رواية لست جميلة الفصل التاسع عشر19 والعشرون20الاخير بقلم سحر السحرتي

*تطرق مي الباب وتدخل بصحبتها نهى 

: خير يا حبيب ..... خير يا حمزة ايه ده هي سلمى هنا معرفش مالك في ايه

*ليتوجه حمزة ويقف امامها 

: سيبك من سلمى ووجهي كلامك ليا هي خلاص عرفت كل حاجه وانا مش عايز اعرفك تانى

: انت بتسيبني عشان دي (واشارت بالسبابة لها بكل تكبر وغرور ) مسيرك هتزهق وتقرف منها وترجعلي ونتجوز

: انا عمري ما افكر اتجوز واحدة زيك تسلم نفسها لكل واحد شوية مش عايز اشوفك او اسمع صوتك تاني يا رخيصة 

: انا مش رخيصة عشان حبيتك فوق يا حمزة بصلها كويس لو كانت مالية عينك وبتحبها زي ما بتحاول تقنع نفسك عمرك ما كنت بصيت لي لو كان دي منظر واحدة كان ولا الف زيي قدرت تحرك فيك شعرة 

*حمزة وجدها فرصة فصفعها على وجهها وقال بصوت غاضب 

: احترمي نفسك اللي زي دي ضفرها برقبتك ورقبتي انا اللي ما استاهلش سلمى وكوني ضعفت مش عيبها دى عيبي انا 

:انت بتمد ايدك عليا عشان خاطرها 

: اه وهكسر رقبتك لو حاولتي واتعرضتي ليها او ليا ولو شفتك في طريقي تانى ما تلوميش الا نفسك غوري من هنا 

*هتندم يا حمزة بقى تبيع الغالي بالرخيص

:هي الغالية ويا ريت ترضى تسامحني

: بيتهيقلك هي لو كانت لقت حد عبرها كانت سلمت نفسها من زمان هي مش قديسة بس محدش بيبصلها انت الوحيد اللي عبرتها شفقة عشان كدة راسمة عليك دور الشريفة لانها مش هتلاقي واحد لقطة غيرك لكن انا بيترموا تحت رجلي كثير ومع ذلك فضلتك انت 

: كل اللي بيترموا تحت رجلك من عينتك لكن هي زي حتة الماس مش كتير يعرفوا قيمتها اطلعي بارة 

*خرجت نهى وهي في قمة غضبها وتتمتم بتهديدات ووعيد لحمزة 

بقلمي سحر السحرتي

*يتوجه حمزة لسلمى التى تغلق عينيها وسيلة للتماسك 

:لو سمحت يا مي محتاجة اقعد لوحدي مش عايزة حد معايا

*لتتوجه مي الى حمزة وتخرجه وتهمس اطلع شوية يا حمزة لما اعرف فى ايه

:هو ايه اللي حصل ما انا عملت زي ما طلبت وزيادة

: اخرج بس

*توجهت لسلمي التي بدأت في البكاء بحرقة 

:في ايه يا حبيبتي مش ده اللي كنا عايزينه

:سمعتي وهي بتقوله لو كانت مالية عينك لا انا ولا الف  كان يحرك شعرة منك وما كنتش خنتها عندها حق في كل كلمة وكل حرف قالته

: يا بنتي دي هلفطة كلام منها عشان تغيظك 

: طب لو سمحت امشي انت وهو مش عايزة اشوفه غير لما افكر مع نفسي

: سلمى بامانة انت بتفكري ترجعي في الاتفاق اللي بيني وبينك 

: الحقيقة يا مي اللي قالته نبهني لحاجات كثير انه مسيره هيزهق مني ولو حالتي سأت هيقرف والثاني اني مش مالية عينه دي اكتر شئ وجعني 

: الله يخربيتك يا نهى كنا عايزين نكدها كادتنا طيب هخليه يمشي واجي اروحك وبعدها اجيب هدومي واقعد معاك

