رواية من انا الفصل الخامس5 بقلم سحر حسين
وكانت المفاجأة أن لما وقفت قدام المرايا محدش ظهر كالعادة فضلت واقف زاي المجنون وعمال اتكلم وقوله أظهر بقي ايه روحت فين دلوقتي مش موجود .
وفجأة وانا بتكلم حسيت اني في حد تاني بيتكلم سامع صوت بس مش شايف حد
انا : ايه انت فين انا عايزك الكل ما بقاش موجود مفيش غيرك
الشرير : وانت عايز مني ايه دلوقتي ما انا قولتلك تعمل معاها ايه وكانت هتبقي زاي الخاتم في صباعك
انا : بعصبية ؛ مقدرتش اعمل معاها حاجه مش عايز اضرها
الشرير : هااااااا وعايزني اعمل ايه دلوقتي
انا : كل الحكايه اني كنت عايزه تكون معايا زاي اي حد طبيعي
الشرير : قولتلك انت مش زاي حد افهم بقي .
انا : بغضب شديد ؛ ليه ...ليه مكنش زاي اي حد هنا
الشرير : بزعيق ؛ وانت جاي دلوقتي تقولي ليه
انا : يعني ايه
الشرير : يعني كنت قولت كده من الاول قبل ما تقتل الطيب
انا : يعني انا كده مش من حقي اعيش طبيعي زاي اي حد
الشرير : لا مش من حقك انت دلوقتي بتاعي انا يعني تعمل اللي انا اقوله وبس
انا : انا مش عايز حاجه غير اني احب وتحب وبس
الشرير : بغضب : انت مش من حقك تحب اصلا ولا حتي تتحب انت فاهم
انا : بغضب ؛ لا انا زهقت وخلاص تعبت وعايز ارجع زاي الاول
الشرير. : ده كان زمان إنما دلوقتي لا .
انا : عادي سهله هتخلص منك انت كمان زاي ما اتخلصت من الطيب .
الشرير : ضحكه شريره ؛
مش بساهل كده انت لو فكرت تخلص مني يبقي بتخلص من نفسك
انا : يعني ايه !
الشرير. : يبقي هتقدي علي نفسك يعني لزم تموت انت كمان
انا : يعني مش هعرف اعيش
الشرير : هتعيش ازاي بقي كان فاضل انا بس
انا : يبقي اموت احسن
الشرير : ايه بصدمة ! طيب بس انا انا هعملك كل حاجه
انا : وخلاص مش عايز حاجه من الدنيا اكتر من كده
الشرير. : بخوف ؛ طيب انت في حاجات كتيره لسه معشتهاش ي الدنيا
انا : هعيش ايه ومع مين
الشرير : في متع كتير انت معشتهاش
انا : وعمل ايه بمتع لدنيا وانا فيها لوحدي
الشرير : وانت يهمك الناس في ايه
انا : ده بيقولك أن الجنه من غير ناس ما تنداس
الشرير : طيب اهدي بس وانا هخليك تعيش في جنه علي الارض
انا : بغضب انا مش عايز منك اي حاجه انا عايز ارجع انسان تاني
الشرير : مش هتعرف تعيش كده دلوقتي
انا : يبقي خلاص مش مهم اعيش خالص افهم بقي
الشرير : افهم انت بقي انا هخليك تحب واحده تانيه واحسن من سما بتاعتك دي
انا : انا مش عايز حاجه ولا حتي عايز احب خلاص انا كرهت الدنيا ومش عايزها
الشرير. : اسمعني بس
انا : مش عايز اسمع حاجه ....
انا خسرت كل حاجه وخسرت الناس وخسرت نفسي هستني ليه وعشان مين وعشان ايه خلاص مبقاش في حد في حياتي
حياتي كلها مفيهاش حد هعيش ليه ........
كفايه ........