها مي: معلش يا حبيبتي كل اثنين بيعدوا بأزمات يا تقوي اللي بينهم يا اما تهد القش اللي كان بينهم وان شاء الله الازمة دي تعدي ومش هتتكرر تانى هو اصلا حمزة مش بتاع الكلام ده وعمره ما عمله ولو كان مش بيحبك كان ما هيصدق وهو اعتذر لك كتير وكمان كان عمره ما هيعري نفسه قدامي ويحكي على غلطة بالشكل المخجل ده هو قعد يفكر كثير مين ممكن يدخل طبعا ما قدرش يدخل نادر ملقاش غيري لانه متاكد وعارف احنا قد ايه بنحب بعض

لست جميلة

حلقة ١٨

*مازالت مي تحاول اقناع سلمى بان حمزة اخطاء وعليها ان تسامحه واستمر الحديث بينهم

: طب هو كان بيقول لنادر انه عايز يقعد معايا

: هو سلاح ذو حدين ممكن نربيه ونعلمه الادب وممكن انت زي الهبلة تضعفي وتحني ... انت عايزه تعملي ايه

:اعلمه الادب بس خايفه احن 

: مش قلتلك هبلة خلاص خلينا نستبعد قعدته معاك لان احتمال انك تضعفي كبير واكيد هيغرقك طقم حنية عشان تسامحيه وكمان نهى ساكنة معاكم في البيت وده هيكون سبب رفضك فهمتي 

: مي ممكن اسألك سؤال هو انا لو رجعت له صح ولة يبقى ما عنديش كرامة انا اصلي محتارة وبصراحة اكثر كرامتي ناقحة عليا قوي

بقلمي سحر السحرتي

: شوفي كل انسان لازم يدافع عن حبه هو اه غلط بس عذره انه وقع في تخطيط نهى مش هو اللي دور عليها وجري وراها فاهمه

:طب وانا اضمن من اين ان مفيش واحده تانيه تعمل كده

:ما احنا عايزينه يحس انك ادتيله فرصه بالعافيه يمسك فيها بايده واسنانه ويفكر مليون مرة قبل ما يغلط تاني

:مي انا خايفه لو اتكرر تانى مش هستحمل الخيانة مؤلمة قوى وكمان شفتهم بعيني يا ريت حد قالي كنت كدبته 

: على فكرة انتم ربنا بيحبكم ان الموضوع اتكشف بدري لو كان طول فعلا كانت هتبقى في مقتل 

: مش فاهمة يعني ايه

: يعنى نهى ما سلمتش نفسها لحمزة بالكامل هي لسة بنت

: وايه الخير في كده ما كان ممكن المرة دي مش كاملة المرة اللي بعدها تكمل 

:اه الخير هنا انها فضلت بنت وما بقتش حامل ولو كان حصل كان عشان يرضي ضميره يتجوزها وكدة كان هيبقي غصب عنه وعنك هتسيبوا بعض وتكون بلا رجعة 

: فهمت بس انت ازاي بتقولي ما كملتش دى انا شفت بلاوي

: اسمعي مني حمزة ما كدبش على وبصراحة عشان تصدقي هو كان ناوي بس افتكر حازم اخوها لما اتورط في جوازه من لبنى وحس انها ماشية على نفس الخطة فوقف وهرب بحجة ان عندك جلسة بأمارة لما اتصل عليك يومها وانت ما رضتيش انه يجي معاك

: اه ما تفكرنيش يومها اتنرفز عليا وقال ان عنده شغل وانا عطلته كلمته ضربت قلبي عشان عارفه نوع الشغل ايه

: خلاص بقى حاولي تنسي واسمعي كلامه واطلعوا العمرة اللي قالك عليها عشان تلزميه قدام ربنا بحلفانه

بقلمي سحر السحرتي

*طرق حمزة الباب ودخل وهو يحمل الفطار 

: احلى فطار لاحلى سلمي

*نظرت له سلمى بسخرية 

: دى على اساس اني هاكل حاجه انت جايبها مش عايزه افطري انت يا مي 

:ما خلاص بقي يا سلمي بقالي ساعه بتحايل عليك هو اللى خلقك ما خلقش غيرك يعني ( غمزت لها)

: لا يا ستي خلق غيري واحلى مني كمان يا ريت يروح لها انا مش موافقة

: انت رجعتي في كلامك تاني انت مش قلتي كام يوم هتفكري وهو لا هيكلمك ولا يتصل بك

: ولا هيقعد معايا عند جدو ولة طبعا عايز يشوفها ويضم حريمه كلهم مع بعض في مكان واحد