: لا لو سمحت ما تتعبيش نفسك ارجوك وانا عارفه انك مشغوله بتحضيرات الفرح

: ما ينفعش تقعدي لوحدك

: مش هقعد لوحدي بابا هياخدني عنده هو كلمني من شويه واتحايل عليا اقعد معاه

: طب علي راحتك

*خرجت لحمزة وسمع منها ما حدث

: خلاص دماغها كانت لانت بس الكلمتين بتوع العقربة نهى اللي بخت سمها فيهم رجعونا تحت الصفر

: خلاص لما تقعدي معاها ليني دماغها 

:رفضت وباباها هياخدها عنده بتقول كلمها من شوية واتحايل عليها

: اكيد بتكدب محدش كلمها غير نادر خلاص انا هعرف اتصرف

*بعد انصراف حمزة دخلت سلمى في نوبة بكاء واتخذت قرارها بالانفصال ليطرق الباب فتمسح دموعها ويدخل نادر

: انت قاعدة لوحدك 

: اه مي راحت تجيب هدومها عشان تقعد معايا

: هو مش كان حمزة اللي قال انه هيقعد هو معاك

: لا ما يصحش لما مي تقعد معايا هبقى على راحتي اكتر ممكن توصلني البيت وحمزة يبقى يوصل مي عندي 

: قوي اجهزي يلا 

بقلمي سحر السحرتي

*عادت سلمى للمنزل لا احد يعرف انها وحيدة اتصل والدها ليطمئن عليها ويعتذر انه خارج البلاد لم تتصل امها فلم يهتم احد باخبارها 

*حل الليل سريعا فتوجهت سلمى للنوم لكن استمعت لبعض الاصوات داخل الصالة ندهت بخوف وامسكت المقشة : مين في حد هنا انا معايا سلاح 

*لم تجد احد بعد دقيقة تفاجأت باحد يضع يده على فمها كادت تصرخ بلا جدوى 

: اسكتي انا حمزة ما تخافيش 

:حمزة بتعمل ايه هنا ودخلت ازاي

:دخلت ازاي عيب انت متجوزة ظابط 

: متجوزة ظابط ولة شيخ منصر ايه اللي جابك 

: بكشف كدبك على مي قاعدة لوحدك ليه ومش عند باباك زي ما قلتي 

:لان طول عمري لوحدي ومش عايزه حاجة من ريحتك معايا تفكرني بيك بالرغم من اني بحب مي 

: نادر عارف انك لوحدك ولة كدبتي عليه هو كمان

:كدبت عليه

:صريحة قوي

: هو انت ظابط واكيد هتعرف الحقيقة استريحت امشي بقى 

: لا مش همشي اكيد ما اكلتيش حاجه النهاردة 

:وانت مالك 

: في واحدة تقول لجوزها كدة

: حمزة من فضلك امشي مش عايزة اشوفك تانى ويا ريت نسيب بعض فى هدوء لو لسة ليا معزة عندك 

: هو ده اخر كلام عندك

: اه ومش هغيره ابدا

: خلاص بكره نروح ننهي كل حاجه بس ممكن اطلب منك اخر طلب اعتبريه رجاء

: اتفضل

: تنامي في حضني النهاردة اعتبريه وداع 

: بس انام في حضنك مش هقدر

:ارجوك اخر حاجة افتكرها تصبرني على بعدك يمكن تغيري رأيك الصبح واوعدك مش هتجاوز حدودي 

: طلب غريب قوي وصعب عليا

: اتحمليني الكام ساعة اللي فاضلين

: حاضر بس الصبح ننزل على المأذون ننهي كل حاجه

: عايز  وعد منك على كام حاجه

: خير اتفضل 

: العلاج والجلسات 

:حاضر

:بعد ما ننفصل لو غيرتي رأيك وحبيتي ترجعي هكون اسعد انسان في الدنيا وهستناكي عمري كله يمكن فعلا انا استحق العقاب انا غلطت في حقك ومش عايز اضغط عليك

