رواية ارواح معكوسه الفصل الثالث3 بقلم منه محمد
حدث نفس الشئ مع "نهى" عندما ادركت انها في جسم "ليلى " : حلم اكيد ده حلم ما هو مش منطقي انام عادي اصحى الاقي نفسي ف بيت ليلى
خرجت من المرحاض و صرخت بفزع : انت مين يا ستي انت !؟
كانت تلك الخادمه و واضح من شكلها انها اجنبيه : سوري مدام ليلى
نهى : مدام لا يا ختي انا مش مدام انا انسه ، و انت مين يا شاطره
تحدثت ببعض الكلمات العربيه التي تعرفها : مدام ماي نيم كرسيتن لحهتي تنسيني
نهى : كارستينا ، معلش يا ختي العتب ع النظر ، الا بقولك يا كارستينا ، هو ايه اللي حصل
حكت لها ما حدث بالامس من انها ذهبت المستشفي بعد حادث المصعد
نهى : امممم اكونش ف غيبوبه و بحلم اني خدت مكان ليلى ، طب و الله دي حاجه حلوه
تحدث كرستين التي تنظر لها بتعجب : مدام انا موش فاهم منك اي هاجه
نهى : يخربيتك عسلك عامله شبه العيال اللي بتتعلم كلام جديد
كرستين : تهبي اجيبلك الفطار
نهى: اه ياريت انا جعانه اوي ، روحي عقبال ما اخدلي شاور كده و افوق
اذعنت للامر و ذهبت
بعد ان انهت "نهى" حمامها ، خرجت و هي سعيده : الله الواحد بقاله زمان متدلعش كده
طرقت "كرستين" الباب فاذنت لها بدخول ، كانت تحمل صينيه كبيره و عليها غطاء كبير وضعتها امامها : اتفضلي
كانت الاخري تنظر بحماس : يا حلاوه يا ولاد هي فيها ديك رومي دي و لا ايه بمجرد فتحها تغيرت ملامحها لملامح الصدمه : ايه ده !!
كرستين : الفطار
نهى : ده عبله زبادي و طبق سلطه ، و ايه كم الخس ده هو انا ارنب
كرستين : مدام انت بتفتطري كده كل يوم اشان الدايت
نهى : دايت !! منك لله يا ليلى ، طب مفيش توست و جنبه و مربي و الحاجات دي
كرستين : لا انت بتهبي تفطري كده __________________________________________________________________________________
اخذت الغرفه ذهابا و ايابا تفكر فيما حدث لها : يعني انا دلوقتي بقيت نهى ازاي ، مفيش حل غير اني انزل الشركه و افهم ايه اللي حصل
قامت بفتح الدولاب فصدمت : ايه ده كل هدومها سوده !!
خرجت من غرفتها لتناول الافطار
فتحيه : صباح الخير يا نهى عامله ايه انهارده
كانت علي وشك التحدث لكنها صمتت قليلا و تذكرت انها يجب ان تتعامل علي انها "نهى" : اااانا كويسه يا مامي ااا ماما
فتحيه : طب اقعدي افطري
ليلى : حاضر
جلست و نظرت إلي الاكل الذي علي الطاوله كان الافطار الشعبي التقليدي الفول و الفلافل و الباذنجان
كانت تريد ان تأكل لكنها تقوم بحميه نظرت "فتحيه" بقلق : مالك يا بت بتصلي للاكل كده من غير ماتكلي
ليلى : هو مفيش سلطه
فتحيه : سلطه !!
ليلى : اه اصلي عامله دايت اصدقي بدأت اعمل دايت
فتحيه : و ده من امتي ياختي ده انت كنتي بتفترسي الاكل اللي ع الطرابيزه ، و لا بيبان عليكي
ليلى : لا اصل انا قررت اخلي اكلي كله يبقي هيلثي اصدقي صحى
ذمت شفتيها : انت شكله الحادثه اصرت عليكي
ليلى : ايوه ايه بقى اللي حصل بعدها
فتحيه : اغمي عليكي و دانكي المستشفي و دلوقتي انت كويسه اهو الحمد لله
ليلى : طيب اوكيه انا هاقوم البس بقى عشان متأخرش ع الشغل
فتحيه : شغل شغل ايه ريحي كام يوم انت لسه تعبانه
ليلى : لا انا حاسه انى هابقى كويسه يا مامي لو روحت الشغل
فتحيه : مامي !!