: خلاص يا ستي هقعد انا معاكي بلاش هو 

*ليهمس حمزة: انت بتقولي ايه دي كانت فرصة عشان اغير رأيها 

*لترد بنفس الهمس : احنا ما صدقنا تقول هتفكر وانت ناسي ان البلوة نهى هناك في الطالعة والنازلة هتقول انك بتحن لها لم نفسك بقى وانا هناك ممكن تبقى حجة تيجي تزورني برضة وانا مش هسيبها هزن عليها

: عندك حق 

*لتتحدث سلمى بصرامة : ايه البيه مش عاجبه وعايز يستخدم اوضة نومي في بيتي مع الست نهى هي نومة الارض في الشقة يا حرام تعبته

*ليغضب حمزة ويرد بعصبية ما خلاص يا سلمى قلت لك غلطة ومش هتتكرر 

: يا بجاحتك وكمان لك عين تزعق

*ليحن ويعود لهدوئه

: مش قصدى يا حبيبتى بس مش عايز افتكر اللي حصل

: هو مين المفروض ينسى انا ولة انت

: احنا الاتنين ممكن

:طب جنابك ناوي تعمل ايه مع العقربة نهى 

: هنهي كل حاجة معاها وهقطع علاقتي بيها نهائي

: هناوقدامي وتضربها قلمين حلوين من بتوع المخبرين اللي عندك في القسم  وتقول لها كلام جارح ويوجع تخليها لما تشوفك ماشي في اتجاه تجري في الاتجاه المعاكس ودي بس البداية عشان افكر

: بس همد ايدي عليها ازاي 

: يعنى دي اول مرة ولة لازم مد ايدك يبقى بحاجات مش كويسة حتى على الاقل لو فكرت وغيرت رأي وجيت تمسك ايدي ما ارفضش لان الايد اللي لمست نهي ضربتها علشاني ولة بتحبها ومش قادر خلاص مع السلامة روح لها واشبع بيها 

*قال بحدة : ما خلاص بقي يا سلمي

: عرفت ليه بقى مش عايزة ارجع لان كل دقيقة هفكرك وافكر نفسي باللي حصل انا زيرو ثقة فيك فبلاش نضيع وقت بعض وننفصل من سكات 

*لتشير لها مي باصبع الابهام ان تستمر على هذه النغمة لتستمد سلمى الثقة وتضغط عليه اكثر 

: واذا كان على صحتي اللي انت بتشفق عليا فأنا هبقى كويسة ولو موت حتى اهي كلبة وراحت وهتستريح وتعيش حياتك من غير تأنيب ضمير

*ليضع حمزة يده على فمها حتى لا تكمل  ويتذكر الكابوس  

: اوعي تاني تجيبي سيرة الموت على لسانك ( وحضنها وهو يكمل ) الكلمة دي لما بتخيلها بحس ان الدنيا وقفت ملهاش طعم 

*لتشير لها مي ان تبعده فدفعته

: انت بتعمل ايه كام مرة قلت لك ما تلمسنيش بايدك اللي لمست نهى 

:يعني لما اعمل اللي انت عيزاه اقدر المسك 

: لما افكر واوافق الاول ( قالت بحدة )  وهيبقى في حدود اكبر من الحدود اللي فاتت لغاية لما بايدك ترجع الثقة تاني

: خلاص انا رايح اجيب نهى لغايه عندك

: استنى هنا  عندك عايز تروح تتفق معاها انك هتضربها قدامي وتهينها تمثيل عشان صحتي صح اتفضل اتصل بيها قدامي وافتح الاسبيكر وتقول لها نص ساعه وتكون هنا

: للدرجادي مش واثقه فيا

: انت بتنسى يا سيادة الرائد المفروض ان ذاكرتك غير الناس العادية  لسة بقول اني زيرو ثقة فيك وهتقعد وقت

*لتبتسم مي لها دون ان ينتبه حمزة وتقول : حقها يا حمزة هو انت باقي على زعل اللي اسمها نهى ولة ايه