:مش عيزاك تضيع سنين عمرك مستني حاول تعيش حياتك 

: اوعديني يا سلمى لو غيرتي رأيك ما تتكسفيش ومش هتنزلي من نظري 

*صمتت ولم تجب

:اوعديني يا سلمى انت انسانة قد كلمتك 

*قالت بتردد : اوعدك 

:تعالي كلى انا جايب اكل عشان تاخدي العلاج ويمكن العيش والملح ده يجمعنا تاني

بقلمي سحر السحرتي 

*بعد الاكل اخذها بداخل حضنه لم يغمض لهم جفن لمدة طويلة

:حمزة انت مش هتنام هنصحى بدري 

: مش قادر اضيع اللحظة الجميلة دي بالنوم 

*بدات دموعه تتساقط رغما عنه 

:مش قادر اصدق ان دي اخر مرة هتدخلي حضني واخر مرة اشوفك عارف ومتاكد ان ماليش عين اقولك ارجعي في قرارك بس اللي اقدر اقولهولك اني لما وقعت في الغلط ما كانش له علاقة بانك مالية عنيا او لا زي ما نهى قالت دي وزة شيطان

.... زي ما في اغنياء بتسرق وهي عندها اللي مكفيها وزيادة بتبقى وزة شيطان وانا بني ادم متاكد اني غلطت وندمان 

:طب ننفصل واديني مساحتي افكر بحرية وانا وعدتك لو غيرت رأيي اكلمك بس ما تستناش كتير من حقك تعيش حياتك

:وانت هتقدري تعيشي حياتك من بعدي وترتبطي بحد تاني

: هتصدقني لو قلت لك ان رجالة العالم في كفة وانت في كفة وعمري ما هلاقي حد زيك بس مش قادرة انسى اللى شفته اصعب شئ على الست الخيانة والاصعب تشوف حبيبها في حضن واحدة تانية

*نزلت دموعها وهي بداخل حضنه وبعد مدة غفو هم الاتنين استيقظوا متاخرين ووجدت سلمى ان حمزة متمسك بها بقوة داخل حضنه  لكنها كانت متمسكة بقرارها 

*ذهب حمزة للمأذون كما وعد سلمى نزولا لرغبتها وتم الانفصال رغم دموعهم 

*خرج حمزة من عند المأذون واخرج من جيبه دبلة سلمى والمحبس 

: ممكن تاخدي دول ذكرى منى

:مش من حقي دلوقت يمكن يبقوا من نصيب واحده ثانية

:عمر ما حد هيلبس دبلتي غيرك وعمرى ما هقلع دبلتك

*وضعهم في يد سلمى وقبل رأسها وتركها وذهب

بقلمي سحر السحرتي 

*مرت عدة اشهر وانهت سلمى علاجها لم يحاول حمزة طوال هذه الفترة الاتصال بها لكن كان يطمئن عليها من مي التي بدورها كانت دائما تتعمد اخبارها 

*جاء يوم استلام نتيجة التحاليل ذهبت سلمي لاستلامها فلمحت حمزة ينتظر بعيدا عن المستشفي احست بفرحة داخلها وكأنها مراهقة لمحت حبيبها ينتظرها على باب المدرسة 

*عند المعمل استلمت النتيجة وكان نادر يقف معها ليقرئها  

الفصل العشرون الاخير

*خرجت من المستشفى حزينة تبكي ليراها حمزة ويسرع اليها وكله لهفة وخوف عليها 

: خير يا سلمى بتعيطي ليه طمنينى عليك

:انت لسه فاكر تسال عليا 

: انا ما سبتكيش يا سلمى ولا يوم وانا فاضي كنت بقف استناك تخلصي كل جلساتك كل شغلك كنت بطمن ان العميل كويس واسأل عنه وعن العمال وبرضة كنت بروح اشوفك مكان ما بتشتغلي بس ما قدرتش اخليك تشوفيني عشان كنت ملتزم بكلمة معاك ..... هاه طمنيني نتيجة التحاليل ايه

*كانت سلمى سعيدة بكلماته ارادت ان تعذبه قبل ان تنطق لكن خوفه عليها ولهفته اجبرتها ان تقول له الحقيقة

: الحمد لله خفيت

: الحمد لله امال كنت بتعيطي ليه

:من الفرحة والاخبار الحلوة اللى عرفتها

:طب  مفيش اخبار حلوة تانية

:مش فاهمة اخبار عن ايه

: ولا حاجه حمدالله على السلامة واسف اني كسرت كلمتي وشفتيني عارف انك مش طيقاني لسة عن اذنك