_____________________________________________________________________________________
وصلت إلي المكتب و هي تعرج فا هى لا تستطيع المشي بذلك الكعب العالي : اي يا رجلي بيلبسوه ازاي البتاع ده
لبنى : حمد على السلامه يا انسه ليلى نورتي الشركه كلها
نهى : شكرا يا لبنى
لبنى : بس مش احسن كنتي ترتاحي ف البيت
نهى : لا انا كويسه يا لبنى متقلقيش ، ممكن تعمليلي القهوه
لبنى : تحت امر حضرتك
ذهبت لبنى ، بينما جلست "نهى" علي الكرسى : اه ياني يخريت الهدوم المحزقه اللي بتلبسيها دي ياليلى مستحملها ازاي ، استغلت ان لا احد ف المكتب و قامت بخلع الحذاء ، ثم استرخت قليلا لكنها لم ترتاح فقد دخلت عليها زوبعه فجاه
اقتحمت "ليلى" المكتب بغضب : انت يا حراميه يالي سرقتي حياتي
انتفضت من مكانها : ف ايه يا ست انت ايه الداخله دي مش تخبطي الاول
ليلى : و الله استئذن عشان ادخل مكتبي
نهى : مكتب ليلى
ليلى : و انا ابقى ايه؟
نهى : انت انا و انا انت
ليلى : ايوه ازاي بقى عايزه افهم ازاي اتبدلنا فى يوم و ليلة
نهى : معرفش هو ده اللي حصل ، ممكن نكون في غيبوبه و مفوقناش من ساعه ما اغمي علينا احنا الاتنين ف الاسانسير
ليلى : و احنا الاتنين بنحلم نفس الحلم طبعا لا
نهى : يعني مستغربه دي و مش مستغربه اللي بيقنا فيه دلوقتي
ليلى : انا عارفه ايه السبب انت عملتيلي تخاطر عشان تنتقمي مني
نهى : و انت بينك و بيني عشان انتقم منك انا لسه عارفاكي امبارح اصلا
ليلى : ما هو محدش يتكلم بالثقه اللي اتكلمتي بيها امبارح الا لو كانت ناويه علي مصيبه
تحدثت بسخريه : اه و انا اللي وقفت الأسانسير و كنت هاموتنا عشان انتقم منك
اخذت نفسها و هدأت قليلا : اني وي دلوقتي احنا عملنا حادثه و اغمي علينا و صحينا لقينا نفسنا اتبدلنا و لازم نشوف حل ف المصيبه دي
نهى : نشوف طبعا و ماله بس بعد الشغل
نظرت "ليلى" لهيئه "نهى" : ايه المنظر ده اللي انت لابساها و اكملت بصدمه و هي تضع يدها علي فمها : و كمان قاعده ف المكتب حافيه او ماي جاد
نهى : حيلك حيلك كده اكيد مش جايه حافيه انا بس قلعته لما جيت مش عارفه بتستحمولها ازاي ، و بعدين انت عماله تتريقي عليا و ايه اللي انت عمالها فيه اصلا ايه لفه الهدايه اللي انت لافها للطرحه دي (ايوه نهى محجبه )
ليلى : منا مبعرفش الف الطرحه و ملقتش غير كده عشان الطرحه متقوعش
نهى : اوعى كده
بدأت بتعديل شكل الحجاب لها : في اختراع يا حبيبتي اسمه بندانه ابقي البسيها تحت الطرحه عشان متتزحلقش منك تاني
ليلى : المهم بعد ما الشغل يخلص هانروح عند دكتور انا اعرفه هانروحله و نعرف حالتنا، و اشارت باصبعها بتهديد : و لو طلعتي عملالي تخاطر هتندمي