بقلمي سحر السحرتي

: لا مش كده بس مضايق انها مخوناني للدرجه دي

*لتضحك سلمى: دى اكبر من الدرجة دي وحياتك  انا عشان خاطر مي بس هوافق اني افكر ولو حصل ووافقت هيبقى عندي شروط وطلبات هتعجزك عشان ترفض نرجع  وتبقى جت منك وتبعد عني واقفل الصفحة دي نهائي من حياتي

: هوافق يا حبيبتي حتى لو عيزاني ارمي نفسي تحت اي عربية

: بعد الش... قصدي مش هتوصل للدرجادي

*ليتصل على نهى وترد

:ايوة يا بيبي وحشتني قوي احصلك على الشقة اما انا محضرة حتة قميص يجنن 

*لتنظر له سلمى نظرة احتقار

: لا يا نهى خلال نص ساعة تجي على المستشفى لو اتاخرتي دقيقة مش في صالحك

: ليه يا بيبي انت تعبان ان شاء الله انا 

*همست سلمى ورفعت مي يدها للدعاء : يارب

*لينظر لهم حمزة ويكمل : اه تعبان وعايز ارتاح 

:خلاص يا بيبي هاجي اريحك راحة عمرك ما هتنساها بس في المستشفي مش صعبه

بقلمي سحر السحرتي

*ليتعصب حمزة عليها وتنظر له سلمى وتضع يدها على خصرها 

: مش زي ما انت فاهمة اخلصي واول ما توصلي اديني رنة 

*واغلق الخط لتقول له سلمى بسخرية وتحاول تقليدها 

:خلاص يا بيبي هاجي اريحك (لتكمل بعصبية )  ارتاحتوا في الاخرة انت هي ....  وانت عايزها تديلك رنة ليه عشان تنزل تجيبها وانت في الطريق تنبها اتفضل سيب تليفونك هنا ولما توصل مي هي اللي هتنزل تجيبها

*لترفع مي كفيها عندما نظر اليها حمزة بمعنى (انا ماليش دعوة) 

*لتكمل سلمى : اظن انت قلت هتستحمل ودي نتيجة قلة الثقة ممكن ترحم نفسك منها وتريحنا ونطلق لانك هتشوف من ده كثير

*اشارت لها مي الا تزيدها حتى لا ينفجر حمزة من الغضب لتقول سلمى بدلال وانكسار

: او تستحملني لو بتحبني زي ما بتقول عشان غلطتك كانت هتموتني كتير على تستحملني خصوصا اني مش قادرة انسى اللي شفته بعيني

*فحضنها حمزة : انا اسف فعلا غلطتي كبيرة وانا هستحملك مهما عملتي بس ترجعيلي 

*لتشير لها مي ان تتركه يحتضنها 

: طب يلا نفطر قبل العقربة ما تيجي

*احس حمزة ان هناك امل من رجوع سلمى : ممكن اطلب منك طلب البسي دي بس 

*وقام بأخراج دبلتها من جيبه لتشير لها مي بالموافقة لتقول سلمى

: حاضر بعد ما تمشي نهى واحس من كلامك معاها انك مش هترجع لها تاني

*ليبتسم وجه حمزة ويقبلها من رأسها 

:طب افتحي بقك هأكلك

: لا يا حمزة مش للدرجة دي افتكر اني محتاجة وقت وبلاش تضغط عليا

:حاضر يا حبيبتي

بقلمي سحر السحرتي

*يرن هاتف حمزة بعد نصف ساعة لتلقي سلمى نظرة عليه

:وكمان مسميها نونتي  انزلي يا مي هاتي البلوة التقيلة اللي تحت ويا ترى مسميني ايه الشاويش عطية

: على فكرة هي اللى سجلت اسمها كده على تليفوني وانت مسميكي القلب من جوة

:يعني مسكته وكتبت اسمها افتكر اني جيت مرة امسكه قلتلي ممنوع عشان الشغل واحترمتك وسمعت كلامك بس واضح ان الاخلاق ملهاش مكان في الزمن ده

*امسك يدها وجلس بجانبها 

: سلمى اول ما توافقي هغير حاجات كتير كنت بعملها معاك اولها اللي بيزعلك وهتشوفي هرجع الثقة تانى اكتر من الاول

: طب ولو ما وافقتش

: هنسحب من حياتك وهقدم على طلب نقل عشان ما تشوفينيش  بالصدفة بس عمري ما هكون لحد غيرك

: اتفقنا يا ريت تلتزم بكلمتك قوم بقى استقبل الست هانم 

*لتطرق مي الباب وتدخل وبصحبتها نهى