:انت مستعجل وراك شغل 

: لا ليه

: ممكن نقعد ونتكلم مع بعض شويه في مكان هادي 

: ياااه يا سلمى طبعا يلا بينا 

*ذهب بها الى مكان جميل يجمع بين النيل وحديقة ذات زهور رائعة لم تراه من قبل

: الله المكان ده حلو قوي 

: عجبك انا قلت بمناسبة الخبر الحلو انك خفيتي اعتبريه اني بحتفل بيك بحاجة بسيطة 

: اه عجبني قوي 

:كنت عيزاني في حاجه

*كانت ضرباته قلبه تدق بسرعة رهيبة في انتظار سماع الخبر الذي يشتاق اليه

بقلمي سحر السحرتي  

: كنت عايزه اشكرك على وقفتك جمبي انت لك الفضل في شفائي بعد ربنا وابيه نادر لاني كنت رافضة العلاج ولولا مساندتكم ما كنتش اتعالجت

*انقلب وجهه للحزن فقد خاب امله

:تشكريني بس

: اه انت تستحق اكتر من الشكر عامل ايه في حياتك

: عايش زي الميت

:ما جربتش تشوف مستقبلك وتدور على نصك التانى

:انا ضيعت نصي التاني

: هو انا ممكن اسالك سؤال شخصي

:مفيش بنا الكلام ده اتفضلي

: هو انت لسة ... لسة بتحبني 

*تهللت اساريره : انا ولا دقيقة بطلت احبك 

: فاكر اخر يوم قبل ما ننفصل حسيت بكلامك ومشاعرك وقد ايه انت ندمان ونويت ارجع 

: طب ليه بعدتيني عنك الفترة دي بما انك غيرتي قرارك 

: لاني قررت ارجع لو خفيت لو كانت نتيجة التحاليل قالت حاجة غير اني خفيت ما كنتش هرجع مش عيزاك تدبس مع واحدة مريضة ووجودك يكون شفقة 

: انت بتقولي ايه انا وجودي جمبك حياة بالنسبة لي

: لا انا كنت انانية لما وافقت من الاول على الخطوبة وانا مريضة بس كنت محتاجالك جمبي وجودك معايا هو اللي قواني اني استحمل العلاج ولما حصل موضوع الخيانة لقيتها فرصة احلك من ارتباطنا لان بدأ شعري يقع واعراض تانية ما حبتش تشوفني بالحالة دي

:تفتكري كان هيفرق معايا كل ده

: كان هيفرق معايا انا وكان عندي مشاعر مختلطة ان حبك شفقة وانك مدبس واني مش مالية عينك وساوس كثير

:ودلوقتي لسة عندك الوساوس دي

: لا سؤالك عني باستمرار ومي اللي متعمدة تبلغني و لهفتك على وانا خارجة من المستشفى بعيط وانت مستني نتيجة التحاليل يمكن اكثر مني كل ده اكدلي انك بتحبني مش بتشفق على

بقلمس سحر السحرتي

: ويا ترى اتاكدتي انك مالية عيني

:جدي كان حكالي انه مرة برضة عمل زيك وتيتة سامحته وان وزة الشيطان ما لهاش علاقة بالست فقررت اسامح انا كمان 

:يعني ممكن نرجع لبعض دلوقتى سامحتيني خلاص

: اه بس ليا كام طلب اتمنى توافق

:انت تؤمري يا حبيبتي

:ديكور الاوضة هغيره وكمان هعدل على البورتريه 

: لو عايزة الشقة كلها تتغير ابيعها ولا يهمك

: لا انا تعبت فيها ومش حابة ابعد عن مي وكمان ليا ذكريات حلوة في كل اوضة فيها (وغمزت له )

*ضحك حمزة :انت لسة فاكرة

:ذكرياتك الحلوة هي اللي خلتني اكمل العلاج ويبقى عندي اصرار اخف واحلى ذكري رحلة اسكندرية

: تؤمري بايه كمان

: نطلع العمرة اللي  انت قلت عليها وتوعدني هناك انك ما تكررش الغلطة دي تانى

:بس كده تحبي نطلع امتى

: بعد ما نرجع من عند المأذون 

:هتصل حالا على نادر يحصلنا 

: استنى  بس محدش يعرف اننا اطلقنا 

: نعم امال فسرتي بعدي عنك بأيه 

:قلت انك في مأمورية وهما كانوا بيشوفوا مي معايا وعارفين انك بتغيب في شغلك كتير

*امسك يدها وقبلها كثيرا: وحشتيني يا حبيبتي قوي قوي

: انت كمان وحشتني يا قمر الزمان 

: ياااه وحشتني قمر الزمان منك

: حمزة ارجوك ما تكررهاش المرة اللي فاتت كانت هتموتني المرة التانية اكيد هموت 

: بعد الشر عنك ان شاء الله انا لو فكرت اعملها تاني

:طب يلا على المأذون عشان تقدر تمسك ايدي براحتك وترجعني المكان ده تانى نكمل احتفال باني خفيت وبرجوعنا لبعض

: نشتري دبلة لك الاول

: ليه انا معايا الاولى اهيه لبساها وحاطة عليها خاتم عشان ما تبانش عمري ما كنت هبقى لحد غيرك

*امسك يدها وقبل كفها وذهب مسرعا الى اقرب مأذون واصبحت ملكه من جديد

*اقام لها احتفال بمناسبة شفائها دعا اليه اهلها واصدقائها 

*تحدثت امام الجميع : يا جماعة انا بشكر كل اهلي اللي وقفوا جمبي في مرضي نادر وجدو وبابا وبخص بالشكر زوجي الحبيب لانه دعمني وهو غايب اكثر من وهو موجود

*ليفاجأها حمزة بتحديد موعد الزفاف بعد اسبوعين 

*توافق وتحتضنه امام الجميع فصفقوا لهم وهنأوهم

*ارادت امها ان تكفر عن تقصيرها معها فاقامت معها هذه المدة قبل الفرح وكانت تعد معها هي واختيها كل ما يلزم للفرح بجانب اسراء ومي وخاصة مي التي كانت سعيدة بعودتها لحمزة حتى خالتها لم تتركها

*نفذ حازم نصيحة سلمى بان يرى الجوانب الجيدة في لبنى وبدأ معها صفحة جديدة وبالفعل وجد لدى لبنى الاستعداد للتغيير 

بقلمي سحر السحرتي

*حاولت نهى عدة مرات الوصول لحمزة لكن رغم محاولاتها الا انه سد عليها سبل العودة فاستسلمت في النهاية

*علم حازم بما فعلته نهى مع سلمى وحمزة فقام بضربها وتهديدها انه سوف يخبر والده والذي بدوره سوف يقوم بحبسها في  المنزل او تزويجها لاي شخص يتقدم لها اذا لم ترجع عن هذا الطريق مع حمزة او غيره 

*حاولت نهى الاعتذار لسلمى مرارا وتكرارا لكنها لم تسامحها اطلاقا 

*طلبت سلمى من حازم ان يمنع نهى من حضور زفافها فعلاقتهم تحسنت بعد ان اعتذر لها من قلبه هو ولبنى وشكروها على نصيحتها لهم

*تم الزفاف الذي جعله حمزة لسلمى كليلة من الف ليلة وليلة 

*اراد مفاجاه سلمى بيومين في الاسكندرية كرحلتهم سويا ولكن هذه المرة اخذ كل احبتها معهم كما كانت تتمنى 

*بعد اليومين اتجه لمطار الاسكندرية لتتسأل سلمى 

:هو احنا هنرجع القاهرة طيران ليه

: مين قالك اننا راجعين القاهرة 

*استغربت سلمى : امال رايحين فين

: هنعمل العمرة اللي وعدتك بيها فكراني نسيت 

*لتفرح سلمى بهذا الخبر

:مبسوطه

:دي كلمة قليلة على اللي انا حاسة بيه قد كدة بتحبني 

: انت حاسة بايه

:حاسة اني اغلى حاجة في حياتك 

: اغلى حاجة في عمري كله اللي عمري ما هفرط فيها ابدا ولا هغلط في حقها بحبك وبعشقك يا اجمل من رأت عيني

بقلمي سحر السحرتي 

*تصرخ سلمى باسم حمزة وهي تجري خلف طفلة ذات ٤ سنوات

:امسكها يا حمزة المجرمة دي هقطعها حتت

*امسكها حمزة وخبئها خلفه

:اهدي بس هي سلمى عملت ايه

 : عمايلها كلها مهببة وانت اللي مدلعها وبتطلع ماموريات وتسيبها قاعدة في وشي ترازي فيا دى لا يمكن تكون طفلة ابدا دي ضرتي

: ليه كدة يا سوسو عملتي ايه 

:ده اللي ربنا قدرك عليه ليه كدة يا سوسو 

:طب احكيلي عملت ايه 

: طلبت منى اغير لها ديكور الاوضة قلت ماشي قالت عايزة ترسم بورتريه معايا قلت ما يضرش اشجعها يمكن تطلع فنانة زي امها

:فين المشكلة

:غبت عنها ٥ دقايق بس ٥ دقايق مش اكثر  دخلت الحمام ما طولتش طلعت لقيتها عملت شنب لنادر ودخلت اوضة نومي من الباب السري  عملت لصورتك شنب برضة

*ضحك حمزة وهو يحتضن سلمى الصغيرة ويحملها على ذراعه

: يعني اللي مزعلك صورتي بقت بشنب اربيه

: والله وبالنسبة للطفل اللي عنده سنة ده يفضل بشنب 

:هي شيفانا رجالة والراجل لازم يبقى بشنب 

:بذمتك انت شفت قمر الزمان بشنب

:قولي بقى ان ده اللي مزعلك 

*قام باحتضانها وقبلها فلكمته سلمى الصغيرة في وجهه

:بوثة لي انا بث ثلمى الكبيرة لا عيب

:شفت ضرتي ام نص لسان

 *ضحك اكثر : يا سوسو ماما وحشاني بوثة واحدة 

: انت بتستأذنها 

: الادب حلو اصل طلعت اديها ثقيلة ولا ايدين المخبرين هههه

:تستاهل انت اللي بتدربها ملاكمة اشرب بقى

: طب جاهزة جدو مستنى سلمى على نار 

: جاهزة حتى جدو هتاخده مني تعالي يا شقية اغيرلك افرول الرسم وانت شيل نادر وانزل هنحصلك 

بقلمي سحر السحرتي

*كان شاكر يجمع احفاده واولادهم يوم بالشهر لكن سلمى الصغيرة تحتل مكانة كبيرة وحسن ايضا يحبها كثيرا

حمزة :يعنى مفيش شوية حب لنادر الصغير 

حسن : هاته دى حبيب جدو 

*همس حمزة في اذن سلمى خلاص وزعت العيال حصليني على فوق عندي كلمتين مهمين 

:طب يا جدو انا راجع من المأمورية تعبان هطلع انام ساعتين فوق احسن دوشة العيال هنا مش هعرف انام منها

*ابتسمت سلمى بخجل وفهم شاكر ما يريده حمزة

شاكر : اطلعي يا سلمى ريحي شوية انت كمان تعبتي في تجهيز الاكل مع الدادة وما تقلقيش على العيال معانا

*جذبها حمزة من يدها كأنهم مراهقين في بداية حبهم يخطفون الدقائق سويا بعيدا عن انظار الجميع

*داخل شقة حسن في منزل شاكر اغلق حمزة الباب وحمل سلمى بين ذراعيه

: وحشتيني قوي

: وانت يا قمر الزمان وحشتني قوي قوي

: تعالي عايز اقولك كلام كتير بقالي شهرين نفسي اقوله

: يا ريت تلحق قبل ضرتي ما تغلبك بالقاضية 

: عندك حق تعالي 

*وغابوا في عالمهم وقضوا اجمل ايام حياتهم في حب دائم بين الاخلاص والعشق والغفران